طفل جزائري يبكي ويطلب الزواج من نجوى كرم

[صلوا على النبي]

السّلام عليكم اخوتي واخواتي
ملي جيت وانا نقول لازم ندير موضوع لازم
ملقيت ماندير هدرتو في كل شي ماخليتو حاجة سيرتو وحد العضوة ربي يخليهالنا سكنت هنا هههه (متزعفيش نقصر مع اختي برك)
اليوم جيت نهدر على وحد الطفل اسمو انور وهو جزائري طفل صغير لا اعلم كم يبلغ من العمر ولكن صغير ربما 6 او7 سنوات يبكي بشكل هستيري لان الفنانة نجوى كرم لم ترد على رسالته
واضف الطفل في مقطع فيديو انه يموت على نجوى كرم وحاب يتزوج بها :love01: مليح يعني طفل 6 سنين ولا معلباليش يحوس يتزوج مع نجوى كرم وزادا عجبني كي زعف قالهم عندها بزاف معجبيين :smile02: زعما يغير ولا مفهمتش مبعد سقسا تو هديك المراة وقاتلو شكون الشابة يماك ولا نجوى قالها نجوى (لوكان جا وليدي تشوفو ) صار نجوى شابة على يماه ديك الهدرة كيفاش دايرة
المهم بدورها نجوى كرم ارسلت له فيديو وقاتلو حرقتلي قلبي ياه ومانيش حابة نزيد نشوفك تبكي
والله مفهمتش واش جاب طفل صغير يحب نجوى ويحوس يتزوج بها وين راهي الطفولة ماتت قتلوها ولا لعبو بها وهدا الطفل لوكان جاو قايمين به مايعرف لا نجوى لا ختها
تسما هدا كي يوصل 20 مانهدروش خير .. يدورها كاش وحدة من روسيا هه
حتى اللولاد الصغار يحوسو يتزوجو من هيه مكاش كامل لي يقول بنت بلادي شابة (طلعولنا المورال ياو)
اليكم الخط معلباليش واش كتبت
راني كي كتبت موضوع راهو انجاز وراني ميتة بالفرحة كي جبتلكم موضوع

ماتحشمـــــونيش
دمتم في امان الله

 

[لؤلؤة قسنطينة]

رد: طفل جزائري يبكي ويطلب الزواج من نجوى كرم

السّلام عليكم
تم الاعتماد غاليتي
ولكن تم حذف الفيديو لأنو ممنوع نشر صور او فيديوات تخص الفنانين
لي عودة بإذن الله ​

 

[صلوا على النبي]

رد: طفل جزائري يبكي ويطلب الزواج من نجوى كرم

شكرا على الاعتماد

 

["viola"]

رد: طفل جزائري يبكي ويطلب الزواج من نجوى كرم

خخخخخخ شفتو هذاك المخنان ثان و يهدر على الزواج احاي احاي ...

انا راه قريب عندي عشرين كي يقولولي نزوجوك نقولهم حاشا خخخ

وحد الطفلة ثان حطوها فالفيسبوك تبكي و تندب قاتلهم زوجوني :down: كي يقولولها القراية تبلع خخخخ

وش نقوللك ختي بالاك البراءة برك ههههه

مرسي على الموضوع ..و بالتوفيق و ان شاء الله نقراولك مواضيع اخرى​

 

[مريم.]

رد: طفل جزائري يبكي ويطلب الزواج من نجوى كرم

هدا الطفل خاصه الضرب

 

[صلوا على النبي]

رد: طفل جزائري يبكي ويطلب الزواج من نجوى كرم

خخخخخخ شفتو هذاك المخنان ثان و يهدر على الزواج احاي احاي ...

انا راه قريب عندي عشرين كي يقولولي نزوجوك نقولهم حاشا خخخ

وحد الطفلة ثان حطوها فالفيسبوك تبكي و تندب قاتلهم زوجوني :down: كي يقولولها القراية تبلع خخخخ

وش نقوللك ختي بالاك البراءة برك ههههه

مرسي على الموضوع ..و بالتوفيق و ان شاء الله نقراولك مواضيع اخرى​

الحمد الله عشت وشفت هدي اللحظة
هديك الطفلة ثاني شفتها لغدوة ندير عليها موضوع واقيلا ههههه
لالا لعقوبة ليك نجي لعرسك ونجيبلك كادو شباب بلا عرضة
بصح بيناتنا حنا البراءة تاعنا كانت بالغمايضة والجري والتراب ماشي بالزواج هدا قالهم ارقدو
ربي يجيبها فالصواب برك. كي شغل خليتيلي الموضوع ليا حسيتي بلي ختك مشومرا
شكرا على الرد اختي

 

[صلوا على النبي]

رد: طفل جزائري يبكي ويطلب الزواج من نجوى كرم

هدا الطفل خاصه الضرب

رد صغير لكن اعجبني

شكرا اختي مريومة
بصح لازم نادبوه شوية ماشي نضربوه هكاك يزيد يبكي ويقولهم زوجوهالي بالسيف

 

[Hakan]

رد: طفل جزائري يبكي ويطلب الزواج من نجوى كرم

انا اضن والله اعلم انو والدته اخطات في اختيارها لنوعية الليكوش التي تناسب ابنهاا
فكانت تستعمل ليكوش بيمبيز في حين ان ليكووش مولفيكس تلائمه وكثيراا
وفي الاخير نجوى خاطيتنا كي نشوفها نصيب نتقاياا والطفل هذا لوكان جا قدامي نبعثلو خويا رحيم الصغير
يعلمو الهدرة مليح سلاام.​

 

[الزهرة الحمراء]

رد: طفل جزائري يبكي ويطلب الزواج من نجوى كرم

السلام عليكم اختي
يعطيك الصحة على موضوعك الباهي
والله الجيل تع الوقت هدا يبيعك ويشريك
حنا نقولوا م
عندو 6سنين مايعرفش والله يعرف العجب المعجب يعرف واش مانعرفش انا وانت
ناض قالك نزوج راهو حاط الزواج واقيلا ساهل ارواح وازوج وزيد شكون نجوى كرم يعطيه النوى
وزيد ماشي غير الدراري نشفالها شفت فيديو تع طفلة تاني صغيرة خلاه تقولهم حابة نزوج وزوحوني بتوفيق ادا ماغلطتش فالاسم يقولولها راكي صغيرة اقراي تقولهم لالا نزوج
انا هكا دارنا يجبدوا على الزواج نحشم هههه
ربي يهدينا ويصلح احوالنا ويحفظنا من واش راهو جاي
دمتي في رعاية الله وحفظه​

 

[لؤلؤة قسنطينة]

رد: طفل جزائري يبكي ويطلب الزواج من نجوى كرم

السّلام عليكم ها قد عدت غاليتي
وشكون هادي لي تهدري عليها وسكنت هنا ههههه ياك ماش انا؟ اذا انا من بعد نتفاهمو هههه
بصراحة انا ماشفتش الفيديو هادا وكن جيت انا مصورة الفيديو تعرفي واش ندير
نقولهم نعتولي يماه, نعطيها زوج كفوف طير في السما
واشوا التمسخير هادا؟ طفل يبكي على نجوى كرم وطفل يبكي على ميسي
علاه ماقالوش طفل يبكي شوقاً لرؤية الرسول صلى الله عليه وسلّم
علاه ماقالوش طفل يبكي شوقاً للقاء الله تعالى
ولا خلاص ولادنا يعرفو الفنانين برك والمشاهير
اصلا هادا بعد اسمو برك مايعرفش يكتبو وجاي يحكي على الزواج؟
انا كي نسمع على الزواج تحكمني الفشلة ونحس روحي فاشلة كزوجة وام
وهادا 7 ولا 6 سنين حاب يتزوج؟
بصح مانغلطوش هو نغلط يماه لعزيزة لي عطاتلو ليكوش غالطين ههههه كيما قالها خويا حكيم
انا شفت طفل في رمضان جزائري من بسكرة الله اعلم عمرو 9 سنوات لا ماكدبتش
حافظ 60 حزب وشارك في السعودية كاصغر حافظ للقرآن وفاز هو بالجائزة
درك هادا ماش مفخرة؟ وجايبلي طفل يبكي على نجوى كرم
اقعدو تبكيو على نجوى كرم حتى يخرجو ولادكم كتر من نجوى كرم
اصلا بالاك الطفل الصغير هادا راهو دار حاجة حشمو يديروها لكبار
كاش نهار تلقاي راجل بولادو يبكي على نجوى كرم وعلى هيفاء وهبي هههه
وهادي كإضافة مرة حنا في الحافلة تاع الجامعة وراكب معانا واحد من العمال يعني جا معانا
وهاد الشخص عمرو يتجاوز ال 40 يكون بين 40 و 45
وهو قاعد وحاط السماعات في ودنيه وفجأة تحرك ويطيحلو البورتابل في الأرض وفي بلاصة ضيقة
وطارو السماعات هادوك وتنطلق الأأغاني الشرقية الله يبارك
مرأة تغني ماعلاباليش شكون والكلام هاداك الباهي والنظيف
وهو ماقدرش يجبد البورتابل جاه في بلاصة ضيقة والغنا يقوى وهو ولا يحمار ويصفار
يعني هادا كبير وراجل ويسمع في هاد التفاهات مالا واش تتوقعي من طفل صغير

ربي يهدينا برك هادا مانقولو
تحياتي غاليتي
​

 

[سكون الفجر]

رد: طفل جزائري يبكي ويطلب الزواج من نجوى كرم

أختي مريم والله كلامك وكلام حكيم ولؤلؤة والزهرة الحمراء على راسي
بارك الله فيكِ أختي على الموضوع
الذي شدني عنوانه وأضغبني من حال أطفال امتي
فتارة يبكي أحدهم على تلكزالساقطة وتارة على لاعب كرة واخرى على مغني او ممثل ( قبيح)!!!!!!
أين التربية؟ أم أن الوالدين ظنا بأن للتربية نقود وطعام وثياب جميلة!!؟؟؟؟؟؟؟

الله يسامحها أمه لو أنه ربته على أخلاق الصحابة لما حدث كل هذا
يا أختي أخي عمره 11 سنة والله وبالله أجد عقله عقل شاب في ال25 من عمره
ما شاء الله لا قوة الا بالله، أراقبه وهو يتابع مقاطع الفديو وأحمد الله دائماً
لأني والله لم أره قط يتابع لاعب كرة قدم ولا مغني بل دائما يحب سماع قصص الانبياء والصحابة
ودائماً يذهب الى المسجد ليستمع الى الدروس التي يعطيهم ايها ذاك الشيخ الفاضل

على الرغم من أنه في بلاد الضياع وبلاد الشهوات الميسرة بشكل فظيع!!!!
فسبحان الله الهادي
يا أختي حين يرى ذلك الولد امه او اخته عاكفون على الاغاني والمسلسلات
وحب وتمجيد المغنيين والممثلين لن يتوقف الامر على هذا وحسب بل ثقي بأنه سيصبح اكثر من ذلك
فكل الفجار والساقطين الذين نعرفهم بدأؤ هكذا وانظري الى شرهم الآن

لن أقول بأن الولد يحتاج للضرب بل والداه ومن صوره هذا الفيديو !!!!!!!
لماذا يسمح لولد مثله بالنحيب والبكاء بهذه الطريقة وعلى من؟؟؟؟ مجرد ساقطة؟!
أستغفر الله وأتوب اليه، الى أين نحن ذاهبون!!! والله واقع مبكي ويجعل المرء يموت بحسرته

يارب ردنا اليك رداً جميلا،
حالنا أصبح يرثى له، ما الذي دمر بلادنا غير المعاصي؟
ما الذي حطم أخلاقنا وجعل اراذل القم ساداتنا غير تلك المعاصي؟
ترى الشاب او الفتاة وقد اصبح هم كل منهما هو أن يصبح ممثلاً مشهوراً
او مغنياً ترقص على انغام صوته كل ساقطة وسافلة!!!!!!!!

رحماك الهي ، والله حال هذا الولد مبكية صدقيني لانه بدأ يذهب الى الهاوبة
بمباركة والديه!! نسأل الله الهداية له ولأهله ولكل مسلم

أعذريني أخيتي ان خرجت عن الموضوع قليلاً
ولكن حاله أغضبني فهذا حال معظم المسلمين، نسأل الله الهداية
جزاكِ الله عنا كل خير أختي الغالية
دمتِ بحفظ الله​

 

[ضآحكة مستبشرة]

رد: طفل جزائري يبكي ويطلب الزواج من نجوى كرم

مسكين مزالوا صغير مفاهم فالدنيا والوا
خاطرش لوكان يعرف بلي واش تسوى كي يكبر يندم عليها بيناتنا

 

[بنت الـ25]

رد: طفل جزائري يبكي ويطلب الزواج من نجوى كرم

السلام عليكم
ايه والله جبتيها اختي
انا شفتو هاد الفيديو
يبكي ويقول حاب نزوز بيها ويبكي
ويقول لماماه بعتلها ميساج وماردتش عليا واااااااااااااااااااع واااااااااااع يبكي بحرقة
مي كيما قالو الأعضاء ما نغلطوهش هو مزال بريء وحليب ماماه بين سنيه
الغلطة تع والديه وزيد فرحانين بيه ويصورو فيه ويحطوه فاليوتيوب ماينة
ما تلقايش وش تعلقي خاطر الانحطاط اللي وصلنا ليه ما شكيتش رايحة عقليتنا تزيد تنحط كتر من هكا؟
الفجور اللي فالمجتمع والبعد على الدين واتباع الكفار هو لي وصلنا لهاد الشي
والله واقع مرير جداااااااااااااااااااااااااااااااااااااااااااااا

 

[adel._dz]

رد: طفل جزائري يبكي ويطلب الزواج من نجوى كرم

هههههه
أعجبني هذا الطفيل كون.جاء قدامي ناكلو بالبوس هههههههه
لماذا نغنالون البراءة
استرخو شوي كاين أمور لازم تضحكو شوي وتفوتوها
اذا فهمنا حاجة أنو البزيوش هذا رومنسي ههههههههه
عندو مستقبل زاهر

 

[لؤلؤة قسنطينة]

رد: طفل جزائري يبكي ويطلب الزواج من نجوى كرم

هههههه
أعجبني هذا الطفيل كون.جاء قدامي ناكلو بالبوس هههههههه
لماذا نغنالون البراءة
استرخو شوي كاين أمور لازم تضحكو شوي وتفوتوها
اذا فهمنا حاجة أنو البزيوش هذا رومنسي ههههههههه
عندو مستقبل زاهر

واينة رومانسية خويا وواينة مستقبل زاهر
الطفل هادا 6 سنين يبكي على فنانة وكي يكبر علاواه يولي يبكي مثلا؟
الرومانسية ماش غنا شرقي وكلام فاسق
الرومانسية قادرة تكون في ابسط الاشياء
قادرة حتى تكون لقمة يحطها باباك في فم يماك ولا لازمنا الغنا والشطيح والكلام الخاطي الطريق باه نوليو رومانسيين
ربما هادا طفل صغير ونضحكو عليه ونقولو مازالو صغير
بصح الصغير راهو كي الاسفنجة تعمرلو مخو كامل وم نبعد يخرجلك واش عمرتلو
مالا مانتخلعوش كي نشوفو شباب ماشطين شعورهم كي النسا
ويلبسو الوردي ويدير الفلايك في ودنيهم
خاطر هادي ناتجة عن التربية في الصغر
يعني هادي كملاحظة فقط واعتذر على التدخل​

 

[adel._dz]

رد: طفل جزائري يبكي ويطلب الزواج من نجوى كرم

واينة رومانسية خويا وواينة مستقبل زاهر
الطفل هادا 6 سنين يبكي على فنانة وكي يكبر علاواه يولي يبكي مثلا؟
الرومانسية ماش غنا شرقي وكلام فاسق
الرومانسية قادرة تكون في ابسط الاشياء
قادرة حتى تكون لقمة يحطها باباك في فم يماك ولا لازمنا الغنا والشطيح والكلام الخاطي الطريق باه نوليو رومانسيين
ربما هادا طفل صغير ونضحكو عليه ونقولو مازالو صغير
بصح الصغير راهو كي الاسفنجة تعمرلو مخو كامل وم نبعد يخرجلك واش عمرتلو
مالا مانتخلعوش كي نشوفو شباب ماشطين شعورهم كي النسا
ويلبسو الوردي ويدير الفلايك في ودنيهم
خاطر هادي ناتجة عن التربية في الصغر
يعني هادي كملاحظة فقط واعتذر على التدخل​

نورمال اني نامن بالمقراطية
ما فهمتيش قصدي
كون تسقسيه وش معنى الزواج اجابتو راح تضحكك أكثر هههههه
يعني براءة صافية برك راكي فاهمة ؟؟؟
لو كان جاء في عمري مثلا
راهو قالك واش ندير بوحدة ......!!
نتمنى الفكرة تكون وصلت

 

[Salam Fleur]

رد: طفل جزائري يبكي ويطلب الزواج من نجوى كرم

انا شفت الفيديو هذا بيه بتاع الطفلة لي حكات عليها هيبارا ههه


نندب عليهم بالشلاطط ......... واش من جيل راه جاي ..........

هاذوا والديهم وين راهم ... يعني مافهمتش .. ولد و طيش لبرا ... هاذي بكري ..... دركة حاطوا في الدار و ياربي .............

هذا نجوى كرم واحدة القراية ماتحبهاش و حابة تزوج تاني .... واحد قالهم قولوا لانجلينا جولي تديني خخخخخخخخخخخخخخ ........... و الله هذاك اليوتوب كي نولي نتفرج فيه نحس روحي من عصور ما قبل التاريخ من عقلية الناس هاذوك

و الله ربي يستر برك

شكرا على الموضوع ....راكي في الطريق الصحيحة ... احسنت واصلي ...ههههههه .... هاذي تاع معلمتي تاع الابتدائي .........:d:d:p:p​

 

[بنقابي افتخر]

رد: طفل جزائري يبكي ويطلب الزواج من نجوى كرم

هههه هذا الطفل خاصو المطرق. وو نتاع البيسبول ههههه
واما امو خلوهالي انا الياما نتفتلهاش شعرها
مانتسماش ....
علاواه راه تربي . ياخي حاله ياخي

 

[ام أمينة]

رد: طفل جزائري يبكي ويطلب الزواج من نجوى كرم

السلام عليكم

و الله تحير فالجيل تع درك
يهدرو هدرة كبيرة عليهم و يديرو اشياء انت تحير فيها

بالنسبة لهاد الطفل كيما قال احد الاعضاء خاصاتو طريحة يعرف فيها المعنى الحقيقي للزواج

مشكورة على الموضوع تحياتي
​

 

[مريم.]

رد: طفل جزائري يبكي ويطلب الزواج من نجوى كرم

عندك الحق اختي ام امينة