الاقامة و ارواح التشوف

[راجية العفو]

رد: الاقامة و ارواح التشوف

السلام عليكم ورحمة الله وبركاته
انا اول ليلة قعدت فوق السرير وقلت للبنت الي معايا غدوة نروح راهو عندي شهر ما روحتش
من طول اليوم هذاك وكنا نحسبو ليام الاولى بسنين
وكنت كي نشوف وحدة تضحك في لاسيتي نكرها ونقول في قلبي كيفاه قادرة تضحك وهي هنا
وحتى لبنات الي طحت معاهم كانو يبانو ملاح ومن بعد ظهرت فيهم عيوب كبيرة كي شافوني عاقلة دارو عليا حتى السرقة سرقوني بصح كي وريتلهم الوجه الثاني بداو يخافو مني ننصحك كوني ناس ملاح وما تأذيش و ما تكونيش ضعيفة وما تخليش حقك اديه بيدك خاصة الايام الاولى وما تخلي حتى وحد يتجاوز حدودو معاك في اي شيء حطي كل واحد في بلاصتو
وما تحكميش على البنات من اراء الاخرين خلي عندك راي تكونيه من المعاملة واحذري من الي يزينولك الحب لانو التنازل يبدا بخطوة ابقى طاهرة كيما انت كوني عملة نادرة ومكتوبك يجيك صافي كيما انت ان شاء الله
انتبهي قريتك وما تتغيبيش ياسر لخاطر الغياب يبعدك عن جو لقرايا
انا من بعد الحمد لله لمينا روحنا مجموعة نتاع بنات نصلو ومنصاحبوش لشباب وعشنا احلى ايام رغم الخلافات بصح مكانش مصائب جاتنا الحمد لله وكانت عندنا ذكريات ملاح وتبقاي تتفكريها وتضحك
ربي يسترك ووفقك

 

[Naz iha]

رد: الاقامة و ارواح التشوف

السلام عليكم ،
فتحتي موضووع عمره مراح يتغلق ابدا
واش نحكي ، واش نخلي.
منعيا نهدر منكملش ، اصلا قلبي وجعني

كلشي قالوهلك و خلاو والو
و نزيد نقوولك هادي لبديا و مزال مزال ههههههه

بصح بنت الاصل تبقى هي هي
الي شايفة و عايشة في دارهم ، عمرها متتخلع في صوالح كيما هدووك

+ مديريش الثقة في اي احدا ، ابقاي وحدك احسن من المشاكل
و صداع الراس


بالتوفيق. ربي معاك

 

[adel._dz]

رد: الاقامة و ارواح التشوف

يا بنتي شوفي
كان معانا آجون خدم في اقامة نتاع بنات ومن بعد جابوه
ساعات يقصر معانا
قالي الخدمة معاكم رحمة
على الأقل بيناتنا مشكل نتعاركو طيحو الهدرة تزرقولي عيني ومن بعد نتلاقو نشربو قهوة

قالي في الاقامة نتاع البنات
يا يحطمولك بيتك
يايباصوك
يا يجنوك ويدخلوك في طريق كنا حاطين رواحنا كبرنا عليها.
........
شوفي الحياة الجماعية صعبيبة بصح تتعلمي منها حوايج ياسر اذا منعتي منها
نصيحة واحدة كوني ذيبة
كاين الفاسدات يحبو يفسدوك
كاين الجايحات يحبو يكركروك معاهم للجياحة
وكاين وكاين
كوني ذيبة تمنعي ^_^
عبالي نصيحة غريبة بصح نحكيلك عن تجربة -_^

 

[السوفي]

رد: الاقامة و ارواح التشوف

السلام عليكم ورحمة الله وبركاته

احي الاخت صاحبة الموضوع واقول لكِ (( ومن يتقي الله يجعل له مخرج ويرزقه من حيث لا يحتسب ))

سارد على ما جاء في الموضوع ان شاء الله بكل موضوعية دون خلفيات اخرى وابداء كما بداءتي سرد الموضوع
(( التمرميدة )) حين نقول يا بنات المسلمين عليكم بيتكم تقولون نطلب العلم وطلبه فريضة وحق للمسلمات ان يتعلمن وها هي طالبة علم تقول (( والتمرميدة الي كنت مستعدة ليها مي متوقعتش تكون هكا )) فلماذا اذن تكابرن وتقلن اننا نطلب العلم ....؟؟؟
الاقامات الجامعية بنيت من اجلكن وانتن من يسكنها فلما حولتهن خرابا اهكذا علما العلم المتعلمات والمثقفات وهذه نتائج طلب العلم ...؟؟؟

واخيرا اختي المسلم تمعني هذا الحديث وحثي الخُطا الى ربك عز وجل
روى أحمد (6/173) ، وأبو داود (4010) والتِّرمِذي (2803) عن عائشة رضي الله عنها أَنَّ نِسْوَةً مِنْ أَهَلْ حِمْصَ اسْتَأْذَنَّ عَلَيها ، فَقَالَتْ : لَعَلَّكُنَّ مِنْ اللَّوَاتِي يَدْخُلْنَ الْحَمَّامَاتِ ؟! سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ أَيُّمَا امْرَأَةٍ وَضَعَتْ ثِيَابَهَا فِي غَيْرِ بَيْتِ زَوْجِهَا فَقَدْ هَتَكَتْ سِتْرَ مَا بَيْنَهَا وَبَيْنَ اللَّهِ ) صححه الألباني في صحيح سنن ابن ماجه

الله يهدينا ويصلحنا يا رب

اسف على الازعاج
والسلام عليكم

 

[حكاية قمر]

رد: الاقامة و ارواح التشوف

االسلام عليكم
لوكان نفرغلك قلبي ع اقامتنا ممكن تتشوكاي كوارث كان جات ع النظافة برك والله غي نورمال نظف وحدي تعدات للاخلاق انا شوي بعيدة درت اقامه علبال البرد ولا داك لوقت لي ما نقراش فيه نبقى في لاشومبغ خير من برا ايييه سمحت فيها سنا لانو مام بروغرام امليح ونحمد ربي ع هاد شي
لغنا بديجي اصواتهم روايح تاع دخان وغيرو كنت في واحد الجناح يا ستار منه والحمد لله جامي بت فيها ندخل لدار ظلمه سيغتو في الشتا ونتمرمد في ترونسبور ومان**** فيها يغيضوني واحد شيرات بعاد ما يقدروش يروحو كل يوم كما قلت كاين لي بنات اصل مايستاهلوش يباتو لتم ومع هدا يا اختي نوصيك ما توثقيش في اي وحدة مهما كان شكلها وتعاملها لانو لعشرة تخبرك عام اللول صح يفوت واعر بصح فيه تحدي مع نفسك اياك ثم اياك تبعيهم لخرجاتهم ولا تأمني ليهم راهم وااعرين وكما قلت كتعشريهم تعرفي شكون امليحة وشكون لا
وفي اخير ربي يهديناويهديهم

 

[selma orkida]

رد: الاقامة و ارواح التشوف

الاقامات كامل هك انا سكنت عامين في اقامة وعامي 3 بدلونا لاقامة ثانية وهاد العام رجعونا للاقامة الاولى هادا عامي 4 والحمد لله ننصحك فقط ما تخالطيش لبنات بزاف اعرفي مع من تمشي ومع من تحكي وسرك خليه ليك و ربي يوفقك

 

[la lune rose]

رد: الاقامة و ارواح التشوف

شوفي اختي الاقامة راهي مجتمع صغير تلقي البنات المتدينات وتلقي اللي دايرين الدين مجرد غطاء (حداري منهم بزاف)
وتلقي الي ما نهدرش عليهم احسن
لازم تلازمي رفيقة حسنة والافضل تكوني تعرفيها قبل وما تخالطيش بزاف غير في البداية برك كي تبدا القرايا خاصة اداكان
تخصصك صعب راح مايبقالكش الوقت بش تلتقي بهدوك الاشكال
وحداري من المنظمات والخلطة السنة الاولى هم اكثر فئة مستهدفة في الجامعات ككل
ما تعمريش راسك بيهم مادام معاك المصحف والسجادة وكي تتضايق عليك كاين اهلك هاتفيهم
رايحة يمر عليك عدة مواقف لازم تثبتي حسن تربيتك راكي في مجتمع نسوي مع انعدام رقابه الاهل
الرقابه الالاهية لازم تسعشريها ربي معاك
غادي تتخرجي وتبقى مجرد دكريات
ويولي عندك صحابات من كل الولايات تبغيهم وتوالفيهم وتمري بتجارب تخليك تنضجي
الميزيرية تعلم
وفقك الله

 

[oussama9694]

رد: الاقامة و ارواح التشوف

كوارث الاقامة لا تنتهي و لا اريد ذكرها الآن

يعني العطلة اليوم بدات تقريبا خلونا نكملو العطلة و ممكن بعد العطلة ممكن نتكلمو شويا مع ان الامر لايحتاج الى كلام بل يحتاج الى مجلدات و مجلدات ههه

 

[أميرة تقرت]

رد: الاقامة و ارواح التشوف

ربي يحفضك باين عليك عاقلة و بنت فاميليا
و ربي يوفقك في قرايتك و نشالله تلقاي مطرح ترقدي عليها
و كان مالقيتيش نبعتلك خخخ

 

[محمد تلمساني_13]

رد: الاقامة و ارواح التشوف

حتا
لو كنت
مربية
و متخلفة
و ما تصاحبيش
و تهتم بقرايتك
بصراحة انت في خطر
الله بحفضك