حتى المدارس و مافيهمش لامان على وليداتنا

[أم لينة]

رد: حتى المدارس و مافيهمش لامان على وليداتنا

أنا منعرفكش باه نتقلق منك و لا علاه كتبتي الموضوع
موضوعك أختي _أم لينة_-بقلم '''أم''' -يعني هذا لي خلاني نكتب أكثر من رد
راكي عارفة و أحسن مني الأم كي يتقاس ولدها واش دير قادرة تستعمل قوى الخير و بلاك قوى الشر أكثر باه تحميه
ردك هذا الأخير كان لازم يكون جزء من الموضوع و لا نقلك مش جزء كان يكون لب الموضوع تاعك
:regards01:
​

اختي العزيزة انا كتبت موضوعي و هاته الحلول كنت نسناها منكم الاعضاء باه تثرو بيها موضوعي . و على العموم هذا يبقى رايك اختي و انا احترمه و آسفة ان بدر مني ما يغضبك.

 

[Perle Blanche]

رد: حتى المدارس و مافيهمش لامان على وليداتنا

ختي لعزيزة, نوافقك في هدرتك, التوعية من الوالدين لازمة
هاديا لنقطة ماكانش فيها اشكال, بصح هاو حكالك ولدك وسمعتيلو ولقيتي صح راهو يعاني
ومن بعد؟؟ تروحي تشكي؟؟ على من تشكي وضد من تشكي ووين تشكي؟؟
تشكي فيبلاصة الرشوة مدايرة رايها, انا نقولك ناس ولدهم عمرو 6 سنين يعني كي نقول ست سنين تجيني الدمعة
ورفعو قضية ضد المعتدي ووقف ضد العدالة وخرج براءة
ووصلت تى زاد جاهم الشاب المعتدي للدار وقالهم" راكم مادرتو فيها والو "
قوليلي وينو الحق؟؟ ويني التربية؟ ويني التوعية تاع الوالدين
ربما صح نقولو لازم الوالدين يوعيو ولادهم ويصاحبوهم
بصح راهم في مكان تعليمي ماش في سوق
يعني راهي مهرودة من فوق خلاااص​

مهرودة من فوق علبالنا بيها
شكون زاد هردها حناا
يا ختي حنا متحركنا مدرنا اي موقف في اي حاجة و تقوللي الرشاوي
اغتصاب قتل تحرش جنسي ووووو
تخيلي معايا موقف أنك تكوني أم و بنتك تصرا معاها حاجة في بالي اي وحدة رايحة تقابليها و تكون أم تقولك مش حاسة بيك تقولك راني معاك
لازمنا ندير حل _وحدة خابفة من الفضيحة كيما تقلك الاخت الفاضلة الناس ميسمعوش يغموها لتحت لتحت و يقفلو القضية و من بعد يقلك كيفاه
راه يصرا هكاا
مكانش منطق هناا
​

 

[Hakan]

رد: حتى المدارس و مافيهمش لامان على وليداتنا

مهرودة من فوق علبالنا بيها
شكون زاد هردها حناا
يا ختي حنا متحركنا مدرنا اي موقف في اي حاجة و تقوللي الرشاوي
اغتصاب قتل تحرش جنسي ووووو
تخيلي معايا موقف أنك تكوني أم و بنتك تصرا معاها حاجة في بالي اي وحدة رايحة تقابليها و تكون أم تقولك مش حاسة بيك تقولك راني معاك
لازمنا ندير حل _وحدة خابفة من الفضيحة كيما تقلك الاخت الفاضلة الناس ميسمعوش يغموها لتحت لتحت و يقفلو القضية و من بعد يقلك كيفاه
راه يصرا هكاا
مكانش منطق هناا
​

بما انو شرع ربي سبحانو مغيب
اكيد رايح تبقى كل هاته الاشيااء
باسكو لوكان طبق الحد على المغتصب ما يسراش اللي صرى
مااشي ينتهك عرض فتاة
ومن بعد يعطوه شهرين في فندق خمس نجوم ويخرج نورمال
وكي تقلهم على شرع ربي يقلك الارهااب وماكان لاه
يعني المجتمع المغيب في شرع ربي سبحانو مستحيل تلقايه مجتمع مريقل ​

 

[أم لينة]

رد: حتى المدارس و مافيهمش لامان على وليداتنا

مهرودة من فوق علبالنا بيها
شكون زاد هردها حناا
يا ختي حنا متحركنا مدرنا اي موقف في اي حاجة و تقوللي الرشاوي
اغتصاب قتل تحرش جنسي ووووو
تخيلي معايا موقف أنك تكوني أم و بنتك تصرا معاها حاجة في بالي اي وحدة رايحة تقابليها و تكون أم تقولك مش حاسة بيك تقولك راني معاك
لازمنا ندير حل _وحدة خابفة من الفضيحة كيما تقلك الاخت الفاضلة الناس ميسمعوش يغموها لتحت لتحت و يقفلو القضية و من بعد يقلك كيفاه
راه يصرا هكاا
مكانش منطق هناا
​

اختي العزيزة اللي قصدتو انو هذا واقعنا و انت كجزائرية مطلعة عليه وشايفة اهلنا و ناسنا انت قلتي علاش الامهات متخرجش في تظاهرات على التحرش تاع اولادها انا قتلك هاذي صعيبة باه يديروها الامهات الجزتئريات و الدليل مصراتش لحد الان و منظنش راح تصرا .
باه تجيبي حق بنتك او ابنك اللي اغتصب كاين طرق اخرى وكاين لي جابو حقهم و حق وليداتهم و كاين لي مسكان كيما قالت الاخت لؤلؤة طاحو مع ناس اكبر منهم . لا تقوليني مالم اقل اختي الغالية.

 

[Perle Blanche]

رد: حتى المدارس و مافيهمش لامان على وليداتنا

اختي العزيزة انا كتبت موضوعي و هاته الحلول كنت نسناها منكم الاعضاء باه تثرو بيها موضوعي . و على العموم هذا يبقى رايك اختي و انا احترمه و آسفة ان بدر مني ما يغضبك.

بلاك موضوعك أول موضوع نرد فيه أكثر من رد بالعكس مش قلقتني ديري في بالك بلي حطيتي حاجة تهمني بزاف يعني موضوع جد مهم و عطيتها وقتي و راني مركزة معاها صح
يعني محبيتش تفهمي ردودي اني معارضة ليك حبيتك تفهمي فكرة بلي انا الوالدين هاذو نشوفهم هوما الوحيدين لي يقدرو يحمو أولادهم و عارفة بلي اي حاجة متكونش مانع قدام حماية ولادهم
طفل صغير يغتصب راهي مش حاجة بشعة راهي جريمة الا كاينة حاجة تحبسها هي غريزتكم كأولياء و فقط
تقبلي مروري تقبل تحياتي و أيضا اعتذاري الا كلامي معجبكش
:regards01:​

 

[أم لينة]

رد: حتى المدارس و مافيهمش لامان على وليداتنا

لا ولو هذا رايك و نحترمو.انا كتبت موضوعي وفكرتي لي حبيت نوصلها ان شاء الله تكون واضحة لكم و اكيد لكل واحد منكم وجهة نظر و رايه الخاص و المجال مفتوح للنقاش و ابداء الراي و الراي الاخر.
شكرا و ليلتك سعيدة و اسعدني نقاشك لي اثرى موضوعي .هذا ان دل انما يدل على غيرتك و حميتك عل اهل و ابناء بلادك و اكيد كلنا كذلك.

 

[لؤلؤة قسنطينة]

رد: حتى المدارس و مافيهمش لامان على وليداتنا

ختي لعزيزة لاكان تشفاي على حكاية هارون وابراهيم تاع قسنطينة
زوج ولاد عمرهم مايعديش 9 سنين, للدرك كاش واحد عرف كيفاه ماتو؟
واحد يقولك مذبوحين وواحد يقولك مخنوقين, حتى لي قتلوهم وماشفناهمش

واذا على الشعب,صدقيني بحكم دارنا قريبة للمحكمة لي كانو رايحين يحاكمو فيها المجرمين
صدقيني تسمعي صوت الشعب وكأنو واحد ماقعد في دارو
قلبو المحكمة بصح والنتيجة؟؟​

؟

 

[أم لينة]

رد: حتى المدارس و مافيهمش لامان على وليداتنا

ايه مساكن ياختي يقطعو القلب و هم عينة من الكثير من الحالات لي صرات .

 

[Perle Blanche]

رد: حتى المدارس و مافيهمش لامان على وليداتنا

لا ولو هذا رايك و نحترمو.انا كتبت موضوعي وفكرتي لي حبيت نوصلها ان شاء الله تكون واضحة لكم و اكيد لكل واحد منكم وجهة نظر و رايه الخاص و المجال مفتوح للنقاش و ابداء الراي و الراي الاخر.
شكرا و ليلتك سعيدة و اسعدني نقاشك لي اثرى موضوعي .هذا ان دل انما يدل على غيرتك و حميتك عل اهل و ابناء بلادك و اكيد كلنا كذلك.

أكيد أي مناقشة راهي مش ضد أفكارك و لا ضد موضوعك مي بلاك كل واحد فينا يشوف الحل من زاوية معينة
بلاك أنا كعازبة راني نشوف بلي الأولياء قادرين يديرو ردة فعل تزعزع هاذ الدنياا بلاك نتوما كأهل راهي تجيكم صعيبة و عندها في مجتمعنا حاجة سلبية قبل متكون ايجابية
أنا صراحة نتمنى أني نكون أضفت فكرة عل موضوعك
الله يحفظك أولادنا و خاوتنا و يخليك أختي و يرزقنا
​

 

[أم منيــــــر]

رد: حتى المدارس و مافيهمش لامان على وليداتنا

السلام عليكم
الله يجيب الخير برك و يبق الستر علينا و على وليداتنا و بناتنا
رانا عايشين في غابة ول واش؟ وحوش و القوي ياكل الضعيف
صدقينا انا الخوف ساكن عندي من هول الوقت لي رانا فيه
والله حتى بنتي لي تقرا في الليسي و نخاف عليها مالقري كبيرة بصح نخاف مع شباب اليوم راهم مع الكاشيات و المخدرات
الله يستر برك كل يوم قبل ما يخرجو نحط يدي على راس كل واحد فيهم و ندعي ربي باش يحفظهم و يرجعهم لي سالمين
بارك الله فيك
​

 

[أم لينة]

رد: حتى المدارس و مافيهمش لامان على وليداتنا

صبحكم الله بانوار العافية اهلين حبيبتي ام منير . كلامك درر شفتي قلب الام واش راه يقاسي مع هاذ الوقت انت حبيبتي درتي لي عليك و استودعتهم الى الله هو الحامي لعباده من شياطين الجن و الانس . اكيد راني معاك ربي يحفظ اولادك و محال تقدري تسيطري على القلق تاعك خصوصا على واش رانا نسمعو واش راه يصرا .ربي يحفظ اولادك حبيبتي .

 

[السلطانة]

رد: حتى المدارس و مافيهمش لامان على وليداتنا

وكاين تسيب من طرف الوالدين

كاين امهات يخليو بناتهم يلعبو مع الذكور

اولاد الجيران وولد الخال والعم ووو وميراقبوهمش وكي تصرى الكارثة يقولك كيفاه

ميفصلوش بينهم في النوم

وبين الاخت والاخ و
قادر يصرى هاد الحوايج

مابالك بين البنت واولاد اخرين

 

[أم لينة]

رد: حتى المدارس و مافيهمش لامان على وليداتنا

صحيتي اختي ساندريلا هذه من بين التوصيات المهمة للاهل حبيتي توصليهالهم ، تحدثتي على شيء مهم كيفاش نربي اولادى على الحشمة و عدم الاختلاط هذا اكيد راح يؤتى بثماره خارج البيت راح تتعلم الطفلة من صغرها الحشمة و كيف تخاف على عمرها . يا أختي بزاف امهات تقلك انا منعقدش اولادي خليهم على راحتهم و هذا الشي غلط ربي اولادك و بناتك على ما يرض الله من ستر و احتشام راح تحصدي ثمار هاذ التربية .

 

[Adel Sereir]

رد: حتى المدارس و مافيهمش لامان على وليداتنا

صباح الخير
حسب رايي الكائن المتسبب في هده الظاهرة هو مدير المؤسسة و سوء النظام

لان يوجد مؤسسات الله يبارك نظام الخ.. و مراحيظ البنات وحدهم و اولاد وحدهم و في هادا الوقت ماشي هاد صوالح لي تخافيهم باسكو لي ميبغيش يوصل روحو ما يدخلهم كامل والله يهنيك ويحميلك ولادك​

 

[Yayan]

رد: حتى المدارس و مافيهمش لامان على وليداتنا

باختصار ما بُني على باطل فهُو باطل .

 

[نبض الحياة]

رد: حتى المدارس و مافيهمش لامان على وليداتنا

وعليكم السلام ورحمة الله وبركاته
لا حول ولا قوة الا بالله العلي العظيم
ما عرفنا شكون اللي نلوموه لا الادارة ولا الاساتذة ولا الاولياء ولا شكون
ما نقولو غير الله يحفظنا ويستر وليداتنا ويرزقنا كل خير

 

[أم لينة]

رد: حتى المدارس و مافيهمش لامان على وليداتنا

صباح الخير
حسب رايي الكائن المتسبب في هده الظاهرة هو مدير المؤسسة و سوء النظام

لان يوجد مؤسسات الله يبارك نظام الخ.. و مراحيظ البنات وحدهم و اولاد وحدهم و في هادا الوقت ماشي هاد صوالح لي تخافيهم باسكو لي ميبغيش يوصل روحو ما يدخلهم كامل والله يهنيك ويحميلك ولادك​

وهذا لي قلتو اذا المدير كان ملتزم و مطلع على كل صغيرة و كبيرة في المؤسسة تاعو و يعمل زيارات مفاجئة على الاقسام و ينظم اجتماعت اسبوعية او شهرية على الاقل مع جمعية اولياء التلاميذ للاطلاع على مشاكلهم و انشغالاتهم مع اولادهم في المدرسة و باه يشغل حارس على بوابة المؤسسة الcv تاعو لازم يطلع عليه بدقة و لم لا يتم تعيينو من مديرية التربية و ليس من البلدية على حسب المعارف و بدون مؤهلات حتى او شروط.. غيرها الكثير من الخطط قادر يخلق جو من النظام و الالتزام و يولي كل عامل من معلم او عساس و حتى التلاميذ يخافو يقدمو على اخطاء .
شكرا على كرم المرور.

باختصار ما بُني على باطل فهُو باطل .

اكيد ..شكرا على كرم المرور.

وعليكم السلام ورحمة الله وبركاته
لا حول ولا قوة الا بالله العلي العظيم
ما عرفنا شكون اللي نلوموه لا الادارة ولا الاساتذة ولا الاولياء ولا شكون
ما نقولو غير الله يحفظنا ويستر وليداتنا ويرزقنا كل خير

اللهم آمين .ربي يجيبلنا لي فيه الخير .شكرا على كرم المرور.

 

[نجيب]

رد: حتى المدارس و مافيهمش لامان على وليداتنا

في هد الموضوع لازم كل واحد يتحمل المسؤولية نتاعو مثلا في المدرسة

ممكن نلقاو المدير يخاف ربي و هو أب على كل التلاميد لاكن الحارس و لا أستاد تلقايه شاد جنسيا المدير ميقدرش يراقب

حارس المدرسة و يبقى جالس معاه و لا يراقب كل الاساتدة و العكس كدالك ممكن المدير يكون هو لي يتحرش بالتلاميد

في كل الحلات لازم التوعية في المنزل و من الطفولة مشي حتى البنت تكبر و ترجع تقرا فالسيام و تحكي معاها

لازم من صغر تفهميها واش هو الحرام .

و كاين لي يلبسو ولادهم لباس مفضوح و يقولولهم هدا تطور و ثقافة و منبعد يزيد المدير يعلمها الثقافة نتاعو و البنت هنا

تتساهل معاه بزااف بصح اي استاد و لا مديؤ ققر يتحرش بطفلة و هي تكون تعرف واعية هنا ميقدرش و زيد كي تروح لدار

تخبر والديها .

التحرش الجنسي مش فالمدارس و فقط ممكن يكون حتى فالدار نتاعك الى كان عندك ضياف و لا وليمة و لا اي مناسبة

لهدا أقول يجب على الوالدين توعية ابنائهم .

شكرا أم لينة على الموضوع

و مميزة كالعادة بالمواضيع التي تقدمينها لا على شكل توعية و نصائح نحتاجها في حياتنا .​

 

[أم لينة]

رد: حتى المدارس و مافيهمش لامان على وليداتنا

اهلا اخي نجيب و انا نضم صوتي لصوتك انت ترى انو الاهل لازم يربو اولادهم من الصغر ، و اشدد على التربية الجنسية انت كأم عزيزتي تعرفي كيفاش تربي اولادك جنسيا متخليهمش نوايا ميعرفوش و اذا عرفو في سنهم الصغيرة اكيد معلوماتهم مغلطة . و التربية الجنسية تخليهم يعرفو قيمتهم اكثر و ايضا يديرو حدود لاجسامهم الصغيرة لي واحد مايقربها منهم غيرك انت امهم ..وهنا نتحدث عن الاختلاط في المراحيض المدرسية .
صح المدير مش راح يقدر يعرف اذا كانو العاملين عندو مرضى و ذئاب جنسية لكن يعمل لي عليه و يسطر قوانين تمشي عليها المدرسة تخلي الكل يخدم و يخاف على منصبو اذا غلط مع اي تلميذ .
شكرا اخي على ردك ووجهة نظرك .

 

[نجيب]

رد: حتى المدارس و مافيهمش لامان على وليداتنا

يا اختي كل شي يرجع للأسرة يعني لوكان الاسرة تتعب من أجل اخراج جيل مهدب لتبعت الاسلام

و لم نكن اليوم نحتاج لهدا الموضوع يعني مكانش هناك سارق و مكانش هناك مرتشي و مكانش هناك متحرش جنسيا

لاكن بما أن الاسرة تهاونت مع ابنائها نجد المتحرش و السارق و حتى القاضي بمكانته و تأديته لليمين يقبض رشوة

الى كان القاضي يحكم رشوة واش تستناي من الشرطي و اش تستناي من المجتمع الكل

كل واحد يتحرش بالطفلة لي يحب و منبعد يقدم رشوة و يخرج براءة يعني اي بلاد تكون فيها العدالة غائبة نجد فيها كل المشاكل

و كل المراض بما فيها المرض الدي تتكلمون عليه .

الاسرة هي عمود المجتمع و اساسه هي من تنجب العالم و المتحرش و السارق و امام مسجد .​