شاركنا يومك الأول من عيد الأضحى == مرحبا بيكم ==

[جليلوس]

السلام عليكم
لحباب واش راكم ان شاء الله بخير
بما انو عيد الاضحى مابقالوش يومين على الأقل
نرفدوا يدينا كامل وندعو : اللهم بلغنا يوم عرفة وقد غفرت لنا ماتقدم وماتأخر
و يوم العيد السعيد لا فاقدين لا مفقودين
بغيت نكونوا كامل هنا وتكون لمتنا وحدة
كل واحد يحكيلنا يومه الأول من عيد الاضحى كيفاش يقضيه
والثاني ان امكن ... بالتفصيل الممل ... :p
خخخخ راكم عارفين نموتوا على التقرعيج
اااه نذكركم ماتنسوش حقي تاع الملفوف :d
وماتكتروش اللحم بزاااف يضركم ... جيبوهلي انا :yahoo01:
لا تحرموني تواجدكم ... لكم الخط :-r
مرحبا بالجميع
​

 

[جليلوس]

رد: شاركنا يومك الأول من عيد الأضحى == مرحبا بيكم ==

شكرا لكم على الإعتماد ...
بإنتظار تفاعل اللماويين
ودمتم بخير

 

[الامين محمد]

رد: شاركنا يومك الأول من عيد الأضحى == مرحبا بيكم ==

عقيييد
أنا عندي مشكلة كل صباح عيد
أبدأ يومي بالبكاء
و الله أتذكر حال الأمة و المسلمين
و اتذكر الايتام و الفقراء
هته مشكلتي منذ فترة طويلة حتى الأهل تعودوا عليها

لي عودة أخي عقيييد
بحول الله​

 

[أم أُنٌَيسة]

رد: شاركنا يومك الأول من عيد الأضحى == مرحبا بيكم ==

السلام عليكم و رحمة الله تعالى و بركاته
اغلب الاعياد مرت علي كما الاخ الامين و الحمد لله
لي عودة ان شاء الله تعالى
بوركت اخي لمواضيعك القيمة كتواجدكم الراقي
تحياتي احترامي و تقديري​

 

[جليلوس]

رد: شاركنا يومك الأول من عيد الأضحى == مرحبا بيكم ==

عقيييد
أنا عندي مشكلة كل صباح عيد
أبدأ يومي بالبكاء
و الله أتذكر حال الأمة و المسلمين
و اتذكر الايتام و الفقراء
هته مشكلتي منذ فترة طويلة حتى الأهل تعودوا عليها

لي عودة أخي عقيييد
بحول الله​

اهلا اخي الامين نورت حبيبي
معك حق فهذا حال الأمة ربي يفرج كربة كل واحد منا
يا اخي استغفر الله علابالي تعودت لكن خلي عيدك غير ...
لأنه عيد للتفاؤل والمغفرة والإحسان والتضحية والتقرب من الله
لنا الله يا اخي ... لا تقلق
بإنتظارك ... دمت بخير

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم و رحمة الله تعالى و بركاته
اغلب الاعياد مرت علي كما الاخ الامين و الحمد لله
لي عودة ان شاء الله تعالى
بوركت اخي لمواضيعك القيمة كتواجدكم الراقي
تحياتي احترامي و تقديري​

وعليكم السلام ورحمة الله
اهلا بيك اختي شيماء يعطيك الصحة على وفاءك لمواضيعي بورك فيك
الله يفرج على الجميع ... فعلا ذلك أمرّ وأشّد وأقسى ... لكن ماعسانا نفعل
سوى ان ندخل الغبطة والبهجة والسرور لقلوب الفقراء والمساكن وان نتذكرهم يوم العيد
حتى نكفهم عن السؤال في ذلك اليوم السعيد .... انتظركم اخوتي ... دمتم بخير
تحيتي

 

[جليلوس]

رد: شاركنا يومك الأول من عيد الأضحى == مرحبا بيكم ==

الحالة راهي راقدة
اين البقية ؟؟ الم يعجبكم الموضوع
​

 

[السلطانة]

رد: شاركنا يومك الأول من عيد الأضحى == مرحبا بيكم ==

وعليكم السلام ربي يبلغنا يوم العيد ان شاء الله

في يوم العيد نكون فرحانة ونبقى نسناه بفارغ الصبر

بعد مانحضر كلشي

مع عائلتي اما الان في بيت زوجي تغير الكثير

لكني نبقى ديما نسناه بفارغ الصبر

اكيد حالي كحال جميع النسوة والبنات نهار العيد نوجدو روحنا للزلوف هههه والدوارة باه نغسلوهم


بارك الله فيك أخي

 

[بنت الـ25]

رد: شاركنا يومك الأول من عيد الأضحى == مرحبا بيكم ==

السلام عليكم ورحمة الله وبركاته
قبل كل شيء حبيت نهني أهل اللمة وكامل الأمة الاسلامية بعيد الأصحى المبارك ويا رب يفوت علينا بالخير ينصر اخواننا في فلسطين على اليهود الظالمين
ويا رب يكون مع اللاجئين الهاربين من الموت المتغربين عن الأهل والبلد الأم ، ربي يجازي كل ظالم في هاته الأيام الفضيلة
قبل ما نحكي على العيد خليني نحكي على يوم عرفة، هو يوم تهب علينا فيه نفحات إيمانية
تصبح العايلة الكل صايمة طمعا في أجر هذا اليوم ، ونحب نتابع فيه قنوات اللي تنقل البث من جبل عرفة ، والتهليل والتكبير والتلبية وش نقلك إحساس رائع وتمني بأنو ربي يلحقنا لهديك البقعة المباركة يوما ما
نحب نشوف الحجاج في آخر اليوم وهوما مروحين باش يباتو في مزدلفة والاضواء البرتقالية في تلك الشعاب من أجمل المناظر
وفي بيتنا نوجدو الفطور وأهم عنصر فيه خبز الدار ونفطرو في جو عائلي
نلحقو لأول يوم عيد ، نوضو صباح بكري كل أفراد العائلة يروحو للمسجد يصلو صلاة العيد ونبقى انا في البيت نشبح الحالة في الصالون ونوجدلهم الحوايج اللي يلبسوهم كي يخرجو لذبح الأضحية ، كي يجو نعيدو لبعضانا وللجيران وممبعد يهبط أبي الأضحية ويذبح تعنا وتع الجيران الكل خخخخخخخخ يجيبولنا الراس والكرعين نخدموهم ويزيدو يجيبولي المصارن والدوارة يا مامي على هديك الدوارة ديرلي الدوار في مخي خخخخخخخخخخخ
كي يخلصو كلشي يجيبولنا الجزرة (جسم الأضحية ) نحيو منها الفؤاد (الكبدة والطحال ووو) ونوجدو الغداء شواء الله الله خخخخخخخخخخخ
ويبداو يجيو الضياف ويكمل اليوم عادي ولعشا نطيبو البوزلوف خخخ
ممبعد يقص بابا الجزرة (كاين لي يديها للجزار مي احنا ابي يقصها في الدار) وممبعد نروحو عند جداتي نعيدولها
اما ثاني عيد نقولولو نهار لكتاف يطيبو برمة معمرة لحم تع الكتف ونديرو معاها نعمة ولا شخشوخة وهاد النهار ما يفوتش عادي خاطر مالين راجلين يجيبولي حقي تع العيد ^^
هكدا نفوتو احنا ايام العيد المبارك
​

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم ورحمة الله وبركاته

:up::up:
وعليكم السلام والرحمة والإكرام
اهلا بيك اختي الكريمة بنت الجسور المعلقة نورتي

قبل كل شيء حبيت نهني أهل اللمة وكامل الأمة الاسلامية بعيد الأصحى المبارك ويا رب يفوت علينا بالخير ينصر اخواننا في فلسطين على اليهود الظالمين
ويا رب يكون مع اللاجئين الهاربين من الموت المتغربين عن الأهل والبلد الأم ، ربي يجازي كل ظالم في هاته الأيام الفضيلة

آمين يارب ... بارك الله فيك على الدعاء
جزاك الله كل خير

قبل ما نحكي على العيد خليني نحكي على يوم عرفة، هو يوم تهب علينا فيه نفحات إيمانية
تصبح العايلة الكل صايمة طمعا في أجر هذا اليوم ، ونحب نتابع فيه قنوات اللي تنقل البث من جبل عرفة ، والتهليل والتكبير والتلبية وش نقلك إحساس رائع وتمني بأنو ربي يلحقنا لهديك البقعة المباركة يوما ما
نحب نشوف الحجاج في آخر اليوم وهوما مروحين باش يباتو في مزدلفة والاضواء البرتقالية في تلك الشعاب من أجمل المناظر
وفي بيتنا نوجدو الفطور وأهم عنصر فيه خبز الدار ونفطرو في جو عائلي

صح يوم عرفة مميز غير كل الأيام ... جو ايماني رائع الكل صائم ويدعو ويصلي
والحجاج في عرفة يكبرون ويهللون ... اللهم تقبل منا ياااارب الصيام والقيام ...
وهذا ما نقولهم لهم

هنيئاً لكم يا ضيوف الرحمانِ *** شوقتم قلوبنا فوالله اننا لفي حِرمانِ
تقبل الله حجكم بالرحمة و الغفرانِ *** فهنيئاً لمن ادى الركن خالصاً للرحمانِ
تقبل الله سعيكم وحجهم مبارك بإذنه عزوجل


نلحقو لأول يوم عيد ، نوضو صباح بكري كل أفراد العائلة يروحو للمسجد يصلو صلاة العيد ونبقى انا في البيت نشبح الحالة في الصالون ونوجدلهم الحوايج اللي يلبسوهم كي يخرجو لذبح الأضحية ، كي يجو نعيدو لبعضانا وللجيران وممبعد يهبط أبي الأضحية ويذبح تعنا وتع الجيران الكل خخخخخخخخ يجيبولنا الراس والكرعين نخدموهم ويزيدو يجيبولي المصارن والدوارة يا مامي على هديك الدوارة ديرلي الدوار في مخي خخخخخخخخخخخ
كي يخلصو كلشي يجيبولنا الجزرة (جسم الأضحية ) نحيو منها الفؤاد (الكبدة والطحال ووو) ونوجدو الغداء شواء الله الله خخخخخخخخخخخ
ويبداو يجيو الضياف ويكمل اليوم عادي ولعشا نطيبو البوزلوف خخخ
ممبعد يقص بابا الجزرة (كاين لي يديها للجزار مي احنا ابي يقصها في الدار) وممبعد نروحو عند جداتي نعيدولها
اما ثاني عيد نقولولو نهار لكتاف يطيبو برمة معمرة لحم تع الكتف ونديرو معاها نعمة ولا شخشوخة وهاد النهار ما يفوتش عادي خاطر مالين راجلين يجيبولي حقي تع العيد ^^
هكدا نفوتو احنا ايام العيد المبارك

مليح راكي ناشطة الله يبارك ... ربي يدوم لمتكم وهناكم ان شاء الله
تقريبا نفس الشيئ عندنا الا اننا نذبح داخل البيت في الحوش واهم شيئ نتعاونو كلنا على الذبيحة و غسيل الدوارة :d
وتشواط البوزلوف هع هع هع هع .... واهم شيئ لومبيونس نهار العيد ... :sport02::sport02:
واحد يذبح ولاخر يسلخ واحد يشد واحد يتبهلل ويصور .... :yahoo01:
والصغير مسكين غابنينو جيب منا ادي ديك هات الباسينة اجري جيب البالي اصلح منا هههههههه :thumb_up02::thumb_up02:
وتبقى للعيد نكهة خاصة لا تعوض ... :-r:-r

الله يكملك ماتتمناي وربي يفرحك ... اسعدني تواجدك ها هنا بوركت
تحيتي
​

مشكووورة اختي يعطيك الصحة

 

[lee yong]

رد: شاركنا يومك الأول من عيد الأضحى == مرحبا بيكم ==

انا حاله خاصه فالعيد وللاسف مانكلش اللحم الغنمي ,الجاج برك, على هادي ماعنديش حصه من الكبش,ومانحملش ريحتو اصلا,مي نحب نشارك اهلي فرحك العيد ونزهى كيما كامل الناس فهاد اليوم,ويبقى عيد عندو شعائر خاصه

 

[جليلوس]

رد: شاركنا يومك الأول من عيد الأضحى == مرحبا بيكم ==

انا حاله خاصه فالعيد وللاسف مانكلش اللحم الغنمي ,الجاج برك, على هادي ماعنديش حصه من الكبش,ومانحملش ريحتو اصلا,مي نحب نشارك اهلي فرحك العيد ونزهى كيما كامل الناس فهاد اليوم,ويبقى عيد عندو شعائر خاصه

هههههه سبيسيفيك نتي قاع وحدك
راكي مفرطة يا ختي :d راحت عليك
هههههه ماعليش كي ديفولي معاهم قاع ولاباس
الله يهنيكم ان شاء الله وكل عام وانتم بخير ...
تحيتي

 

[نجيب]

رد: شاركنا يومك الأول من عيد الأضحى == مرحبا بيكم ==

الله يجيب الخير خويا

كي كنا صغار ما نعرفوا والو كنا ملي تجي يمات العيد و حنا فرحانين و كي تكون فالشارع تحس بنكهة العيد قبل ما يلحق يومه

لاكن اليوم كي كبرنا و رانا نشوفوا واش راه صاري واحد يعيد و احد ميقدر و زيد حال الامة الاسلامية و الله كلشي يصماط

الحمد لله كي رانا نديروا السنة و هدا هو الصح و نتمنى تكون جميع الامة الاسلامية بخير .

بصح خويا جاليلو الى ما عطاتكش حقها الاخت lee yong مكانش لي تعطيك هههه جيبلها دجاجة و انت دي ملفوف نتاعها .

شكرا لك و نتمى نشاركو في هد الموضوع و ان شاء الله يا ربي بنات اللمة كامل خاصة الصغار هوما لي يديرو بزلوف

و يغسلوا الدوارة هههه ​

 

[@R@ZIK]

رد: شاركنا يومك الأول من عيد الأضحى == مرحبا بيكم ==

السلام عليكم أخي جليلو
يعطيك الصحة على الموضوع
صح بنة العيد وحدها ربي يجعلها دايمة كامل على الامة الاسلامية
مهار العيد نوض بكري من الفجر نشرب قهوة ونرتب البيت ونوجد صوالح تاع الذبيحة
وكي يجو من الصلاة نعايدو على بعضانا
انا شخصيا يد بيد معاهم في السليخ نشد معاهم
ومن بعد نروح للدوارة نقيها واكيد ما ننساوش الكبدة حنا بابا يقعد صايم حتى يفطر على الكبدة عادة باقي شادها نقلي الكبدة وراك عارف فريت
ومن بعد نولي نكمل الدوارة وندير عصبان ونطيب بوزولوف
وفي اليوم الثاني كيف كيف نوض بكري بابا يقطع اللحم نشد معاه ونوجد تاع الشوا قبل ما ينوضو خاوتي وعلى الفطور نديرو كسكس
انا شخصيا ما نكلش اللحم نخاف حتى بعد يومين ولا ثلاثة
يعطيك الصحة
تحياتي​

 

[مطبخ الأحلام]

رد: شاركنا يومك الأول من عيد الأضحى == مرحبا بيكم ==

السلام عليكم

والله يدخل العيد عليكم وعلينا وعلى جميع الامة الاسلامية بالخير الصحة والهنآء
والله يرزق كل محتاج مسكين فقير
يوم عرفة يوم خاص يكون فيه جو رمضاني جميل لو ماتصومش وتصبح معيد ماتجينيش اجواء العيد
بالنسبة ليا نوض بكري مور الفجر ماكانش نوم بصح نقعد نتفكر فالاعياد الي مرت معا جدي وجداتي الله يرحمهم ويوسع عليهم تحمني البكية من بعد نتستغفر ربي و نوض نخمل ونتحف الحالة انا واختي طبعا امي تكون تحضر القهوة نتقهواو وابي وخوتي يوحو للمسجد ايا انا نلبس فيها طابليا نتاع البوشية ^^ ونوجدو مستلزمات الدبيحة
من سكاكين وبوشية ككك وباسينات ونحبطهم لتحت ونقي البطاطا على بكري وندير سلاطة هدو الاشياء نديروهم قبل مايدينا يتيدمو نكون نخدم وماد الجامع قدامنا يكونو يكبرو نكبر معاهم ومن بعد نسمع للخطبتين هذا لمام الي جابوهونا يبكي ديما في صلاة الجمعة يبكينا فمابالك بالعيد المهم من بعد يخرجو من الصلاة نغفرو على بعضانا
ايا نتوجهو كامل لتحت ونعاونو ابي انا واختي اما خويا ماكان حالة معاه امالي نمدله لاباراي يصور هههه
من بعد الدبيحة والسليخة انا وختي نتقاسمو المهام امي كانت تعاونا لكن هاد العيد لا اعتقد تقدر اتمنالها الشفاء العاجل احنا كي نكونو نخدمو ابي يشعل النار ويشوي الكبدة وامي تكون توجد فالاضافات واحنا نكملو الحوايج من الزليف والدوارة والرية ووو حتى تقرب 12 نكونو فضينا لحوايج لكابر ايا ونقعدو على الطابلة ايا والكلياكل وانا نتفرج فيهم ^^ حتى شي ما ناكلو حتى لفريت ونعود نشم فيها ريحة لحم ناكل فاكية ونوض وحقي راه مخبي لصاحب الموضوع من دروك ههههههههه من بعد يجي وقت المغفرة وزيارة الاحباب حنا فالحقيقة تاني عيد نخرجو وفالليل كي نرجعو ابي يجي يفصل اللحم احنا عدنا الة القص تجينا ساهلة وامي تختار معاه نتاع الشوا ونتاع القلي والطياب كل واحد وحدو ديرهم في صاشيات ونكتبلها فيهم نتاع واش ويتخباو فالتلاجة وخويا شاطر يكون موجد المجمر ويشوي

حكيت بالتفصيل الممل


​

 

[سكون الفجر]

رد: شاركنا يومك الأول من عيد الأضحى == مرحبا بيكم ==

جزاكم الله خيراً أخي جليلو، تتحفنا بمواضيعك المميزة دائماً
حفظكم المولى.
ليوم وقفة عرفة طعم خاص ألفته منذ الصغر
حيث اني انهظ باكراً واقوم ببعض التنضيفات البسيطة التي ربما تركتها من اليوم الذي قبله
وأنهي التحضير للفطور من الصباح لكس اتفرغ للدعاء وقراءة القران
وما اصبحت هكذا الا لأن وابي وامي هكذا، حفظ الله والديكم آمين

بعد الفطور نقوم بتجهيز ملابس والدي وعطره وحذاءه إكرمكم الله
وأتفقد حاجات اخواتي واخي صم اجهز طاولة الحلويات
ولا انقص منها شيء ولله الحمد

لا احد ينام في هذه الليلة، بين ضحك ولعب وتذكر ايام الطفولة والقليل من البكاء
تنتهي الليلة وكل واحد يرمي بنفسه على الفراش لبعض الراحة ( لا النوم طبعاً)
وما هي الا ساعات قليلة ويأتي وقت الذهاب والاياب من بين الغرف الى المطبخ الى الحمام
ونذهب الى القاعة ونصلي صلاة العيد وهناك فقط نشعر بلذة العيد وبتلك الرائحة الزكية

بعد الصلاة نعود الى البيت ونتناول الفطور
ثم نعود الى حالنا ههه فالعيد هو الصلاة وحين نخرج الى البيت
نعود الى البيت فنرتدي الثياب الجميلة وكل منا ينظر في وجه الآخر ههه

بارك الله لكم في عيدكم احبتي في الله في اللمة الجزائرية
دمتم طيبين
​

 

[مطبخ الأحلام]

رد: شاركنا يومك الأول من عيد الأضحى == مرحبا بيكم ==

جزاكم الله خيراً أخي جليلو، تتحفنا بمواضيعك المميزة دائماً
حفظكم المولى.
ليوم وقفة عرفة طعم خاص ألفته منذ الصغر
حيث اني انهظ باكراً واقوم ببعض التنضيفات البسيطة التي ربما تركتها من اليوم الذي قبله
وأنهي التحضير للفطور من الصباح لكس اتفرغ للدعاء وقراءة القران
وما اصبحت هكذا الا لأن وابي وامي هكذا، حفظ الله والديكم آمين

بعد الفطور نقوم بتجهيز ملابس والدي وعطره وحذاءه إكرمكم الله
وأتفقد حاجات اخواتي واخي صم اجهز طاولة الحلويات
ولا انقص منها شيء ولله الحمد

لا احد ينام في هذه الليلة، بين ضحك ولعب وتذكر ايام الطفولة والقليل من البكاء
تنتهي الليلة وكل واحد يرمي بنفسه على الفراش لبعض الراحة ( لا النوم طبعاً)
وما هي الا ساعات قليلة ويأتي وقت الذهاب والاياب من بين الغرف الى المطبخ الى الحمام
ونذهب الى القاعة ونصلي صلاة العيد وهناك فقط نشعر بلذة العيد وبتلك الرائحة الزكية

بعد الصلاة نعود الى البيت ونتناول الفطور
ثم نعود الى حالنا ههه فالعيد هو الصلاة وحين نخرج الى البيت
نعود الى البيت فنرتدي الثياب الجميلة وكل منا ينظر في وجه الآخر ههه

بارك الله لكم في عيدكم احبتي في الله في اللمة الجزائرية
دمتم طيبين
​

مع الاسف اجواء العيد في الخارج ليس كالبلاد الله يعينكم خيتي ^^
حنا لكان مانوسخوش رواحنا بالدم وريحة الخرفان مايكونش عيد
ان شاء الله العام الجاي تجيو للبلاد تعيدو
ودمتم سالمين ياب
​

 

[مطبخ الأحلام]

رد: شاركنا يومك الأول من عيد الأضحى == مرحبا بيكم ==

الاخ جليلو قالكم احكيو على أجواء العيد في داركم كيفاش تفوتوها

كامل حنا نعرفو بلي يوجد الفقير والمسكين والي عيد والي ماعيدش وحال الامة كيفاش راهي
هاد الامور كلنا على علم بها واش علينا من غير الدعاء وان شاء الله بعد الدبيحة كل واحد يعرف عائلة ماعيدتش يهديها هدية من العيد مابيدنا حيلة ومع الاسف القادم اسوء برك نقولو اللهم أحسن خاتمتنا
​

 

[AmiR@RoRo]

رد: شاركنا يومك الأول من عيد الأضحى == مرحبا بيكم ==

السلآم عليكم ورحمة الله تعالى وبركاته
اولا عيد مبارك على جميع الامة الاسلامية ينعاد عليكم بالصحة والهنا وربي يتقبل من الجميع
احنا كما بنت الـ25 يوم عرفة نصومو كاامل ونهار كامل والقنوات مارش لي تبث اجواء يوم عرفة والحجاج و التكبير والتهليل
نوجدو طاولة الافطار كما تع رمضان :d ونفطرو كامل مع بعض
جو راائع تحس :up:

بون احنا ساكنين كامل في دار كبيـــــــــرة تع جدي الله يرحمو
ملا احنا 4 ديار بصح كل واحد باني في جيهة ملا نعيدو كامل مع بعض ( جداتي ..حنا ..2خوالي :d)
نهار العيد كي يروحو المصليين للجامع احنا نقعدو كامل مع بعض لتحت مع لكباش نلقيو النظرة الاخيرة زعما هههه
كي يجيو نروحو كامل فوحد الحوش كبير ويبداو يدبحو بالواحد حتى لي يكملوهم بـ4 ديما ما نكملوش بكري لحتى 1ونص ولا باش يكملو
النسا دايرين مجموعات لي يغسلو الدوارة وجماعتها ولي يشوطو البوزلوف ويغسلوه كامل يتعاونو مع بعض
وانا وبنت خالي غير احنا لي صغارات فالدار مانديرو والو تقريبا هههه خاطر الغاشي بزاف الله يبارك واحنا ماعنا مانديرو نجيبولهم الصوالح برك وانا ندور كي الفوتوغراف بلاباي افوطو ونصور هههه
بصح السنة راه يستنا فينا تكراط البوزلوف مرت خالي لي موالفه تعملو راها مريضه
ملا العام هدا كامل رايحين ياكلو بوزلوف ناقص هههه خاطر الرسمي نصو نرموه ونخليوله جده هههه
كي نكملو نسيقو انا وبنت خالي كااامل الحوش والدرج ملفوق لتحت (ظهرك يتقسم:down
والفطور مانديرو والو خاطر مانكملوش بكري ،، ديجا نهار الصيام لي قبل يدربو حسابهم ويكترو الماكله
ومرات نطيبو صباح حاجه خفيفه برك
بصح جامي فطرنا باللحم ولا الكبدة كما قالو لي قبل ههه الكبدة حتى ليل ونديرو المجمر ونشويو (كل واحد في دارو ) :love01:
وفي عشية العيد يجو كامل لافامي لدار جداتي ونقعدو ونكملو العشية كامل مع بعض ♥
لحتى يجي ليل ونسقمو داك المجمر والكبدة واللحم الله الله ونشويو وناكلو :d
ولغدوا ماما تصبح على الكرشة تعمرها والمصارن وهكا والروايح اععع :tongue02: :tongue02: كوزينة ماندورش بيها نهار كامل
لحتى يجي بابا لعشية ونعاونو فتقطاع اللحم
+ شفت لي قالو يديرو البوزلوف نهار تاني ومنعرف الله يخليكم تخلو اللحم وتروحو للبوزلوف هههه
احنا البوزلوف يديروه فالكونجيلاتير وحتى لشي نهار من النهارات يكون كمل اللحم يجبدوه هههه :p
هدا هو العيد تاعنا :regards02: :d ماشكيتش كاين لي يفوتو كيفنا :p
جليلو حقك تع الكبدة محفوظ كونك هاني هههه + اللحم المحمر راه ليك حقي انا مانكلوش :d
هدرت بزاف علابالي هههه
وصحا عيدكم ،، وربي يفرج على الامة الاسلامية والعربية جمعاء
وماتكتروش الشحم ماشي مليح :bravo01::sport02: ​

 

[مطبخ الأحلام]

رد: شاركنا يومك الأول من عيد الأضحى == مرحبا بيكم ==

السلآم عليكم ورحمة الله تعالى وبركاته
اولا عيد مبارك على جميع الامة الاسلامية ينعاد عليكم بالصحة والهنا وربي يتقبل من الجميع
احنا كما بنت الـ25 يوم عرفة نصومو كاامل ونهار كامل والقنوات مارش لي تبث اجواء يوم عرفة والحجاج و التكبير والتهليل
نوجدو طاولة الافطار كما تع رمضان :d ونفطرو كامل مع بعض
جو راائع تحس :up:

بون احنا ساكنين كامل في دار كبيـــــــــرة تع جدي الله يرحمو
ملا احنا 4 ديار بصح كل واحد باني في جيهة ملا نعيدو كامل مع بعض ( جداتي ..حنا ..2خوالي :d)
نهار العيد كي يروحو المصليين للجامع احنا نقعدو كامل مع بعض لتحت مع لكباش نلقيو النظرة الاخيرة زعما هههه
كي يجيو نروحو كامل فوحد الحوش كبير ويبداو يدبحو بالواحد حتى لي يكملوهم بـ4 ديما ما نكملوش بكري لحتى 1ونص ولا باش يكملو
النسا دايرين مجموعات لي يغسلو الدوارة وجماعتها ولي يشوطو البوزلوف ويغسلوه كامل يتعاونو مع بعض
وانا وبنت خالي غير احنا لي صغارات فالدار مانديرو والو تقريبا هههه خاطر الغاشي بزاف الله يبارك واحنا ماعنا مانديرو نجيبولهم الصوالح برك وانا ندور كي الفوتوغراف بلاباي افوطو ونصور هههه
بصح السنة راه يستنا فينا تكراط البوزلوف مرت خالي لي موالفه تعملو راها مريضه
ملا العام هدا كامل رايحين ياكلو بوزلوف ناقص هههه خاطر الرسمي نصو نرموه ونخليوله جده هههه
كي نكملو نسيقو انا وبنت خالي كااامل الحوش والدرج ملفوق لتحت (ظهرك يتقسم:down
والفطور مانديرو والو خاطر مانكملوش بكري ،، ديجا نهار الصيام لي قبل يدربو حسابهم ويكترو الماكله
ومرات نطيبو صباح حاجه خفيفه برك
بصح جامي فطرنا باللحم ولا الكبدة كما قالو لي قبل ههه الكبدة حتى ليل ونديرو المجمر ونشويو (كل واحد في دارو ) :love01:
وفي عشية العيد يجو كامل لافامي لدار جداتي ونقعدو ونكملو العشية كامل مع بعض ♥
لحتى يجي ليل ونسقمو داك المجمر والكبدة واللحم الله الله ونشويو وناكلو :d
ولغدوا ماما تصبح على الكرشة تعمرها والمصارن وهكا والروايح اععع :tongue02: :tongue02: كوزينة ماندورش بيها نهار كامل
لحتى يجي بابا لعشية ونعاونو فتقطاع اللحم
+ شفت لي قالو يديرو البوزلوف نهار تاني ومنعرف الله يخليكم تخلو اللحم وتروحو للبوزلوف هههه
احنا البوزلوف يديروه فالكونجيلاتير وحتى لشي نهار من النهارات يكون كمل اللحم يجبدوه هههه :p
هدا هو العيد تاعنا :regards02: :d ماشكيتش كاين لي يفوتو كيفنا :p
جليلو حقك تع الكبدة محفوظ كونك هاني هههه + اللحم المحمر راه ليك حقي انا مانكلوش :d
هدرت بزاف علابالي هههه
وصحا عيدكم ،، وربي يفرج على الامة الاسلامية والعربية جمعاء
وماتكتروش الشحم ماشي مليح :bravo01::sport02: ​

هههههههههههه روو اجوائكم كانت تشبه لاجوائنا احنا تاني كنا عيال جداتي واحنا وزوج عمومي
ابي مسكين ظهرو ينقسم بالدبيح والسليخ وحتى احنا نكملو مع 1.30 ظهر يأدن علينا بصح شا هي الكبدة ياكلوها مع 12.30 ولا 12 وكل واحد في دارو وكل واحد يدوق خوه سفود نتاع الكبدة ههههه هديك هي الاجواء الي صرت نبكي عليها ...
اسمعي راكي كبرتي هاد العام سيي تنقي الدوارة وخطيك من بوزلوف راه واعر عليك ^^ بكري كنا نكرهو فالتسياق والحوش الكبير
اما كي رحلنا ندبحو فالكراج فيه كارلاج تجي ساااهلة وهديك الهيدورة ديراكت في ساشي لجامع مشي كيما بكري جداتي تكشفنا بيهم
تديهم وتقلنا غسلوهملي واااااااااع وتيبسهم نعقل مرات حتى دود يدور بيها ههههه
بالنسبة لبوزلوف احنا نديروه فاليوم الخامس او سادس ...... :yahoo01:

بصح ماناكل والو ونفرح بالعيييد بزاف ونخدم صوالحو ^^ بصح تلقايني موسوسة مع روحي وغير نشم في يدي ونغسل فيهم ونديرلهم جميع العطور وتبقا الريحة بصح في نيفي مش في روحي ههههههههه
​