:regards01:
السّلام عليكم , وصح عيد الجميع , ربي يهنيكم كامل
والله موضوعك يا خويا عندو 4 ايام وهو يحرق في قلبي ههههه, شفتو قبل العيد ولأنو كان عندي خلل ماكنت نقدر نشارك في المواضيع, ونهار قدرت نشارك كانت ليلة العيد, قلت خلي يجوزو يومين اللولين ونجيبلكم اخبار جديدة :d , وراني رجعت كيما وعدتك ^^
اهلا وسهلا اختي لؤلؤة قسنطينة
كل عام وانتم بخير ... تقبل الله منا ومنكم
:-r ههههه خليتك آخر وحدة نرد عليها هاكا نقرا الرد الطويل العريض بتأني
مريت عليه داك النهار مي ماقريتوش مليح ... هاني وليت لييييك
مسكينة ياربي تشف :d :d خلل وقاع اواه ماشكيتش ... هادي آفار تاع لحم تخلط في الميكرو تاعك معا الكرشة
غسلتيه معاها :-o... :yahoo01::yahoo01:
المهم بدون لف ودوران عندي مانخربش اليوم ههههه, نديرلك موضوع في نص موضوع,
احم احم بسم الله
على بركة الله
اولا رايحة نبدا بنهار عرفة, العايلة كاملة تكون صايمة
وحسيت بجو رمضان عاود رجع من جديد , واشوا كان جو تاع رمضان فيه نكهة العيد ^^ يعني ماشاء الله, وماش رايحة نحكي عليه بزااف خارط اكيد فيه خدمة مادام غدوة العيد , المهم من بعد نفطرو عادي نحنيو للكباش , انا بصراحة ماحبيتش نروح نشوف الكبش , خاطر علابالي غير نقرب ليه ونمسو يدخل في قلبي وغدوة يوجعني قلبي كي يدبحوه, مالا ماشفتو ماشافني ههههه,
مليح ربي يتقبل يوم عرفة منا اجمعييين ان شاء الله
خخخخخ خفتي تربي عليه الكبدة :p:p تصبحي شاويتها ومخلياتووو مسكين :d...
ربي يرحموو :-r ... راهو غايضني في بلاصتك
الليلة هاديك مستحيل نرقدو بكري, نبقاو ساهرين, هادي قاطوات ( اصلا تحلالي الخدمة غير الدقيقة اللخرة هههه) , ومن بعد نرقدو شوي حتى يجي الفجر, مالا نضنا صلينا هاداك هو هزينا الفراش ووجدت الفطور لبابا باه يروح يصلي صلاة العيد , وكي يخرج هو بنداو نفرزو ونضفو الدار ونغسلو لماعن تاع لفطور باه م نبعد تجينا الخدمة ساهلة , وغير يولي بابا نعيدو لبعضانا ونزيدو نروحو لدار جدي واعمامي خاطر ساكنين كيف كيف نعيدو لبعضانا ,ومن بعد نقولهم ماتجبدو حتى كبش حتى ندخل للدار وابداو اذبحو ههههه مانحبش نشوف قلبي يوجعني صح , نولي ندخل للدار ونوجد لماعن لي يحطو فيهم الراس وجماعتو هههه, ومن بعد الدبيحة يبدا بابا يدخلنا الراس والكرشة والمصارن, هاد العام انا حكمت راس الكبش ورجليه وشوطتهم وختي حكمت المصارن وماما غسلت الكبدة والقلب والبقية,
وكي خلصنا خدمتنا كاملة ودخل بابا للدار, سيقت باه ماتبقاش الأوساخ في الدار, ومن بعد جبدنا نص الكبدة والقلب برك شويناهم , خاطر بابا مريض عندو السكر ولاطونسيو وماما عندها القلب والسكر, يسما شوي كبدة وشوي قلب وخلاص اصلا بزااف , تغدينا وانا اول عام ليا ناكل فيه الكبدة هههه
مانحبهاش, كليت شوي برك, وكي خلصنا غسلنا لماعن رتحنا شوي من التعب ولعشية رحنا لدار جداتي ربي يرحمها ولبعض الاقارب عيدنالهم , ولعشية روحنا وقسمنا الكبش باه نطيبو بيه الغدوة, بصح فليل ماشوينا ماكلينا والو من الكبش, مدايرين نظام :d
ربي يشفي والديك ويحفظهم ويطول عمرهم ياااارب
هههههه راكي ناشطة الله يبارك .... مزيا كليتيها ... انا قلت كيما خياتك لي فاتو :d:d
نقولك حاجة لوكان الهيدورة كيما تقولوا جا فيها اللحم والله حتى هي مانفرط فيها :yahoo01::yahoo01:
وغدوة الصباح نطيبو نعمة ( كسكس ) باللحم تاع الكتف الايمن , ونتغداو عادي ولعشية يتجمعو العائلة في دار جدي ونقعدو معاهم حتى لعشية خلاص
كل واحد يروح لدارو , وهكا يخلص اليوم الثاني تاع العيد
وتاني يوم مانشويوش اللحم تاني, شوف واحد السمانة هكاك باه نشويو ههههه , يسما نخافو على والديا يعودو يمرضو ولا نمرضو حنا بعد
وهادي هيا ايام عيد الأضحى , فات لاباس والحمد لله ربما جانا شوي صعيب لأنو اول عيد اضحى تكون فيه جداتي غايبة وتحت التراب
بصح الحمد لله هادي هي الدنيا , شكرا خويا على الموضوع القيم والمميز
ربي يرحم الجدة ويجعل مثواها الجنة ... وهادي هيا الدنيا جا العيد وراح
ولا حال يدوم على حاله الدايم ربي سبحانووو
وكيما وعدتك راني رجعت, وماحبيتش نحكي بالتفصيل الممل ولا نديرلك موضوع في نص موضوع ههههه
ربي يهنيك خويا ويهنينا جميعا وان شاء الله ينعاد علينا العيد بالصحة والهنا
الله يسلمك شكرا لوفاءك بارك الله فيك
لالا ماعليش المرة الجاية كتبيلنا مذكراتك ...
والله صراحة تعجبني طريقة سردك للأحداث ماشاء الله ... صوري الفيلم المرة الجاية كامل ههههههه :thumb_up02:
:thumb_up02: .... دمتِ بخير .... وكل عام وانتم بخير
تقبل مروري
