شاركنا يومك الأول من عيد الأضحى == مرحبا بيكم ==

[بنت الصحراء08]

رد: شاركنا يومك الأول من عيد الأضحى == مرحبا بيكم ==

انا يوم العيد الاول فالصباح حاجة باينة بعد الذبح يبدا النيطواياج والتسياق بعدها يبداو يجونا عمامي وولادهم ونروح لجيرانا نديلهم الملفوف ههههههه وبعدها كي يخلاصو الزيارات نفطرو ونروحو لدار جدي وهادي الحاجة للي ننتظرها تم نتلاقا بنساوين عمامي و بناتهم ونديرو الاجتماعات الشيطانية ههههههه وكي قرب المغرب نولو لدارنا نبداو خدمة جديدة نلقاو بابا بدا يقطع اللحم ونعاونه اما نهار الثاني نوضو صباح بكري نوجدو القهوة ونروح لدار اب ماما نتلاقا تم بخالاتي وخوالي وولادهم بصح مشي كيما نهار الاول لخطرش علاقتي بيهم مشي كي علاقتي يولاد عمي عيانة شوي المهم نفطرو في دار جدي وعشية نرجعو لدار وفالنهار الثالث تجي اختي لمزوجة
وهادا هو البرنامج نتاعي فالعيد
موضوع رائع يعطيك الصحة​

 

[بنت الصحراء08]

رد: شاركنا يومك الأول من عيد الأضحى == مرحبا بيكم ==

والحاجة للي نسيتها هي ان الشي ممنوع في دارنا
هادا قانون ماما كان غير خويا المرحوم للي يخالفه
هههههههه​

 

[اسيل الحياة]

رد: شاركنا يومك الأول من عيد الأضحى == مرحبا بيكم ==

آمين يارب ... والجميع ان شاء الله
العفو مرحبا بيك اختي اسيل الحياة نورتينا
هاديك هيا لازم قالك الهدرة والمغزل :d
ربي يوفقنا لما يحبه ويرضاه
دمتم بخير

:thumb_up02:عندك الصح كل العام ونتوما ب 1000خير:yahoo01:

 

[louizalina]

رد: شاركنا يومك الأول من عيد الأضحى == مرحبا بيكم ==

نبد نهاري بصلاة و نسلم على كبش من بعد كي يذبحوه نطيب ليفرت و نبعد نشو عيدكم مبروك

 

[اسيل الحياة]

رد: شاركنا يومك الأول من عيد الأضحى == مرحبا بيكم ==

نبد نهاري بصلاة و نسلم على كبش من بعد كي يذبحوه نطيب ليفرت و نبعد نشو عيدكم مبروك

صحيح الصلاة اولى عيد مبارك لكل المسلمين تعيدوا وتزيدو :yahoo01: عقوبة للعوام الجاييين :thumb_up02::love01:

 

[زهرة اللمة]

رد: شاركنا يومك الأول من عيد الأضحى == مرحبا بيكم ==

انشاء الله عيدكم مبارك

 

[Salam Fleur]

رد: شاركنا يومك الأول من عيد الأضحى == مرحبا بيكم ==

السلام عليكم

هذا وين جات دالتي نحكي ...ههه

بون نوض الصباح مع الصلاة نصلي و نكمل الاعمال لي قعدتلي من النهر لي فات ... نوجدوا الفطور ..يكون الاب تاعي راح للصلاة .... و من كي يرجع نفطروا و يروح هو للذبيحة .... رايحين ندبحوا عجل و الذبيحة رايحة تكون في الباطوار .. عندنا 8 سنين و حنا هكذا .........

الغذا ككل عام انا المسؤولة عليه من سلاطة ماسيدوان للبطاطا مقلية .. العام لي فات ديرنا تليتلي نهار الاول مانعرف العام هذا فيها ولا لالا .. يادرا واش رايحة تشور عليا الوالدة ............

كي يجي نبداو نديروا الشوا على الجمر ..... كي يوجد .. ندوروا على المائدة و نتغذاو ...... ياربي مايطولوش واحد العام حتى ل 2 باه تغذينا

الزيارات العائلية نخليوها نهار الثاني

هذا واش راني نتفكر ...ممممم .. كاش حاجة نجي نزيده ..ههه

​

 

[لؤلؤة قسنطينة]

رد: شاركنا يومك الأول من عيد الأضحى == مرحبا بيكم ==

السّلام عليكم
موضوع ممتاز الله يبارك , وللأسف وصلت روطار
وبما اني متوخرة نخلي حتى يفوتو اليومين اللولين تاع العيد ونرجعلكم هنا نخربش شوي :d
باه نجيبلكم اخبار ساخنة هههه
بارك الله فيك خويا, مبدع كعادتك
ورايحة نولي بإذن الله لموضوعك
تحياتي الخالصة لك​

 

[نجيب]

رد: شاركنا يومك الأول من عيد الأضحى == مرحبا بيكم ==

وعلاش لا يا اخي ؟ مافيها والو تشوط زليف ولا رفدت هديك الدوارة وخويتها واش فيها ؟ وانت ماتدبح وماتسلخ ماتحكم لخروف ؟؟
:-r:-r:-r

نقولك حاجة مطبخ الاحلام موالف كل عام غير نسلخ و نشوي

هد العام و الله العظيم سلخت و شوطت زليف و قسمتو و غسلت الدوارة هههه الله غالب يما وحدها فالدار و لازم هكا

بصح كي كملت حست بالتعب لي كانت يما تتعبها كل مرة في شواط زليف و غسل الدوارة ​

 

[نجيب]

رد: شاركنا يومك الأول من عيد الأضحى == مرحبا بيكم ==

كل عام و أنتم بخير​

 

[اسيل الحياة]

رد: شاركنا يومك الأول من عيد الأضحى == مرحبا بيكم ==

مم شاطر كل عام وانتم بخير

 

[عاشقة الكرة]

رد: شاركنا يومك الأول من عيد الأضحى == مرحبا بيكم ==

السلام عليكم
اولا صحا عيدكم نتمنى فات عليكم بالصحة والهناء وكليتو بيان
المهم نحكيلكم كفاه فوتنا نهار ليوم
نضنا صباح صلينا كي العادة ومبعد لحق صلاة العيد راح الاب واخوتي يصليو هداك هو مابين ماجاو وجدنا السكاكين والماء وكامل المستلزمات طبعا انا وامي المهم ذبح بابا وخويا لكبير وسلخو وانا وأمي شوطنا هذاك الراس ورجلين خخخخ الريحة يا بابا وغسلناهم بالبيان
ومبعد خرجولو المسران وفوادو وغسلناهم وعلقناهم وعلقنا الجزرة ولمينا حشاكم الزبل وكلشي غسلنا ونظفنا وسيقنا ومبعد خوتي تدوشو وستيكاو رواحهم وكلاو الكبدة الحميص وهادوك لفكاير مصران وكلية وقلب واحد لا ياكلهم آبار الوالدة ومبعد لحقت 10 لقينا رواحنا كملنا كلش ساجيين ناجيين ذابحيين ماكلين هههه فات النهار ومبعد جاو خوالي كما لعادة ورحبنا بيهم ودوكا رانا قاعدين كملنا نهار اليوم وفات على خير والحمد لله...وأكيد زيارة الأهل والأقارب بعد حين إن شاء الله
هذا مكان هههههه ولا نزيد
عقبال العام جاي ان شاء الله....بالصحة والهناء​

 

[مطبخ الأحلام]

رد: شاركنا يومك الأول من عيد الأضحى == مرحبا بيكم ==

نقولك حاجة مطبخ الاحلام موالف كل عام غير نسلخ و نشوي

هد العام و الله العظيم سلخت و شوطت زليف و قسمتو و غسلت الدوارة هههه الله غالب يما وحدها فالدار و لازم هكا

بصح كي كملت حست بالتعب لي كانت يما تتعبها كل مرة في شواط زليف و غسل الدوارة ​

السلام عليكم

اييييييييييييييي مزيا يا ربي جربت هداك الاحساس الي نجدروبه كل مرة :d انا دروك راني مديفورميا يا مامي
ماعليش باش ماتتعبش الوالدة احنا نتعبو في بلاصتها ويا دوب نرجعولها ولو القليل ملي مدتنا ربي يطولك في عمرها وجميع الوالدين يارب

 

[مطبخ الأحلام]

رد: شاركنا يومك الأول من عيد الأضحى == مرحبا بيكم ==

هاد العام راني خدمت كثر من العام الي فات وكي تزيد تروح اختي رايحة نزيد نخدم دوبل الا ربي كتب
راني نقيت حكمت مع ابي لخروف وسلخت معاه ونقيت الدوارة وغسلت بوزلوف وقصصته وزدت حرجت البكبوكة
راه عندي 4 جرحات في يدي هيهيههيهيه ابي سننا السكاكين ياو اينوي حاجة غاضتني ضفراني توسخو بلكحال نتاع زليف وقصيتهم
سا سي جاليلو كيما قالت اميرة وينه دورك باش تحكينا على يومك كيفاش فات؟

​

 

[اسيل الحياة]

رد: شاركنا يومك الأول من عيد الأضحى == مرحبا بيكم ==

نقولك حاجة مطبخ الاحلام موالف كل عام غير نسلخ و نشوي

هد العام و الله العظيم سلخت و شوطت زليف و قسمتو و غسلت الدوارة هههه الله غالب يما وحدها فالدار و لازم هكا

بصح كي كملت حست بالتعب لي كانت يما تتعبها كل مرة في شواط زليف و غسل الدوارة ​

الله لايضيع اجر المحسنين .........:sport01:وانت شاطر بمعنى الكلمة parceque انا نكره هدي الخدمة ونولي نزقي وكارهة حياتي .....:-rههه

 

[oumliyane]

رد: شاركنا يومك الأول من عيد الأضحى == مرحبا بيكم ==

* باقة ازهار وورود ..
وسلة بخور وعود ..
والعيد عليكم يعود ..
وكل عام وانتم بخير

اما عن نفسي العيد كيما كل الاعوام الماضية الفرق انه هذه السنة قضيته و ناقص فرد من افراد الاسرة بنتي تزوجت و خلات فراغ كبيييييييير و لكن هذه هي سنة الحياة الله يسعدها و يسعد جميع الامة الاسلامية.

شكرا لك اخي على الموضوع الرائع

 

[soro siri]

رد: شاركنا يومك الأول من عيد الأضحى == مرحبا بيكم ==

في كل صبحة اتذكر كل طفل وفتى محروم من الابتسامة و كل بلد مسلم محروم من الابتسامة بسبب الحصار. فاسال الله العلي القدير ان يوفق كل بلدفي صد الحصار وان يجمع شملهم

 

[جليلوس]

رد: شاركنا يومك الأول من عيد الأضحى == مرحبا بيكم ==

السلام عليكم
يا لحباب صحا عيدكم وكل عام وانتم بخير
بالصحة والهنا تعيدو وتزيدوا ان شاء الله
القرعاجات الاخت مطبخ الاحلام والأخت اميرة نتمنى تكونوا تعبتوا شوي
راني جيت نحكيلكم كيفاش فوّت نهار لول تاع العيد
بون بسم الله ... نهار قبل راكم عارفين عرفة والصيام ... تقبله الله منا ومنكم
ذلك الجو الإيمانى اتمنى ان يبلغنا الله اياه سنين عدة ...
المهم الشبيبة لي تبغي الحنة جليلو راه داير دويرة في يدووو
هايا سيدي راني خبرتكم هادي ليلة العيد والفتها الله غالب
نجو لصبيحة يوم العيد نضنا صباح صلينا الفجر قعدنا قرينا شوي قرآن ...
ستنينا يما توجد القهوة ونخرجوا للصلاة بعد التطيب والتعطر ... صلينا تغافرنا مع لحباب والجيران
ليسونسيال هاد العيد عيدت عند خويا ...
هو ذبح وانا سلخت ونقينا الدوارة وشوطنا البوزلووف وعجبت بيه مسكين داك المخلوووق عينيه خرجتهملو باسكو حقااار ضربلي وليدي .... ههههه وليد خويا .... ملحت الشحم والكبدة ودرتها تتقلا شوي ومن بعد قطعتها ودرناها ملفوف ... وكل الدوارة في ضربة وحدة باسكو كنا زوج عايلات ... المهم فطرنا درنا فيها آتاي مريقل ... وهبطنا عند جداتي كملنا القسرة وماتحلاش القعدة بلا تقرعيج خوالي وولادهم ... تلاقينا معا لحباب تما ... خرجنا قسرنا برا شوي وطلعنا لدويرتنا هههههه ... درنا فيها شطيطحة بوزلوف مادارتش
هع هع هع هع سمحولي ليفوطو راهم يطيبوا على نار هادية لوكان سخفتكم شوي مي الله غالب
اليوم الثاني هبطت للمقبرة ترحمت على الاموات وطلعت نغافر لي بقاو في لاليست هههه من اليوم الأول ....
ورجعت للتهرقيم وراكم عارفين الحكاية .... والعيد كمل والعقوبة للعام الجاي ادا كنا منا الأحياااء ...
وربي يفارقنا بلا ذنوب
اشكر كل من مر من هنا او بصم بشكر الله يعطيكم الصحة ....
ملاحظة فقط اختي مطبخ الاحلام رانا نسناو في موضوعك تاع اول يوم واش درتي فيها ....
مسموحلك التصاور ماراناش صايمين خخخخخخ .... وربي يعطيك الصحة بورك فيك
تحيتي
​

 

[جليلوس]

رد: شاركنا يومك الأول من عيد الأضحى == مرحبا بيكم ==

اااه نذكركم ماتنسوش حقي تاع الملفوف hhhhhhhhhhhhhhhhhhhhhhh mareheba bik

هههه لله يسلمك ربي يحفظك

 

[جليلوس]

رد: شاركنا يومك الأول من عيد الأضحى == مرحبا بيكم ==

يومي تع عرفة راني صايمة و راح نرقد دوكا باي

مليح ربي يوفقنا واياكم
وصحا عيدكم كل عام وانتم بخير