حتى التاجر و الخباز من حقو يحتفل بالعيد

[أم منيــــــر]

السلام عليكم
صحا عيدكم كل عام وانتم بخير
نهار العيد كنت نتفرج الاخبار باش نشوف واش صرا في منى
المهم على قناة جزائرية خاصة ميكروفون القناة دار في شوارع العاصمة واش كاين؟؟:s
الناس تشكي من المحلات المغلقة قالك ما لقينا لا خبز ولا حليب كل شي مغلوق
واحد متنرفز و يهدر و يشتكي للقناة انو التجار راهم مفرطين في عملهم و مانعرف واش...
و لي يزيد الطين بلة تلك التعليقات نتع الصحفيين لي تزيد تشعل النار
شوفو الانانية نتع الناس يسمى انت عيد في دارك و تلايم مع عايلتك و زور احبابك
والخباز و التاجر يترك كامل هاد الشي و يجي يفتح المحل نتاعو باش انت تلق واش حبيت:down:
وين صرات هادي ؟؟؟ حتى في اوروبا و ماكانش نهار العيد عيد ونهار العطلة عطلة
يا اخي انت علاش ما تاخدش احتياطاتك و تشري لحليب والخبز بزيادة حتى تكون هاني
انا شخصيا زوجي كل عيد يشري لحليب على حساب يامات العيد و الخبز نعجن في الدار و ميم في الدار نعجن بزيادة باش نستغل العيد
المجتمع نتاعنا لكريتيك ساكن في دمو و الله انا استعجبت مع اني والله لا علاقة لي لا بالخباز ولا التاجر
وانما كما نحب انا نحتفل بالعيد هما تاني بشر و حقهم يعيدو مع عايلاتهم يخرجو و يغافرو و يزوروا احبابهم
و الله غير عجب
نتافقو على حاجة كي المدة تتجاوز يومين او3.... يلا هدرنا صحا تجي علينا
واحد السنوات مضت التجار غلقوا اكثر من اسبوع الناس عانات هادي ماشي حق عليهم.....
بصح نهدر نهارالاول نتع العيد :-oلالا ما جاتش خلاص:down:
مع التهديدات نتع الحكومة بالغلق لكل واحد ما يفتحش نهار العيد ....الناس استغلو الفرصة و زادو فيها بزاف
و الله هادي هي انانية كبيرة قلبي وجعني و حبيت نحكيلكم واش شفت
دروك حبيت نعرف تتافقو معايا في واش حكيت ول لالا ؟
بارك الله فيكم :regards01:كل عام وانتم بخير:regards02:
​

 

[Hakan]

رد: حتى التاجر و الخباز من حقو يحتفل بالعيد

السلام عليكم
صباح الخير خالتي نضن التاجر والخباز عندهم اهل وعندهم رحم
ولازم عليهم يعيدو ويسلمو على ناسهم
لكن كيما قلتي الشعب اناني وجداا والحكومة ما تستوعبش هذي الاموور
من حق اي شخص يعيد ويعيش فرحة العيد
وكيما قلتي نهار ولا نهارين ماهيش رايحة تضر
والرجال نتاع دركا ما تخدمش زوجتو المطلووع وولفها بالخبز
اما للحليب كاين حليب الغبرة واشري الحليب نتاعك مسبقااا
ربي يهدينا ​

 

[السلطانة]

رد: حتى التاجر و الخباز من حقو يحتفل بالعيد

وعليكم السلام صباح النور كل عام وانتي بألف خير

صح حتى هوما عباد كيما حنا

والاغلبية تلقايهم يحوسو على الخبز

علاه نساهم ميخبزوش ؟

معظم النساء تاع العاصمة بالأخ يشريو الخبز قليل لي تخبز فيهم علابيها قلبوها عليهم داك العام

ملقاوش عندهم حتى الدقيق والطاجين في الدار

والمنتوجات لوخرا يقدرو يشريوها قبل العيد ويخبيوها وانتهت القصة

شعب غير تاع صلاحو

 

[بنقابي افتخر]

رد: حتى التاجر و الخباز من حقو يحتفل بالعيد

معاك الحق
اني معاك يعني انت عيد مع ولادك ولفامي وهو يستناك تجي تشري عليه الخبز حرام عيلكم هذو عباد مشي بلاستيك ..وحتى التكاسي ولي بيس يقولك مالقيش الركبه ووووو وعلاه هو روبوت انت تحس وهو مايحسش ووجهم حمر يسبو ويعايرو روح علم مرتك تعجن وتخبي الحليب كيما النسا ورواح اهدر وتجي عليك هههه والله غير شر البلية مايضحك

 

[لؤلؤة قسنطينة]

رد: حتى التاجر و الخباز من حقو يحتفل بالعيد

السّلام عليكم
موضوع في الصميم سيدتي الكريمة , يوصفو التجار بالأنانية وهوما نفسهم انانيين
لوكان كيما قلتي تفوت اسبوع صح, هادي ناس محتاجة , بصح يومين ماداو ماجاو, واذا ماشربتش حليب ولا ماكليتش خبز رايح تموت؟؟
دير شوي كسكس وشوي لحم وهي فرات, اصلا عيد الاضحى مادام كاين اللحم ماتحتاج والو, واذا على العجائن ولا حاجة خلاف
اشري من قبل, وهي فرات, تعرفي دركا الناس جهلت, تقول كي ماتشريش لمدة يومين رايحة تموت
تلقايهم قبل العيد باسبوع يرشيو 50 خبزة و15 شكارة حليب, واشري واشري واشري
تقول رايحة تقوم القيامة, الجهل حاكمهم, اي والله حاجة عادية, حنا ماعندناش مشكل, اذا الحانوت قافل دير دويدة بالحليب وهي فرات :d
ولازم نحتارمو غيرنا ونعرفو بلي من حقهم يعيدو في دارهم مع ولادهم ويزورو الأقارب
يعني شوي علينا وشوي عليهم وتمشي الحالة
بارك الله فيك مجددا سيدتي الكريمة على الموضوع ربي يهنيك
تقبلي مروري​

 

[Amine7N]

رد: حتى التاجر و الخباز من حقو يحتفل بالعيد

الســـلام عليكم
ماشــي كامــل النــاس مـن حقها تعيد مع العايـــلة
الله غالب كاين وظائف ملازمش توقف
مي الخبــاز والتــاجر مراهمش ضروريين
لـــدرجة قناة تلفزيونية تعلن عليهم الحرب

الناس منارفية ومقلقة باسكو ميقدروش
يهدرو مع نسائهم باه يخبزو
يلعبها قدام الكاميرا
وميلعبهاش قدام المرا نتاعه
ربي يهديهم
​

 

[أم منيــــــر]

رد: حتى التاجر و الخباز من حقو يحتفل بالعيد

السلام عليكم
صباح الخير خالتي نضن التاجر والخباز عندهم اهل وعندهم رحم
ولازم عليهم يعيدو ويسلمو على ناسهم
لكن كيما قلتي الشعب اناني وجداا والحكومة ما تستوعبش هذي الاموور
من حق اي شخص يعيد ويعيش فرحة العيد
وكيما قلتي نهار ولا نهارين ماهيش رايحة تضر
والرجال نتاع دركا ما تخدمش زوجتو المطلووع وولفها بالخبز
اما للحليب كاين حليب الغبرة واشري الحليب نتاعك مسبقااا
ربي يهدينا ​

و عليكم السلام
ايه هدا هو المنطق كل واحد حقو يحتفل بالعيد
و الله يا حكيم كاين شي رجال تالمو ولفو نساهم خبز السوق ما يقدرش يقولها عجني في الدار
ما عرفتش يخاف منها ول واش
كل شي كاين خاصنا شويا عقل برك و نكونو متفهمين و نحسو بالناس لوخرين
آمين ربي يهدي الجميع شكرا لك حكيم
​

 

[أم منيــــــر]

رد: حتى التاجر و الخباز من حقو يحتفل بالعيد

وعليكم السلام صباح النور كل عام وانتي بألف خير

صح حتى هوما عباد كيما حنا

والاغلبية تلقايهم يحوسو على الخبز

علاه نساهم ميخبزوش ؟

معظم النساء تاع العاصمة بالأخ يشريو الخبز قليل لي تخبز فيهم علابيها قلبوها عليهم داك العام

ملقاوش عندهم حتى الدقيق والطاجين في الدار

والمنتوجات لوخرا يقدرو يشريوها قبل العيد ويخبيوها وانتهت القصة

شعب غير تاع صلاحو

الله يسلمك و انت تاني كل عام وانت بخير
شفتي كفاش ؟ الدار لي ما فيهاش الدقيق و الطاجين دار؟؟
و الله العولة مليحة كي تكون في الدار على الاقل الواحدة منا تسلك راسها ادا كانش ما كان
و امي دايمن توصينا و تقول لنا ما تخليوش الكوزينة فارغة من العولة
هما كبرو هكدا و احنا نتبعو النصائح نتاعهم لانهم ادرى بالامور منا
ايه يشريو من قبل و خلاص ياخي كل شي متوفر و الحمد لله
شكرا لك ساندي بارك الله فيك

 

[أم منيــــــر]

رد: حتى التاجر و الخباز من حقو يحتفل بالعيد

معاك الحق
اني معاك يعني انت عيد مع ولادك ولفامي وهو يستناك تجي تشري عليه الخبز حرام عيلكم هذو عباد مشي بلاستيك ..وحتى التكاسي ولي بيس يقولك مالقيش الركبه ووووو وعلاه هو روبوت انت تحس وهو مايحسش ووجهم حمر يسبو ويعايرو روح علم مرتك تعجن وتخبي الحليب كيما النسا ورواح اهدر وتجي عليك هههه والله غير شر البلية مايضحك

هدا هو الشعب نتاعنا ما قدرش على لكبار رجع على خوه المواطن البسيط يخرج فيه زعافو
كل واحد من حقو العيد كما قلت حتى نتع النقل
هدا هو الفرحة ليك و ليا و العيد عليك و عليا
شكرا لك و بارك الله فيك

 

[أم منيــــــر]

رد: حتى التاجر و الخباز من حقو يحتفل بالعيد

السّلام عليكم
موضوع في الصميم سيدتي الكريمة , يوصفو التجار بالأنانية وهوما نفسهم انانيين
لوكان كيما قلتي تفوت اسبوع صح, هادي ناس محتاجة , بصح يومين ماداو ماجاو, واذا ماشربتش حليب ولا ماكليتش خبز رايح تموت؟؟
دير شوي كسكس وشوي لحم وهي فرات, اصلا عيد الاضحى مادام كاين اللحم ماتحتاج والو, واذا على العجائن ولا حاجة خلاف
اشري من قبل, وهي فرات, تعرفي دركا الناس جهلت, تقول كي ماتشريش لمدة يومين رايحة تموت
تلقايهم قبل العيد باسبوع يرشيو 50 خبزة و15 شكارة حليب, واشري واشري واشري
تقول رايحة تقوم القيامة, الجهل حاكمهم, اي والله حاجة عادية, حنا ماعندناش مشكل, اذا الحانوت قافل دير دويدة بالحليب وهي فرات :d
ولازم نحتارمو غيرنا ونعرفو بلي من حقهم يعيدو في دارهم مع ولادهم ويزورو الأقارب
يعني شوي علينا وشوي عليهم وتمشي الحالة
بارك الله فيك مجددا سيدتي الكريمة على الموضوع ربي يهنيك
تقبلي مروري​

بارك الله فيك عزيزتي
قالك الواحد يضحك على خوه و الضحك فيه
مين التاجر اناني و انت واش تكون ؟
و الله نقولك نهار الوقفة قاعدة نتفرج من النافدة نتع داري نشوف اجواء التحضيرات نتع العيد
و السيارات بكل انواعها جايبة الاضاحي لاصحابها يعني منظر جميل جدا
ونشوف الناس جايبة الخبز صاشيات صاشيات و الله انخلت قلت واش راه جاية سنون النفاد ول واش
تقولي الخبز رايح ينقطع يا حفيظ واش هدا ب 40 و 50 خبزة يا اخي دير ربي في خاطرك الدنيا ما هربتش
يا ودي كل واحد تهمو نفسو و خلاص لو كان جينا نحسو ببعضنا كما وصانا الله عز وجل لو كان رانا ملاح
اسعدني مرورك شكرا لك
​

 

[أم منيــــــر]

رد: حتى التاجر و الخباز من حقو يحتفل بالعيد

الســـلام عليكم
ماشــي كامــل النــاس مـن حقها تعيد مع العايـــلة
الله غالب كاين وظائف ملازمش توقف
مي الخبــاز والتــاجر مراهمش ضروريين
لـــدرجة قناة تلفزيونية تعلن عليهم الحرب

الناس منارفية ومقلقة باسكو ميقدروش
يهدرو مع نسائهم باه يخبزو
يلعبها قدام الكاميرا
وميلعبهاش قدام المرا نتاعه
ربي يهديهم
​

صح كاين لي الظروف نتع عملو تفرض عليه باش يعيد بعيد على اهلو
كما انا عندي بنت خالتي 2 ولادها في الجيش نهار يعيدو معاها عنها العيد عيدين و اغلب الاعياد يعيدو بعيد عليها تقولي ماكان حتى بنة للعيد
الله غالب هدا امر مفروض ما عندوش الخيار
اما القنوات التلفزيونية تنوض الحرب و تقولك المواطن الجزائري يبق الضحية
يا ودي المواطن الجزائري راهو ضحية في صوالح كبار ما بقاتش في خباز وا تاجر
الله يهدي ما خلق
والله عندك الحق زعاف مرتو راه يهدر فيه باسكو ما قدرش عليها
ياخي حالة ياخي( ما زال ما فهمتش علاش كاين رجال يخافو من نسائهم )
آمين يا رب العالمين
شكرا لك و بارك الله فيك
​

 

[الخليـل]

رد: حتى التاجر و الخباز من حقو يحتفل بالعيد

أي بيت جزائري تدخله الآن لا تجد فيه كيس سميد أو قمح أو شعير أو تمر !!!!!
ما بهم الجزائريون ؟ هل نسواْ أصلهم ؟؟؟
ألم يكن أباؤنا وأجدادنا يعيشون من القمح والتمر والشعير !!!!!
تجد الشخص يلبس الغالي ويقلد الأور وبي في كل ما يفعل ويحسب نفسه متطوراً ويساير الحضارة !!!!!
وإذا نقُص الخبر تجده شخص آخر يدفع ويدافع ويسب ويتنرفز ويتغير تماماً عن شكله !!!!
إذا كنت صحيحاً تغضب وتتنرفز وتسب ، فأفعل هذا مع نفسك على حالك التى وصلت إليها .... لا يُخبزُ الخبر في بيتك مع أنك وغيبت عادات كثيرة وأخلاق أكثر ....
إعلم أنك مسلم وأخلاقك مهما فكرت ، تختلف تماماً عن الأوربيين...
الأوروبي له أصل ، وأنت لك أصل .... فارجع إلى أصلك ...
الدَّار اللِّى ما فيهاش سميد ولاَّ تمر ولا قمح ولا شعير ... خااااااااااااااااااااااااااالية
وعلاش ما تشروش طواجين وشكاير سميد ولا قمح وتخليوهم للضرورة عيد مثلا أو مناسبة أخرى
وعلاش ما تتعودوش الجمعة والسبت ديروا مطلوع (خبز الدار) خبز الأخيار
فيقوا فيقوا فيقوا .... راكم تايهين على أصلكم الجزائري الأصيل
​

 

[أم منيــــــر]

رد: حتى التاجر و الخباز من حقو يحتفل بالعيد

أي بيت جزائري تدخله الآن لا تجد فيه كيس سميد أو قمح أو شعير أو تمر !!!!!
ما بهم الجزائريون ؟ هل نسواْ أصلهم ؟؟؟
ألم يكن أباؤنا وأجدادنا يعيشون من القمح والتمر والشعير !!!!!
تجد الشخص يلبس الغالي ويقلد الأور وبي في كل ما يفعل ويحسب نفسه متطوراً ويساير الحضارة !!!!!
وإذا نقُص الخبر تجده شخص آخر يدفع ويدافع ويسب ويتنرفز ويتغير تماماً عن شكله !!!!
إذا كنت صحيحاً تغضب وتتنرفز وتسب ، فأفعل هذا مع نفسك على حالك التى وصلت إليها .... لا يُخبزُ الخبر في بيتك مع أنك وغيبت عادات كثيرة وأخلاق أكثر ....
إعلم أنك مسلم وأخلاقك مهما فكرت ، تختلف تماماً عن الأوربيين...
الأوروبي له أصل ، وأنت لك أصل .... فارجع إلى أصلك ...
الدَّار اللِّى ما فيهاش سميد ولاَّ تمر ولا قمح ولا شعير ... خااااااااااااااااااااااااااالية
وعلاش ما تشروش طواجين وشكاير سميد ولا قمح وتخليوهم للضرورة عيد مثلا أو مناسبة أخرى
وعلاش ما تتعودوش الجمعة والسبت ديروا مطلوع (خبز الدار) خبز الأخيار
فيقوا فيقوا فيقوا .... راكم تايهين على أصلكم الجزائري الأصيل
​

اهلا بك اخي الخليل و بارك الله فيك
والله كلامك صواب
تلق المرا تزوخ و تفوخ و هي ما تعرف دير خبزة
احنا اهالينا علمونا مند الصغر انو ما ننساوش اصلنا وعاداتنا
مهما طورنا و تقدمنا يبق اصلنا هوهو و كاين شي صوالح ما نقدروش نفرطو فيهم
والله احنا الحمد لله خبز الدار دايمن متوفرماشي الجمعة و السبت برك
وتعودنا عليه مند الصغر و عودنا ولادنا و بناتنا عليه
قالك لجديد حبو والقديم لا تفرط فيه
شكرا لك
​

 

[الخليـل]

رد: حتى التاجر و الخباز من حقو يحتفل بالعيد

نْسيت : نْزيدكم حاجة أخرى لخاطر ڨـلبي راهو معمر :::
والله العظيم والله العظيم والله العظيم ما تقدروا تكونوا أوربيين ولا ترجعوا جزائريين إذا مشيتوا بهذي العقلية .
لأننا نختلف عنهم كثيراً ... نحن أمة شرَّفنا الإسلام
أرجعوا لصور أجدادكم فقط أثناء الإستخراب الفرنسي
شوفوهم واش يلبسو ...واش ياكلو ... وين ساكنين ... كيفاش عاشوا
وعلاااااااااااااااااااااش احشموا بأصلكم مع أنه شريف
مانيش أنحوس نقولوكم أرجعوا لعيشتهم لا لا لا
نتطور بضوابط .... ماشي نلبس ملايين وأنا ما نعرفش حتى ندق مسمار في خشبة
ولا نْزوخ وأنا عْشَايَا بالكَشفة ...
الزوخ بالأصل ، والمعرفة والتواضع ..
نتمنى الفكرة وصلت ....

​

 

[أم منيــــــر]

رد: حتى التاجر و الخباز من حقو يحتفل بالعيد

بارك الله فيك اخي الخليل
الفكرة وصلت و كل كلامك صواب و هدا هو الصح لي راهم يحوسو يتجاهلوه بعض الناس
​

 

[Salam Fleur]

رد: حتى التاجر و الخباز من حقو يحتفل بالعيد

السلام عليكم

اصبر عليا راني حتى انا شفتها .. وليت نضحك ... كل عيد نفس الحكاية .....ههههههه

حنا الخبز نشريو قبل بنهار و نزيدو نطبخوا تاع الدار ... الحليب كيف كيف ... ديجا بلا عيد و نشروي تاع اسبوع ....... الناس انانية بزاااااااااف . و نزيدك كاين خبازين خدموا قبل صلاة العيد باعوا خبز جديد ..... و ايضا نهدر على جيجل كاين لي دايرين الدالة ... مثلا في العيد هذا يفتح واحد برك في جهة العيد الجاية هو ما يخدمش و يفتح واحد اخر و هكذا ....... نفس الشي مع محلات المواد الغذائية .... اما العاصمة ... اغلب المحلات تاع العاصمة لي خدامين فيها ماشي ولاد العاصمة ... راهم جايين من ولايات اخرى .... من حقهم يقفلوا و يروحوا يعيدوا مع اهلهم .... انا كاين ناس بزااف تاع عائلتي عندهم تجارة في العاصمة يجيوا عشية العيد يقعدوا يومين و نهار الثالث يرجعوا ..........

الناس دير احتياطاتها مادام جاي العيد ...بصح الغاشي تاعنا كل عيد نفس الحكاية ... من نهار شقيت على روحي كل عيد يديروا روربورتاج على هاذا المشكل... 3 ايام ماقدروش يعيشوا مالا لو جات ازمة كيفاه .......​

 

[ђ@ĸĭ๓]

رد: حتى التاجر و الخباز من حقو يحتفل بالعيد

شر البلية مايضحك ... شعب مزال همو في الخبزة وفي كرشو
والله غير عجب العجاب شعب ينتمى لخير امه للناس واحفاد العربي بن مهيدي
وبن بولعيد والى بلد الشهداء لي قاومو المستعمر في الجبال وغذاهم وعشاهم
كسرة طايبة على لحطب ممكن توصلهم ممكن لا مي جيل الاستقلال مقلش بزاف
يشتكي من نذرة الخبز ... الذي هو اسهل شئ يمكن للانسان صنعه
ولا يتطلب لجهد او تقنيات وكفاءات خاصة ,’ نورمالمو دقيق سميد زيت خميرة
وملح وماء وعجن وطيب وطحن هههه ....’،
مي الله غالب هذا واقع مر تعيشه الأسر الجزائريه للأسف عصر التكنولوجيا
والتقليد الأعمى المراة ماعندهاش لوقت درك باه تعجن وكاين حتى لي ماتعرفش
ولا تخاف على اظافرها ولآ بآلآك راهي تشوف فيها عادة قديمة وتخلف وميزيرية ’،
والرجل تاني راحت له الهبه بزاف منهم يخاف حتى يهدر مع المراة تاعو باه تعجن
علابيها يقلب الدنيا اذا مالقاش الخبز ’،
مي الله غالب غابت القناعة’،
ولواحد يحمد ويشكر ربي على هاذ النعمة لي رانا عايشين فيها ’،
بسكو بزاف ناس محرومه من الخير لي جاد بيه مولانا علينا ...
وفي الختام شكرا على الموضوع
ومن حق اي واحد يفرح مع وليداتو وعايلتو بسكو العيد
يومين في العام مشي كل يوم ,،​

 

[أم منيــــــر]

رد: حتى التاجر و الخباز من حقو يحتفل بالعيد

السلام عليكم

اصبر عليا راني حتى انا شفتها .. وليت نضحك ... كل عيد نفس الحكاية .....ههههههه

حنا الخبز نشريو قبل بنهار و نزيدو نطبخوا تاع الدار ... الحليب كيف كيف ... ديجا بلا عيد و نشروي تاع اسبوع ....... الناس انانية بزاااااااااف . و نزيدك كاين خبازين خدموا قبل صلاة العيد باعوا خبز جديد ..... و ايضا نهدر على جيجل كاين لي دايرين الدالة ... مثلا في العيد هذا يفتح واحد برك في جهة العيد الجاية هو ما يخدمش و يفتح واحد اخر و هكذا ....... نفس الشي مع محلات المواد الغذائية .... اما العاصمة ... اغلب المحلات تاع العاصمة لي خدامين فيها ماشي ولاد العاصمة ... راهم جايين من ولايات اخرى .... من حقهم يقفلوا و يروحوا يعيدوا مع اهلهم .... انا كاين ناس بزااف تاع عائلتي عندهم تجارة في العاصمة يجيوا عشية العيد يقعدوا يومين و نهار الثالث يرجعوا ..........

الناس دير احتياطاتها مادام جاي العيد ...بصح الغاشي تاعنا كل عيد نفس الحكاية ... من نهار شقيت على روحي كل عيد يديروا روربورتاج على هاذا المشكل... 3 ايام ماقدروش يعيشوا مالا لو جات ازمة كيفاه .......​

و عليكم السلام
نبدا من الاخير حتى انا لاحظت هاد الشي
شويا ندرة نتع خبز و حليب شوفو واش صرا
لو كان تكون لا قدر الله ازمة واش يصرا
ربي يلطف بينا و يديم علينا نعمتو
شكرا لك وبارك الله فيك على اثراء الموضوع
​

 

[أم منيــــــر]

رد: حتى التاجر و الخباز من حقو يحتفل بالعيد

شر البلية مايضحك ... شعب مزال همو في الخبزة وفي كرشو
والله غير عجب العجاب شعب ينتمى لخير امه للناس واحفاد العربي بن مهيدي
وبن بولعيد والى بلد الشهداء لي قاومو المستعمر في الجبال وغذاهم وعشاهم
كسرة طايبة على لحطب ممكن توصلهم ممكن لا مي جيل الاستقلال مقلش بزاف
يشتكي من نذرة الخبز ... الذي هو اسهل شئ يمكن للانسان صنعه
ولا يتطلب لجهد او تقنيات وكفاءات خاصة ,’ نورمالمو دقيق سميد زيت خميرة
وملح وماء وعجن وطيب وطحن هههه ....’،
مي الله غالب هذا واقع مر تعيشه الأسر الجزائريه للأسف عصر التكنولوجيا
والتقليد الأعمى المراة ماعندهاش لوقت درك باه تعجن وكاين حتى لي ماتعرفش
ولا تخاف على اظافرها ولآ بآلآك راهي تشوف فيها عادة قديمة وتخلف وميزيرية ’،
والرجل تاني راحت له الهبه بزاف منهم يخاف حتى يهدر مع المراة تاعو باه تعجن
علابيها يقلب الدنيا اذا مالقاش الخبز ’،
مي الله غالب غابت القناعة’،
ولواحد يحمد ويشكر ربي على هاذ النعمة لي رانا عايشين فيها ’،
بسكو بزاف ناس محرومه من الخير لي جاد بيه مولانا علينا ...
وفي الختام شكرا على الموضوع
ومن حق اي واحد يفرح مع وليداتو وعايلتو بسكو العيد
يومين في العام مشي كل يوم ,،​

فعلا شر البلية ما يضحك احفاد الشهداء و الابطال يبكيو على الخبز و الحليب
و الله عند الحق
لو كان نسا زمان ما تكونش هاد المشاكل و رجال زمان يستحيو باش يهدرو على حاجة كما هادي تبان لهم عيب كبير
بصح درك كل شي رجع نورمال
ومع هدا ما زال كاين الخير ربي يدوم علينا خيرو و نعمتو واهم شي الامان و الاستقرار و السلام
بارك الله فيك و شكرا لك
​

 

[Oussama.GF]

رد: حتى التاجر و الخباز من حقو يحتفل بالعيد

سلام عليكم
هنا صح واش تاجر معا يعيدش
ناس قبل لعيد لازم توجد وش يخصها راهم عارفين بلي لحونة مبعد مش راح يفتحوا
انا تاني صرات لدرنا قتلهم ديروا كسرة حانوت مسكر وهوما يقلولي لالالالالالالا حانوت مفتوح ينفخوا رصان