المهيبة √ موضوع للنقاش

[أشــواق 19]

ههههههه موضوع شبااب يعطييك الصحة..
وي هذي العادة راهي في قاع الولايات ودك ولاو يزيدو عليها بزااف..
انا عن نفسي قلتلهم مسامحين من جيهتي متجيبوليش مي أم الزوج أصرت باه تجي .ربي يجازيها..
بصح حساب مراني نشووف صديقاتي عندهم شروط بزاف لازم تجيبولي هكا وهكا ولازم كيما صفحة الشدة التلمسانية..وهكا ولات فيها مبالغة وتكليييف ومظاهر

 

[خديجة ph]

السلام عليكم اخي
و مرحبا بك في قسنطينة بلاد هذه البدع و بلاد الزيادة عليها في هذه الامور من يوم الشوفة كما نقولو احنا النظرة الشرعية قبل الخطبة bague de promesse خاتم الوعد بالخطبة هذا قبل الخطبة و يكون ضخم الى المهيبة اللي تكلمت عنها و اللي نسموها احنا التكبيرة لازم يكبر بخاطر عروسه و احنا بغض النظر عن الفاكهة و الفخذ تاع اللحم اللي يجو نهار العيد الكبير و العقد في البلدية لازم سينية بقلاوة و حاجة ذهب دااائما شرط كل مرة مناقش سنيسلة غادكو المهم لازم فيها المعدن الاصفر و اذا طالت الخطبة طالت هذي الامور و كيما يقولو عندنا هذي الفنطازيا و الزيادة عليها و التفاخر يقولولو التاويل و راجل متول و يعرف و دارهم يحقو
المهم هو مافي عقل البنت و الولد التاويل في الراس مش في الذهب و القاطو
ربي يهدينا و يهديهم اجمعين

 

[زاد الرحيل]

الهيبة عادة و لكنها كانت بسيطة و اليوم رجعت نقمة على العريس المسكين
مظاهر لا معنى الله و تشجع على الفراق اكثر