ما نخدموش جيبو لمصاروة ولا سورين!!!

[حكاية قمر]

رد: ما نخدموش جيبو لمصاروة ولا سورين!!!

الشباب عاد فنيان
خلاصه القول هي :
وبصفه اخرى ناس عادت حابه الربح السريع

​

ماشي gاع كاين لي يتعب باه يخدم
وربح السريع اما مايجيش واما يكون بالحرام وناادرا ما نصبوه بالحلال لأنو المنطق يقول تتتعب تنال
شكرا لمرورك​

 

[oussama R10]

رد: ما نخدموش جيبو لمصاروة ولا سورين!!!

ماشي gاع كاين لي يتعب باه يخدم
وربح السريع اما مايجيش واما يكون بالحرام وناادرا ما نصبوه بالحلال لأنو المنطق يقول تتتعب تنال
شكرا لمرورك​

علبالي مش قاع مي ناس نشوف فيها حابه تدير دراهم بربي ولا بلاش ربي استغفر الله
​

 

[حكاية قمر]

رد: ما نخدموش جيبو لمصاروة ولا سورين!!!

علبالي مش قاع مي ناس نشوف فيها حابه تدير دراهم بربي ولا بلاش ربي استغفر الله
​

واه كاينة
ربي يهدينا ويكفينا بحلاله عن حرامه​

 

[الورد الأحمر]

رد: ما نخدموش جيبو لمصاروة ولا سورين!!!

السلام عليكم
الرجال ما بقاش بزاف وينقرضوا في بلادنا راهم بقاو غير لي يشبهولهم وشغل الرجال صح راهم على وجه التقاعد والباقي الكل أنوش باباه وماماه إلا من رحم ربي ! ... تلقاه قاعد مي يحب يخلص ويحب يشري دار ويحب يشري الطوموبيل ويحب يعيش سلطان ! وهو الصبح ما يبكرلوش الخدمة ما يبكرلهاش كاينة ولا ماكانش من اللخر احنا شعب ما يحبش يخدم من بعد يسب لبلاد ويحب يحرق !!! ياو الغاشي الكل ما صافيش تلقاه وقت الخدمة برا ! هاو خرج يشري قهوة هاو خرج يتكيّف هاو خرج يقضي ! عندنا في وحد لبلاصة كاين شونتي يخدو فيه جزايريين ومقابلو شونتي خلاف يخدمو فيه سوريين ... الجزايريين راهم في 17 والسوريين راهم في 6 ! ... عسيتهم من لي يدخلو السوريين وهوما يخدمو ما يحبسوش خلاص حتى وقت لغذا ياكلو ويكملو بعد يخدمو ما يتعطلوش والجزايريين يدحلو يخدمو شوية وكل مرة واحد يجبد روحو لي يتكيّف ولي يشرب قهوة ولي عيا ! المهم في اللخر تاع الشهر السوريين طلعو 6 طوابق والجزايريين طابق واحد برك !!! علاه ؟ ومنه أستنتج أنو السوري راجل والجزايري شبهو برك !! واش بيهم حتى ما يقدروش ؟ على خاطر ما يحبوش يخدمو ماشي ما يقدروش ولي ما يحبش يخدم بالنسبة ليا ماشي راجل بعد ... المهم من كثر ما شفت بزاف الحالات هذي وليت نحترم السوري وما نحترمش الجزايري إلا لي يستاهل ... شبعونا مقروض كل واحد يلعبها رجلة وهو الجال يشريه من عند باباه ! كرهنا من العقليات هذي معرف وقتاه نرتقيو !!

 

[أم منيــــــر]

رد: ما نخدموش جيبو لمصاروة ولا سورين!!!

ما يحبوش يخدمو و كي جابو شناوة يخدموة ناضت ضجة كبيرة وقالك علاش احنا واش يخصنا ؟؟
يخصكم الضمير الحي و الدراع الوافي و القلب الحار باش تلحقو شناوة و تخدمو كما هم
بعض من الشباب نتاعنا حاب راقد و يمونجي كما قالو
ما يحبوش لي يتأمر عليهم حابين اعمال حرة و هما يحلمو و قاعدين في بلايصهم لا خدمة لا قدمة و اللسان ماقدو طول
الله يهديهم و خلاص واش نقولو
يعطيك الصحة بثينة على الموضوع
​

 

[مهدي الثعالبي]

رد: ما نخدموش جيبو لمصاروة ولا سورين!!!

Un allemand a dis le travail c’est la santé
L’algérien lui répondu mais le repos n’a jamais tué personne
لانهم وجدو كل شيئ جاهز ، ماتو عليها الشوهادة و لعبو بها ............................
​

 

[حكاية قمر]

رد: ما نخدموش جيبو لمصاروة ولا سورين!!!

نظن بلي كامل متفاهمين ع نقطة لي بغى دراهم لازم يخدموحاجة ما تجي بساهل اتعب تدي
سي نو ابقى راقد واسكت
شكرا لكل من مر من هنا