راني في ورطة ............

[عاشقة لندن]

رد: راني في ورطة ............

من الخطأ توجيه الاتهام للبنت انها مخطئة ، هي عرفت الخطأ وطلبت منكم مساعدة في الحل ماشي مزيد من اللوم !!
الله يهديكم
وراكم عارفين باللي لو غلقت الفيسبوك وبعدت عليه ممكن في هذي الحالة اللي يبدا يديرلها مشاكل !!

في هذه الحالة البنت لازم تبدأ تنسحب بهدوء .. يعني ما تحكيش معاه بزاف وتبدا تخترع اعذار انها ماعندهاش انترنت وانها مشغولة بالدراسة او ان والديها يمنعوها .. المهم تكرهلو حياتو من الانتظار .. بهذه الطريقة هوا يبدا يكره ويبعد عليها

حاولو تساعدوها بحلول منطقية و حكيمة يا خاوتي لأن الموضوع هذا حساس
وحتى لو كان هناك امور مخفية ماشي مهمة الان
المهم هو الانسحاب بذكاء !
الله يبعد علينا وعليكم الشر​

الله يحفظك هادا تاني عضو يجاوب باحسااس حس بييها صح مييش كيفكم راني معاك اخي الكثيرون راحوا قلبو عليها اللوم و علاه مسكينة هيا حابة نصائح مييش تزيدوا على المخلوقة الله يهديكم هادا مانقدر نقوللكم

 

[Nilüfer]

رد: راني في ورطة ............

السلام عليكم

والله يا أختي أكبر خطأ في حياة اي فتاة هو أنها تفتح قلبها لشاب بدون اي علاقة رسمية تربطهم

والشي اللي زاد الطين بلة هو مواقع التواصل الاجتماعي

لكن على كل حال انا اريد ان أطمئنك وليس ان ازيد من خوفك

انصحك نصيحة اخت كبيرة ابتعدي عن الكلام مع الشباب حتى وان كانوا زملاء لك فاتركي السلام ونقطة هذا يكفي

في حلك للمشكلة يمكنك كما قال الاخوة ان تقومي بغلق حسابك لتقطعي بذلك الطريق امامه لمراسلك

وان بحث في الموضوع تحججي بعدم وجود النت

و من دون ان تجعليه يحس بخوفك منه قومي بالانسحاب وانسي امره

وان كنت مضطرة لفتح حساب جديد فانصحك ان تضيفي فيه الاقرب والموثوق فيها من الصديقات وابتعدي عن اضافة الشباب حتى وان كانوا بعيدين عنك ولا تعرفينهم

اضافة الى ذلك لا تعطي وعودا لاحد لازلت صغيرة على مثل هذه الامور

ان شاء الله لن يكون هنالك سوى الخير

تمسكي حبيبتي بصلاتك وبرك لوالديك وحسني خلقك مع الغير واحسني بذلك اختيار صديقاتك ولا تكوني فتاة كثيرة الكلام بحجة انها طبيعتك بل بالعكس فالصمت يزيد الفتاة غموضا وبذلك لا تكون سهلة المنال

بالنسبة للفيزا مادابيا تخدميلي لافار راني عليها نحوس هههههه

ربي يحفظك اختي وان شاء الله هاذ المشكلة تنحل وتكون ليك درس تاخذي منو عبرة راح تفيدك طول حياتك

​

 

[houcine2306]

رد: راني في ورطة ............

اضن ان احسن طريقة هي تحطيه اور لين وكمال لي امي معاه بلاك بقدر يسمرلك
ساعة ساعة اهدري معاه
مشكل انك وعدته بفيزا واضن انه لو لم يحصل عليها راح يدمر بلاك منتمما وهو معلق امال
مهم بخصوص فيزا ديري حجة مليحة وعقولة
ربي يكون معاك نشاله

 

[**laila**]

رد: راني في ورطة ............

رب يسترك حنونة و يبعد عليك ولاد الحرام

 

[oussama9694]

رد: راني في ورطة ............

اختي انت لا زلت صغيرة اهتمي بدراستك فهي مستقبلك

الحل بسيط و هو اغلاق الحساب و لكن تشاركي مع امك الحساب الجديد يعني كي تدخلي فايسبوك خلي امك بجنبك و استمتعي بوقتك معها و اجعليها صديقتك و شاركيها معاني الرومانسية و الحب حتى تملئي الفجوة العاطفية الموجودة في قلبك و ان كانت امك متفهمة فاخبريها حتى بالامور الحساسة جدا جدا جدا

ابتعدي عنه بالتدريج و بدون ان يشعر و بدلي شريحة الهاتف ان كان لديك هاتف

و يبدو من كلامك انه لو كان الشاب ناس ملاح كنتي تكملي معاه و هذا خطأ كبير جدا فشرعا هو غير مقبول و حتى أعرافنا لا تستحسنه و كوني منطقية اكثر و متحفظة اتجاه حديثك للشباب و لا تغتري بمن يحاول اغرائك او تستهويه نفسك لانك ما زلت صغيرة

و نصيحة اخرى ابتعدي عن المسلسلات مكسيكية او هندية او غيرها...... لان السيناريو الذي وقع معك هو سيناريو فيلم او مسلسل عن الحب و العشق وفي حالة رفض الاهل يهرب الشاب مع الفتاة الى بلد اجنبي و بعد سنوات و انجاب الاولاد يعودون الى الاهل و يتفهم الاهل و يعيشون في سعادة ....و....و....و.... كل هذا لا مكان له في الواقع

اختي انت ما زلت في مرحلة تكوين الافكار و القناعات فاحرصي على الابتعاد عن المسلسلات و بعض البرامج التلفزيونية الهدامة

تثقفي من الناحية الدينية و طالعي الكتب و انقصي من الوقت المخصص للفايسبوك و الدردشة و ابدليها بهوايات تنفعك

و ربي يهدينا اجمعين

 

[بنفسج]

رد: راني في ورطة ............

السلام عليكم اختي انا ثاني عمري 15 سنة وكيما ا نت ننصحك اختي تبلوكي الفيسبوك وتبعدي على هاذاك الشخص ومتبينيلوش وننصحك تبعدي عن المعاصي وتقربي من ربي بقدر الامكان .استغرفي ربي وصلي صلاتك في وقتها وننصحك ثاني بصلاة قيام الليل لان هذيك المنفذ الوحيد للتخلص من هذه المشكلة ادعي ربي يحلك مشكلتك ويبعد عل الحرام وفي الاخير نقلك ربي يهديك ويوفقك في حياتك والسلام عليكم

السلام عليكم
مقدرتش نقرا تعليقك بلا ما نرد ربي يكملك بعقلك اختي عجبني تفكييرك انشاء الله نلقاو اذان صاغية
تحياتي لك

 

[ضيوف وسـنغادر]

رد: راني في ورطة ............

السلام عليكم اختي
هادي حاجة كبيرة مي ديما كاين الحل
اجبدي روحك بعدي منه...استغفري ربي...وتوبي ليه
ولما لا يمكن يتوب على يدك...مي غالطة انت اللي وعدتيه بالفييزا...
ربي يسهل ان شاء الله وادا قدرتي صارحي عائلتك صدقيني لو كان تصارحيهم تحسي براحة كبيرة ووريلهم بلي راكي حاسة بالدنب


ربي يجيب الخير

 

[أم رانية]

رد: راني في ورطة ............

أنت غالطة من أول يوم البيام يعني قراية ماشي قصرة مع انو لا مانع من بعض الصداقات المقننة و التي لا تتعدى حدود الدراسة زميلك تقصري معاه على الدرس و التمارين و شوية ضحك في حدود و لكن الفايسبوك ضلمت نفسك و باباك وعايلتك و قد ما كان الشخص قريب عليك (حتى زوجك في المستقبل) ما تحكيلوش مشاكل داركم لانو البيوت اسرار
انت غاااااااااااااالطة و ان شاء الله تكونلك هذي عبرة
و مع ذلك ان شاء الله تقدري تجبدي روحك بالعقل و بالاكي تحسسيه باللي عرفتي كاش حاجة و الله يسترك و يستر بنات المسلمين آمين

 

[أم رانية]

رد: راني في ورطة ............

ان شاء الله تكونلك عبرة و تتعلمي من هذا الخطا الفادح
ربي يسترك و يستر بنات المسلمين

 

[marielys]

رد: راني في ورطة ............

شوفي أختي ما تكلكيش روحك راني متأكدة راكي خايفة من قصة تع فوطوات ولا حاجة هكا
نحي لفايس تيعك و قوليلو ماما نحاتلي الأنترنات
من لقرايا تاعك روحي للدار ديراكت
على الأقل شهر على هذه الحالة
ابتعدي على الأصدقاء الي عنهم علاقة بيه هذا الطفل
و ما تخافيش ما عندو ما يقضيلك

 

[*أوراق أمل *]

رد: راني في ورطة ............

مساء الخير
راكي صغيرة حنونتي
ايلا وعدتيه باش تخدميلو الفيزا
هو معتمد عليك مادام قلتيها بروحك و راهو طامع فيها
حاولي تكوني ذكية شوي و تنسحبي بلا ما يحسلك
راكي صغيرة
مي غير مزية كي فقتي بيه قبل ما صراتلك حاجة اخرى لا سمح الله

 

[iman-dz4ever]

رد: راني في ورطة ............

ربي لا يبلينا وقت يخوووووووووووووووووووف
انت 15 وهوا 17 وه\ا تفكيركم ومشاكلكم ربي يهديك راكي صغيرة الي في عمرك مازالو يلعبو
ويشوفو الرسوم المتحركة................
انتي احكي لماماك وهيا تتصرف
​

 

[مهدي الثعالبي]

رد: راني في ورطة ............

انت مازلت قاصر حذاري يا بنيتي ، انصحك بقطع علاقتك فورا دون تردد و مهما كانت العواقب ، وإلا ستقعين في ما لايحمد عقباه

 

[sosobibicha]

رد: راني في ورطة ............

سلام عليكم
حقيقة ما فهمتش بزاف اشياء في قصتك لكن انا نقولك اخطيك راكي صغيرة
​

 

[دعاء الجنات]

رد: راني في ورطة ............

واش من فيزا راكي تحكي عليها؟
* أنا نظن فيه تلاعب ... ربي يهديك

 

[~ غيث ~]

رد: راني في ورطة ............

السّلام عليكم ورحمة الله وبركاته
قبل أن أجيبكِ أختي، حايرة برك كيفاش تصنعيلو فيزا للندن ؟؟؟
المُهم: يا أختي الصّغيرة أنتِ راكي غالطة جُملةً وتفصيلا بالقُصرة واللّعب والهدرة في الفيس بوك مع الدّراري، ياخي علابالك أنّه المرأة والفتاة المُسلمة لازم تتصِّف بالحياء والحِشمة والعِفّة وتبتعِد عن مِثل هذه التّصرفات لأنّها لن تجرّ عليكِ إلّا الويلات، وأكيد راكي سامعة بحكايات البنات ربي يعافينا وإيّاكِ ووين وصلوا بهاد العقلية ؟
لذلكَ، شدّي في دينك، حافظي على صلاتك، صحّحي حِجابك، تقرّبي مِن الله -سبحانه وتعالى-، والتاي بقرايتك ولا تنسي ثِقة أهلكِ فيكِ ....
أمّا بالنّسبة لهذا الشّاب، فالحلّ أنّك تغلقي كامَل الكونت فيس بوك ديالك، وتلتاي بقرايتك، وأكثري مِن الدُعاء أن يكفيكِ اللهُ شرّه، ويكفيكِ إيّاهُ بما شاء وكيف شاء.
وإذا تجرّأ يوما وتكلّم معكِ في الخارج، قوليلو كلمة فقط، أنّني تُبت إلى الله من هاذ الأمور وكملي طريقك، وإذا أزعجكِ أكثر أخبري أهلكِ...
وثقي بالله أنّك إذا توكّلتِ عليه ودعوتهِ سوف ينصركِ عليهِ ولن يضرّك شيئا
ربّي يحفظك ويوفقك...

 

[فيتامين سي]

رد: راني في ورطة ............

بسم الله الرحمن الرحيييييم
يا خاوتي ربي يعيشكم عاونووني راني في مشكلة كبيييييييرة
انا بنت عمري 15 سنة ادرس 1 ثانوي
وكي كنت نقرا في المتوسطة كان يقرا معايا واحد الطفل معاود و هاد الطفل خارج الطريق يعني يسكر و يشرب الشراب عفانا الله ووووو مي انا المرة الاولى ماعلاباليش كنت نحب نقصر بزاف و هو تاني يحب يقصر كنا ندلوا نضحكوا ونقصروا المهم جوزنا البيام انا نجحت مي هو لالا و في رمضان كنت نحل الفيسبوك في الليل نلقاه غير هو لي حال ولييت نقصر معاه غير هو حتى 7 نتاع الصباح و من بعد نرقد و واحد ماعلابالوا في دارنا وراني حاكيتلوا كل شيئ على روحي وعلى دارنا و على ماشاكلنا وهو تاني مي دركا انا راني خايفة لا كاشما يديرلي كي عرفت بيه يسكر و يشرب الكاشيات والشراب قولولي خاوتي كيفاه نقطع علاقتي معاه بلا مايحس بحتى حاجة ويديرلي المشاكل علما اني انا راني واعداتوا باه نخدملوا الفييزا باه يروح بفرنسا ولا لندن

اختي هذه لا تسمى ابدا بالمشكلة وعدتيه تخدميله الفيزا :s:s:s مفهمتش ...يروح لفرانسا ولا لندن :-o و نتي متروحيش :p:p:-r
هدي اكيد حاجة تاع مراهقة و لي نقولك سمعتي برك ماشفتيش بعينيك ولا سمعتيه بوذنيك قالولك و ماشي لي يتقال كلش صح
و راكي صغيرة حاولي تنقسي من حكايات الفاسبوك راني كما اختك و نقولك والله يجيبو غير المشاكل خاصة حتى للصباح علاش شياطين تسهرو حتى للصباح و زيد صغار
عادي بلعي فاسبوك نورمالمو تعرفي :bravo01::bravo01: و تهني و ادا حليتي واحد ديري فيه غير الاقربون و خطيكم من هدو بنات يضيفو ولاد و تقولو صداقة و الله مكان صداقة نهار الأول سلام نهار زاوج عجبتيني تالت خرجي معايا و رابع تنفجر الكارثة و نتم تبقي تبكي على صغرك متنجريش في الهاوية لي راحولها بزاف بنات كيفك و هدا ادا راه يحكي معاك اكيد طمع برك ربي يهديكم صغار تخمو لندن يا يما
خمي في حاجات على حساب عمرك احسن و عيشي صغرك