اَلحَيآةُ عِبآرةٌ عَن كَلمآت

[لؤلؤة قسنطينة]

اختي مريومة
ربي يشفي أمك
وان شاءالله تجيبيلنا
أخبار الخير عليها
وربي يحفظك
يا طيبة القلب

اللهم آمين حبيبتي ياسمين ربي يحفظك ان شاء الله
بدعواتكم راهي حالتها تحسنت والحمد لله بقات تشوف الطبيبة وتبدا في العلاج برك
وربي يحفظك غاليتي وربي يناولك كل لي في بالك يارب ​

 

[لؤلؤة قسنطينة]

الجمال الذي تراه في كل شيء، هو انعكاس لك
~
الحمد لله الذي لم يجعل في قلبي حقداً على أحد مهما كان ومهما فعل
والحمد لله الذي جعل لي قلبًا يرأف بغيره مهما فعل وينسى بسرعة بشاعة معاملة الغير له
الحمد لله الذي رزقني أهلا لم يعلموني يوما كيف أكره أحدا أو أن أكون عبوسة في وجه أحد
علموني أن محبّة الغير والمعاملة الحسنة مع الغير مهما كانو ومهما فعلوا هي كنز ثمين لا يمتلكه كل البشر

​

 

[لؤلؤة قسنطينة]

أحياناً، لا بدّ أن ينْفطر قلبُـك حتَّى تزْهر روحُك

~ اللهم انثُر ورود السعادة على قلوبنا ~​

 

[لؤلؤة قسنطينة]

كي ضاقت بيا واتقفلت في وجهي وضاق صدري وضلامت بين عينيا
قتلو ياربي راني بين يديك .. نتا لي خلقتني ونتا لي جبتني للدنيا ومصيري نرجع ليك
راني بين يديك اي حاجة تجيني قابلتها وواش يصرالي راضية بيه في النهاية راني كي ورقة الخريف
نتمايل من جهة لجهة وتديني رياح الايام يمينا وشمال
وربي سبحانو ماخلانيش .. ماضيعنيش .. مانسانيش .. ماطيشنيش
خممت بيني وبين نفسي وقلت لما تروح لمكان معين مستشفى ولا شركة ويقولولك فلان راهو حاكم مركز مليح تما
روح ليه برك ويفريلك امورك، تروح ونتا مهني ونتا فرحان ومتأكد مائة بالمائة أنو كل امورك مقضية
فمابالك بالله سبحانه وتعالى رب السموات والأرض .. هو لي خلقك هو لي خلقلك هاد القلب لي يوجع فيك
احيانا تحكم ورقة وتخدم بيها شكل هندسي ولا حاجة باهية تخبيها مدى الحياة وتحب خدمتك وصنع يديك
فمابالك بربي سبحانو لي خلقك ولي سخرلك الارض والحيوان وكتبلك رزقك ويغفرلك كل ماتذنب
كيفاه القلب هادا لي خلقو هو سبحانو مايقدرش يداويه بعدما مرض؟ ما يقدرش يريحو بعدما تعب؟
دموعك لي تنزل طول الليل .. النوم لي طاير من عينيك .. التنهدات لي تتنهدها كل ثانية
الظلام لي يحارب فيك من كل جهة .. في رايك ربي يرضالك هاد الشي؟ ورايح يخليك في هاد الازمة؟
هو لي مهما نذنبو يعطينا الفرص .. حتى ونتا تذنب وتدعي ربي يسهلك من جهة خلاف يسهلهالك ويحققلك واش في بالك
يعطيك فرصة تخمم مع روحك .. يعطيك فرصة تحشم من نفسك ومن افعالك خاطر الكرم تاعو ومحبتو أكبر مما تتوقع
دار في راسي بزاف كلام ولقيت روحي تافهة قدام رحمة ربي سبحانو
لقيت روحي تافهة خاطر كيفاه نحزن وكيفاه نعذب قلبي وكيفاه حطمت قلبي من كثرة البكاء وربي كاين
نوض في الليل نلقاه يستناني نشكيلو .. نوض على 5 نلقاه يستناني نبكيلو .. على 12 تاع النهار يستناني نشكيلو
على 5 تاع لعشية يستناني باه يسمعلي .. على 10 تاع الليل يستناني باه نفرغ قلبي ليه
ماش في كل ساعة وماش في كل دقيقة بل في كل ثانية وفي كل لحظة ربي معايا ويسمعلي ويخفف عليا وينزل رحمتو على قلبي
وانا لي ضعفت ويأست وربي لي خلق هاد القلب بجنبي ويسهلي كل اموري
مالقيت مانقول غير شكرا لك يارب .. لو ندير حسنات حياتي كاملة مانلحقش قد جزء وقد ذرة من الرحمة لي راك تنزلها على قلوبنا
ألف حمد وشكر لله ..
-آسفة لكتابتي باللغة العامية .. ما لقيتش اصدق من هاد الكلمات لأنو رافقتها الدموع والله-

~لؤلؤة قسنطينة~​

 

[{مُدَلَّلَتُهُ}]

@لؤلؤة قسنطينة نبغيك هااكا تكوني قوية وكلك ثقة ويقين بلي رحمة ربي واسعة .. ندعوه فيستجيب ♥

ربي يهَدّي سرّك الزينة تاعي​

 

[Salah eddin]

كي ضاقت بيا واتقفلت في وجهي وضاق صدري وضلامت بين عينيا
قتلو ياربي راني بين يديك .. نتا لي خلقتني ونتا لي جبتني للدنيا ومصيري نرجع ليك
راني بين يديك اي حاجة تجيني قابلتها وواش يصرالي راضية بيه في النهاية راني كي ورقة الخريف
نتمايل من جهة لجهة وتديني رياح الايام يمينا وشمال
وربي سبحانو ماخلانيش .. ماضيعنيش .. مانسانيش .. ماطيشنيش
خممت بيني وبين نفسي وقلت لما تروح لمكان معين مستشفى ولا شركة ويقولولك فلان راهو حاكم مركز مليح تما
روح ليه برك ويفريلك امورك، تروح ونتا مهني ونتا فرحان ومتأكد مائة بالمائة أنو كل امورك مقضية
فمابالك بالله سبحانه وتعالى رب السموات والأرض .. هو لي خلقك هو لي خلقلك هاد القلب لي يوجع فيك
احيانا تحكم ورقة وتخدم بيها شكل هندسي ولا حاجة باهية تخبيها مدى الحياة وتحب خدمتك وصنع يديك
فمابالك بربي سبحانو لي خلقك ولي سخرلك الارض والحيوان وكتبلك رزقك ويغفرلك كل ماتذنب
كيفاه القلب هادا لي خلقو هو سبحانو مايقدرش يداويه بعدما مرض؟ ما يقدرش يريحو بعدما تعب؟
دموعك لي تنزل طول الليل .. النوم لي طاير من عينيك .. التنهدات لي تتنهدها كل ثانية
الظلام لي يحارب فيك من كل جهة .. في رايك ربي يرضالك هاد الشي؟ ورايح يخليك في هاد الازمة؟
هو لي مهما نذنبو يعطينا الفرص .. حتى ونتا تذنب وتدعي ربي يسهلك من جهة خلاف يسهلهالك ويحققلك واش في بالك
يعطيك فرصة تخمم مع روحك .. يعطيك فرصة تحشم من نفسك ومن افعالك خاطر الكرم تاعو ومحبتو أكبر مما تتوقع
دار في راسي بزاف كلام ولقيت روحي تافهة قدام رحمة ربي سبحانو
لقيت روحي تافهة خاطر كيفاه نحزن وكيفاه نعذب قلبي وكيفاه حطمت قلبي من كثرة البكاء وربي كاين
نوض في الليل نلقاه يستناني نشكيلو .. نوض على 5 نلقاه يستناني نبكيلو .. على 12 تاع النهار يستناني نشكيلو
على 5 تاع لعشية يستناني باه يسمعلي .. على 10 تاع الليل يستناني باه نفرغ قلبي ليه
ماش في كل ساعة وماش في كل دقيقة بل في كل ثانية وفي كل لحظة ربي معايا ويسمعلي ويخفف عليا وينزل رحمتو على قلبي
وانا لي ضعفت ويأست وربي لي خلق هاد القلب بجنبي ويسهلي كل اموري
مالقيت مانقول غير شكرا لك يارب .. لو ندير حسنات حياتي كاملة مانلحقش قد جزء وقد ذرة من الرحمة لي راك تنزلها على قلوبنا
ألف حمد وشكر لله ..
-آسفة لكتابتي باللغة العامية .. ما لقيتش اصدق من هاد الكلمات لأنو رافقتها الدموع والله-

~لؤلؤة قسنطينة~​

كلام زين ياسر ياسر ياسر
بارك الله فيك اختي مريم
و الله يسلك وحلك


​

 

[لؤلؤة قسنطينة]

@لؤلؤة قسنطينة نبغيك هااكا تكوني قوية وكلك ثقة ويقين بلي رحمة ربي واسعة .. ندعوه فيستجيب ♥

ربي يهَدّي سرّك الزينة تاعي​

ونعم بالله
هدهودتي ربي يحفظك يا غالية :kiss:
وربي ينورلك طريقك ان شاء الله
اللهم آمين حبيبتي وإياكِ
​

كلام زين ياسر ياسر ياسر
بارك الله فيك اختي مريم
و الله يسلك وحلك


​

وبارك فيك الرحمن خويا صلاح
اللهم آمين خويا ربي يفرج على كل مهموم
وربي يسهلك كل ماهو صعب كذلك ويوفقك لكل خير ان شاء الله​

 

[لؤلؤة قسنطينة]

كان الرسول ﷺ: إن ضاقت دُنياه يردد “
يَا حَيُّ يَا قيوم بِرَحْمَتِكَ أستغيث أَصْلِحْ لى شَأْنِي كُلَّهُ وَلا تَكِلْنِي إِلَى نفسى طرفة عَيْن”

يَا حَيُّ يَا قيوم بِرَحْمَتِكَ أستغيث أَصْلِحْ لى شَأْنِي كُلَّهُ وَلا تَكِلْنِي إِلَى نفسى طرفة عَيْن
يَا حَيُّ يَا قيوم بِرَحْمَتِكَ أستغيث أَصْلِحْ لى شَأْنِي كُلَّهُ وَلا تَكِلْنِي إِلَى نفسى طرفة عَيْن
يَا حَيُّ يَا قيوم بِرَحْمَتِكَ أستغيث أَصْلِحْ لى شَأْنِي كُلَّهُ وَلا تَكِلْنِي إِلَى نفسى طرفة عَيْن

​

 

[لؤلؤة قسنطينة]

ربّي إن لم تُعطِيني ما أريد
فارزقنِي الصّبر على ما تُريد​

 

[لؤلؤة قسنطينة]

ويسمعُ دقات قلبك والحزن الذي يحويه حتى وإن كذَبَت ملامحُكِ ...
إنَّه الله يا صغيرتي​

 

[لؤلؤة قسنطينة]

البارحة وكأنه اليوم العالمي للصدمات
صدمات ضربت قلبي الواحدة تلو الأخرى
جعلتني ابكي لساعات وساعات حتى وجهي وعينيا تجرحو
وياريت وجهي وعينيا برك لي يتجرحو راهو قلبي يتحطم في كل مرة .. كل مرة نعاود نجمع بقايا الحطام
ونبتسم ونكمل حياتي عادي إلا ويتحطم مرة أخرى .. وأنا نقول آخر فترة ما سبب الاكتئاب الشديد
وهو راجع لتراكم الآلام والمحن .. مانهدرش على محن الله سبحانه وتعالى حاشاه والحمد لله دائما وأبدا
الظروف المعيشية والصحية لي عايشة فيها قابلة بيها ليل ونهار الحمد لله .. الحمد لله .. الحمد لله
لا اعتراض على الشي تاع ربي ولكن تقيسك من الناس .. ناس من لحمك ودمك مفرشلهم قلبك لسنواااات
تقولهم هاكم قلبي ديروه بساط راهو ليكم الناس ماتمشيش على رؤوس اقدامها وتقول مهلا قلبها نوجعوه
تزيد تعفس عليه حتى تمزقو وتحطمو مليح
كلّ يومٍ تأتيني ضربة من اقرب الناس ليا .. من لي عرفت صلاحي نمد يدي للناس والناس ترجعلي بسكين للقلب
وجع .. وجع .. وجع .. الوجع لي في قلبي من البارح لكبر حجمو نقدر نعيش بيه على 20 سنة للقدام
البارح جهلت شوي (اكدولي على شوي ههه) قتلو ياربي علاه خلقتلي هاد القلب ؟ علاه خلقتلي قلب يشوف نملة تموت يبكي ويتوجع
علاه خلقتلي قلب حتى وهو موجوع هكا ماقدرش يكره .. علاه خلقتلي قلب سريع التاثر
علاه ماش قلبي قاسح لي ياذيني ناذيه ولي يضرني نضرو ولي يبكيني نبكيه
استغفر الله ولا حول ولا قوة إلا بالله، تفكرت بلي ربي لي يعطيه قلب مليح وحنين خاطر يحبو خاطر ما أصعب غير الملاحة
وتفكرت الرسول عليه الصلاة والسلام لي تأذى من اقرب الناس ليه وكان يرجع السيء بالأحسن
وليت حمدت ربي على كلشي حمدت ربي على عدم قدرتي على الكره وعلى الانتقام
خلي هاد القلب يتوجع اذا كان مصيرو يحبس فهادا مكتوبنا في الدنيا ماعندناش هروب منو واذا كان مصيرو يولي اقوى
فهذا مليح لينا لأنو رايحة تولي تجربة مليحة لينا
المسكن الوحيد لي بقالي هو دموعي .. وعدت نفسي نبعد عليهم قد ما نقدر بالاك نثبت قوتي لكن ماقدرتش
وخلي يقولو بكاية .. نهار تتعلم الناس تحترم قلوب الناس وتحترم المعاملة الطيبة لي تعاملهم بيها كن مابقى حتى واحد يبكي في الدنيا
ملاحظة: البكاء تاعي يجي على فترات بين الفترة والفترة استراحة 3 دقائق أو 5 دقائق وحجم كل فترة بكاء من نصف ساعة لساعة هههههه
ولحد الآن مافرغش الخزان مازالت عندي القدرة على البكاء لايام ماش لساعات برك هههه
آسفة على الكمية الهائلة من الحزن لي راني نبعت فيها في المدونة هاد الفترة ولكن بعد ربي سبحانو ماعنديش
غير مدوناتي نكتب فيهم شوي واش يحرق في نفسي ولو القليل
لما تجي تدور يمين ويسار تفتش على احباب تلقى أمك وباباك وختك ونقطة في آخر السطر لي يلقى فرصة يقطلعك لحمك ماش رايح يتردد
هادا الشي مفروغ منو لكن الشي لي غايضني أنو علابالي بهاد الوضع وهكاك مازلت نمد قلبي للناس
مازلت نقول فلانة فيها الخير ومازلت نمشي بنيتي مع أنو علابالي رانا في وقت مافيهش النية وتجيني الضربة القاضية ونزيد نعاود نفس الغلطة
ربي ورحمتو
كاين عبارة على الفايس بوك لقيتها خلاتني نرتاح شوي ونعاود حساباتي
يا صديقتي :
لا يتسلل الحُزن لصدركِ والله معك .
لا ملجأ ولا منجأ منه إلا إليه .
لعل حُزنًا أودّع لكِ أجورًا من حيث لا تحتسبين ، وربُما فرحةً أجهضت كثيرًا من حسناتك !:“
فالله أولى بالجميل أن يعطيكِ إياه ولو جهلته عقولنا القاصرة .
فالخير في غُصص الحُزن إن أخذتِ بتلابيب قلبكِ لله ، وعقدتِ صفقة للآخرة لو هُضمت حقوقكِ هُنا فلن تضيـع هُناك

ان شاء الله أي حزن في قلبي ربي يجعلو تخفاف ذنوب .. وأي دمعة طاحت من عيني تغسلي الذنوب
واي انسان في الدنيا عاملتو مليح يخلفهالي ربي بانسان آخر يعاملني نفس المعاملة
والحمد لله على كل حال
​

ملاحظة 2: هههه الناس لي نتكلم عليهم في عالمي الحقيقي وليس في عالمي الافتراضي
خاطر العالم الافتراضي وخاصة اللمة ما لقيت من ناسها غير الخير
وفي النهاية ماتديروش عليا شوي ضحك وشوي بكا هادي طبيعتي

​

 

[لؤلؤة قسنطينة]

وعِندما أبكِي يُصبح وجهِي أجمل
"حملة لرفع المعنويات "​

 

[ثَسْكُورْثْ نَثْدُوكْلِي]

وعِندما أبكِي يُصبح وجهِي أجمل
"حملة لرفع المعنويات "​

ههه جميلة هذه الحملة
ان شاء الله تكوني بخير وبصحة جيدة مريومة وربي يحفظلك الوالدة وكل عايلتك
وربي يسرلك امورك
كوني بخير وفقط

 

[لؤلؤة قسنطينة]

ههه جميلة هذه الحملة
ان شاء الله تكوني بخير وبصحة جيدة مريومة وربي يحفظلك الوالدة وكل عايلتك
وربي يسرلك امورك
كوني بخير وفقط

اهلا سرسورة نورتيني بتواجدك توحشنا مشاركاتك ^^
اللهم آمين حبيبتي، واش نديرو هادي هي الدنيا
نهار نضحكو ويومين نبكيو هههه
والحمد لله، اصلا قلبي برد من الدنيا المهم ترتاح ماما برك بصح هكاك نقولو الحمد لله صحتها مستقرة هاد الساعة نحمدو ربي
ونتي احوالك الزينة ! ​

 

[ثَسْكُورْثْ نَثْدُوكْلِي]

اهلا سرسورة نورتيني بتواجدك توحشنا مشاركاتك ^^
اللهم آمين حبيبتي، واش نديرو هادي هي الدنيا
نهار نضحكو ويومين نبكيو هههه
والحمد لله، اصلا قلبي برد من الدنيا المهم ترتاح ماما برك بصح هكاك نقولو الحمد لله صحتها مستقرة هاد الساعة نحمدو ربي
ونتي احوالك الزينة ! ​

الحمد لله على كل شيء
وربي يدوم الخير عليكم مريوميتا
يتوحشك الخير الزين راني رجعت ان شاء الله نكون متواجدة ^^
موفقة
في المتابعة

 

[لؤلؤة قسنطينة]

"على قدر طيبتك تأتي أوجاعك"

سأغيّرها
على قدرِ ابتسامتِك تأتِي سعادتُك ​

 

[{مُدَلَّلَتُهُ}]

"على قدر طيبتك تأتي أوجاعك"

سأغيّرها
على قدرِ ابتسامتِك تأتِي سعادتُك ​

♥ تفآءلُوآ خيرآ تَجدوه ^^​

 

[لؤلؤة قسنطينة]

♥ تفآءلُوآ خيرآ تَجدوه ^^​

بالفعل هدهودتي .. أنا متفائلة خيرا وحاطة ربي في قلبي
مع أنو كل الامور ضدي لكن عظمة المولى تغلب كل شي
واثقة في ربي ومسلمتو امري وماش رايح يخذلني مستحيل
على فكرة وينك يا هدهودة مارانيش نشوف فيك
ان شاء الله تكوني بخير ​

 

[لؤلؤة قسنطينة]

"ربمَا أنتَ علىَ ضعفِك سندٌ لأحدهِم"

وَمن يكُونُ سندًا لي ؟​

 

[لؤلؤة قسنطينة]

سُبحانه يعتني بقلبِي نبضةً نبضة

الحمد لله​