يا مصيبة والله 80 بالمئة كنت حاطة بلي نتي وياك قتلك في الرد السابق بلي كنت رايحة نختم التخمينات بإسمك ووليت توسوست
بصح كيما توقعت اسمك كان في القائمة لي حطيتها في راسي
عبورتي وحبيبتي قد ماكتبت ردود في هاد الموضوع إلا اني حاسة بلي قادرة نهدر كتر وكتر
وحابة نعبر كتر وكتر، وإضافة اخرى دعوتك كانت اجمل حاجة تلقيتها خلال هاد الاسبوع
كنت نمر بظروف صعبة ولما وصلتني دعوتك حسيتها كي النور لي يضوي غرفة مظلمة
نحبك حبيبتي ونعزك لدرجة ماتتصوريهاش ، نتي ختي الصغيرة لي تتدلل عليا ^^ نتي صديقتي لي نحكيو كيف كيف
نتي كلشي وربي راهو شاهد، لما تغيبي نتقلق عليك خاطر وحدة من العائلة، نحبك درجة لا يتصورها العقل
ومعزتك لا تختلف عن البقية، عبورتي ربي يوفقك في قرايتك وفي حياتك ربي ينور طريقك يا عمري ويفتحلك بيبان الخير قدامك
وكيما سبق وقلت اذا تلاقينا في الدنيا فهذا رايح يكون اسعد يوم في حياتي واذا ماكتبش ربي جمعتنا تكون في الاخرة حبيبتي بإذن الله
واش نزيد نقولك تاني، من المفروض نتي لي تهدري ماش انا هههه خرجتيلي قلبي تاع الصح
وكن نكمل نهدر علابالي مانسكتش، حاسة كتاب في لساني هههه
نخليلك الخط عبورتي ولباقي الاعضاء
نحبك ونموت عليك عبير
