بيتنا فيه جنون أو ما شابه ...

[Skor m@k]

رد: بيتنا فيه جنون أو ما شابه ...

السلام عليكم
هههه قتلتني ضحك وقاعدة نتخايل في ولا بنت عمك شغل راني معاهم
وقاعدة نتخايل في روحي واش نديرلهم لوكان جيت معاهم (حفاظا على مشاعركم مانقولكمش واش رايحا ندير ههه )
انا لي يقلقني ويغليلي دمي ماشي الذراري الصغار حاشاهم مساكن لي تقلقني العلولة الشارفة تع يماهم لي ماتحكي معاهم والو
تقعد لاهية غير فالهدرة والقصرة وكي تشوفهم قلقوك تخسر عليهم كلمة وحدة برك إيي بركاو
ارحلي ايتها الارواح الشريرة
وانت نقولك ربي يصبرك مع الجنون لي عندك نصيحة مني ليك كي يجوكم المرة الجاية احكمهم واحكيلهم كاش حكاية تع خوف وقلهم دارنا راهي مسكونة وفيها الوحوش راقدين ولوكان ديرو الحس والازعاج ينوضوا ويبداو يخطفوا بالواحد طبعا احكيلهم مع اضافة بعض المؤثرات الصوتية والبصرية هههه والله يقدرني على فعل الخير
يعطيك الصحة خويا مالك على الموضوع
دمت في رعاية الله وحفظه
​

السلام عليكم
اسمحيلي ختي مجاجو البارح نعست مقدرتش نردلك
والله غير صح يماهم باردة gلب تقولك نورمال يكبرو اوو يتعقلو
بصح كي راهم صغار اوو وعرين واش نديرو معاهم
الواحد لازم يربي ولادو مالصغر ماشي حتى يكبرو سي طروطار
هههه هاذيك بكري تحكيلهم على لوحوشا ليوم هوما وحوشا هههه
ربي يحفظك ختي مجاجو​

 

[Skor m@k]

رد: بيتنا فيه جنون أو ما شابه ...

الله يبارك هكد اولاد اختي عندها طفل صغير كي يجيني لداري كلشي يحب يفتشه ومضروب على الماء مرا كنا في رمضان واختي جات لعندي كانت مريضة باه نصنعلها قاطو العيد وانا صايمة وعيني لقاطو وهو مضروب على برميل اماء يعمر ويفرغ يعمرويفرغ فالارض ههههههه وانا ماني بالقاطو ماني بالماء ماني بتخمال الدار ههههههههه نحب نهبل بصح والله الدرية نعمة كبيرة ربي يرزق كل محروم
موضوع هايل​

السلام عليكم
الدراري مضروبين على الماء نهار كامل اوو هوما يخلطو فيه حنى نعمرو برميل تاع الماء كاش ما يروح الماء في العين
نلقاوه الداخل شطب اوو حجر
نعاودو نرموه
شكرا أختي على المرور الطيب
ان شاء الله يرزق كل الناس بالذرية الصالحة​

 

[Skor m@k]

رد: بيتنا فيه جنون أو ما شابه ...

هههههههه سلام عليكم خويا مالك ..

قتلتني ضحك وفي نفس الوقت غضتني بزاااف يعععع 5 الله يبارك ربي يحفظهم ويعقلهم
هههه ربي يكون معاك ...

فكرتني فوليد عمتي كي يجيو ف العطلة هههه مسكين والله يغيضني يضربوه كاامل كل دقيقة بطريحة ...
الكل يشكيو منو مي عندي يكون طرونكيل مانعرف لاه يخاف مني ...حتى عمتي كي تحصل منو تعيطلي ههه للاسعافات ...
على كل كي يتجمعو عندنا الدراري يخافو مني واللي يحيرني يحبوني بزااف و مانعرف بلاك من الخوف هههه بويسك نعطيهم غزرة وحدة تدوم ساعة وليتحرك يااااع يا ويلوووو ...
مانخليهومش كاامل يلعبو طرونكيل .. قوانين ولـ كل واحد يطير ...
والحاجة لنكرها كيما قلت انت كي يمسولي ف الكتابات ول الميكرو يييييي ...

ايه ههه هذو هما دراري ربي يصبرنا انا مانحملهومش دقيقة برك يطلعلي الغاز تاعي هيهيهي ...

وسع بالك اخويا مالك هذا مزال ماعندكش دراري هههه ان شاء الله يكونو عاقلين برك ....


شكرااا ع الموضوع الهايل ...

بالتوفيق

تحياتي
​

السلام عليكم
حنا هذو مينفعش معاهم لعكيس ولا لخزير الضرب ثم الضرب ثم الضرب ههههه
أنا كي نبدا نضرب فيهم يما تولي تقولي خلاص ميزيدوش يقباحو
نطلقهم يعاودو يولو كيما كانو هههه
حتى الضرب مينفعش
لازم الفينgا ممبعد الهربة هههه

متفوليليش كي نلقى لمرا ممبعد نتفاهم معاها على الدراري ههههه

ربي يحفظك ختي سارا ​

 

[Skor m@k]

رد: بيتنا فيه جنون أو ما شابه ...

السلام عليك خيي مالك
ههه ضحكتني اضحك الله سنك
مين نشوف موضوعك ندخل خخخخ عمالي نكركح بالضحك خخخ~(زسيد علق على هاذي ضاني ههه عمبالي غير نخلط خخخخخ)
بون المشكلة ماشي في لولاد صغار مشكلة فالام و الاب كيفاه يخليو ولادهم يطيرو طيران هذا بكل
و يسكتو انا تغيضني عمري نهار تلقا طفل يفتت فكاش قادو ولا يمرمد فالدنيا نحس يدير فالزكارةخخخخ
و اذا تنهرو يماه متحبش و تقوولك اوووه خليه يدير وش يحب اذا تنهريه ولا تضربيه يتعقدلي خخخخ
ياو انا الي حايعقني ياجدك هههه
نشفا مين اخر مرة جات جارتنا صغيرة ربع سنين هكاك و و جارنا صغير مانقولك قل منها بعام ولا كثر منها بعام هههه
خلاوهملي و راحو خرجو خخخ خلاوني مع شواطن ههههه زوج حبات قلبو دار حسيت زلزلة راح تصرا درك لا محالة هههه
دخلتهم معايا فشومبرة بش ميفسوش حوايخ خاوتي رت وحد التصاور فاالاب توب انا و خفت خخخخ
ولاو يبكيو خخخ حبيت قبالا نندب معاهم عالفوطو الي درتهم ههههه كي نحيتهم سكتو قعدو عاقلين ذبانة و تسمعها ههه
و من داك الوقت للحين ميحبوش يقعدو عايا يجبدو سيرتي يوليو يرجفوههههه و لحد الان حد ماعمبالهم شا درتلهم خخخخ تبا كم انا شريرة هههه

مممم و كاين ولاد صغار تشوفهم تحس روحك قاعد مع عبد كبير نظافة عقالة و غير هدرة زينة
بصح قلال
و رغم كل هذا يبقاو الاطفال الطايرين احلى و احلى هههههه(باسك كنت ممنهم خخخخ نروح لدار نقلبا تضربت زرقوني و جاامي نركح ههههه )

سلام
​

السلام عليكم
وقيلا نجيبهم عندك تخوفيهم شويا خخخخخخ
صح الدراري الواعرين ملاح مينذاك كي تكون مgوسطي
مي نهار تكون مخياق تولي مضويش ههههه
حتى انا كنت قبيح بزاف بصح غير في دارنا
كي نروح لكاش دار نولي ذليل ههههه معلبليش علاه
مي كانت تضربني غير يما
شكرا ليك ختيتو عبورة​

 

[Skor m@k]

رد: بيتنا فيه جنون أو ما شابه ...

انا امنت ههههههههههههههههه عمبالي كاين صح جنون

شكرا ليك ختي
سلام​

 

[Skor m@k]

رد: بيتنا فيه جنون أو ما شابه ...

وعليكم السلام
انت واش بيك متعرفش تخمم هك
اسنى نعطيك الحل
يخي امهم تكون لاهية مع ماماك في الكوزينة
وانت تهلى فيهم
في لاشومبر تاعك
ديرلهم كيما tom نهار حكم هادوك لقطط لي هبلوه هههه يضرب ويقلّب
حتان ذرحهم
ولانقولهم قولهم لاشومبر تاعي مسكونة فيها غوال بعووو ياكلكم هههه
خلي يترعبو مابقاوش يجيوكم
وداركم ديجا كبيرة بالجنان ألّفلهم قصص خيالية
قولهم عندنا هنا غول كبير
وتديرو الحس يخرجلكم
هههه
هاذو لازمهم الرعب كي عادو ميسمعوش من كلمة وامهم ماتعيط عليهم ماتحوس
يليقلهم رهبة :bravo01:
تقبل مروري
​

السلام عليكم
انت وقيل متتعرفيش هذيك لحكايا
تاع لمرا لي بدات تحكي لوليدها
قالتلو كاين واحد الغول
قاللها كيفاه داير قالتلو كي بورورو
بدا غير يسقسي عليها على الغول مخلاهاش تكمل لحكايا
خيقها أطاتو كف بدا يبكي اوو قالتلو هاوليك الغول ضرك
هكذاك نت
الدراري تاع ضرك مزالهم يخافو منو
يقولك دخلني نحوس عليه نضربو هههه
ربي يهنيك ختي ساندي
سلام​

 

[Malika Tlm]

رد: بيتنا فيه جنون أو ما شابه ...

مساء الفل يا خويا لعزيز
والله ضحكتني هادو ماشي اطفال هادو غزاة جاو من الفضاء ههههههههههههه
واش نقولك والله ولاد اليوم صعاب بزاف وزيد ميخافو ميحشمو
سما عندك كل اسبوع حفلة فالدار ههههه ربي معاك يا خويا
تعلرف نعطيك حل باش تريح نهار تعرف بلي راهم جايين اهرب من الدار ههههه
ولا شرب سيرو نتاع الرقاد هكدا متسمع متشوف
ربي يعطي الصحة لميمتك
تحياتي الخالصة لك

 

[Skor m@k]

رد: بيتنا فيه جنون أو ما شابه ...

السلام عليكم و رحمة الله و بركاته
موضوع مميز و جميل على العفاريت ... ماشي الصغار
اخي الكريم نحن تقريبا نواجهوا نفس المشكل حتى انا عمي كي يجي يزورنا و يجيب معاه عفاريته الصغار و تحصل فيا انا نعسهم . ... توقع حرب عالمية غادي متكفينيش صفحة باه نكمل
و صدقت التربية تاع الاولاد تنبع من الوالدين ... واش نقولو ربي يهدي كل ذرية و اللي رباوهم و حنا معاهم
عموما ربي يحفظك و يخليك في امان الله اخي

السلام عليكم
الدراري تاع ضرك ولاو كامل واعرين مالرسوم غير العنف فيهم
وليد خالتي كي نروح نضربو يقولي الضربة الحرة ولا معلبليش واشنها تاع بان10
شكرا أختي ربي يسعدك ويهنيك ​

 

[Skor m@k]

رد: بيتنا فيه جنون أو ما شابه ...

هههههههه موضوع شيق لي عووووودةةةةةةةة​

راني فالانتظار
واش كاش نجمة ختيتو :p
ولا اوريدو :p:d​

 

[Skor m@k]

رد: بيتنا فيه جنون أو ما شابه ...

لو كان برك كملت اخي حسيتك تعبر عن معاناتي نورمال هههه

يا محاااينك هادو هوما الدرية ...

مي كيما قلت اوموا التربية شوية تكون خاصة مع امهم لازمها

تركحهم ماش تطلق رجليها وتريح وتطبقهم عليك كيما الفيران ههههه
انا تاني مرات يجو احفاد عمي يطلعوا عندنا لانني نحشم منهم ونحشم من والديهم نقعد غير نضف فالمخلفات

ونضرب الضحكة الصفرة هاديك ونسايس فيهم كيما البالو ولكن لداخل راه بركان شتعل هههه

مام صراحة امهم راهي تضربهم يعزو بيا ومبعد مانخليهاش

ش زوج دقايق نلقا الوحوش الباطنية زادت ظهرت مبعد نعود نلعن في روحي دي قلتلها ماتضربهمش هههههه

وفجاة كشرت عن انيابي واظهرت الوجه الحقيقي.

..وخليتهم صح يترباو من تم اصبحت كيما الشبح بالنسبة ليهم نياهاها
و احم احم منهم تعلمت انني فتاة باردة الاعصاب و ساكون اما صارمة ومثالية هههههههه

فلا تتعجب لانه في كل بيت تجد طفرة طفولية .ههههه...وغير والف عليهم يمكن يجيو ولادك وتحصل فيهم هههه

راني نسيت وحاحد خلاف ....

مرات نروح عند فامي تقربلنا عندهم ثلث دكرورة الله يبارك في الزين البوغوس وخوه...

وانا نجيبلهم ما لد وطاب لعل وعسى يضايفوني

والحق يضايفوني ويخلوني نركح. بعد ما يدرسو الخطة التكتيكية مواقع ا

لهجوم والدفاع واش كاين واش مكانش .....ثم تبدا الدراما هام راهم يتلاحو هام راهم فسدولي الخمار

....هام راهم ندبولي الواجب تع العلوم....نيجي نتغدا المغرف يا عباد يدوها....وانا نلعبها فرحانة بيهم والضحك تعلو محاي تبا للنفاق يا جماعة ونيتي هي....

ة

... امهم الله غالب والله ماتقدرلهم 3 كامل وفي باطيمة صعيبة....
ومبعد الفرج كي يجي بوهم كيما يقولو الكلب كلب والطاروس طاروس عيون خجلانة وقبلات ناعمة وتربية ملائكية ونظرات بريئة

خلي برك
كي نخرج من دارهم نخرج كيما TOMنهار تفلقت فيه البومبا هاديك ههههههههه

​

ربي يحفظهم كامل راهم يكبرو ويعقالو ان شاء الله
شكرا على مشاركة المعاناة هههه

السلام عليكم
هههه راكي بردتي قلبك فيهم
المشكلة فالدراري كي يكونو بزاف شويا ليولو واعرين
سورتو كي تروح لدارهم كيما قلتي
تحشم من والديهم تبقى غير تتبسم اوو تضحك
والدم فيك بدا يغلي قريب ينفجر هههه
في دارنا نقدر نضربهم مي في دارهم عيب تضربهم يقولك جاضيف ولا يتعنتر هههه
تانيت كي ما قلتي قدام بباهم يولو ملايكا
اوو لكان تضربهم تولي انت يقولك كبير اوو حgار هههه
ربي يحفظك وشكرا على هذه المشاركة الجميلة​

 

[Skor m@k]

رد: بيتنا فيه جنون أو ما شابه ...

مساء الفل يا خويا لعزيز
والله ضحكتني هادو ماشي اطفال هادو غزاة جاو من الفضاء ههههههههههههه
واش نقولك والله ولاد اليوم صعاب بزاف وزيد ميخافو ميحشمو
سما عندك كل اسبوع حفلة فالدار ههههه ربي معاك يا خويا
تعلرف نعطيك حل باش تريح نهار تعرف بلي راهم جايين اهرب من الدار ههههه
ولا شرب سيرو نتاع الرقاد هكدا متسمع متشوف
ربي يعطي الصحة لميمتك
تحياتي الخالصة لك

السلام عليكم
واش راكي ختي خديجة ياك سافا
صح الدراري تاع ضرك وعرين سورتو ولاو يرجعو لكلام بزاف
تعيط معاه يعرشلك حتى تولي انت لي تخاف
هذا واش يسلك لازم كي تسمع السيارة ديالهم نغلقو البيبان
او نبقاو مخبيين كي شغل زدم العدو هههه
ربي يسعدك ويهنيك ختي او يكبر وليدك في العز​

 

[السلطانة]

رد: بيتنا فيه جنون أو ما شابه ...

السلام عليكم
انت وقيل متتعرفيش هذيك لحكايا
تاع لمرا لي بدات تحكي لوليدها
قالتلو كاين واحد الغول
قاللها كيفاه داير قالتلو كي بورورو
بدا غير يسقسي عليها على الغول مخلاهاش تكمل لحكايا
خيقها أطاتو كف بدا يبكي اوو قالتلو هاوليك الغول ضرك
هكذاك نت
الدراري تاع ضرك مزالهم يخافو منو
يقولك دخلني نحوس عليه نضربو هههه
ربي يهنيك ختي ساندي
سلام​

ديرلهم كيما دار طوم للقطط الصغيرة لي هبلهوه
حوست على الصورة ملقيتش

القطط لي يشبهو لهادا هههه القط

 

[أم منيــــــر]

رد: بيتنا فيه جنون أو ما شابه ...

السلام عليكم
و الله يا مالك كي شفت العنوان حسابني عندكم الجنون نتع الصح في الدار
صراحة خفت نقراه فالليل قلت حتى للصباح هكدا باش نرقد بلا كوشمار
كي دخلت ضحكت على روحي نلق الجنون هم من صنف العباد
يا وليدي واش نقولك الله يكون في عونك و عون يماك مسكينة و خلاص.... هاد الشي بزاااااف
هادو جنون نتع الصح يطلعوا السكر و الضغط و كل شي
احسن شي ديره كي يجو عندكم خرج من الغرفة نتاعك و غلقها هكدا على الاقل تضمن انو الغرفة و ما فيها راها في أمان
و الله انا نستعجب للمرا لي تدي ولادها للديار و يكونو جنون و ديرونجي بيهم الناس و هي تتفرج حتى و لوكانت دار باباها و الله عجب
انا ولدي عندو 7 سنين و هو خفيف بصح كي قريت على هادو ولدي قدامهم راه سيد العاقلين و هكداك و الله ما نحب نديرونجي واحد و ما نخرجوش معايا خلاص حتى عند امي نديه يشوفها و نرجع بالخف و كي نحب نقعد معاها نخليه في الدار مع ختو
لو كان جاو عندي كما هادو ما نخرجش حتى يكبرو و يستعقلو
و هي تاني تجي مرة في الشهر .....ماشي مرة في الاسبوع بزااااف هاد الشي
على بالي بلي تحبوهم بصح هدا ما يعنيش ان والديهم يخلوهم يديرو كما يحبو لازم يكون عندهم دور و يتحكمو في الامور
واش نقولو الله يخليهم و يهديهم و يكون في عونك انت و عايلتك
يعطيك الصحة و بارك الله فيك على الموضوع:regards01:
​

 

[Skor m@k]

رد: بيتنا فيه جنون أو ما شابه ...

ديرلهم كيما دار طوم للقطط الصغيرة لي هبلهوه
حوست على الصورة ملقيتش

القطط لي يشبهو لهادا هههه القط

هههه تخاف هوما لي يديرولي كي القط
يولو هوما لي يجرو مورايا خخخخ
​

 

[Skor m@k]

رد: بيتنا فيه جنون أو ما شابه ...

السلام عليكم
و الله يا مالك كي شفت العنوان حسابني عندكم الجنون نتع الصح في الدار
صراحة خفت نقراه فالليل قلت حتى للصباح هكدا باش نرقد بلا كوشمار
كي دخلت ضحكت على روحي نلق الجنون هم من صنف العباد
يا وليدي واش نقولك الله يكون في عونك و عون يماك مسكينة و خلاص.... هاد الشي بزاااااف
هادو جنون نتع الصح يطلعوا السكر و الضغط و كل شي
احسن شي ديره كي يجو عندكم خرج من الغرفة نتاعك و غلقها هكدا على الاقل تضمن انو الغرفة و ما فيها راها في أمان
و الله انا نستعجب للمرا لي تدي ولادها للديار و يكونو جنون و ديرونجي بيهم الناس و هي تتفرج حتى و لوكانت دار باباها و الله عجب
انا ولدي عندو 7 سنين و هو خفيف بصح كي قريت على هادو ولدي قدامهم راه سيد العاقلين و هكداك و الله ما نحب نديرونجي واحد و ما نخرجوش معايا خلاص حتى عند امي نديه يشوفها و نرجع بالخف و كي نحب نقعد معاها نخليه في الدار مع ختو
لو كان جاو عندي كما هادو ما نخرجش حتى يكبرو و يستعقلو
و هي تاني تجي مرة في الشهر .....ماشي مرة في الاسبوع بزااااف هاد الشي
على بالي بلي تحبوهم بصح هدا ما يعنيش ان والديهم يخلوهم يديرو كما يحبو لازم يكون عندهم دور و يتحكمو في الامور
واش نقولو الله يخليهم و يهديهم و يكون في عونك انت و عايلتك
يعطيك الصحة و بارك الله فيك على الموضوع:regards01:
​

السلام عليكم
أهلا بيك أمي واش راكي ان شاء الله الحمد لله
العيباد كي ما هادو وجهم مبلص
لوكان نحكيلك كي يروحو عند ماني يهبلوها
يخرجوها من عقلها هههه
هي كبيرة في لعمر اوو تبقى تجري موراهم سورتو كي يكسرولها كاش كاس ولا طبسي
اوو شتي لعجايز شحال يحبو لماعن
اوو تاني ماشي غير عندنا
الناس كامل يهترفو بيهم ههههه
ربي يسعدك اوو يحفظلك وليداتك أمي
سلام​

 

[أم منيــــــر]

رد: بيتنا فيه جنون أو ما شابه ...

السلام عليكم
أهلا بيك أمي واش راكي ان شاء الله الحمد لله
العيباد كي ما هادو وجهم مبلص
لوكان نحكيلك كي يروحو عند ماني يهبلوها
يخرجوها من عقلها هههه
هي كبيرة في لعمر اوو تبقى تجري موراهم سورتو كي يكسرولها كاش كاس ولا طبسي
اوو شتي لعجايز شحال يحبو لماعن
اوو تاني ماشي غير عندنا
الناس كامل يهترفو بيهم ههههه
ربي يسعدك اوو يحفظلك وليداتك أمي
سلام​

الحمد لله راني بخير يسقسي عليك الخير و ربي يخليك
امالا هادو كارثة هادو ما خلاو حتى واحد حتى لعجوزة مسكينة
ونعرفو بلي هاد الناس لكبار ما يستحملوش الحس بزاف علاه راها تغبن فيها هكدا
احكمي ولادك في دارك و ل ساعة و قلبي لدارك ياخي حالة
والله عندك الحق لي وجهو مبصص كل شي يبانلو نورمال
الله يكون في العون يعطيك الصحة
​

 

[Skor m@k]

رد: بيتنا فيه جنون أو ما شابه ...

الحمد لله راني بخير يسقسي عليك الخير و ربي يخليك
امالا هادو كارثة هادو ما خلاو حتى واحد حتى لعجوزة مسكينة
ونعرفو بلي هاد الناس لكبار ما يستحملوش الحس بزاف علاه راها تغبن فيها هكدا
احكمي ولادك في دارك و ل ساعة و قلبي لدارك ياخي حالة
والله عندك الحق لي وجهو مبصص كل شي يبانلو نورمال
الله يكون في العون يعطيك الصحة
​

ههههه ضرك تهنينا شويا منهم
باعو السيارة تاعهم عندهم بزاف مجاوش
بصح رنا مستعدين في كل وقت ههههه​

 

[ضآحكة مستبشرة]

رد: بيتنا فيه جنون أو ما شابه ...

هههههههههههههه مالك ياااا وحد المصفار
منين تجيب هاد المواضيع الجهنمية
بصراحة نتحيلكـ على هاد الرقي في المواضيع ديالك


نولوا للصح هههههه معاناة مشتركة يا خووو
احنا نعانوا كي يجونا ولاد عمي ووووووواوو تخلا الدنيا
و كيما قلت ينقزوا فوق الفوتايات
لوخر منا يطبع فيك خليني نلعب فالميكرو
و لوخر شاد الريموت يبدل فالتيلي و لوخر مع لي جوي يخرب وووووووووووو
و الله معاناة و خاصة كي يجوكم ضياف قباح بزاف والديهم ميحكو والو معاهم
انت تحكي تولي راك تحاوز
لازم نصبروا خويا واش تحب نقولك

كلشي ثمرة تربية الوالدين لازم الوالدين يحرصوا على تربية ولادهم خاصة عند الناس


المهم كثرة فيها
بارك الله فيك عالموضوع​

 

[hadil2044]

رد: بيتنا فيه جنون أو ما شابه ...

ايه نورمال صغار ويحبو الاكتشاف مزالو صغار على العقالة يمسو كلش يفركتو في كلش ومايتعبووووووووش خلي برك انا 3 مشيبينلي راسي ههههه
الطفل اللي ما يتحركش وما يلعبش راهو مش نورمال لازم نتحملوهم في مرحلة الطفولة هادا ما كان​

 

[بنفسج]

رد: بيتنا فيه جنون أو ما شابه ...

السلام عليكم
ههههههههههههه والله غير قلتني بالضحك خويا هدا واش يصرا كي يجمعو صغار سيرتو كيعودو قراب في العمر بصح خمسة راها كارثة انا واحد ولازوج يعودو خارج نطاق السيطرة منقدرش نحكم فيهم فما بالك خمسة ربي يعينك راها صح معاناة انا متاكدة بلي كي يجو يديرو دمار شامل
شكرا على الموضوع الباهي تحياتي لك