وقتاش تكتبو ؟؟؟

[همس الوُرود]

رد: وقتاش تكتبو ؟؟؟

السلآم عليكم

هههه النآس رآهي تحكي عليآ وأنآ لآخبر

صرآحة أنآ نحب بزآف نصور الدروس بيسك منقرش نكتب فالكلآصة سيرتو فالبرد هذآ

بصح مش يعني نجي الكتيبة الي تتكتب نصورهآ

نكتب عادي وبعقلي و مين نحبس وتصوني نصور الكتيبة و نروح للدار نامبريميها ونكمل نكتبها

يعني مش نخليها فالبورطابل لالا

بصح والله فكرة شابة تع التصوار

ومؤخرآ فسدلي البورطآبل ههه ليتوش ولاو ميخدموش شريت وآحد حطبة نديباني بيه حتى نجيب البآك ان شآء الله ونشري الهآي هآي

أيآ معنديش كيفآش نصور كيفآش وليت ندير

نجيب الكآيي تع الطفلة نصور بالبورطآبل تع خويآونآمبريمي

وديفوآمنكتب وآلو فالكلآصة نصور برك

بصح مش يعني هذآأني نبقى نحكي الكلآصة

مثلآ فالريآضيآت الشيخة تكتب وتفآصي ديرآكت خير واختآر يآتكتب وماتفهمش ولا تفهم وماتكتبش هههه

وهي كلش كلش على حساب القوسطو كي نكون زعفانة نكتب ونفهم وكينكون نورمال نكتب شوية و نفهم وكينكون فرحانة ولا ضاربة الدنيا بكوتبي نفهم ومانكتبش

ولا نكتب ومانفهمش

وتستمر الحياة ..

شكرآ على الموضوع ..
​

 

[همس الوُرود]

رد: وقتاش تكتبو ؟؟؟

شعب فنيان يحب كلش واجد المرة الجاية يخترعلهم الة للمضغ خاطر راهم يديرو مجهود بزاف في الماكلة هه هه

هههههههههه هآيلة هآدي:p​

 

[la lune rose]

رد: وقتاش تكتبو ؟؟؟

انا نصور في tp ولا كاش منحنى او جهاز نلقاه في كتب المكتبة
و التوقيت الزمني لاني في الاسبوع اللول خلاص نحفظو

اما الدروس لا زم نكتبها قرايتنا صعيبة
وغلطة صغيرة تخسرك في الامتحانات بالاضافة مانقدرش نركز غير في خط يدي
(مرة استاد علم النفس كان يهدر بسرعة في اخر الحصة وعقلي كان مغلق درت تسجيل صوتي لشرحو في الهاتف ومن بعد كتبتو )
الله يهدينا برك
بارك الله فيك