السلام عليكم
مرحبا بيكم عندنا
الموضوع هذا عندي شحال و انا نقول نديروا
حتى اليوم باه كتب ربي
موضوعي يا سادة يا كرام
على الجياحة لي راهي دور في الفايس بوك
صفحات
¤¤Spotted¤¤
كلمة Spotted معناتها باللغة العربية "رصد" .... رصدت عدساتنا ... ههههه
هاذ العفسة ظهرت تقريبا في عام 2010 طبعا ظهرت عند الغرب و شبابنا الله يبارك يتبعوا كي الحمير
هاذ الجياحة واش دير
مثلا انت ماشي في طريق شفت واحددة و لا واحدة شافت واحد و عجبها و لا عجبته بصح مايعرفهاش او يعرفها و حشم يهدر معاها ( ديك التربية ياه ) يروح هاذي لي باج تاع Spotted و يحوس عليها بحيث انه يمد اوصافها و وين شافها و معلومات اخرى يكون يعرفهم عليها و الغاشي لي يعرفها يقولوا وين تسكن او يمدولوا الفايس بوك تاعها او رقم هاتفها ....
فهمته ؟؟؟؟
مافهمتوش ...
تفضلوا هاذ المثال على واحد سبوتا واحدة
ايوة .... يا جدكم سكاناها ما خلى والوا ولو زاد بالاك شوية لو جاب جد يمات يماها
بصح قولولي كاين شي واحد(ة) عنده(ها) عينين Bleue nuit ...
وزيد يرحم والديك يعني انت ترضى لاختك واحد يدير معاها هكذا ؟؟؟؟؟؟؟؟؟؟؟
بففففففففففففففففففف
المثال الثاني
العكس واحدة سبوتاد واحد
يا اختي السيد عاقل و خدام و مربي حرام عليك تجيحيه و تسوفجيه و زيد كي يولي معاك رايح يخلي خدمته النهار كامل وهو يداوح معاك ..
اني رايحة نسوطي يعني حنا بلاد مسلمين الحوايج هاذوا كامل مايدوروش بينا ماشي من ديننا ياعباد ربي
و لي زادمين تاع لي باج هاذوا
يا خويا معلابالكش كما تدير يديرولك
ماعلابالكش بلي بين هاذوك بوقوقوات كاين ختك ... هاذي ناكدهالك و نبصملك عليها بالعشرة
يا زريعة وين رايحين بيها الهوا لي يجي يدي
علابالي بلي طولت عليكم بصح الله غالب و الله قلبك يوجعك و عقلك يولي حاير
سلام
ملاحظة : اذا حتجته الترجموا الكلام اني هنا هههه
