كـرسـي التعآرف { الضيـف الـرابع والعشرين } أبـFARIDـوفيصل

[لؤلؤة قسنطينة]

رد: كـرسـي التعآرف { الضيـف الـرابع والعشرين } أبـFARIDـوفيصل

السّلآمُ عليكم
واسعد الله أوقات الجميع
أعتذر على تأخّري فكرسي التعآرف في يومه الرآبع
على كل حآل هي جلسة طيبة مع شخص طيب
فالأخ غني عن التعريف ما شاء الله
وبما أني ما عنديش اسئلة كثيرة حبيت نخفّف عليه
ونطرح سؤال فقط
واش تعنيلك عايلتك؟ ولا بعبارة أوضح عائلتك في كلمات قليلة
نتمنالك إقامة طيبة على كرسي التعارف
وراني في المتابعة بإذن الله
تحياتي
​

 

[أبو عاتكة]

رد: كـرسـي التعآرف { الضيـف الـرابع والعشرين } أبـFARIDـوفيصل

كالعادة عمي فريد يجاوب مليح ...
عجبتك ؟ يعني ننجح في المسابقة رسمي .

وش رايك فالماشينات تاع لونساج ... نحكي على النجارة .
غير محببين للمشترية
.
تخيل فيصل الابن عندو عضوية ويسركل فالمنتدى عادي علابالنا راح تعاوملوا كيما الاعضاء لخرين بصح تخليه يشوف قسم الشكاوي ؟؟ هههههه
حتى ويدخل يشوف ماراحش يفهم :s بالاك نخليه عندك هنا هو راح يكتب بيا مشاكل .


قسم فرغ واش كاين في قلبك مابين الامس واليوم
ثقة الاعضاء بالقائمين على القسم وبالاعضاء اصحاب الراي والمشورة والجو العائلي المحترم والحريص يجعلهم اكثر انطلاقا في تفريغ قلوبهم وهذا ما يشهده القسم ربما سابقا لم يكن واضح المعالم لكن الان عرفه الناس فاحبوه . ان شاء الله يكون هذا القسم قد قدم فائدة وغير اوضاع وجبر مشاعر وداوى جروح وحل عقد يا رب .

بيت شعري من تاليفك على مدينتك لي تسكن فيها ..
انا خوك . شعر مرة وحدة ماقلت كلمتك الاخيرة ما قلت لخصنا شعورك . رايك في زوج ثواني وقت الحصة انتهى ؟
نعطيهلك بالعامية :
كي نشوفك يا مدينتي في هاذ الحال .... يتبدل حالي بعدما كنت زاهي وفرحان
نتفكر ناسك رحلوا وهجو بين الاوطان .... يا السعيدة تبقاي كبيرة وميتشفاو فيك عديان

صلحتها ولا والو

سامحني راني متحلف بيك هههه:p
​

السماح يجي نهارك متخافش .
يعطيك الصحة وربي يبارك فيك .

 

[أبو عاتكة]

رد: كـرسـي التعآرف { الضيـف الـرابع والعشرين } أبـFARIDـوفيصل

هههه موضوع عجبني هادا وين شفتو انا ربي يكون معاكم ههه
دمتم

دمتي ودام تواجدك معنا . ربي يبارك فيك .

 

[أبو عاتكة]

رد: كـرسـي التعآرف { الضيـف الـرابع والعشرين } أبـFARIDـوفيصل

السّلآمُ عليكم
واسعد الله أوقات الجميع
أعتذر على تأخّري فكرسي التعآرف في يومه الرآبع
على كل حآل هي جلسة طيبة مع شخص طيب
فالأخ غني عن التعريف ما شاء الله
وبما أني ما عنديش اسئلة كثيرة حبيت نخفّف عليه
ونطرح سؤال فقط
واش تعنيلك عايلتك؟ ولا بعبارة أوضح عائلتك في كلمات قليلة
نتمنالك إقامة طيبة على كرسي التعارف
وراني في المتابعة بإذن الله
تحياتي
​

كنت راح نسجل الخروج لكن مستحيل يخرج الانسان بوجود مشاركة لدينا من الطيبة بنت قسنطينة .
مرحبا بيك وربي يبارك فيك .


واش تعنيلك عايلتك؟ ولا بعبارة أوضح عائلتك في كلمات قليلة

يعني السؤال صحيح خفيف لكن الجواب عليه يحتاج اكثر من كلمات قليلة لكن لا بأس بما انو الشعور نحو العائلة يتقاسمه بنوا البشر كفطرة . فالعائلة المنجى والملجئ الاول والاخير بعد الرب سبحانوا .

لكن نقولك خليها لغدوة ان شاء الله نحكوا على العائلة افضل لانو العائلة كمفهوم اوسع تستاهل اكثر من مجرد كلمة وممكن ناخذ فائدة بالتطرق اليها من خلال استفسارك المشكورة عليه .


ربي يبارك فيك ويحفظك .

 

[أبو عاتكة]

رد: كـرسـي التعآرف { الضيـف الـرابع والعشرين } أبـFARIDـوفيصل

تصبحون على خير ليلة هادئة ان شاء الله ​

 

[aYyÖub aDaM]

رد: كـرسـي التعآرف { الضيـف الـرابع والعشرين } أبـFARIDـوفيصل

هههههه واقيل راني روطار

حكمك الباراج خويا فريد ههه

الفايدة بلعقل عليه برك

ايا ربي يعينك انا نقرعج برك من بعيد

واسمحولنا على التأخير

 

[همس الوُرود]

رد: كـرسـي التعآرف { الضيـف الـرابع والعشرين } أبـFARIDـوفيصل

السلآم عليكم ورحمة الله وبركآته

على هذآ المنبر أنتهز فرصة لأقول آسفة ..~​

 

[Hakan]

رد: كـرسـي التعآرف { الضيـف الـرابع والعشرين } أبـFARIDـوفيصل

السلاام عليكم شفت الصفحة الاولى والاسئلة اللي تحطت حسيت النااس ما تقرااش الموضوع ولا
وااش هذا كرسي تعارف نسقسيو فيه خونا على حياتو على احوالو
مااش الربيع العربي ولا اوضاع الجزاائر ولا مباراة تنزانيا
ربي يهديكم

انا عمي فريد نطرح عليك شويا اسئلة شخصية :

ممكن مكان السكن نتاعك ؟
مكونات الاسرة نتااعك ؟
حياتك بما تلخصها لحد الآن ؟
كيف كان مشواارك مع بدايات اللمة ؟

وفي الاخير بالاك لا يزعفو الجماعة اللي حطيت عليهم الردود
على قد ما ضحكتوني على قد ما دوختوني ...

بالتوفيق للجميع ..​

 

[¬Đỉaмơŋđ ✿]

رد: كـرسـي التعآرف { الضيـف الـرابع والعشرين } أبـFARIDـوفيصل

لحقت روطآر أنا كي العآدة هههه
الله يبآرك الأعضآء مآخلآّو مآبقّآو مآلقيت وآش نسقسي
في المتآبعة ’
​

 

[أبو عاتكة]

رد: كـرسـي التعآرف { الضيـف الـرابع والعشرين } أبـFARIDـوفيصل

السلام عليكم جميعا ان شاء الله تكونو في خير وعافية .

توقفنا عند سؤال المـحـترمـة لؤلؤة قسنطية عن العائلة او واش تعنيلك العايلة ؟

العائلة هي جزء من كل انسان في هاذ الدنيا ومرآة عاكسة لشخصيته وحالته اكيد ان اغلب تفكيرو وانشغالو في عايلتوا وتاخذ مساحة كبيرة من حياتوا لانها هي لب الحياة ومركز كل شيء اذا كان فيه الخير راح ينعكس على عايلتو ويرجعلو بالخير واذا كان العكس راح يرجعلو كل شيء بالعكس . يعني العائلة هي انعكاس لرب العائلة يحب يفسد حياتو يفسد عائلتو يحب ينجح في حياتو يبدا بعايلتوا .
لانو كاين ناس يشوف فقط من جيهتو تلقايه بخيل سواء من العواطف والا ماديا والا اهتماما وينتظر من عايلتو الاهتمام به ويصب دوما السلبيات على الزوجة والاولاد واطراف اخرى تكون مرتبطة بعائلتو .
كاين انسان ناجح في العمل وامام الناس لكن عائلته تفتقر الى ذلك ولا تتذوق طعم هذا النجاح .
كاين انسان يضحك ويلعب في خارج البيت وداخله حجرة وتكماش .
فالانسان لازم يكون عادل في كل شيء لولا يجعل عائلته اخر من ينتفع منه .
هاذي هي العائلة اللي نتمناوها ان شاء الله .

اكيد كل انسان تعنيلو عايلتوا شيء في نفسه وانا واحد من الناس تعنيلي الستر والهنا والراحة وامور اخرى لا تستطعين ترجمتها ونشوف اي نجاح في عيون افراد العائلة ونشوف اي فشل في عيونهم كذلك .

ربي يبارك فيك ويعطيك الصحة .

 

[أبو عاتكة]

رد: كـرسـي التعآرف { الضيـف الـرابع والعشرين } أبـFARIDـوفيصل

هههههه واقيل راني روطار

حكمك الباراج خويا فريد ههه

الفايدة بلعقل عليه برك

ايا ربي يعينك انا نقرعج برك من بعيد

واسمحولنا على التأخير

منور بطلتك عندنا مرحبا بيك .
باراج متين لكن باراج اخوة ومودة ان شاء الله .
الله يحفظك ويعينك ومسامح . روح لحانوتك .

 

[أبو عاتكة]

رد: كـرسـي التعآرف { الضيـف الـرابع والعشرين } أبـFARIDـوفيصل

السلآم عليكم ورحمة الله وبركآته

على هذآ المنبر أنتهز فرصة لأقول آسفة ..~​

وعليكم السلام ورحمة الله . مرحبا بيك معنا ويعطيك الصحة على التواجد والمشاركة .

اكيد كلنا متأسفين في هذه الدنيا وننتهز الفرصة فيها لانو لا اسف واعتذار بعدها . ربي يعيشنا في طاعته ويحتوينا في كنف رضاه هذا المهم .

 

[أبو عاتكة]

رد: كـرسـي التعآرف { الضيـف الـرابع والعشرين } أبـFARIDـوفيصل

السلاام عليكم شفت الصفحة الاولى والاسئلة اللي تحطت حسيت النااس ما تقرااش الموضوع ولا
وااش هذا كرسي تعارف نسقسيو فيه خونا على حياتو على احوالو
مااش الربيع العربي ولا اوضاع الجزاائر ولا مباراة تنزانيا
ربي يهديكم

انا عمي فريد نطرح عليك شويا اسئلة شخصية :

ممكن مكان السكن نتاعك ؟
مكونات الاسرة نتااعك ؟
حياتك بما تلخصها لحد الآن ؟
كيف كان مشواارك مع بدايات اللمة ؟

وفي الاخير بالاك لا يزعفو الجماعة اللي حطيت عليهم الردود
على قد ما ضحكتوني على قد ما دوختوني ...

بالتوفيق للجميع ..​

وعليكم السلام ورحمة الله اهلا بيك معنا تواجدك يسعدنا .
لا معليش حتى هذه الاسئلة تسأل لمعرفة بنية شخصية الانسان وهي تصب في لب موضوع التعارف حتى وان كانت غير مباشرة لكنها مقياس يقاس بها . ربي يبارك في الجميع .
انت تريد التعمق والمباشرة مرحبا بيك وساجيبك بكل سرور :

ممكن مكان السكن نتاعك ؟
انا من مدينة بوسعادة وهي معروفة واكيد تعرفها اذا ما فوت فيها الخدمة العسكرية فربما تكون مريت بيها الى مدن اخرى .

مكونات الاسرة نتااعك ؟
عندي طفلين ولد اسمه فيصل وبنت اسمها اشواق والزوجة والام .


حياتك بما تلخصها لحد الآن ؟
لاتستطيع طبعا تلخيص حياتك ربما نراها تمر مختصرة والوقت والزمن يمر بسرعة لكن فيها وقفات تحس انو الزمن توقف حينها . ربما حياتي مرت بمراحل وهذه المراحل كل انسان كيف عاشها طبعا لكن اهمها بدايتها كانت يعوزها دفئ الابوة ( الاب كان مهاجر وفي السنة نشوفو 20 يوم الى ان وافته المنية مات ونحن لم نشبع منه ) وسطها كان اعتماد على النفس في القرارات والاختيارات وحاضرها عراك وشد ومد في هذه الدنيا التي تزداد صعوبة ربي يقدرنا عليها .


كيف كان مشواارك مع بدايات اللمة ؟
البداية المشوار كان سريع وكنت معه سريع لانو في وقت تسجيلي كان التالي ميلحقش كان الامر يحتاج الى نشاط وفعالية بامتياز وتثق في قدراتك ومواهبك وما تقدمه ولا تبخل باي مجهود في ارجاء المنتدى بعد مدة من الدخول والانسجام والتعرف جيدا على المنتدى اصبحت افكر بشكل اشمل واوسع ولقيت ناس ماشاء الله مدوا يد العون والسند وفتحوا المجال للمساهمة والمساعدة لم يبخلو ولم نبخل . وبمناسبة السؤال نحب نتذكر الاخوة والاخوات اللي عاون واللي ساهم واللي ساند واللي بادر واللي واللي نقولهم يعطيكم الصحة واي انسان صادفته في هذا المشوار ندعيلو بالخير وان شاء الله يكون الجميع بخير وصحة وعافية .


يعطيك الصحة الاخ حكيم وبارك الله فيك .

 

[أبو عاتكة]

رد: كـرسـي التعآرف { الضيـف الـرابع والعشرين } أبـFARIDـوفيصل

لحقت روطآر أنا كي العآدة هههه
الله يبآرك الأعضآء مآخلآّو مآبقّآو مآلقيت وآش نسقسي
في المتآبعة ’
​

لا مازال الوقت ان شاء الله . مرحبا بيك وسعيد لتواجدك ومشاركتك هذا من لطف اخلاقك .
اذا ملقيتيش واش تسقسي نعاونك بكاش سؤال نطرحوا على نفسي .:up: مكانش مشكل .
ربي يبارك فيك والله يحفظك .

 

[Hakan]

رد: كـرسـي التعآرف { الضيـف الـرابع والعشرين } أبـFARIDـوفيصل

لله يبارك مدينة بوسعادة
ماراكش بعيد يا عمي
عين وسارة 147 كلم نكون عدك ههه وجدلي شويا زفيطي
وكثر الحار هههه متشرفين وبارك الله فيك ..​

 

[Skor m@k]

رد: كـرسـي التعآرف { الضيـف الـرابع والعشرين } أبـFARIDـوفيصل

السلام عليكم
مرحبا بيك عمي فريد
رنا نطلو غير مالبعيد خخخ
عندي سؤال واحد برك
العضو عمي حسان أنا منعرفوش بصح قريت مواضيع تاعو
قلت انت عدت تتكلم معاه أحيانا مقلتلوش علاه مراهوش يدخل للمة ولا يضرب طلة مينذاك
ربي يهنيك مع عائلتك
سلام​

 

[أبو عاتكة]

رد: كـرسـي التعآرف { الضيـف الـرابع والعشرين } أبـFARIDـوفيصل

لله يبارك مدينة بوسعادة
ماراكش بعيد يا عمي
عين وسارة 147 كلم نكون عدك ههه وجدلي شويا زفيطي
وكثر الحار هههه متشرفين وبارك الله فيك ..​

السلام عليكم .
راكم جيرانا وراح نرحبو بيك بكل حرارة ونزيدوك زفيطي .

السلام عليكم
مرحبا بيك عمي فريد
رنا نطلو غير مالبعيد خخخ
عندي سؤال واحد برك
العضو عمي حسان أنا منعرفوش بصح قريت مواضيع تاعو
قلت انت عدت تتكلم معاه أحيانا مقلتلوش علاه مراهوش يدخل للمة ولا يضرب طلة مينذاك
ربي يهنيك مع عائلتك
سلام​

السلام عليكم مرحب بيك .
علاش تطل من بعيد مرحبا بيك معانا اهلا وسهلا .
الاخ حسان صديق عزيز عندنا مدة لم نلتقي او نتهاتف ( ضاعت ارقامو مني يوجد رقم غير شغال عندي ) اخر مرة للاسف كان مار عليا في طريقه الى بسكرة لكن انا كنت خارج المدينة . اكيد هو يفكر في اللمة لانو متعلق بيها وباعضائها بزاف وطبعا تعرف مشاغل الحياة والعمل ان شاء الله يكون بخير وجميع عائلتو بخير والوالد خاصة . راح نحاول اجد طريقة للتواصل معاه .
ربي يبارك فيك ويعطيك الصحة .

 

[أبو عاتكة]

رد: كـرسـي التعآرف { الضيـف الـرابع والعشرين } أبـFARIDـوفيصل

وفي ختام هذه الضيافة الكريمة اود ان اشكر اولا صاحبة الدعوة ربي يبارك فيها وفي اخلاقها ويكتبلها النجاح في كل خطوة .
واشكر كل من شارك بكلمة طيبة وبحضور كريم وكل من تابعنا وكان معنا من بعيد او قريب .
واعتذر ان كنت جاوزت احدا او سهوت عن مشاركة او تعديت بجواب .

ان شاء الله الغائب ربي يرجعوا الينا سالم غانم ويسعدنا بتواجده مرة اخرى والحاضر ان شاء الله يديم صحته وعافيته وفائدته ويبقى معنا لا يغيب عنا . ان شاء يكتب لكل انسان في اللمة ما تمنى من الخير يافالق الحب والنوى اعط كل امرئ هنا من الخير ما نوى .

ان شاء الله من خلال هذه السلسة من مواضيع التعارف تستمر وتتمتن عرى التواثق والمودة والوئام ويزيد الاحترام والتقدير بين اعضاء منتدى اللمة ونكونو جميعا اسرة واحدة تفيد وتستفيد وتعين وتساند وتناصر وتآزر وتنصح وتستنصح باذن الله .

كما تجري العادة في هذه السلسلة وددت لو يحضر في عددها القادم العضو المحترم ( أسير نفسي ) للتعرف عليه بعدما تعرفنا على مواضيعه واسهاماته في المنتدى .

ربي يوفق الجميع ويعطيكم الصحة والعافية .
في أمان الله .