الأطفآل وأفلآم الرعب

[لؤلؤة قسنطينة]

السّلام عليكم أهل اللمة الكرام والأفاضل
إن شاء الله يكون الجميع بخير
لي راهو بيناتنا رانا نتطمنو عليه ولي راهو غايب نقولو ربي يسهلو ان شاء الله

على كل حال بدون إطالة ندخل في الموضوع مباشرة ولي راهو واضح من عنوانو نظن
سبق وشفنا موضوع الأخت salam fleur والأخ hakim story حول مايشاهده أطفالنا من افلام
الكرتون لي راهي تعرض في حوايج ماش ملاح تفسد عقول ولادنا، يعني إذا رسوم متحركة وتشكل خطر على ولادنا
فمابالكم بباقي البرامج ؟؟
وبما انو الوالدين ولاو مهملين ومايهموهمش ولادهم ولاو باه يسكتوهم يحطولهم التلفاز ويخليوهم يدورو وحدهم
ويتفرجو مايحلالهم، تلقى طفل عمرو 7 سنين يخليه باباه يتفرج أفلام لي فيها شجارات وتقابيد ودبز ( يقولك باه يخرج رجلة )
والأم تخلي بنتها لي عمرها 9 سنين تتفرج افلام ميكسيكية وهندية وتركية ( تقولك باه تخرج فاهمة وماتخرجش جايحة )
يعني هادي وتعتبر مشكل فمابالك بلي يخلي ولادو يتفرجو أفلام رعب ؟؟
وهادي شفتها الصباح في ولاد عمي لي مايعديش عمرهم 7 سنوات و 3سنوات ، خاطر حكاولي كيفاه يباتو ساهرين
لـ 12 تاع الليل يتفرجو في افلام رعب ويزيدو يحكيولي ويقولولي شفنا واحد طيرلو صبعو ولاخر طيرلو راسو
ولاخر طيرلو عينو وكلاها وزيد يقلدو في الحركات لي شافوها، بصراحة بقيت نشوف انا، يعني ولاد بعمر 7 و3 سنين يتفرجو مشاهد كيما هادو؟؟
يشوفو دم وقتل وراس طاير ومصارن خارجين وعينين طايرين وقتل وأسلحة مخيفة وضخمة
قلتو العنف يعلم الرجلة والمسلسلات الرومانسية تنحي الجياحة والدم والقتل والمشاهد المرعبة واش دير؟
تخرج طفل مجرم ولا مصاص دماء؟
يعني نحير في الاولياء،إذا افلام كارتون وتشكل خطر وتعلم في الاولاد حركات ماسونية فمابالك بافلام
تعرض مشاهد دموية لطفل مازال مايفرقش بين الصح والخطأ، على هادي يخرجو ولادنا يعبدو الشيطان
مادام يتفرجو من صغرهم مشاهد كيما هكا ، وهادا بلا مانذكرو بعض المشاهد المخلة بالحياء لي نلقاوها ساعات حتى في افلام الرعب
هادي رسالة للأولياء : عسوا ولادكم، نتوما شقيتو وشريتولهم افلام رعب زيدو اخسرو واشريولهم سيديات مفيدة
اخسر عليه 20 دقيقة واقرالو قصة مفيدة ولا تخليه يسهر ويتفرج مشاهد قادرة تاذيه
اهتموا بولادكم وماطيشوهمش راهم امانة

درك نخليلكم الخط خاوتي واذا راني غالطة قوليلي
اتهلاو في رواحكم
سلام
​

 

[بنت الـ25]

رد: الأطفآل وأفلآم الرعب

أهلا مريومة
حطيتي يدك عالجرح
الاطفال صفحات بيضاء واحنا لي نختارو وش نكتبو فيها
وكيما علابالنا الأطفال يقلدو وش يعرض قدامهم سواء فالواقع ولا على الشاشات ودوكا الأجهزة الذكية
ألوغ كي يتفرجو أفلام الرعب اللي واحد يقتلوه ومبعد ينوض يمشي يصدقو
وبزاف لي حبو يجربو ، كيما مؤخرا في عيد الأضحى سمعت على هداك الطفل لي شعرة وذبح خوه الصغير بالسكين تع الذبيحة
نحكيلك حكاية صرات لابن اختي مول العامين ونصف، ديما تشكي منو يبكي بزاااف وبلا سبة يعيط ويتفركس فالارض
ما فهمتش وشبيه، جربو معاه كلش ، شرب ماء مرقي ، رقاولو كلش والو
ايا وحد نهار عستو لقاتو يروح لتابلات تعها يدخل فيديوهات طيور الجنة تع كواليس الأطفال كي يكونو يصورو فيهم
وهوما يبكيو ويتعايطو ، ويقلدهم
من نهار دارتلها الكود تنحاتلو الطبيعة هادي
وهذا شي قليل بالرعب اللي راكي تحكي عليه
الوغ الرقابة ضرورية ولي يحب الاولاد لازم يتعب عليهم في صغرهم باش يلقى نتيجة في كبرهم مش يجيبوهم ومبعد يقلقو من تربيتهم ويخليوهم للقنوات هادي تربيهم
​

 

[Skor m@k]

رد: الأطفآل وأفلآم الرعب

السلام عليكم
أهلا بيك ختي ان شاء الله بخير
الواحد راهو كبير مي كي يشوف أفلام تاع رعب سورتو فالليل
يبدا يتخيل فيهم اوو بلاك يخرجولو فالمنام
خلي طفل صغير
أفلام الرعب كي تتفرجهم مرة ولا زوج تولي مدمن عليهم
ويبدلولك التصرفات ديالك
يرجعوك عنفي تبغي تسيي منذاك حركات تاعهم
والطفل الصغير يرفد بزاف عليهم
كان وليد وليدو تاع عمتي صغير كيما حكيتي يتفرج غير أفلام الأكشن
حافظهم كاملين يحكيهملك بكل التفاصيل المملة
حتى ولا كي يلعب مع صحابو يكريزي اوو غير يدابز معاهم
والأولايء تاع ضرك ولاو غير باش يلتهاو ولادهم المهم مايخيقوهمش
نسأل الله العافية
ربي يحفظك ختي مريم
سلام​

 

[لؤلؤة قسنطينة]

رد: الأطفآل وأفلآم الرعب

أهلا مريومة
حطيتي يدك عالجرح
الاطفال صفحات بيضاء واحنا لي نختارو وش نكتبو فيها
وكيما علابالنا الأطفال يقلدو وش يعرض قدامهم سواء فالواقع ولا على الشاشات ودوكا الأجهزة الذكية
ألوغ كي يتفرجو أفلام الرعب اللي واحد يقتلوه ومبعد ينوض يمشي يصدقو
وبزاف لي حبو يجربو ، كيما مؤخرا في عيد الأضحى سمعت على هداك الطفل لي شعرة وذبح خوه الصغير بالسكين تع الذبيحة
نحكيلك حكاية صرات لابن اختي مول العامين ونصف، ديما تشكي منو يبكي بزاااف وبلا سبة يعيط ويتفركس فالارض
ما فهمتش وشبيه، جربو معاه كلش ، شرب ماء مرقي ، رقاولو كلش والو
ايا وحد نهار عستو لقاتو يروح لتابلات تعها يدخل فيديوهات طيور الجنة تع كواليس الأطفال كي يكونو يصورو فيهم
وهوما يبكيو ويتعايطو ، ويقلدهم
من نهار دارتلها الكود تنحاتلو الطبيعة هادي
وهذا شي قليل بالرعب اللي راكي تحكي عليه
الوغ الرقابة ضرورية ولي يحب الاولاد لازم يتعب عليهم في صغرهم باش يلقى نتيجة في كبرهم مش يجيبوهم ومبعد يقلقو من تربيتهم ويخليوهم للقنوات هادي تربيهم
​

اهلا منمونة نورتِ الموضوع حبيبتي
ويعطيك الصحة على الاضافة خاطر كيما قلتي الطفل كيما الصفحة البيضاء واش تقولو يعاود وراك
وواش يتفرجو يحب يقلدو والدليل الطفل لي حكيتي حب يذبح خوه، خاطر حتى انا ساعات يجيو
ولاد عمي هادو بعد ويبداو يقلدو في المصارعين ويقولي شوفي كيفاه ندير الحركة ويبدا يصوطي على خوه
ويضربو ضرب ماش مليح، وهادا كامل من واش يشوف الطفل
كن عبد كبير يفرق ويفهم بصح واحد عمرو 3 سنين راهو مازال تخرجي عينيك فيه يخاف
فمابالك يشوف راس طاير ودم وسكاكين وغيرها من المشاهد لي عبد كبير مايحملش يشوفها
على هادي ماكانش قد لي يعلم ولادو حفظ القرآن من الصغر، اول شي يشغلو وقتو وزيد يتربى
ومايروحش للأفلام لي خاطيين
وولد ختك ماتقوليليش " نوش " ^^ هاداك راهو يتاكل الله يبارك مالا عسوه
شكرا غاليتي على مرورك العطر
تحياتي الخالصة :regards01:
​

 

[لؤلؤة قسنطينة]

رد: الأطفآل وأفلآم الرعب

السلام عليكم
أهلا بيك ختي ان شاء الله بخير
الواحد راهو كبير مي كي يشوف أفلام تاع رعب سورتو فالليل
يبدا يتخيل فيهم اوو بلاك يخرجولو فالمنام
خلي طفل صغير
أفلام الرعب كي تتفرجهم مرة ولا زوج تولي مدمن عليهم
ويبدلولك التصرفات ديالك
يرجعوك عنفي تبغي تسيي منذاك حركات تاعهم
والطفل الصغير يرفد بزاف عليهم
كان وليد وليدو تاع عمتي صغير كيما حكيتي يتفرج غير أفلام الأكشن
حافظهم كاملين يحكيهملك بكل التفاصيل المملة
حتى ولا كي يلعب مع صحابو يكريزي اوو غير يدابز معاهم
والأولايء تاع ضرك ولاو غير باش يلتهاو ولادهم المهم مايخيقوهمش
نسأل الله العافية
ربي يحفظك ختي مريم
سلام​

وعليكم السلام ورحمة الله وبركاته
اهلا خويا مالك نورت الموضوع ^^
الحمد لله خويا يسقسي عليك الخير
وبارك الله فيك على اضافتك القيمة
خاطر كيما قلتها العبد كبير ويبات يهلوس بيهم ويشوف الوجوه المخيفة
فمابالك طفل صغير عمرو 3 سنين؟ يعني تجيهم عادية الاولياء
يخليو ولادهم يشوفو مشاهد كيما هكاك؟؟
بلا حكاية العنف لي قلتها خاطر يتفرجو المباريات تاع المصارعة هادوك
ويبداو يقلدو ويصوطيو على بعضاهم
وهادا كامل راجع للوالدين لأنو الرقابة ترجع ليهم
نقولو ربي يحفظ ولادنا ان شاء الله من كل سوء
شكرا خويا مالك على مرورك العطر
تحياتي الخالصة لك :regards01:
​

 

[Hakan]

رد: الأطفآل وأفلآم الرعب

صحيتي على الموضوع اختي واش نقلك غير ربي يهدي وخلااص
القاصر اللي في عمرو 15 سنة راهو ضركا اما مجرم واما سراق
وما بائع مخدرات وهاذ الشي كاامل من هاذ الافلام
كاين وحد المسلسل اسمو مراد علم دار وولا واد الذئاب في حياتي تفرجت منو حلقة واحدة
من الجزء الاول نصيب الشعب كاامل يتفرج فيه
وكي تحكي معاهم يقلك فيلم نتاع رجلة انا نعرف الرجلة ديرها
بوااش تقرى للسلف الصاالح
الله غالب ضعف الشخصية ربي يهدي الاوليااء
صراحة انا بديت نتفرج افلام الرعب منين كان في عمري 18 سنة
يعني من العام اللي دخلت فيه للباكالوريا وجامي نخمم نتفرج افلام كيما هاذي
وكل عمر وعندو حق في انو يشاهد البراامج ونورمالمون عند الاجانب يفهمو فيلم +18
واطفالهم يفهمو هاذ الشي ء لكن الاولياء ضركا ما يفهمو والو
هو يتفرج فيلم ويخليه في الحااسوب وولادو يتفرجو
ومن بعد يخرجو معقدين ولا مجرمين
بارك الله فيك .​

 

[لؤلؤة قسنطينة]

رد: الأطفآل وأفلآم الرعب

صحيتي على الموضوع اختي واش نقلك غير ربي يهدي وخلااص
القاصر اللي في عمرو 15 سنة راهو ضركا اما مجرم واما سراق
وما بائع مخدرات وهاذ الشي كاامل من هاذ الافلام
كاين وحد المسلسل اسمو مراد علم دار وولا واد الذئاب في حياتي تفرجت منو حلقة واحدة
من الجزء الاول نصيب الشعب كاامل يتفرج فيه
وكي تحكي معاهم يقلك فيلم نتاع رجلة انا نعرف الرجلة ديرها
بوااش تقرى للسلف الصاالح
الله غالب ضعف الشخصية ربي يهدي الاوليااء
صراحة انا بديت نتفرج افلام الرعب منين كان في عمري 18 سنة
يعني من العام اللي دخلت فيه للباكالوريا وجامي نخمم نتفرج افلام كيما هاذي
وكل عمر وعندو حق في انو يشاهد البراامج ونورمالمون عند الاجانب يفهمو فيلم +18
واطفالهم يفهمو هاذ الشي ء لكن الاولياء ضركا ما يفهمو والو
هو يتفرج فيلم ويخليه في الحااسوب وولادو يتفرجو
ومن بعد يخرجو معقدين ولا مجرمين
بارك الله فيك .​

أهلا خويا حكيم نورت الموضوع ^^
وبارك الله فيك على الإضافة القيمة
خاطر كيما قلتها الأجانب يعرفو كيفاه يفرزو اعمار ولادهم ويعرفو كل عمر واش لازملو يتفرج
حنا الكبير يتفرج سبونج بوب والصغير يتفرج فيلم رعب
الدنيا مخلطة خلاص، والمشكل يا خويا كن حتى جات واحد تفرج ونساه في الحاسوب
راهم يشريوهم طول لولادهم، انا ولد عمي قالي بابا شرالي سيديات رعب
ويخليني نبات نتفرج وهو عمرو 7 سنين وخوه 3 سنين، قلتلو ماش مليح تتفرج
بصح ماقدرتش نشرحلو مليح وزيد علابالي يروح للدار يدير رايو
يعني واش تتوقع من طفل صغير يديرلو باباه تلفاز في الغرفة تاعو ويديرلو بارابول
اذا العبد واعي وولا يفرز القنوات خلي يا طفل صغير مايعرفش صلاحو ويقلد كامل واش يشوف
وكيما قلتها على هادي يخرجو ولادنا مجرمين ومربيين على العنف وهادا من واش يتفرجو في صغرهم
ربي يحفظ ولادنا ان شاء الله من كل سوء
شكرا خويا حكيم على مرورك العطر
تحياتي العطرة لك :regards01:
​

 

[zagane]

رد: الأطفآل وأفلآم الرعب

السّلام عليكم أهل اللمة الكرام والأفاضل
إن شاء الله يكون الجميع بخير
لي راهو بيناتنا رانا نتطمنو عليه ولي راهو غايب نقولو ربي يسهلو ان شاء الله

على كل حال بدون إطالة ندخل في الموضوع مباشرة ولي راهو واضح من عنوانو نظن
سبق وشفنا موضوع الأخت salam fleur والأخ hakim story حول مايشاهده أطفالنا من افلام
الكرتون لي راهي تعرض في حوايج ماش ملاح تفسد عقول ولادنا، يعني إذا رسوم متحركة وتشكل خطر على ولادنا
فمابالكم بباقي البرامج ؟؟
وبما انو الوالدين ولاو مهملين ومايهموهمش ولادهم ولاو باه يسكتوهم يحطولهم التلفاز ويخليوهم يدورو وحدهم
ويتفرجو مايحلالهم، تلقى طفل عمرو 7 سنين يخليه باباه يتفرج أفلام لي فيها شجارات وتقابيد ودبز ( يقولك باه يخرج رجلة )
والأم تخلي بنتها لي عمرها 9 سنين تتفرج افلام ميكسيكية وهندية وتركية ( تقولك باه تخرج فاهمة وماتخرجش جايحة )
يعني هادي وتعتبر مشكل فمابالك بلي يخلي ولادو يتفرجو أفلام رعب ؟؟
وهادي شفتها الصباح في ولاد عمي لي مايعديش عمرهم 7 سنوات و 3سنوات ، خاطر حكاولي كيفاه يباتو ساهرين
لـ 12 تاع الليل يتفرجو في افلام رعب ويزيدو يحكيولي ويقولولي شفنا واحد طيرلو صبعو ولاخر طيرلو راسو
ولاخر طيرلو عينو وكلاها وزيد يقلدو في الحركات لي شافوها، بصراحة بقيت نشوف انا، يعني ولاد بعمر 7 و3 سنين يتفرجو مشاهد كيما هادو؟؟
يشوفو دم وقتل وراس طاير ومصارن خارجين وعينين طايرين وقتل وأسلحة مخيفة وضخمة
قلتو العنف يعلم الرجلة والمسلسلات الرومانسية تنحي الجياحة والدم والقتل والمشاهد المرعبة واش دير؟
تخرج طفل مجرم ولا مصاص دماء؟
يعني نحير في الاولياء،إذا افلام كارتون وتشكل خطر وتعلم في الاولاد حركات ماسونية فمابالك بافلام
تعرض مشاهد دموية لطفل مازال مايفرقش بين الصح والخطأ، على هادي يخرجو ولادنا يعبدو الشيطان
مادام يتفرجو من صغرهم مشاهد كيما هكا ، وهادا بلا مانذكرو بعض المشاهد المخلة بالحياء لي نلقاوها ساعات حتى في افلام الرعب
هادي رسالة للأولياء : عسوا ولادكم، نتوما شقيتو وشريتولهم افلام رعب زيدو اخسرو واشريولهم سيديات مفيدة
اخسر عليه 20 دقيقة واقرالو قصة مفيدة ولا تخليه يسهر ويتفرج مشاهد قادرة تاذيه
اهتموا بولادكم وماطيشوهمش راهم امانة

درك نخليلكم الخط خاوتي واذا راني غالطة قوليلي
اتهلاو في رواحكم
سلام
​

السلام عليكم
نعم اطفال اليوم كلهم يقلدون الافلام فيجب الابتعاد عن افلام الرعب

 

[Salam Fleur]

رد: الأطفآل وأفلآم الرعب

السلام عليكم

مريم

اسمحيلي ماقدرتش نكمل القراية تاع الموضوع خرجتيلي قلبي يا طفلة

حرام عليك راني غير كيما تعشيت

ما نحملش ياي .... يا يما .... ههههه .....

انا كبيرة شايبة و مانتفرجهمش ... نشفى على روحي مرة تفرجت فيلم تاع اسماك القرش و الله يومين مارقدش و حلفت مازادوا جاو في عينيا

انا نحير فيهم .... علابالك كي يكبروا يموت قلبهم يوليو حتى و يشوفوا هاذاك الشي على الحقيقة و نورمال ....

انا لو نشوف الدم نتغاشا .فمابالك واحد مقطع راسه .

خوفتيني كثر من حكايات العالم الاخر :d:d

شكرا على الموضوع القيم

تحياتي​

 

[أم منيــــــر]

رد: الأطفآل وأفلآم الرعب

انا كبيرة ما نحبش نتفرج افلام الرعب وولادي عمرهم لا تفرجوهم
لي يخلي ولادو يتفرجو هاد النوعية من الافلام راه يقضي عليه و يسكنلو الرعب في قلبو الصغير
يعطيك الصحة لؤلؤتنا على الموضوع

 

[لؤلؤة قسنطينة]

رد: الأطفآل وأفلآم الرعب

السلام عليكم
نعم اطفال اليوم كلهم يقلدون الافلام فيجب الابتعاد عن افلام الرعب

وعليكم السلام ورحمة الله وبركاته
اهلا باخي الكريم نورت الموضوع ^^
فعلاً خويا الأطفال يقلدوا كلشي راهم كي الاسفنجة بعد مايتعمرو بواش يشوفو
يعاودو يقلدوه ويخرجوه في شكل حركات وكلام وتصرفات
على هادي لازم نعسو ولادنا
شكرا اخي على مرورك العطر
تحياتي العطرة لك :regards01:
​

السلام عليكم

مريم

اسمحيلي ماقدرتش نكمل القراية تاع الموضوع خرجتيلي قلبي يا طفلة

حرام عليك راني غير كيما تعشيت

ما نحملش ياي .... يا يما .... ههههه .....

انا كبيرة شايبة و مانتفرجهمش ... نشفى على روحي مرة تفرجت فيلم تاع اسماك القرش و الله يومين مارقدش و حلفت مازادوا جاو في عينيا

انا نحير فيهم .... علابالك كي يكبروا يموت قلبهم يوليو حتى و يشوفوا هاذاك الشي على الحقيقة و نورمال ....

انا لو نشوف الدم نتغاشا .فمابالك واحد مقطع راسه .

خوفتيني كثر من حكايات العالم الاخر :d:d

شكرا على الموضوع القيم

تحياتي​

وعليكم السلام ورحمة الله وبركاته
اهلا حبيبتي خولة نورتيني بمرورك غاليتي
ههههه راكي تشوفي نتي كبيرة ماحملتيش وهوما ماخلقوش من الارض يتفرجو تصاور فيهم دم وغيرها من المشاهد
انا اصلا مانتفرجش التلفاز غير كي نروح زيارة لدار خالي نتفرج مع البنات وهكاك مانحبش افلام القتل ولي يكون فيهم دم بزاف
انا نحب تاع الارواح والغموض كترة، بصح قليل وين نشوفهم وزيد راني شايبة درك
بصح صغار ويتفرجو ماش مليح، كيما قلتيها قلبهم يبرد خلاص على هادي تلقايهم يعودو ميحسوش بقيمة والديهم ويضربوهم ويعيطو عليهم
غير من مشاهد العنف لي يشوفوها، نقولو ربي يحفظ ولادنا برك
شكرا غاليتي لمرورك العطر
تحياتي العطرة لكِ :regards01:
​

انا كبيرة ما نحبش نتفرج افلام الرعب وولادي عمرهم لا تفرجوهم
لي يخلي ولادو يتفرجو هاد النوعية من الافلام راه يقضي عليه و يسكنلو الرعب في قلبو الصغير
يعطيك الصحة لؤلؤتنا على الموضوع

اهلا بأمي الغالية " أم منير" نورتِ الموضوع
والله هكا يخمو بعض الآباء للأسف، في بالهم يخليو الحرية لأبناءهم بصح هوما راهم يحطمو فيهم للأسف
كيما قلتي حنا كبار ومانشوفوهمش وولاد صغار يتفرجو وزيد يقلدو الحركات وهادا رايح يأثر عليهم مستقبلا
ربي يحفظلنا وليداتنا ويجعلهم صالحين ان شاء الله
شكرا لمرورك العطر أمي الغالية
تحياتي العطرة لكِ :regards01:
​

 

[السلطانة]

رد: الأطفآل وأفلآم الرعب

وعليكم السلام فكرتيني في قناة top movies
كنت نطيح فيها مرات على افلام رعب نبات في حالة في الليل قريب نتسكن
مابالك اطفال صغار
ماش ملاح الافلام هادو يعقدو الطفل او يخرجوه في المستقبل مجرم كبير مايخاف مايرهبو شي
ربي يهدي الاولياء برك يحسبو جيب وطيش لهيه
مسؤولية

شكرا اختي

 

[بنفسج]

رد: الأطفآل وأفلآم الرعب

السلام عليكم
بارك الله فيك مريومة على الموضوع
هادا اللي يديرل ولادو المشاهد البشعة اللي في افلام الرعب واش غرضو يحوس قلب ابنو يموت و يتبلد احساسو ولا واش مفهمتش . خاصة انو الصغار يمركو كلش شافوه بالاك يتربالهم هاداك العنف الوحشي والاجرام يولي يجيهم عادي ربي يستر انا متجراتش باه نتفرج فيلم رعب حقيقة والله المشاهد الدموية هاذيك نحير كيفاش قدرو يشوفوها كيما قالت الاخت سلام قطرة دم ونتغاشى منها :-o ربي يهدي
تحياتي ليك حنونة
سلام

 

[آمِيْرَتُه]

رد: الأطفآل وأفلآم الرعب

السلام عليك
مشكورة على الموضوع
اليوم عانيت مع وحد التلميذ لبارح تفرج فيلم خوف و قالي مرقدتش بالخوف و كي جا القسم كل دقيقة يتفكر يولي يترعد قتله ماماك وين كانت قالي مش فالدار باسكو هي تخدم في قطاع الصحي باينة خدمت الليل مسكينة ربي يعينها و قتله معامن كنت قالي مع بابا قتله علاه مرحتش ليه يطفي عليك و ترقد قالي خفت نعيط و لا نروح ليه هنا يتبين أن كي تكون الأسرة غايبة خاصة الأم الطفل يروح فيها و عليه على كل أم و اب أن يتفقدوا أولادهم قبل النوم
بوركت على الموضوع و إن شاء الله رسالتك توصل للآباء

 

[وسيم عقل و زين]

رد: الأطفآل وأفلآم الرعب

افلام الرعب تضر لكبير وصغير

 

[خفيفة الروح]

رد: الأطفآل وأفلآم الرعب

انا وحددة من الناس منخليش خاوتي الصغار يتفرجو افلام الرعب باسكو يخافو

 

[Princesse Diyor]

رد: الأطفآل وأفلآم الرعب

السلام عليكم
افلام الرعب لها ضرر كبير على نفسية الاطفال بالدرجة الاولى
حيث يصبح الطفل يخاف من اشياء ربما هي لاتخيف ابدا
وربما لاينام ليلا من شدة الخوف
وتظهر عليه تصرفات غير عادية
انا شخصيا لا احب مشاهدتها
وبارك الله فيك اختي على هذا الموضوع