الأمّ تخدم والإبن في الحضانة

[لؤلؤة قسنطينة]

السلام عليكم أهل اللمة الكرام والافاضل
ان شاء الله راكم لاباس؟
ربي يحفظكم جميعا ويهنيكم ويوفقكم ان شاء الله
أما بعدن ندخل في الموضوع مباشرة ولي راهو واضح من عنوانو نظن
وهو "المرأة العاملة وتأثير عملها على أبناءها"
بصراحة قبل ايام شفت حصة على التلفاز تحكي على مكانة الحضانات لي يحطو فيها الأطفال في وقتنا الحالي
لأنو نص الأمهات ولاو عاملات وبحكم الأب والأم يخدمو الإبن أكيد يحطوه في الحضانة
وفي هاد الحصة نعتو بعض العينات تاع الناس لي تحط ولادها تما، بصراحة المشكل لي حيرني ووجعلي قلبي
لما شفت الأم هاديك تعدل وتلبس ومن بعد تروح تنوض ولدها لي عمرو 4 سنوات وهو مسكين مازال حتى ماشبعش رقاد
تزرب تبدلو حوايجو وراجلها يوجد في الحليب في الكوزينة ومن بعد يفطرو بزربة ويخرجو يديو ولدهم للحضانة،
انا لي وجعلي قلبي لما شفتهم خرجو من فيلا الله يبارك وركبو في سيارة الله يبارك
يعني باينين لاباس عليهم وربي يزيدهم، درك لي وجعلي قلبي هو هاد الأم لي عطاها ربي الدار وعطاها
ظروف معيشة مليحة علاه تمرمد في ولدها؟؟
لما مرأة تخرج تخدم باه تعيش ولاد يتامى ولا باه تجيب زوج دورو توكل بيهم عايلتها ماتغيضش
كل واحد وظروفو، بصح وحدة لاباس عليها علاه ماتقعدش في دارها تربي ولدها وتخليه يشبع من الحنان تاعها؟
انا مارانيش نهاجم في المرأة العاملة تحب تخرج ولا تحوس ربي يسهل عليها بصح الملايكة هادو لي رانا نعذبو فيهم
لدرجة تشوف طفل صغير جايبينو في زورة ويخليوه تما في الحضانة ويشبع بكا على فراق والديه.
انا راني نهدر هكا خاطر عشت هاد التجربة، لأنو ماما كانت خدامة وكنا بزوج دورو هادوك معرف لاكان نتعشاو ليلة ولالا
ومازلت نتفكر المعاناة تاع طفل يخرج من الدار ويتمرمد،
باه تنوض بكري على 5 ونتا مازالت في عمرك 6 سنين وتزرب تغسل وجهك بالماء البارد
باه تفطن ومن بعد تخرج في الظلمة وتتوكل على ربي باه يجي البيس هاداك وهادا اذا جا
يعني ماش ساهلة، انا ماراني ضد حتى انسان، ومارانيش نهدر في الجانب الديني ولا جانب آخر
نحكي على قلب أم تشوف ولدها مرمد كل صباح وهي تروح باه تحوس ماش حتى باه تخدم
سامحوني اذا تعديت حدودي لكن لما نشوف براءة كيما هكاك يعانيو بسبب أمهات والفو الخرجة والتحواس نتقلق
واذا راني غالطة قولولي
معليش نتعلمو من بعضانا
وربي يوفقكم جميعا
تحياتي

​

 

[بنفسج]

رد: الأمّ تخدم والإبن في الحضانة

السلام عليكم
بارك الله فيك مريومة على الموضوع
ايه انا ثاني نعرف نسا احوالهم المادية متيسرة وازواجهم يخدمو ويصرفو عليهم لكن ميخلوش الخدمة ويحطو اولادهم في حضانة يعني طفل صغير يكون محتاج حنانة والديه خاصة امو صح الانسان بطبيعتو طماع يحب الزيادة لكن ممنحقهمش
يرمو ولادهم سيرتو لعادو صغار في الحضانة الا في الحالات اللي حكيتي عليهم
تحياتي ليك حنونة
سلام

 

[Salam Fleur]

رد: الأمّ تخدم والإبن في الحضانة

السلام عليكم

اهلا مريومة

انا واحدة كنت كيما طفل هذاك نوض على 4 تاع الصباح باه تدينا انا و اخ تاعي لي تحتي لواحدة كانت تحكمنا لانه امي تخدم بعيدة شوية و الاب تاعي وقتها كان مريض ... بعدها جاء خويا الصغيرو كانت تبدلوا لي كوش في الحافلة ... لانه كانت تديه معاها هو مزيود جديد لانه عطلة الامومة يا ربي شهرين في الوقت هذاك .... سوفرينا ...

لكن انا لانه تقريبا عشنا نقولك شوية محرومين من حنان الام لانه تخرج 4 تاع الصباح و تجي 6 تاع العشيا مع تجي عياينة هاذيك هيا ...صح تعبت و فضلها على راسنا لكن مرة حكيت معاها على الموضوع تاع العمل خصوصا العمل في التعليم الابتدائي متعب بزاااااف بالاك دركة مش كيما بكري و لكن متعب نفسيا و جسديا تاني ... المهم تفاجات مني انه قلتلها بلي لو نخدم يكون الحجم الساعي قليل و نفضل اني ما نخدمش خلاص حتى زوجي متفهم علاه لانوا عشنا فترة صعبة و صعيبة باه نقبل انه ابني يعيش واش عشت انا .... صعيبة بزااااااااف ....... و انا معاك واحدة تكون لاباس بيها تقعد في دارها خير و تربي اولادها ..اوكي ممكن تحب تخدم خدمة خفيفة بصح مادامها مش محتاجة اولادها اولى بيها ........

شكرا مريومة على الموضوع بالاك اني خرجت شوية عليه ..اسفة

تقبلي مروري​

 

[ديسق]

رد: الأمّ تخدم والإبن في الحضانة

وعليكم السلام ورحمة الله وبركاته

الحمد لله أحوالنا بخير أخت لؤلؤة ان شاء أحوالك بخير أيضا ^^

آآه يا قلب الأم، شفلي هذاك الطفل الصغير الي حكيتي عليه وهو خارج هكذاك ومع الزاورة :-o
منعرف علاه يولدوا باش يتعبوا في الملائكة الصغار .. إلا اذا كانت وضعية المعيشة نتاع
الاسرة صعيبة بزاااف واقتضت عمل الأم فهذا شيء آخر، ولكن الموضوع يتحدث عن الأم
سواء خدمت او ما خدتمش راهي عايشة في الهناء !! .. فيه واحد الأخت هنا في اللمة
حكات عن امها الي كانت تعمل ومعاناتها وكيفاه كانت تتميزر كما كانت صغيرة وكيفاه
كانت تطايش عند الجيران لأنها لما تروح تطب طب الباب تلقى ولا واحد في الدار، تروح
للجيران أحيانا ما يحبوش يحلوا عليها، شفتو وين وصلنا !! مليحة ذرك هكذا !!

الي عجبني في هذيك الأخت أنها قالت لما تتزوج مش راح تعمل وانها مش حابة تشوف
المعاناة الي عاشتها هي يعيشوها أولادها، هذا هو القلب نتاع الام نتاع الصح، الحنان والرحمة.

طبعا نرجعو ونقولو كل الأم والظروف نتاعها، وكل أسرة وكيفاه، وكل واحد والضمير نتاعو

وشكرا اخت لؤلؤة على الموضوع .. الله يعطيك العافية وربي يكثر من أمثالك الي ما يشرطوش
على الرجل أنها تخدم

سيف ^^
​

 

[لؤلؤة قسنطينة]

رد: الأمّ تخدم والإبن في الحضانة

السلام عليكم
بارك الله فيك مريومة على الموضوع
ايه انا ثاني نعرف نسا احوالهم المادية متيسرة وازواجهم يخدمو ويصرفو عليهم لكن ميخلوش الخدمة ويحطو اولادهم في حضانة يعني طفل صغير يكون محتاج حنانة والديه خاصة امو صح الانسان بطبيعتو طماع يحب الزيادة لكن ممنحقهمش
يرمو ولادهم سيرتو لعادو صغار في الحضانة الا في الحالات اللي حكيتي عليهم
تحياتي ليك حنونة
سلام

وعليكم السلام ورحمة الله وبركاته
اهلا حبيبتي كارلا نورتِ الموضوع يا غالية :love01:
والله يا اختي شفتهم بعيني ترمي ولدها وهي تحمر وتشبح روحها وتروح تحوس صدقيني تحوس ماش تخدم
من لي تروح وهي حكايات وتمسخير وولدها يطايش عند الناس
كن ارغمتها الظروف نقدرو نعذروها بصح لاباس بيك ونتي ترمي في ولدك
ويا درا واش من معاملة رايح يلقاها الطفل هاداك في الحضانة
يعني بدل ماراهو في حضن يماه راهو يتمرمد برا
ربي يهدينا ويهديهم برك
شكرا لمرورك العطر غاليتي
تحياتي القلبية لكِ :regards01:
​

 

[لؤلؤة قسنطينة]

رد: الأمّ تخدم والإبن في الحضانة

السلام عليكم

اهلا مريومة

انا واحدة كنت كيما طفل هذاك نوض على 4 تاع الصباح باه تدينا انا و اخ تاعي لي تحتي لواحدة كانت تحكمنا لانه امي تخدم بعيدة شوية و الاب تاعي وقتها كان مريض ... بعدها جاء خويا الصغيرو كانت تبدلوا لي كوش في الحافلة ... لانه كانت تديه معاها هو مزيود جديد لانه عطلة الامومة يا ربي شهرين في الوقت هذاك .... سوفرينا ...

لكن انا لانه تقريبا عشنا نقولك شوية محرومين من حنان الام لانه تخرج 4 تاع الصباح و تجي 6 تاع العشيا مع تجي عياينة هاذيك هيا ...صح تعبت و فضلها على راسنا لكن مرة حكيت معاها على الموضوع تاع العمل خصوصا العمل في التعليم الابتدائي متعب بزاااااف بالاك دركة مش كيما بكري و لكن متعب نفسيا و جسديا تاني ... المهم تفاجات مني انه قلتلها بلي لو نخدم يكون الحجم الساعي قليل و نفضل اني ما نخدمش خلاص حتى زوجي متفهم علاه لانوا عشنا فترة صعبة و صعيبة باه نقبل انه ابني يعيش واش عشت انا .... صعيبة بزااااااااف ....... و انا معاك واحدة تكون لاباس بيها تقعد في دارها خير و تربي اولادها ..اوكي ممكن تحب تخدم خدمة خفيفة بصح مادامها مش محتاجة اولادها اولى بيها ........

شكرا مريومة على الموضوع بالاك اني خرجت شوية عليه ..اسفة

تقبلي مروري​

وعليكم السلام ورحمة الله وبركاته
اهلا بالغالية خولة :love01: نورتِ الموضوع حبيبتي
والله يا خولة كل كلمة قلتيها حسيت بيك فيها ، خاطر عشت نفس الظروف والله
معاناة مايتمناها حتى واحد لولادو مستقبلا، لكن الأهم علابالنا عاه امهاتنا خرجو يخدمو
ماخرجوش باه يروحو يشطحو في 8 مارس في الصالات
كانو يحاولو يمدو نص لدارهم ونص لخدمتهم لي هي على جالنا اصلا باه ناكلو طرف خبز
بصح هادوك لي لاباس بيهم والله يتحاسبو عند ربي سورتو يعذبو ملايكة هكاك
نقولو ربي يهديهم ان شاء الل
شكرا خولة على المرور العطر وبالعكس مرورك فرحني ^^
احكي كيما تحبي غاليتي وربي يوفقك في حياتك الزوجية وتكوني ام مثالية بإذن المولى
تحياتي القلبية لكِ :regards01:
​

 

[Salam Fleur]

رد: الأمّ تخدم والإبن في الحضانة

وعليكم السلام ورحمة الله وبركاته
اهلا بالغالية خولة :love01: نورتِ الموضوع حبيبتي
والله يا خولة كل كلمة قلتيها حسيت بيك فيها ، خاطر عشت نفس الظروف والله
معاناة مايتمناها حتى واحد لولادو مستقبلا، لكن الأهم علابالنا عاه امهاتنا خرجو يخدمو
ماخرجوش باه يروحو يشطحو في 8 مارس في الصالات
كانو يحاولو يمدو نص لدارهم ونص لخدمتهم لي هي على جالنا اصلا باه ناكلو طرف خبز
بصح هادوك لي لاباس بيهم والله يتحاسبو عند ربي سورتو يعذبو ملايكة هكاك
نقولو ربي يهديهم ان شاء الل
شكرا خولة على المرور العطر وبالعكس مرورك فرحني ^^
احكي كيما تحبي غاليتي وربي يوفقك في حياتك الزوجية وتكوني ام مثالية بإذن المولى
تحياتي القلبية لكِ :regards01:
​

شوفي كنت حزينة كي قريت يشطحوا في 8 مارس طرشقت بالضحك حتى ولا بابا يقولي واشبيك ضربك جن هههههههههه

اسكتي برك فكرتيني واحد العام رحنا انا و ماما لدار الثقافة في 8 مارس كانوا رايحين يكرموا واحدة تخدم معاها المهم رحنا تعرفي ساعة و هوما في القاء الكلمات .. بعدها خرجوا رجال كامل حتى تاع لاسيكوريتي قعدوا غير نسا ..... يا جدك و تدخل الشابة بريزة و تبدا تغني و ينوضوا النساء بالشطيح انا وماما مالقينا نضحكوا مالقينا ندهشوا قتلها يدهرلي نطلقوا رجالينا للريح واشنوا هذا كارثة

اي وي نسا لي هكذا ماتساهلش حتى يقولولها انتي ام

تقبلي مروري مجددا​

​

 

[لؤلؤة قسنطينة]

رد: الأمّ تخدم والإبن في الحضانة

وعليكم السلام ورحمة الله وبركاته

الحمد لله أحوالنا بخير أخت لؤلؤة ان شاء أحوالك بخير أيضا ^^

آآه يا قلب الأم، شفلي هذاك الطفل الصغير الي حكيتي عليه وهو خارج هكذاك ومع الزاورة :-o
منعرف علاه يولدوا باش يتعبوا في الملائكة الصغار .. إلا اذا كانت وضعية المعيشة نتاع
الاسرة صعيبة بزاااف واقتضت عمل الأم فهذا شيء آخر، ولكن الموضوع يتحدث عن الأم
سواء خدمت او ما خدتمش راهي عايشة في الهناء !! .. فيه واحد الأخت هنا في اللمة
حكات عن امها الي كانت تعمل ومعاناتها وكيفاه كانت تتميزر كما كانت صغيرة وكيفاه
كانت تطايش عند الجيران لأنها لما تروح تطب طب الباب تلقى ولا واحد في الدار، تروح
للجيران أحيانا ما يحبوش يحلوا عليها، شفتو وين وصلنا !! مليحة ذرك هكذا !!

الي عجبني في هذيك الأخت أنها قالت لما تتزوج مش راح تعمل وانها مش حابة تشوف
المعاناة الي عاشتها هي يعيشوها أولادها، هذا هو القلب نتاع الام نتاع الصح، الحنان والرحمة.

طبعا نرجعو ونقولو كل الأم والظروف نتاعها، وكل أسرة وكيفاه، وكل واحد والضمير نتاعو

وشكرا اخت لؤلؤة على الموضوع .. الله يعطيك العافية وربي يكثر من أمثالك الي ما يشرطوش
على الرجل أنها تخدم

سيف ^^
​

اهلا خويا سيف ^^ نورت الموضوع
والله الحمد لله خويا يسقسي عليك الخير
واش احوال المسامير تاعك ولاو فلالس ولا مازال هههههه ( درك نحكمهالك طول حياتك :d ) غير نضحك خويا
والله يا خويا سيف الكلام لي كانت تقول فيه خولة مايحسلو غير لي عدا عليه، مازلت للآن نتفكر لما نكونو واقفين برا
نستناو كاش بيس يعدي والبرد يضرب في وجهك والدنيا ظلمة وكلما تطلع الشمس تزيد المعاناة تاعك خاطر رايح يروح
عليك الحال وكيفاه تروح تقرا؟ تخرج في الظلمة وتولي لعشية في الظلمة ماتلقى لا دير واجباتك ولا ترتاح
نتفكر وانا عمري 7 سنين ولا 8 نظن نستنا ختي حتى تخرج من المدرسة ونروحو نركبو في البيس وحدنا وكن نسكنو بعيد يعني
مسيرة نصف ساعة في البيس، كنت صغيرة ونشوف بلي لازم نتحمل المسؤولية وفي نفس الوقت كنت ميتة بالخوف كي نسمع
حكايات اختطاف وماشابه، يعني اتخيل هادي ابسط الامور فقط، وصراحة عمري لا لمت الام تاعي خاطر علبالي كي خرجت تخدم واش كان هدفها
غير باه تجيبلنا طرف خبز لي كنا نشتاقوه، بصح امهات اليوم راهي تخرج تحوس تقولك نتغم من الدار وولدها مرمي عند الناس
ويعاني هاد المعاناة، ماتتصورش كي شفت الحصة كيفاه اثرت فيا، يعني ربي يهديهم برك
بارك الله فيك خويا سيف على مرورك العطر مع انو هاد اليومين لي فاتو لاحظت غيابك وماشفتش ردودك ان شاء الله المانع خير ^^
تحياتي العطرة لك :regards01:
​

 

[rycerz]

رد: الأمّ تخدم والإبن في الحضانة

و الله بعد قراءتي لبعض ردود الإخوة و الأخوات الأعضاء و بالنظر إلى الواقع المتعب للمرأة العاملة و لأسرتها ككل .. فليس لي إلا أن أقول اللهم خفف عنا و يسر لنا يا أرحم الراحمين اللهم أصلح شأن أمتك و أهدنا و ثبتنا على الإيمان.
​

 

[لؤلؤة قسنطينة]

رد: الأمّ تخدم والإبن في الحضانة

شوفي كنت حزينة كي قريت يشطحوا في 8 مارس طرشقت بالضحك حتى ولا بابا يقولي واشبيك ضربك جن هههههههههه

اسكتي برك فكرتيني واحد العام رحنا انا و ماما لدار الثقافة في 8 مارس كانوا رايحين يكرموا واحدة تخدم معاها المهم رحنا تعرفي ساعة و هوما في القاء الكلمات .. بعدها خرجوا رجال كامل حتى تاع لاسيكوريتي قعدوا غير نسا ..... يا جدك و تدخل الشابة بريزة و تبدا تغني و ينوضوا النساء بالشطيح انا وماما مالقينا نضحكوا مالقينا ندهشوا قتلها يدهرلي نطلقوا رجالينا للريح واشنوا هذا كارثة

اي وي نسا لي هكذا ماتساهلش حتى يقولولها انتي ام

تقبلي مروري مجددا​

​

ههههههههه هيه اضحكي ونحي الغمة على روحك ههههه
هيه هاديك هي الشايبة بريزة والشايب يزيد هههه والنسا تشطح ولي تنحي خيمارها وتبدا تتهول
والرجال تتفرج والناس تصور، وهوما لا حشمة لا والو ومن بعد تقولك الخدمة ، بيك الزردة وي
يعني حاشا لي ماتستاهلش خاطر مازالو للدرك نسا يخرجو يخدمو على لقمة حلال يجيبوها ولادهم
شكرا خوليتا حتى نتي قتلتيني ضحك كي جبدتي بريزة هههههه
ربي يحفظك حبيبتي من كل شر :love01:
​

 

[الحلوة أمينة]

رد: الأمّ تخدم والإبن في الحضانة

السلـــآـــم عليـــ،ــــكــم
بخير الحمد لله ، ان شاء الله تكوني انتي بخير ؟
نرجعو للموضوع اللي راهو يعانيو منو كل الاطفال في هذا الوقت ... اصلا تقريبا كل امهات هذا الزمن همهم الوحيد التحواس ماخلاو حتى بلاصة
كل يوم في بلآصة والابن هداك مسكين مايعلم بيه غير ربي من دار لدار لا حنانة كي الاولاد لا ماكلة لا رقاد وهي والله ماتسمع ليسونسال تتهنى منو
كل المناسبات لازم تحضرها والحفلات مانحكيلكش والسوق اللي يحل تكون معاه ... والفو كل يوم يخرجو
وكاين اللي يحبو يخرجو وداروها سبة الخدمة وهي عايشة لاباس بيها انا نعرفهم هكا وتزيد تشرك فمها على المرأة اللي قاعدة في الدار
يعني المرأة كون ماتكونش ضرورة قسوى ومعيشة ماشي مليحة علاه تروح تخدم ؟ اتهلاي في ولادك ديجا راهي خدمة كبيرة
وتحية لكل الامهات اللي شقاو وقدمو كامل صحتهم لعائلتهم واولادهم ربي يحفظهم
اسمحيلي طولت :p

يعطيك الصحة لؤلؤة موضوع رائع بردت على قلبي
سلآم​

 

[Hakan]

رد: الأمّ تخدم والإبن في الحضانة

امي لا تعمل وماكثة في البيت
لم ندخل لا حظانة ولاشيء من هذا القبيل ولازلن لم نشبع من حنانها بعد فما بالك بالذين
يفتقدون دفئ الام منذ نعومة اظافرهم
في الحقيقة من يتحجج بعمل المراة وانه كذا وكذا نحكيلكم حكاية بالاك يعرفها البعض
الوالد نتاعي نهار وقعلو حادث مرور في سنة 2008 وحبس العمل لمدة 3 سنوات لانو الحادث كان قوي بزااف
في الحقيقة ما نقولش ما عشناش الميزيرية لكن الحمد لله لم نمت ايضا مع ان امي لم تكن تعمل
الحاجة اللي نحب نقولها انو وظيفة الام صعبة جدا وهي ماكثة في البيت فكيف تكون لو كانت تعمل
اعلم ان كل واحدة وظروفها لكن من كان زوجها عاملا ولو بمرتب شهري فافضل ان يلبس اولادها الملابس الممزقة
وان يأكلو اللحم كل عام وان لا يرو الالعاب ابدا على ان يفتقدو وجود الام في البت لمدة ساعة واحدة ..
شكراا على الموضوع ..​

 

[بنت الـ25]

رد: الأمّ تخدم والإبن في الحضانة

أهلا مريم حطيتي يدك عالجرح ، كنت رايحة ندير موضوع على الحضانات
دوكا يا مريومة الناس ما عادتش تفتش على اللقمة لي تسد بيها الرمق
الناس رجعت تفتش على حياة كريمة ، حياة الترف علابيها تلقاي المرا والراجل في زوج يخدمو
وما يهمهش الاولاد يقولك ام مصيرهم يكبرو مي احنا خدمتنا نعيشوهم مليح، مي كي يكبرو ولادهم ينصدمو بالواقع المر
تفكرت وحدة محامية مرة قاعدين انا وهي نحكيو ومبعد هزت تلفون عيطت لواحد قالتو : بركانا بلا تمسخير تجي على العشرة وتركب زوج كارلاجات
وتروح تتقهوي وتزيد زوج وتروح تتغدا ومبعد تقول غلبت وتروح
كون تبقى بهاد الريتم منا لعشر سنين منكملوش لادال دو صول
قتلها وعلاش راجلك مش هو اللي يعيط للماصو قاتلي هو لاهي مع البانتر والبلومبي رانا نبنيو ،
قتلها راكم ساكنين ؟ قاتلي حابين نزيدو سكنة اخرى ، هي بالطوموبيل آخر عيطة ، وزياد رايحة فواياج لتونس
قاتلي حابة نشوف ليزوتال تع الحمامات ووو ، ايا قوليلي كي تقعد فالدار كيفاش تعيش فالترف هدا؟
والضحية الاولاد ، اولادها مشنشفين كل دقيقة تعيط لختها تقولها روحي جيبيلي لولاد من القراية ، غدي وكلي شربي.....وكي متحبش ختها تولي تجري Gauche droit
مشنشفة عمرها وولادها معاها

تحكيلي كنة خالتي عندهم حضانة قاتلي يجيونا اشكال الوان
مرة جاتهم وحدة كانت عايشة فالإمارات ، قاتلهم على وجه ربي نطقولي الطفلة راهي 3 سنين ومتهدرش
وكي ديتها للطبيب قالي مش مريضة
الطفلة مع الجو تع الاطفال والمربيات نطقت وعادي ، ظهرت كانت ضل مع طيور الجنة والخادمة متهدرش معاها ووالديها طول اليوم برا يخدمو
وفالليل يجيو تعبانين مطيشينها للخديمة اللي متعرفش تهدر العربية ، النتيجة الطفلة قريب دارلها توحد

والي قاتلهم ارقدو قاتلي جات وحدة جابتلنا طفلة بنتها ، كي قلنالها وش تخدمي قاتلهم قاعدة فالدار
قالولها وعلاش مالا تجيبي فيها؟ احكميها انتي؟ قاتنلهم علاش الخدامات لي برا خير مني انا تاني نجيب بنتي للحضانة
في بالها الحضانة هادي موضة ولا فخرة ولا حاجة مليحة؟

واللي حبستلي مخي وحدة جابتلهم بنتها ، 3 ايام ما جاتش ليها
وهوما فالعادة ما يحكموش الاطفال في الليل الدوام يخلاص على الخمسة تع لعشية
قاتلي عيطنالها قلنالها ارواحي ادي بنتك قالتلهم خليوها برك راني غايبة في عنابة عندي عرس
ايا الطفلة طلعتلها السخانة محبتش تهبط ، قاتلي عيطنا فالتلفون ما تحبش تريبوندي مالا عيطو لراجلها
قاتلي كي جى وادا بنتو للسبيطار قالولو كون زدت بيها شوية تتعوقلك طلعتلها 41 درجة
موراها سمعو بيه طلقها ، يا دين ربي تطيشي بنتك بالايام علاجال عرس؟ نندب حناكي بالقرداش

والله تحيري يا مريومة ، اللي كافيه ربي علاش تخرج مرتو تخدم ؟ انا بصراحة كونطر هاد الشي
كاينة لي تقولك انا قريت وتعبت باش نخدم مش باش نقعد ونربي لولاد ، مي كي نرجعو للدين نلقاو انو خدمة المرا أساسا هي تربية الأجيال
انا متفاهمة مع راجلي قالي متخدميش بعد الزواج وما عارضتش رغم اني كنت متفوقة في دراستي ودوكا في عملي مي كي يجيو الاولاد ترجع الاولوية ليهم
خصوصا اذا كنا مكتفيين من الناحية المادية علاه نتمرمد نخدم مع اللي يسوا ولي ما يسواش انا مرت راجل ويجيني المدير يبهدلني يجيني شاف سرفيس يمرضني
بيتي أولى بي وفيه نكون معززة وهذا هدف الدين الاسلامي أكرم المرأة وجعللها مكانة محتارمة
بلا الخدمة تع برا وتع الدار والله كورفي

قلبي معمر لولو متواخزينيش يا ختي هههههههههه
مشكورة على الموضوع الطووووووP

(لكان لقيتي مانك فالواوات متلوميش الكلافيي فسد فيهم حرف الواو خخخخخ)

​

 

[imane horra]

رد: الأمّ تخدم والإبن في الحضانة

ne jugez pas les autres stp vous avez votre vie dirou fiha wachhh wbann lkoumm mlihhhh dacord

 

[لؤلؤة قسنطينة]

رد: الأمّ تخدم والإبن في الحضانة

و الله بعد قراءتي لبعض ردود الإخوة و الأخوات الأعضاء و بالنظر إلى الواقع المتعب للمرأة العاملة و لأسرتها ككل .. فليس لي إلا أن أقول اللهم خفف عنا و يسر لنا يا أرحم الراحمين اللهم أصلح شأن أمتك و أهدنا و ثبتنا على الإيمان.
​

اهلا بك أخي الكريم ^^ نورت الموضوع
واعتذر على التأخر في الرد كان الوقت متأخر البارحة
وبارك الله فيك على الدعوة
ربي يحفظ اولادنا من كل شر وربي يهدي نساءنا
شكرا لمرورك العطر اخي الكريم
تحياتي الخالصة لك :regards01:
​

 

[لؤلؤة قسنطينة]

رد: الأمّ تخدم والإبن في الحضانة

السلـــآـــم عليـــ،ــــكــم
بخير الحمد لله ، ان شاء الله تكوني انتي بخير ؟
نرجعو للموضوع اللي راهو يعانيو منو كل الاطفال في هذا الوقت ... اصلا تقريبا كل امهات هذا الزمن همهم الوحيد التحواس ماخلاو حتى بلاصة
كل يوم في بلآصة والابن هداك مسكين مايعلم بيه غير ربي من دار لدار لا حنانة كي الاولاد لا ماكلة لا رقاد وهي والله ماتسمع ليسونسال تتهنى منو
كل المناسبات لازم تحضرها والحفلات مانحكيلكش والسوق اللي يحل تكون معاه ... والفو كل يوم يخرجو
وكاين اللي يحبو يخرجو وداروها سبة الخدمة وهي عايشة لاباس بيها انا نعرفهم هكا وتزيد تشرك فمها على المرأة اللي قاعدة في الدار
يعني المرأة كون ماتكونش ضرورة قسوى ومعيشة ماشي مليحة علاه تروح تخدم ؟ اتهلاي في ولادك ديجا راهي خدمة كبيرة
وتحية لكل الامهات اللي شقاو وقدمو كامل صحتهم لعائلتهم واولادهم ربي يحفظهم
اسمحيلي طولت :p

يعطيك الصحة لؤلؤة موضوع رائع بردت على قلبي
سلآم​

وعليكم السلام ورحمة الله وبركاته
أهلا حلوتي الصغيرة :love01: نورتِ الموضوع
والله نقولو الحمد لله يسقسي عليك الخير غاليتي
والله يا حبيبتي كلامك جواهر ، أمهات اليوم هدفها تخرج وتعيش حياتها وتحوس وتحكي وتضحك
وولدها مرمي عند الناس ومعرف اذا ياكل ولا يشرب، لوكان جات تتعب على دارها نقول بالاك
بصح راهي تروح تنحي على خاطرها برا، والله راكي اختصرتي واش كنت رايحة نقول
نقولو ربي يهديهم برك ويهدينا
شكرا غاليتي على مرورك العطر والمتألق
تحياتي العطرة لكِ :regards01:
​

 

[djillo20]

رد: الأمّ تخدم والإبن في الحضانة

لهذا السبب انا ضد فكرة المرأة تخدم نهائيا

 

[إلياس]

رد: الأمّ تخدم والإبن في الحضانة

السلام عليكم
بارك الله فيك مريومة على الموضوع

 

[لؤلؤة قسنطينة]

رد: الأمّ تخدم والإبن في الحضانة

امي لا تعمل وماكثة في البيت
لم ندخل لا حظانة ولاشيء من هذا القبيل ولازلنا لم نشبع من حنانها بعد فما بالك بالذين
يفتقدون دفئ الام منذ نعومة اظافرهم
في الحقيقة من يتحجج بعمل المراة وانه كذا وكذا نحكيلكم حكاية بالاك يعرفها البعض
الوالد نتاعي نهار وقعلو حادث مرور في سنة 2008 وحبس العمل لمدة 3 سنوات لانو الحادث كان قوي بزااف
في الحقيقة ما نقولش ما عشناش الميزيرية لكن الحمد لله لم نمت ايضا مع ان امي لم تكن تعمل
الحاجة اللي نحب نقولها انو وظيفة الام صعبة جدا وهي ماكثة في البيت فكيف تكون لو كانت تعمل
اعلم ان كل واحدة وظروفها لكن من كان زوجها عاملا ولو بمرتب شهري فافضل ان يلبس اولادها الملابس الممزقة
وان يأكلو اللحم كل عام وان لا يرو الالعاب ابدا على ان يفتقدو وجود الام في البت لمدة ساعة واحدة ..
شكراا على الموضوع ..​

أهلا خويا حكيم ^^ نورت الموضوع
وكلامك من ذهب أخي يعني لي تربى في حضن يماه ويقول ماشبعتش حنان فمابالك لي تحرم من يماه مدة طويلة
انا كن نقارن نفسي بين اليوم وبين قبل 10 سنوات من قبل كنت بعيدة خلااااااص على ماما
يعني نخرج في الظلمة ونروح في الظلمة، لدرجة ساعات نلحقو للدار 7 تاع الليل ، غير دير واجباتك وتتعشا وترقد
خاصة اذا كان الشتاء يعني وكتاه تشوف يماك وتشبع منها ، ماش كيما قبل 5 سنوات تقريبا بديت نتقرب منها اكثر
و فعلاً واش قلت مهما لو كان مرتب الرجل قليل والأولاد يلبسو اللبسة القديمة مكان الام في البيت ، انا نقولك كيفاه كانت حالتنا خويا
ماما كي كانت تخدم بابا تما صرالو مشكل وطردوه من العمل ، وباه يلقى خدمة جديدة يعني يحبلو، كان عندو صنعة في يدو
ساعات يجيب بيها زوج دورو والمشكل ماعندوش الادوات اللازمة لي يخدم بيهم، كانت الأم برك لي تخدم واضطرت تخدم
لأنو كاين كراء تاع دار 600 ألف دينار و التريسيتي والغاز يعني هادو كي تلمهم برك يلحقو لمليون ، وفي الوقت هاداك
كانت ماكانش لي يسلك زوج ملاين و3 ملاين كانو كي تكتر مليون و 200 هادا لا ماش اقل ، يعني واش ديرلك
مليون و200؟ مليون راهي تروح تبقى 200 تشري بيها المواد الغذائية لمدة شهر، يعني تتميزر بالسيف عليك
توصلت تبقى 20 ألف كمصروف برك والشهر مازال ماكملش، في رمضان نفطرو على علبة ساردينة وعلى شوي بطاطا مقلية تاع البارح نسخنوها بشوي عظام وهادا هو فطورنا
يعني على هادي ماما اضطرت تخدم خدمة شريفة خاطر ماكانش عندها ذهب لي تبيعو
علينا وماكانتش من النوع لي تشكي لوالديها، كان كلشي مخبي عليهم وتحملت كلشي وحدها، يعني فهمتني؟
انا صدقني عمري لا لمت الأم تاعي بالعكس نفتخر بيها
راهي على جالنا تعبت وخدمت حتى في 2007 تدهورت صحتها واضطرت دير عملية اخرى على القلب، لحسن الحظ تما بابا
لقى خدمة وترسم ولات رتحت في دارها معانا، هنا ماش قاعدة نلوم في المرأة العاملة، كاين لي راجلها ميت وراهي تخدم على ولادها
هادو كامل نحترمهم، بصح هاديك لي تروح لبيرو وتقابل راجل وتضحك وتحكي معاه وهي محمرة وشابحة روحها راهي باينة علاواه خرجت
وراني نشوف فيهم، تقولك انا نعيش حياتي وولادي كي يكبرو يعيشو حياتهم
نقولو ربي يهديهم برك وربي يفرج على كل انسان
بارك الله فيك خويا حكيم على مرورك العطر واعتذر على الاطالة
تحياتي الخالصة لك :regards01:
​

 

[Skor m@k]

رد: الأمّ تخدم والإبن في الحضانة

السلام عليكم
الحمد لله حنا معرفنا ني حضانة ني لاكريش ني جد ماليهم هههه
ماكاش كيما الواحد يشبع رقاد حتى للعشرة
سورتو كي يكون صغير رنا كبار اوو منقدروش نوضو بكري خلي طفل صغير
صح كيما قلتي كان الواحد معندوش مدخول تخرج الأم باش تخدم
واش نقولك كنا صغار لميزيرية بابا كان عندو طروف مكانش معانا عايش اوو مكانش خدام
هكذاك اوو يما جامي نوات تخدم والحمد لله رباتنا اوو كبرتنا
كنا لهلا يشوفك فلمعيشة هذيك
بصح نقولك نظن ماشي على الدراهم لي يخرجو يخدمو
بيهم ميريحوش فالدار برك
بنت عمتي هكا عندها زوج دراري صغار هكذاك اوو تخدم تانيت عندهم الدراهم
مخيتهم عند جارتهم حتى ولاو يعيطولها يما لهاذيك لي تربيهم
عاد يشوفوها كثرمن يماهم
ربي يكون فالعون
ربي ينجحك ختي مريم
حتى توحشنا مواضيعك خخخ
سلام​