- إنضم
- 13 أفريل 2013
- المشاركات
- 14,618
- نقاط التفاعل
- 54,537
- النقاط
- 1,756
- العمر
- 32
- محل الإقامة
- قسنطينة
- الجنس
- أنثى
رد: الأمّ تخدم والإبن في الحضانة
أهلا مريم حطيتي يدك عالجرح ، كنت رايحة ندير موضوع على الحضانات
دوكا يا مريومة الناس ما عادتش تفتش على اللقمة لي تسد بيها الرمق
الناس رجعت تفتش على حياة كريمة ، حياة الترف علابيها تلقاي المرا والراجل في زوج يخدمو
وما يهمهش الاولاد يقولك ام مصيرهم يكبرو مي احنا خدمتنا نعيشوهم مليح، مي كي يكبرو ولادهم ينصدمو بالواقع المر
تفكرت وحدة محامية مرة قاعدين انا وهي نحكيو ومبعد هزت تلفون عيطت لواحد قالتو : بركانا بلا تمسخير تجي على العشرة وتركب زوج كارلاجات
وتروح تتقهوي وتزيد زوج وتروح تتغدا ومبعد تقول غلبت وتروح
كون تبقى بهاد الريتم منا لعشر سنين منكملوش لادال دو صول
قتلها وعلاش راجلك مش هو اللي يعيط للماصو قاتلي هو لاهي مع البانتر والبلومبي رانا نبنيو ،
قتلها راكم ساكنين ؟ قاتلي حابين نزيدو سكنة اخرى ، هي بالطوموبيل آخر عيطة ، وزياد رايحة فواياج لتونس
قاتلي حابة نشوف ليزوتال تع الحمامات ووو ، ايا قوليلي كي تقعد فالدار كيفاش تعيش فالترف هدا؟
والضحية الاولاد ، اولادها مشنشفين كل دقيقة تعيط لختها تقولها روحي جيبيلي لولاد من القراية ، غدي وكلي شربي.....وكي متحبش ختها تولي تجري Gauche droit
مشنشفة عمرها وولادها معاها
تحكيلي كنة خالتي عندهم حضانة قاتلي يجيونا اشكال الوان
مرة جاتهم وحدة كانت عايشة فالإمارات ، قاتلهم على وجه ربي نطقولي الطفلة راهي 3 سنين ومتهدرش
وكي ديتها للطبيب قالي مش مريضة
الطفلة مع الجو تع الاطفال والمربيات نطقت وعادي ، ظهرت كانت ضل مع طيور الجنة والخادمة متهدرش معاها ووالديها طول اليوم برا يخدمو
وفالليل يجيو تعبانين مطيشينها للخديمة اللي متعرفش تهدر العربية ، النتيجة الطفلة قريب دارلها توحد
والي قاتلهم ارقدو قاتلي جات وحدة جابتلنا طفلة بنتها ، كي قلنالها وش تخدمي قاتلهم قاعدة فالدار
قالولها وعلاش مالا تجيبي فيها؟ احكميها انتي؟ قاتنلهم علاش الخدامات لي برا خير مني انا تاني نجيب بنتي للحضانة
في بالها الحضانة هادي موضة ولا فخرة ولا حاجة مليحة؟
واللي حبستلي مخي وحدة جابتلهم بنتها ، 3 ايام ما جاتش ليها
وهوما فالعادة ما يحكموش الاطفال في الليل الدوام يخلاص على الخمسة تع لعشية
قاتلي عيطنالها قلنالها ارواحي ادي بنتك قالتلهم خليوها برك راني غايبة في عنابة عندي عرس
ايا الطفلة طلعتلها السخانة محبتش تهبط ، قاتلي عيطنا فالتلفون ما تحبش تريبوندي مالا عيطو لراجلها
قاتلي كي جى وادا بنتو للسبيطار قالولو كون زدت بيها شوية تتعوقلك طلعتلها 41 درجة
موراها سمعو بيه طلقها ، يا دين ربي تطيشي بنتك بالايام علاجال عرس؟ نندب حناكي بالقرداش
والله تحيري يا مريومة ، اللي كافيه ربي علاش تخرج مرتو تخدم ؟ انا بصراحة كونطر هاد الشي
كاينة لي تقولك انا قريت وتعبت باش نخدم مش باش نقعد ونربي لولاد ، مي كي نرجعو للدين نلقاو انو خدمة المرا أساسا هي تربية الأجيال
انا متفاهمة مع راجلي قالي متخدميش بعد الزواج وما عارضتش رغم اني كنت متفوقة في دراستي ودوكا في عملي مي كي يجيو الاولاد ترجع الاولوية ليهم
خصوصا اذا كنا مكتفيين من الناحية المادية علاه نتمرمد نخدم مع اللي يسوا ولي ما يسواش انا مرت راجل ويجيني المدير يبهدلني يجيني شاف سرفيس يمرضني
بيتي أولى بي وفيه نكون معززة وهذا هدف الدين الاسلامي أكرم المرأة وجعللها مكانة محتارمة
بلا الخدمة تع برا وتع الدار والله كورفي
قلبي معمر لولو متواخزينيش يا ختي هههههههههه
مشكورة على الموضوع الطووووووP
(لكان لقيتي مانك فالواوات متلوميش الكلافيي فسد فيهم حرف الواو خخخخخ)
اهلا منمونة نورتِ الموضوع حبيبتي :love01:
من الرد تاعك باينة مدمرة كتر من حالتي ههههههه والله ردك طوووp ماخليتيليش واش نزيد
وعلى كل حال نحييك كيما حييت خولة خاطر علابالكم بهاد الظروف لي رايحين يعانيو منها الاولاد مستقبلا
انا في موضوعي مارانيش نحارب في المرأة العاملة بينها وبين مولاها، راني نهدر على قلب الام برك
كيفاه يحس وولادها مطايشين وخاصة هاديك لي تخرج تحوس، صدقيني ماش نتبلى فيهم خاطر لي تخدم على وليداتها اي باينة
درك قوليلي هاديك لي خارجة بطالو فيه 10 امتار وفيزو وحماير يبان من الهند هادي هيأتها تاع وحدة محتاجة؟؟
تدبر راسها بينها وبين مولاها بصح الملايكة هادوك لي راهم يتعدبو
انا عندي مرت عمي صغيرة شوي يعني تجي 31 سنة هكاك وعندها زوج ولاد، صدقيني راميتهم وتخرج هي تخدم
وكي تشوفيها كي تعود خارجة تقول رايحة لعرس ماش رايحة تخدم واش من لحمر يخبط وواش من الوان
والمشكل ولادها مشتاقينها وكي تزيد ترجع لعشية تحاوزهم من الدار تقولهم قلقتوني يوليو يجيو عندنا ساعات
يعني كاين امهات مايستاهلوش خلاص لقب الأم تزوجو وهوما ماش قادرين على المسؤولية
شكر منمونة على مرورك مالقيت واش نزيد على هدرتك راهي كافية الله يبارك
تحياتي العطرة لكِ :regards01:
من الرد تاعك باينة مدمرة كتر من حالتي ههههههه والله ردك طوووp ماخليتيليش واش نزيد
وعلى كل حال نحييك كيما حييت خولة خاطر علابالكم بهاد الظروف لي رايحين يعانيو منها الاولاد مستقبلا
انا في موضوعي مارانيش نحارب في المرأة العاملة بينها وبين مولاها، راني نهدر على قلب الام برك
كيفاه يحس وولادها مطايشين وخاصة هاديك لي تخرج تحوس، صدقيني ماش نتبلى فيهم خاطر لي تخدم على وليداتها اي باينة
درك قوليلي هاديك لي خارجة بطالو فيه 10 امتار وفيزو وحماير يبان من الهند هادي هيأتها تاع وحدة محتاجة؟؟
تدبر راسها بينها وبين مولاها بصح الملايكة هادوك لي راهم يتعدبو
انا عندي مرت عمي صغيرة شوي يعني تجي 31 سنة هكاك وعندها زوج ولاد، صدقيني راميتهم وتخرج هي تخدم
وكي تشوفيها كي تعود خارجة تقول رايحة لعرس ماش رايحة تخدم واش من لحمر يخبط وواش من الوان
والمشكل ولادها مشتاقينها وكي تزيد ترجع لعشية تحاوزهم من الدار تقولهم قلقتوني يوليو يجيو عندنا ساعات
يعني كاين امهات مايستاهلوش خلاص لقب الأم تزوجو وهوما ماش قادرين على المسؤولية
شكر منمونة على مرورك مالقيت واش نزيد على هدرتك راهي كافية الله يبارك
تحياتي العطرة لكِ :regards01:
