ماذا ستطبخين أنستي سيّدتي الجزء 56^^

[بنت الـ25]

رد: ماذا ستطبخين أنستي سيّدتي الجزء 56^^

ااااااااااااااااااه يا روكا توقفي قلبي الصغير لا يتحمل
تحليات أكثر من روعة سيغتو الديكور يقتل
غرت منك ههههههههههههههههه بصحتكم حبيبة
ملوكة الفوندون جاتك تهبل بصحتكم
​

 

[نبض الحياة]

رد: ماذا ستطبخين أنستي سيّدتي الجزء 56^^

ملووكتي ربي يحفظك الزينة
منووتة ههههه قالك عااند ولا تحسد هايا من التورتات للتحليات هههههه :yahoo01:
شدو الهمة يا بناات
اصبرو درك نزيدكم تحلية اخرى هههه :p:p
​

 

[الحلم الوردي]

رد: ماذا ستطبخين أنستي سيّدتي الجزء 56^^

بون لبنات غدوة ان شاء الله ليلة الاحتفال بمولد النبوي الشريف
حنا نحتافلو لليلة قبل
واصلا من زمان وهوما يحتافلو بيه
وولات من تقاليدنا

حنا نديرو العشاء رقاق و لا المفرمسة
اول حاجة نشريو المقشقشة
هي عبارة عن مكسرات جوز لوز كاوكاو
تانيك حلوة نتاعي دراجي ونوغمال
والشوكولآ










ونشريو الشمع






​

 

[نبض الحياة]

رد: ماذا ستطبخين أنستي سيّدتي الجزء 56^^

ياااا عمري ملووووكتي
اممممم شهيتيني في الحلوياااات
تحتفلو بالصحة حبووبتي
حقي برك ما تنسيهش ^^
​

 

[ضيوف وسـنغادر]

رد: ماذا ستطبخين أنستي سيّدتي الجزء 56^^

السلام عليكم اخواتي
المورآل هابط والغش كامل يخرج فالكوزينة ههه
دخلت العشوة لمملكة المطبخ حبيت ندير وحدة من تحليات روكا..مالقيتش كمية كافية ني من لاكرام شونتتي ني من الشيكولة ..تبا
ايبا قلت ندبر راسي كيما دبرتو مع ربع سوايع فيزياء وزوج علوم ههههه
حطيت من الفواكه منذرين وموز..وكريمة بعطر الفاني.. والاخرى بعطر الفرآآآز♥ وزينت بالبيستاش....والحلوى..
راني درت اشكال مختلفة ...
مي هذا واش لحقت عليه كمرتي...//البقاء للابشع هههه//في السهرة

​

مع السلامة ^^

 

[ضيوف وسـنغادر]

رد: ماذا ستطبخين أنستي سيّدتي الجزء 56^^

ياااا عمري ملووووكتي
اممممم شهيتيني في الحلوياااات
تحتفلو بالصحة حبووبتي
حقي برك ما تنسيهش ^^
​

آه يا روكا...انت ديما شهيتك مفتوحة..
واللي في كوزينتك نسيتيه ههههه..علاه تgآحري فينا هههه
ديجا الحلوة راهي غير للي من تحت السن القانوني خاطيك هههه

 

[نبض الحياة]

رد: ماذا ستطبخين أنستي سيّدتي الجزء 56^^

السلام عليكم ورحمة الله وبركاته
صح عشاااكم حبووباتي
امممممم غاليتي التحلياات رااااائعة جوعتيني نص ليل ههههه
يعطيك الصحة حبووبتي
ربي يوفقك ويفرحك

 

[ضيوف وسـنغادر]

رد: ماذا ستطبخين أنستي سيّدتي الجزء 56^^

السلام عليكم ورحمة الله وبركاته
صح عشاااكم حبووباتي
امممممم غاليتي التحلياات رااااائعة جوعتيني نص ليل ههههه
يعطيك الصحة حبووبتي
ربي يوفقك ويفرحك

وعليك السلام ^^:love01:
الله يسلمك صح تاعك..:regards02:
اسكتي اسكتي راهم ابرة ماتبانش في وسط قش مقارنة بتاعك ..ان شاء الله ..نعود كيما انت اختي في كلشي :graduation: :love01: رآني لقيت قدوتي ..ربي يحفظك:regards01:
امين اجمعين يا رب شكرآ اختي ^^​

 

[نبض الحياة]

رد: ماذا ستطبخين أنستي سيّدتي الجزء 56^^

آه يا روكا...انت ديما شهيتك مفتوحة..
واللي في كوزينتك نسيتيه ههههه..علاه تgآحري فينا هههه
ديجا الحلوة راهي غير للي من تحت السن القانوني خاطيك هههه

ههههههههه
يااو كرشي كبييييرة :p
وفي حدا يمل المكسرات اللي حطتهم ملاك هههه:d
اوووه ماعلييه نتحااسب وراضية بالعقوبة غير خلوني ناكل يااو :p

 

[نبض الحياة]

رد: ماذا ستطبخين أنستي سيّدتي الجزء 56^^

وعليك السلام ^^:love01:
الله يسلمك صح تاعك..:regards02:
اسكتي اسكتي راهم ابرة ماتبانش في وسط قش مقارنة بتاعك ..ان شاء الله ..نعود كيما انت اختي في كلشي :graduation: :love01: رآني لقيت قدوتي ..ربي يحفظك:regards01:
امين اجمعين يا رب شكرآ اختي ^^​

يووووه واش راه تقووول
شفتي منووتة في ايام ولت بروفيسيونال في ليتارت طيرتي السوكسي ههههه
حتى انت ايام وتولي شيفة صغيرووونة :bravo01:
برك ما تتعلقي بزاف بتلمطبخ وتسمحي في القرااية هاا ردي بالك
كوني بخير غااليتي :love01:

 

[ضيوف وسـنغادر]

رد: ماذا ستطبخين أنستي سيّدتي الجزء 56^^

يووووه واش راه تقووول
شفتي منووتة في ايام ولت بروفيسيونال في ليتارت طيرتي السوكسي ههههه
حتى انت ايام وتولي شيفة صغيرووونة :bravo01:
برك ما تتعلقي بزاف بتلمطبخ وتسمحي في القرااية هاا ردي بالك
كوني بخير غااليتي :love01:

مآلقيت مانقول.. ان شاء الله
اكيد لا والف لا اختي القرآية اولى//الحب الاول جامي تبدل // ههههه تبا لي و لاشعاري
وانت ايضا اختي
سلمتي ^^​

​

 

[nassima 87]

رد: ماذا ستطبخين أنستي سيّدتي الجزء 56^^

السلام عليكم لحباب ان شاء الله لاباس
يعطيكم الصحة والله كل شيء بالطبع
مانيش في داري الور ماعنديش الجديد
بصح محبيتش نجي يديا فارغين
جبت من الارشيف​

تارت شوكو​

بيتزا معشوقة الجماهير على قولة شريفة او نعيمة الله يذكرهم بالخير​

كايك شوكو​

تيراميسو​

قاطو دانيت​

رولي شوكو كراميل​

 

[ريحـان]

رد: ماذا ستطبخين أنستي سيّدتي الجزء 56^^

وواووووووووووو
الحمد لله لي تعشيت ولا كنت كليت التصاور
خهههههههههههععععههه

 

[الحلم الوردي]

رد: ماذا ستطبخين أنستي سيّدتي الجزء 56^^

وعليكي السلام والرحمة
اختي نسيمة :$
ان شاء الله راكي مليحة:up:
الله يبارك على اطباقك رووووعة:love01:
الله يبارك سيغتو

قاطو دانيت
اممممممممممممم

​

​

 

[الحلم الوردي]

رد: ماذا ستطبخين أنستي سيّدتي الجزء 56^^

السلام عليكن
ان شاء الله راكم مـلآح:up:
عشــآنــآ
طاجين الزيتون بطريقتي
بالفيونداشي محشي بالفرماج

سلآطة

سلاد دو فروي



​

 

[السلطانة]

رد: ماذا ستطبخين أنستي سيّدتي الجزء 56^^

الله يبارك غفلت عليكم شوي لقيت الكوزينة عامرة ههههه

ضيوف وسنغادر يعطيك الصحة راكي تفكري حبيبتي نعولو عليك ونزيدو التحلية جاتك هايلة
مينات الله يبارك على الاطباق تاعك وعلى الشخشوخة الشرقية يممممممممم
البارح بتت نحلم بيك في داركم ههههههههه
زعم جيت عندكم في المولد ولاواش
وماماك طيبتلي الفطير (النعمة)
وكانت معانا اختك
وانتي خرجتي زعم وبقيت معاهم
في صالون كبير
ومباعد كي كملنا العشا جيتي ديتينا في الطوموبيل تاعك هههههههههه زعم عندك طوموبيل
وتنعتيلي في قسنطينة في الليل كيفاه
وزعم بداو الالعاب النارية وحنا نطلو وفرحانين خخخخخخخخخخخخخخخخخخ :thumb_up02:
روكا :الله يبارك ويزيد
ملاك: الله يبارك على الاطباق وعلى عاداتكم في المولد
نسيمة منورة حبيبتي كلش من عندك حلو

ام لقمان :منورتنا حبيبتي


غدوة ان شاءالله نرجعلكم بأطباقي
الصراحة صورت ومقدرتش نحطهم هههه
ليلة سعيدة
​

 

[نبض الحياة]

رد: ماذا ستطبخين أنستي سيّدتي الجزء 56^^

صباح النور حبووبااتي
نسيمة اهلا بيك غااليتي وديما اطبااقك تحفة يا الزينة
ملووكتي بصحتكم العشاااا وهاتي كويس عينيا حوالو عليه هههه
شوشو ياخاااه هاد غير منام المرة الجاية نومي روحك عندي وقوليلي واش درتلك ههههههه
نهاركم مبروووك حبووباتي
والله يقدركم على الميناج والكوزينة ^^

 

[بنت الـ25]

رد: ماذا ستطبخين أنستي سيّدتي الجزء 56^^

مينات الله يبارك على الاطباق تاعك وعلى الشخشوخة الشرقية يممممممممم
البارح بتت نحلم بيك في داركم ههههههههه
زعم جيت عندكم في المولد ولاواش
وماماك طيبتلي الفطير (النعمة)
وكانت معانا اختك
وانتي خرجتي زعم وبقيت معاهم
في صالون كبير
ومباعد كي كملنا العشا جيتي ديتينا في الطوموبيل تاعك هههههههههه زعم عندك طوموبيل
وتنعتيلي في قسنطينة في الليل كيفاه
وزعم بداو الالعاب النارية وحنا نطلو وفرحانين خخخخخخخخخخخخخخخخخخ :thumb_up02:
روكا :الله يبارك ويزيد

​

هاي هااااااااااي والله فووور كي وليتي تحلم بيا شوشو ههههههههههههههههه للدرجة هادي الشخشوخة داتلك عقلك
ولا البوراك تع هديك الخطرة هههههههههههههه
والله ما تدري الدنيا صغيرة وقادر يجي نهار ونتلاقاو وتصرا كيما فالمنام ويخليني بونسبة ندير البرمي وتولي عندي طوموبيل وندي شوشو تحوس في قسنطينة
وتتفرج الالعاب النارية ونصورو وناكلو الجوزية
ههههههههههههههههههههههههههه
حتى انا مرة تاني حلمت بيك انتي نونو كي شغل معروضين في عرس بصح ما شفيتش على التفاصيل ههههههههههه

ملاحظة برك : ماما صح دارت للعشا تع المولد الشواط او النعمة معليكش جبتي حاجة صحيحة :thumb_up02: هههههههه :p
​

 

[بنت الـ25]

رد: ماذا ستطبخين أنستي سيّدتي الجزء 56^^

حالياً الأعضاء النشيطين الذين يشاهدون هذا الموضوع: 7 (4 عضو و 3 ضيف) ‏بنت الـ25, ‏Oum Loukmane, ‏ضيوف وسـنغادر, ‏samah06

صباح الخيرات على أحلى شيفات
ليوم لعشا تع المولد النبوي، كل وحدة تنعتلنا وش عادتهم في هاد اليوم:thumb_up02:

 

[samah06]

رد: ماذا ستطبخين أنستي سيّدتي الجزء 56^^

صباح النور لبنات واش راكم انشاء الله تكونو بخير وهانيين
انا راني صراتلي كارثة
بورتابلي حطيتو فوق الفورنو وهو شاعل وخرجت وخليتو شعل المسكين وبقيت كي بلا والو المهم رراني نشوف كيفاه نصور مع انيس وميدو ونحطلكم ولو عشاء اللية تاع المولد النبوي
والطمينة
وكل عام وانتم بخير حبيباتي
ويعطيكم الصحة على اطباقكم وراني عندي استفسارات من بعد راني نستفسر