دمرني مرتين

[jojo12]

رد: دمرني مرتين

السلاام عليكم اختي :
اولا من اجل الصراحة مع اختي الكريمة والله في قداه من مشكلة قريتها في اللمة المشكل نتاعك استفزني بزااف واول حاجة استفزتني فيه قولك
قبلت بالخطيب الثاني بااش ننسى الاول وهذا ظلم كبير في حق راجل .

معليه نرجعو للمشكلة نتاعك ونبداها من طبيعة الاشخاص الموجودين في هذه العقدة واللي هوما :

انت وعمرك 22 سنة .
خطيبك الاول واللي عمرو 36 سنة منين كان في عمرك 19 سنة وهنا سؤال يطرح نفسو لانو خطيبك ضعف السن نتاعك ب مرتين
والشخص الثاني واللي نضن انو من بين الشخصيات الثانوية اللي ما دخلتش بزااف في حكايتك ..

يااختي العزيزة ما نكثرش معاك الهدرة ونقلك حاجة بالاك ما تعرفيهاش في الحياة هذي لازم نفرقو بين الحب وبناء اسرة
لانو في مشكلتك لقيتك مافرقتيش بيناتهم والدليل انو اولا ماكانش حب بين الطرف اللي تحبيه انت وذالك لانو قدر انو يطلقك بمشكل تافه
ونضن واحد يحبك ما يقدرش يدير هكاك اذن الراجل هذا انا اعتقد شخصيا ماعندوش حتى ادنى مشاعر الحب اتجاهك

في عالم الرجال كاين حاجة اسمها عزة النفس يعني تخيلي معايا اختي انو زوج طلق الزوجة نتاعو ويكرها اشد الكره لكن نهار يسمع خبر اعادتها للزوااج
يكره جد حياتو لانو هناك تدخل فيها عزة النفس وحب الانتصار لانو يشوف انو لما المراة توقف مباشرة بعد ما يفرط فيها وتعاود الزواج يشوف فيها الراجل
انو المراة هذي انتصرت عليه وكي شغل يحس انو راهي تبعثلو رسالة وتقولو فيها "" ياسي فلان راك طلقتني ومرمدتني وخليتني حكاية في لسان الناس ومع ذالك مازالني واقفة ومانيش معلقة حياتي بيك ""

وانا نضن زوجك القديم واقع في هذا المشكل والانانية الفاضحة ..

نجيو لحكاية اخرى كنت متناقش فيها ليها يومين مع اخت من الاخوات وهي عن انو انسانة متزوجة واختارت تعيش حياة جديدة بعيدة عن قصص الحب
لكن يوما ما لعب بيها الشيطان وتفكرت حبيبها القديم واتصلت فيه تسئل عن احوالو ولحد الآن ما لقيتش اجابة الا لما شفت موضوعك
واللي تفكرت فيه زوج هذه الفتاة والمعاناة نتاعو مسكين في انو زوجتو اللي ام بنتو وولادو تحكي مع حبيبها الاول دون ادنى احترام للمشااعر نتاعو
وهنا نقولك يااختي العزيزة راكي في معشر الظالمين ..

الحل في قضيتك انك تتقي الله ونقولهالك صراحة هذا الزوج صاحب ال36 عاما لازال لم يرتقي لمستوى الانسان الواعي والراجل اللي عندو شهامة وكراامة لانو صح لوكان جا راجل ما يتصلش بامراة متزوجة واختارت حياتها ويحاول انو يفسد حياتها لانو العمل نتاعو هو وعمل الشيطان كيف كيف
اختي العزيزة من هذا المنبر رايح نقولك هذا الراجل ماهوش رااجل ولا يصلح انو يعيش معاك او انو تذرفي عليه دموعك لانو الدموع هذي في الحقيقة لازم تبكي خجلا وحياءا من خيانة الزوج اللي راهو يحبك وما حاولش في يوم من الايام انو ياذي مشاعرك ..


وفي الاخير نقول لاختي وللناس كامل : انو تعلمت انو في هذه الحياة يصر الانسان انو يعلق نفسو بالاشخاص اللي يعذبوه بالاشخاص اللي يخلوه ينسى ربي سبحانو ويظلم نفسو ويظلم احبابو معاه وناس كيما هاذو نضن ما لازمش نحيرو معاهم ..

ربي يوفقك وملخص كلامي نعاودو خطيك الاول ليس برجل يستطيع بناء اسرة ..
​

كلامك ذهب قنعتيني

 

[Ī Ðøñt Çârê]

رد: دمرني مرتين

أول حبك في هذيك المرحلة هيا عبارة عن نزوة عابرة فقط ...في أعتقادك نتيا بلي راه حب....و الحب باش يكون حقيقي لازم يستوفي كل الشروط... و الحب قبل الزواج هو حب ناقص لأنو يكون حب كلام و أحلام و حب الأنثى للرجل عكس حب الرجل للأنثى..لأنو الأنثى تحكمها مشاعرها أكثر و الحب ينمو مع أول رجل يحسسها بأنوثتها في أطارالزواج و من بعد ينمو حب أخر قوي أكثر من قبل و حتى و لو كانت تكره زوجها رايحة تحبو...لأنو اول شخص حست بيه...ربي يفرجها عليك و يفرجها على الكل.. أستخيري الله فإذا كان من مكتوبك هذا الرجل...رايحة تديه أجلا أو عاجلا...و اذا لم يكتب الله لكي ذلك..اصبري و رايح الله يعوضك عن كل شيئ

 

[فيتامين سي]

رد: دمرني مرتين

ملقيت منقول تاع الصح مي حاجة صغيرة بغيت نوصلهالك توبي باسكو حطيتي مقدمة و من الشرح بنتيلي عكس واش حكيتي اين الاخلاق؟
علابالكي راكي تلعبي ؟
المهم نقولك راجل لي كان متزوجك ميحبكش مدارش هكدا باسكو يحبك مي غار او متخيلش تكملي حياتك بصفة عامة حب تطلقي للمرة التانية و يرميك فهمتي ؟

 

[Ī Ðøñt Çârê]

رد: دمرني مرتين

ملقيت منقول تاع الصح مي حاجة صغيرة بغيت نوصلهالك توبي باسكو حطيتي مقدمة و من الشرح بنتيلي عكس واش حكيتي اين الاخلاق؟
علابالكي راكي تلعبي ؟
المهم نقولك راجل لي كان متزوجك ميحبكش مدارش هكدا باسكو يحبك مي غار او متخيلش تكملي حياتك بصفة عامة حب تطلقي للمرة التانية و يرميك فهمتي ؟

خيتو قبل ما تردي على مشكلة لازم تضعي نفسك مكان السائل و تردي على روحك و تجربي هل الكلام يقيس أو لا... نتيا راكي تزيدي عليها نورمالمون تخففي عليها و تنصحيها بطريقة أخرى اقل ضرر من ردك...

 

[فيتامين سي]

رد: دمرني مرتين

خيتو قبل ما تردي على مشكلة لازم تضعي نفسك مكان السائل و تردي على روحك و تجربي هل الكلام يقيس أو لا... نتيا راكي تزيدي عليها نورمالمون تخففي عليها و تنصحيها بطريقة أخرى اقل ضرر من ردك...

عندك الصح
بصح كاين حاجة تخفف على انسان فيها و كاين حاجة تكون مىحلة الخطر تقوللها جىي على روحك قبل ميطيح الفاس على الراس
جيت نحكي لقيت الاعضاء كفاو و وفاو مي لازم توب غلطت غلطة كبيرة بزاف
بغيت نعرف شكون فتالها ؟؟؟
ميعرفش حديث لا يخطب الخاطب على خطبة اخيه
حتى و نخفف عليها و الله غير عندك الحق
علابالك عندك الصح نتخيل روحي في بلاصتها لالا من الاحسن تخيل روحك في بلاصت خطيبها امنت وحدة نويتها ام ولادك قدام ربي و العباد دير هكدا حكيلي على شعورك ؟؟؟؟؟؟؟؟؟؟
واش نقوللها من غير رجعي لربي ختي و خافي ربي واش راكي ديري
حرااااااااااااااااااااام

 

[laid_dial]

رد: دمرني مرتين

كيما لعبتي بلراجل لي نوى معاك وخطبك ونتي خنتيه جا لي يلعب بيك
كما تدين تدان

 

[صفاء والمروة]

رد: دمرني مرتين

لكل مقام مقال . اولا و قبل كل شئ اسالي نفسك على صورتك امام الله كيف ستقبلينه
ثانيا انظري بعيدا عن العاطفة احكمي بعقلك . و من جهة كل ما استطيع فعله هو الدعاء لك فانا ارى انه لم يتقبى لي ما انصحه به اختي فاخوتي الاعضاء لم يترك لي شئا
[/CENTER​

]​

 

[علي الفاضلي]

رد: دمرني مرتين

باختصار ....هذه اثار البعد عن الشرع ...وتخطي حدود الخطبة ..

سواء مع الخاطب الاول بالعلاقة لسنوات ... او الجفاء مع الثاني ....

من علق قلبه بشيء غير مضمون ..فلا يلوم الا نفسه ..


واللي يغلط يسلك ...طبيعي ..

ومن استقام ...تستقم له الحياة ..

دكتور ... راه منفوخ ..يفكر في العشرات من مثلك ...

عاودي خلي العاطفة وحكمي الشرع والعقل ... تخرجي سالمة

استشيري مقربين منك عقلاء .. وربما حتى امام يدبروا عليك ..

دمتي بعافية ..

 

[دعاء الجنات]

رد: دمرني مرتين

السلام عليكم
يبدو انو الأعضاء ماخلاولي واش نقول ماشاء الله
لكن هذا لا يمنعني من اعطاء رأيي الشخصي
مادامك درتي المشكلة تاعك نتمنا تسمعي لينا وتطبقي واش قالولك الأعضاء راني خايفة ماتقييمي حتى واحد فينا وتديري رايك والندامة راهي تجي مع الأخير
اولا : خطيبك الثاني راكي ظلمتيه لازمك تتوبي الى ربي سبحانو وتستغفريه باه يغفرلك هذا الظلم وإلا خلاصك مع ربي عسير لأنو راه انسان ولعبتي بمشاعره
ثانيا أين هو الله من حياتك؟ يعني حنا لازم نحطو ربي في كل شي لو كان دعيتيه باه ينسيك في الاول وتوكلتي عليه وبديتي صفحة جديدة مع الثاني والله لوكان ماراكي في الوضع لي راكي فيه درك راكي درتيها بيديك وماتوكلتيش على ربي وماخفتيش ربي كي خنتي خطيبك
انصحك تصلحي علاقتك مع ربي سبحانه قبل كل شي هو برك لي يقدر يعاونك
انا شخصيا صراتلي قصة مشابهة كنت مخطوبة وعاقدة عقد شرعي وبقينا عامين مع بعض وتعلقت بيه وكنت نظن بلي نحبو ومانقدرش نعيش بلا بيه ...بعد مدة اكتشفناه اي عائلتي بلي زير النسا وعاشق النساء بالدلائل وانا يقول لي من غيرك ماتشوف عيني... عفست على قلبي وطلبت الطلاق صاح الايام الأولى قريب هبلت... لكن دورك كي خطبني واحد آخر يحبني صح لقيت فرق كبير وراني مخلصة ليه والله تبدلت حياتي في رمشة عين وعمري مانقدر نخون خطيبي على جال هذاك لي مايسواش والله راني في نعمة أحسد عليها
راهي بيدك اختي ادعي ربي وراح يفرج عليك.

 

[أم منيــــــر]

رد: دمرني مرتين

السلام عليكم
هادا هو المشكل نتاعنا احنا بنات حواء العاطفة الزايدة و الغباء في بعض الاوقات
كفاش يا عجبا واحد سمح فيك فاسيلمون من بعد سنوات الحب و من بعد عقد شرعي ديري فيه الثقة مرة تانية و تضحي بخطيبك و بالمستقبل نتاعك على جالو ؟
و علاش خلاصو الرجال ما كانش؟؟؟
واحد كي يجرحك مرة يجرحك آلاف المرات و هو يتمتع و يشوف فيك تتعدبي
هو راه يبالو انت ملكو كما يملك محفظة ول سيارة ما يحب حتى واحد يتقرب منها و في نفس الوقت راه يلعب بيك ول كفاس تفسري هادي
قالك نسقسو المفتي و نرجعو لبعضانا و قلت كان نادم و متاثر و من بعد يقولك صبري عليا كفاش تفهمي هادي ؟
ابقاي تبعي فيه حتى نهار يقولولك اليوم عرسو
اسمحيلي بنتي كنت قاسية معاك لاني ما نحبش البنت تكون ضعيقة كلمة تديها و كلمة تجيبها
شوفي مصلحتك و الحب ماشي شرط اساسي للزواج شوفي الانسان لي حوس عليك و ديري حياتك معاه و صدقيني رايحة تحبيه و حب صادق ماشي نتع الشعارات
ربي يفرج عليك و يهون عليك و فكري مليح و فطري بيه قبل ما يتعشى بيك لانو الظاهر انو نيتو مش صافية معاك على حساب واش حكيتيلنا
ربي معاك

 

[GI Joe]

رد: دمرني مرتين

essmhili khti j pense nti ghaasba rohek b chwia bark, yek mich obligé tejewji doka wech darhalek a 19 ans !! w faytek grib 20 ans!!
manich psycologue mais j pense d apres " khadama w djamila jidan" siyed habitih prc ygolek nhebek w gentil w yentalla fik w charmant w ... mich RADJEL ydir dar, 3awdi khami b chwia fi l mochkel sghir hadek tchoufi que kan kbiiir w mata9edrouch t"ichou m3a ba3d
makan leh tkhami fi wech sra apres

دمرت حياتي!!!
مايديرليش عرس و لا يجيبلي شرط !!!
lazem tkabri tekhmamek w tkabri 3a9lek

w koun jit fi plasstou radjel ta3 sah une fois tekhtabti manzidech ndor bik , hada rah yel"eb 3la hsseb l hata
allah yssahel

 

[القلوب الطيبة]

رد: دمرني مرتين

الشخص اللي ايحب بكل صدق جامي ايخليك الا في حالة الخيانة
خطيبي تصرا معاه مشاكل بزاف ومرات انا نكون الغالطة لكن الحمد لله نتجاوزوهم لانو الحياة هكذا والحب ايضا شوية عليك وشوية عليه
انتي الغلطة ديالك كي ارجعتي ليه في المرة الثانية والراجل اللي خطبك واش ذنبو مسكين هو جاك وخطبك من والديك ودارلك قيمة وانتي واش درتي فسدتي كل شيء
على كل الهدرة ذرك معادت تنفع ارجعي لربي سبحانو وربي يرزقك براجل صالح تعرفي قيمتو وهذاك ربي وكيلو وايجي نهار ويخلص

 

[youcef.as.dz]

رد: دمرني مرتين

لا حول ولا قوة الا بالله

 

[مهدي الثعالبي]

رد: دمرني مرتين

الله يهديك

 

[ليليا مرام]

رد: دمرني مرتين

السلام عليكم
والله اختي انت دمرت روحك اسمحيلي اولا
غلطت وانت مخطوبة وتحكي معاه وشكون هذا المفتي اللي فتالكم باللي قسرو على راحتكم وبعدو ارجعو عادي هذي جديدة
حاجة اخرى خطيبك لاخر نظنو كنز وراكي فقدتيه وراحا تندمي كان من المفروض لما جرحك وطلقك ما توليش ليه
اكبر دليل انو يلعب راه عندو دراهم وراح لاسبانيا معناها رجع ليك بالعاني يدمرلك حياتك وبرك
والله انا ننصحك تبدلي لابوس وتقطعي اتصالك هذا قلبك كان يحوس عليه اشويه وكوليه لانو ربي يمد فرصة مرة فالعمر ومدلك راجل وليد فاميليا وانت ضيعته معليش مازلت صغيرة مي ما تعاوديش الغلطة وافطني لروحك
شولفي اجبدي روحك عليه نهائيا ما تخليلو حتى اثر وين تسمعيه او يلقاك اقطعي عليه كل شي وما انو قالك براحتك معناها مراحش يديك
ان شاء الله تفيقي لروحك

 

[احلام نور]

رد: دمرني مرتين

السلام عليكم اختي الكريمة أولا أتمنى انك بخير وثقي انه مهما اعتبرتي انك مخطئة فعدرك انك لازلت صغيرة في السن و ضعيفة أمام الرجل و الحب لأن في هذا السن الفتاة تفكر بعواطفها لا بعقلها لا يهم ماحدث قد حدث وهذا ابتلاء و من جهة ثانية الله عفو غفور اكيد اخطاتي كما قال الجميع لكن الذي يهم هو أن لا تعودي للخطأ مرة أخرى ابتعدي عن هذا الرجل نهائيا وانسيه و اطلبي الاعتدار من خطيبك الثاني و صارحيه سواء قبل بكي أم لا اطلبي السماح وابتدئي حياتك من جديد ولا تقعي في نفس الخطأ كلنا خطاؤون وخير الخطائين التوابين لن الومك بل أتفهم نفسيتك و مشاعرك لكن نصيحة ابتعدي عن طليقك وتوجهي لله تعالى بالدعاء والهداية وان يبعد عنك مايضرك أتمنى أن تجدي نصيبك مع رجل صالح شكرا وفقك الله

 

[imy_amani]

رد: دمرني مرتين

السلام عليكم ورحمة الله وبركاته

اسمحيلي اختي على كلامي
مي علاش التاني ماهوش راجل حتى تلعبي بالمشاعر تدعو
قبلتي بيه ورجع خطيبك
رحتي خنتيه مع طليقك

قيسيها على روحك
انتي تحبي اللي يلعب بيك
كنتي تخليه كي حسيتي انك ماتقدريش تنساي طليقك

يمكن هاد هو أصل المشكلة
انك ماكنتيش صادقة حتى مع نفسك

هادا اللي خلاك وباقي ايام على عرسك معاه
كيفاه رجعتي وثقتي فيه ؟
الحب يااااااا اختي مواقف قبل ما يكون كلام

غلطتي في حق خطيبك الثاني
حملتيه غلطة ماشي ليه

ربي يهدينا ...

 

[شمس الاصيل2]

رد: دمرني مرتين

السلام اختي في الله من ناحية الغلط راكي غالطة وحتى كي تركتي الثاني ما تحدثتيش على مشاعره كانو لا شيء الزواج مش فيلم هندي ولا مسلسل تركي ندي لي نحبو ولا لا لا ز وجك الاول ادا تزوجتي بيه راح مايديرش فيك الثقة ابداي حياتك من جديد واغلقي هدا الملف

 

[adel._dz]

رد: دمرني مرتين

نقولك الصح النوع تاعك هو لي خلى النوع نتاعي يتعامل مع بنات حواء بعين الازدراء
انا ضرك قريت قصتك كون نحب نتزوج وحدة وتعجبني وتظهر كانت مخطوبة نتفكر قصتك نبطل
المشكل مشي ضرك المشكل كون تتزوجي الثاني وتبقي في علاقة مع لول ..!!!!
تبا مجتمعنا تهلك غير من قصص حبكم الفاشلة
خيانات وقتل وسجون وثأر ..
لما ؟؟؟
لأنو الفحلة تحب الرخيس لي يضربها ويجريها
أما لي جاها ناوي الحلال فهي ماتحبوش ..
مالة نوع تع الرجال خلوه لبنات الفاميلية يدوه هوما ..
نوع تاعكم اقعدو مع الرخاس يجروكم ...
لأنو خطيبك هذا كون يفيق يولي مايتزوجش ويولي لي طيحلو في يدو ما يرحمهاش ...
شعب ...

 

[مهدي الثعالبي]

رد: دمرني مرتين

خير الكلام ما قل ودل . اتهنا منك حطيبك الثاني ، كما انك لم تنضج بعد لأن النضج لايحسب بالسن و إنما يحسب بالعقل
الله يشفيك