مُدوّنة مُستحْضرات جمَالِي.. أنا " بنت الْـ 25"

[بنت الـ25]

رد: مُدوّنة مُستحْضرات جمَالِي.. أنا " بنت الْـ 25"

معشوقة الجماهير "نيفيا " كريم مرطب

المنشأ : أوروبا
السعر : والله معلابالي ديما يجيبهالي اخي من عند صاحبو خاطر ساعات تكون مقطوعة
المزايا : وشكون ما يعرفش مزايا النيفيا
منذ الأزل وانا نشوف ماما تستعملها كنت نطيحلها فالباطة نخلصهالها مسكينة زعما نلعب هههههههههه
نيفيا تعجبني خير من الفازلين لأانو صراحة الفازلين (مش الفازلين لوشن الجسم) قاعد كي الشحمة تبقى كوش على الجلد
بينما نيفيا تشربها البشرة وتجعلها رطبة وناعمة جداااااااااا
نستعملها بعد الاستحمام على الأذرع واليدين الألأكواع والمرافق خاصة
والرجلين وخصوصا الركب والكعب
وفي وجهي أحيانا قبل ما نرقد كي نحس بشرتي جافة
لها رائحة عطرة جد رائعة وننصح بيها لبنات كثيراااا
​

 

[بنت الـ25]

رد: مُدوّنة مُستحْضرات جمَالِي.. أنا " بنت الْـ 25"

مزيل رائحة العرق أو ستيك " ريكسونا"

المنشأ : أوروبي
السعر : 350 دج
المزايا : ستيك ريكسونا من أهم مزياها انك عند استعمالها مهما عرقتي هداك العرق يكون بدون رائحة
وبالعكس رائحتو تكون معطرة بعطر ريكسونا
ما نستغناش عليها ابدا ، نستعملها يوميا قبل ما نلبس ورغم هدا تعيش يعني ما تخلاصش ليه ليه
نستعملها ايضا بعد الاستحمام مباشرة ولكن أهم شيء عدم استعمالها بعد إزالة شعر الإبط مباشرة حذرو منها الأطباء هاد العادة
ننصح لبنات بريكسونا الزرقا أو البنفسجي لهما رائحة جميلة جدا
​

 

[بنت الـ25]

رد: مُدوّنة مُستحْضرات جمَالِي.. أنا " بنت الْـ 25"

لوجهي نستعمل صابون " فاتيكا ديرموفيفا"

المنشأ : المشرق على ما أظن رميت العلبة قبل ما نتأكد خخخخ
السعر : على الأغلب 200 دج مش متأكدة لأني شريتو مع مجموعة من المنتجات وخلصت كلش في بعضاه
المزايا : صابون ديرموفيفا بالألوفيرا له خصائص الترطيب اللطيف للبشرة بكل أنواعها ليجعلها طرية وناعمة
حاليا راني نستعمل فيه رغم اني نحب نستعمل في وجهي صابون مرسيليا لكونو خال من اي مواد
ممكن تضر بالبشرة تاعي زد على انو يحتوي على الزيت مما يساعد على التخلص من إفرازات البشرة الدهنية

​

 

[بنت الـ25]

رد: مُدوّنة مُستحْضرات جمَالِي.. أنا " بنت الْـ 25"

جال دوش " palmolive" زهر البرتقال

المنشأ : أوروبي
السعر : :-r
المزايا : الجال دوش غالبا يرطب البشرة بعد الاستحمام ، والمميز في بالموليف انو لطيف على البشرة ويعطيها رائحة منعشة خصوصا ذوق البرتقال
في العادة نستعمل دوف وما نستغناش عليه ولكن هاد المرة بدلت شوي
​

 

[بنت الـ25]

رد: مُدوّنة مُستحْضرات جمَالِي.. أنا " بنت الْـ 25"

زيت الخروع

المنشأ : الجزائر
السعر: 250 دج
المزايا: زيت الخروع الأصلي يكون ثقيل ولازم نخلطوه مع زيت اخر مثلا زيت الزيتون باش يخفاف شوية ونقدرو نستعملوه مش كيما هدا يتباع مخفف من عندهم
زيت الخروع نستعملو على رموشي قبل النوم يحميها من التساقط ويطولها
كنت نستعملو على شعري قبل ما نبدا نستعمل زيت ترتشوب ولكن يبقى زيت الخروع افضل كونو يحمي الشعر من التساقط ويطولو والفرق يبان من اول استعمال
​

 

[iman-dz4ever]

رد: مُدوّنة مُستحْضرات جمَالِي.. أنا " بنت الْـ 25"

مبروك افتتاح المدونة ختي
الله يبارك رووووووووووووعة
انا زيت الشعر تريتشوب شفت في التلفزيون برك
مكنتش عارفة بلي نلقاوه هنا
منين جبتيه فرماسي ولا كوسمتيك
​

 

[@R@ZIK]

رد: مُدوّنة مُستحْضرات جمَالِي.. أنا " بنت الْـ 25"

السلام عليكم
مبارك الافتتاح مينآت
في المتابعة شكرا
بالتوفيق
تحياتي​

 

[بنت الـ25]

رد: مُدوّنة مُستحْضرات جمَالِي.. أنا " بنت الْـ 25"

شكرا على المرور ايمان ورزيقة
حبيبتي ايمان تريشوب نشريه من محل الكوسمتيك

 

[السلطانة]

رد: مُدوّنة مُستحْضرات جمَالِي.. أنا " بنت الْـ 25"

الله يبارك على مستحضراتك مينا فدتينا بزاف بالتوفيق ان شاءلله

 

[iman-dz4ever]

رد: مُدوّنة مُستحْضرات جمَالِي.. أنا " بنت الْـ 25"

مشكورة اختي
​