واش بيه الذوق نتاع بناتنا ؟

[ام أمينة]

رد: واش بيه الذوق نتاع بناتنا ؟

السلام عليكم

و الله ما عرفت وش عجبهم فالكوريين مالغري ما يتشبهو لوالو
انا من رايي لي يتبعو فيهم هم فئة المراهقين و الله اعلم
و لاو فئة تبع و قل بع هادي هي
يعني صح زينهم يشبه للنساء !!!!!!! سبحان الله تبقى حاير
مالغري رجال الجزائر ماشاء الله تع النيف و الحرمة الله الله

ربي يسترنا و يهديهم
مشكور اخي على الموضوع
تحياتي
​

 

[الزهرة الحمراء]

رد: واش بيه الذوق نتاع بناتنا ؟

السلام عليكم
يعطيك الصحة على الموضوع
والله ماعندهاش بزاف كنت نحكي مع وحدة ايا قاتلي راني نسمع فالغنا تع الكوريين قتلها يعني فض لغنا كامل باه تسمعي الكوريين على اساس تفهميها اللهجة
قاتلييي يووووو يهبلوا نحبهم ويعجبوني بزااف وبدات تسميلي فالفرق تاعهم وشكون لي يغني فيهم وانا بقيت مدايرة هكا :-o:s
من نيتك يعني على اساس قريتي الفرونسي والانجليزية خصاتك غير الكورية برك
وزيد لي حبستلي مخي كي قاتلك زينونيين الله يهديك ا بنتي منين جاهم الزين
ولذرك راني كيفك حايرة واش لي عجبهم في زين الكوريين وكي نحكي راني على النساء والرجال تاعهم لا زين ولا حتى عفسة فيهم
يعني بإختصار بعد ماخلصنا من الأتراك ولهنودا ذرك رجعنا للكوريين
يعني مثلا علاه جامي سمعنا بناتنا يحكوا على فنان دزيري ويقولوا يووووو شحال شباب ويهبل
شجعوا المنتوج المحلي تاكلوا راسكم
ماكانش أحسن من ولاد بلادي الرجولة والشهامة :$
مرة اخرى يعطيك الصحة على الموضوع
نروح نشوف مسلسل كوري ونرجع خخخخخخخ (أعععع ماكانش كيفاه )​

 

[آمِيْرَتُه]

رد: واش بيه الذوق نتاع بناتنا ؟

السلام عليك
ملقيت منقول ربي يهدي برك

 

[السلطانة]

رد: واش بيه الذوق نتاع بناتنا ؟

السلام عليكم
بارك الله فيك هدا هو حكيم لي نعرفو نشاط و همة:thumb_up02:
بناتنا نتع الصح دوقهم غريب بصح هادو فضحوا الكوريين ؟؟:down:
احنا في وقتنا ا كانو يعجبونا المكسيكببن الايطاليين بعدا الزين و الطولا و الهمة :$
طبعا و يبق الراجل الجزائري سيد الكل :love01:
هادو كما قلت ما تفرقش بين البنت و الولد سبحان الله واش من زين شافوه فيهم ؟؟منعرف
شعرهم شباب برك هدا ما كان
الله يعطيك الننو تصب عليك قتلتني بالضحك نتع وجهو مكدد ها مساكين قتلتهم الميزيرية
كي تلق واحد معمر تلق 10 مكددين كما قلت ههه
يعطيك الصحة حكيم و تسلم عيونك من كل شر :regards01:
​

هههه والله ياخالتي نشفى على ماما وخالاتي زمان يقولو جامي ننساو مسلسل راكال واليخاندرو ولا واش خخخخ
ويحكيو على نيكولاس ويقولو حتى خرجت قصة تاع شعر يسميوها كوp نيكولاس

 

[آمِيْرَتُه]

رد: واش بيه الذوق نتاع بناتنا ؟

هههه والله ياخالتي نشفى على ماما وخالاتي زمان يقولو جامي ننساو مسلسل راكال واليخاندرو ولا واش خخخخ
ويحكيو على نيكولاس ويقولو حتى خرجت قصة تاع شعر يسميوها كوp نيكولاس

هذاك زمان مع أن كنا صغار مي روعة
مي كان يلعب فيلم كوري شباب بزاف نتاع ديك المذيعة نسيت اسمه قصة شابة مام الشخصيات لي لعبو فيه مليحة
مي نتاع درك خرط خليط فكرنا موضوعه بسهيلة البوسعادية :p

 

[عاشقة لندن]

رد: واش بيه الذوق نتاع بناتنا ؟

Hhhhhhh mrc bQ khayiiii

 

[•الحآئرة•]

رد: واش بيه الذوق نتاع بناتنا ؟

بعض الصور للاضافة لا للترويج
الي ميعرفشالكوريين هاهم كيش مدايرين
حاجة متصلح فاهم شا عجبكم ؟؟

 

[مِلْكٌ لَهُ]

رد: واش بيه الذوق نتاع بناتنا ؟

السلام عليكم و رحمة الله تعالى و بركاته
حسن ، معكم حق اكيد لكن ليس معكم حق في الكلام عن خلائقهم فالله من خلقهم و نحن مسلمون
فكيف نقول عن خلق الله هكدا ؟
فكل خلق الله جميل ،الله جميل يحب الجمال
نسال الله لهم الهداية و حسب
هدا رايي و الله اعلم
تحياتي احتراميو تقديري لشخصكم الكريم
في امان الله و حفظه
سلام الله عليكم

​

 

[أميرة تقرت]

رد: واش بيه الذوق نتاع بناتنا ؟

يعني صح ناقصين شوي رجلة
بصح البنت تحب الي قلبو حنين و يحبها
ماشي تحب واحد يلعبها رجلة و هو يتمسخر بيها

 

[وسيم عقل و زين]

رد: واش بيه الذوق نتاع بناتنا ؟

قعدت نشوف في زعما الزين نتاع الكوررين وياحفيظ ياستار والله ثلاثا غير عجزت باش نفرق بين الراجل والطفلة فيهم واحد اللون ياحافيظ ياستار
مافيهمش ريحة الرجلة طوول وعلى حساب ما شفت وقرعجت اغلبيتهم مخنثين والله اعلم.
هادا ماكان هههه
شكرا اخي عالطرح و ياهلا بعودة العقيد ااااااا

 

[LINA LOLO]

رد: واش بيه الذوق نتاع بناتنا ؟

سلام خويا موضوع يستحق النقاش
هادو ماشي شباب هادو بنات
الشعر بالصبيغة واماكياج واللبسة ماعندي مانقول دايرين في بالهم الموضة والموضة ..............
مي الله غالب

 

[Hakan]

رد: واش بيه الذوق نتاع بناتنا ؟

شكرا على الردود التي تكرمتم بها
الموضوع يبقى يمس الفئة الشهيرة من ممثلي كوريا الجنوبية ومن مغنييهم اللي يحبوهم بنات الجزائر وليست غالبيتهم
اما من ناحية خلق الله الحمد لله ما ضحكناش على خلق ربي
لكن انو راجل كرمو ربي بالرجولة ويحب يرجع روحو يشبه في كل شيء للمراة نضن هاذي ما تقبلها لا فطرة لا هم يحزنون
القضية اللي تكلمت فيها اميرة تقرت

وانو الحنان نتاعهم وشيء من هذا القبيل يااختي الكرمة ما يغلطك واحد ما يغلطك فيلم
او مسلسل الكورين او غالبية الممثلين لوكان ترجعي للواقع نتاعهم تلقايهم اشر خلق الله وحياتو تعاسة في تعاسة اما الجزائري نضن الرجال اللي نعرفهم انا شخصيا عندهم من الطيبة اللي لوكان توزعيها على رجال كوريا الجنوبية قادرة تغرقهم
سلام وبارك الله في الجميع ...​

 

[خفيفة الروح]

رد: واش بيه الذوق نتاع بناتنا ؟

مشكور اخي حكيم على الموضوع

 

[لؤلؤة قسنطينة]

رد: واش بيه الذوق نتاع بناتنا ؟

السلام عليكم
ههههههه والله غير ضحكتني ، وموضوع وحدو وينحي على البال صراحة خاطر عندي مانحكي فيه :d
والله ياخويا المشكل درك ماش في الكوريين ولا الايطاليين ولا الفرنسيين، درك المشكل راهو في بناتنا
ولاو قريب الكارطون يلصقو فيه ، انا قبل شهر تقريباً لحقت للجامعة مع الصباح هكاك والبرد، ويعدي قدامي واحد
طلعلي السخانة رجعلي جانفي لأوت، يعني لابس واحد اللبسة يالطيف وزيد مطول شعرو ورابطو كي البنات ولابس
قبعة من فوق كيما تاع مايكل جاكسون هههه، تقول نضربو بدبزة نردو لدارو، والمشكل يحكي مع وحدة في التيليفون -_-
انا بقيت نخمم ونقول درك العبد هادا يعجب؟؟ ماش نتمسخر بخلق الله خاطر كن بقى على طبيعتو بالاك راهو احسن، بصح نستغرب
من شكلو ، على هادي بناتنا اليوم ولاو ناقصين حنان وعاطفة ، ووين تلقى العاطفة تلصق، يعني كي تتفرج مسلسل وتشوف
البطل يتعامل برومانسية مع خطيبتو ولا صديقتو تولي تتخيل روحها هي البطلة والعاطفة كاملة جاية ليها هههه ، وتولي تلقائيا
تلصق في الممثل هاداك ولا الفنان هاداك تلقائيا بلا ماتنتبه لشكلو، انا نشفى عليها لما كنت نقرا في المتوسط كانت تقرا معايا وحدة
تقولي كي ننجح ونجيب الباك نروح لمصر، تقولي علابالك علاه ؟ تقولي باه نتلاقى بتامر حسني ونتزوج بيه ههههه، وكي قلتلها ماعرفتوش قاتلي ماراكيش عايشة في الدنيا وماعرفتي والو مادام ماعرفتيهش ههه عدت نقول شكون ملك الجمال هادا وكي نعتتلي صورتو خلعت ههههه ، يعني بناتنا يتبعو دايما الشي لي يميل للعاطفة فقط، وانا عن نفسي مانتفرجش بزاف تلفاز واذا تفرجت نتفرج مسلسل يكون عندو معنى وقضية يعالجها ماش نتفرجو خاطر معمر رومانسية ولا على وجه الممثل، ومانكدبش عليك صراحة شفت بعض المسلسلات الكورية واليابانية لي تعالج قضايا اجتماعية مفيدة خاطر حتى هوما عندهم بعض الافلام مليحة ، ويكونو الممثلين
واضحين يعنيا لرجل في بلاصتو المرأة في بلاصتها ماش هاداك لي لابس الوردي وشعرو موف خاطر هاداك يشبه للشيطان يا لطيف
وصراحة دركا كامل أبطال المسلسلات والله ماتشوف فيهم ذرة رجولة سواءا مكسيكيين او فرنسيين او غيرهم، تلقاه زعما مداير لحية
بصح حواجبو مرسومين ومداير عدسات ملونة في عينيه وصابغ شعرو ووجهو معمر ماكياج، يعني باه يظهر بالمنظر هاداك راهو كل لقطة يعدلوه فيها خاطر الافلام ولات استعراضية ، وعجبتني لما ذكرت في الاخير الشباب هادوك ، خاطر والله الشباب تاوعنا راهم محيريني، يعني كيفاه راجل يلبس حسب ذوق انثى، مثلا قبل مدة كانو شبابنا كامل يتمسخرو بالرجال الملتحين ومن نهار سمعو بلي
البنات يميلو للشاب الملتحي ولينا منين ندورو نلقاو واحد مداير لحية تحس روحك في فيلم الرسالة خاص غير الاحصنة والسيوف ،
خاطر ماش المشكل في اللحية المشكل في رجولة الشخص ، خاطر تعود مداير لحية وسروالك طايح ولا مقطع ، مالا اللحية اي مازادت فيك والو حاشا لي مايستاهلش طبعا، المهم راني فرغت قلبي وموضوعك جاني في وقتو ههههه
ربي يحفظك خويا وربي يهدي بناتنا لي يفضلو هاداك لي ماشط شعرو كي النساء ولابس الوردي ومداير الماكياج ويعافو
لي قشو موسخ بالرمل ولا الصبغة ويخدم وفحل ، ربي يهدينا برك
بارك الله فيك على الموضوع، وراني درتلك جرنان هههه اقرا ورتح :d
تحياتي الخالصة
​

 

[{مُدَلَّلَتُهُ}]

رد: واش بيه الذوق نتاع بناتنا ؟

السلام عليكم و رحمة الله و بركاته

وسسع وسسسع راهي جات عاشقة الكوريين . . حكيم خسارة عليك كيفاه تقول عليهم هاك مشي خسارة عليك أه ؟ !

نتمسخر برك

راني نشوف في الشعب كامل يقولو خاطيني خخخ و المسلسلات الكورية شكون راه يتفرجهم آه ؟ ! بركاو من التبلعيط

أنا تفرجت مسلسل كوري في وقت الغفلة . . ركبتني الغدة ما وليت نفرق البطل من البطلة من أمه من صاحبه ! مرات وليت نحسب البطل عنده انفصام في الشخصية حتى يطلع هاداك اخت البطل الي كانت تحكي مش هو :tongue02:

زعما شا يعجبهم فيهم آه ؟ الوجه ابيض البشرة رطبة الشعر طايح على عينيهم و المشية ما نحكيش !

راني نتخيل في روحي عندي شعرهم يييي نضل طالقاته و نجدب بيه خخخخخخخخخخخخ

ما نكذبش على خويا نموت على ولاد بلادي " الرجلة " حرشين كي يجي يقولك كلمة حلوة تلصقله و يشرق قريب يموت هيهيهيهي !

تخيل واحد جزايري رومانسي هاذيك الرومانسية الساااامطة :down: يعني ؟ ماهيش راكبة مع بعضاها تجيك erreur

vive ولاد بلادي الزواولة ماكانش كيفهم ♥ تبا كم هم رآئعون ♥
​

 

[Hakan]

رد: واش بيه الذوق نتاع بناتنا ؟

السلام عليكم و رحمة الله و بركاته

وسسع وسسسع راهي جات عاشقة الكوريين . . حكيم خسارة عليك كيفاه تقول عليهم هاك مشي خسارة عليك أه ؟ !

نتمسخر برك

راني نشوف في الشعب كامل يقولو خاطيني خخخ و المسلسلات الكورية شكون راه يتفرجهم آه ؟ ! بركاو من التبلعيط

أنا تفرجت مسلسل كوري في وقت الغفلة . . ركبتني الغدة ما وليت نفرق البطل من البطلة من أمه من صاحبه ! مرات وليت نحسب البطل عنده انفصام في الشخصية حتى يطلع هاداك اخت البطل الي كانت تحكي مش هو :tongue02:

زعما شا يعجبهم فيهم آه ؟ الوجه ابيض البشرة رطبة الشعر طايح على عينيهم و المشية ما نحكيش !

راني نتخيل في روحي عندي شعرهم يييي نضل طالقاته و نجدب بيه خخخخخخخخخخخخ

ما نكذبش على خويا نموت على ولاد بلادي " الرجلة " حرشين كي يجي يقولك كلمة حلوة تلصقله و يشرق قريب يموت هيهيهيهي !

تخيل واحد جزايري رومانسي هاذيك الرومانسية الساااامطة :down: يعني ؟ ماهيش راكبة مع بعضاها تجيك erreur

vive ولاد بلادي الزواولة ماكانش كيفهم ♥ تبا كم هم رآئعون ♥
​

هههههه خليتيني نضحك ربي يهنيك صحا الفحلة نتاعنا ​

 

[Mr Brahim]

رد: واش بيه الذوق نتاع بناتنا ؟

السلام عليكم و رحمة الله و بركاته

وسسع وسسسع راهي جات عاشقة الكوريين . . حكيم خسارة عليك كيفاه تقول عليهم هاك مشي خسارة عليك أه ؟ !

نتمسخر برك

راني نشوف في الشعب كامل يقولو خاطيني خخخ و المسلسلات الكورية شكون راه يتفرجهم آه ؟ ! بركاو من التبلعيط

أنا تفرجت مسلسل كوري في وقت الغفلة . . ركبتني الغدة ما وليت نفرق البطل من البطلة من أمه من صاحبه ! مرات وليت نحسب البطل عنده انفصام في الشخصية حتى يطلع هاداك اخت البطل الي كانت تحكي مش هو :tongue02:

زعما شا يعجبهم فيهم آه ؟ الوجه ابيض البشرة رطبة الشعر طايح على عينيهم و المشية ما نحكيش !

راني نتخيل في روحي عندي شعرهم يييي نضل طالقاته و نجدب بيه خخخخخخخخخخخخ

ما نكذبش على خويا نموت على ولاد بلادي " الرجلة " حرشين كي يجي يقولك كلمة حلوة تلصقله و يشرق قريب يموت هيهيهيهي !

تخيل واحد جزايري رومانسي هاذيك الرومانسية الساااامطة :down: يعني ؟ ماهيش راكبة مع بعضاها تجيك erreur

vive ولاد بلادي الزواولة ماكانش كيفهم ♥ تبا كم هم رآئعون ♥
​

ماركي عندك واحدة من المفقودين خويا حكيم قريب فقدت الامل و اخيرا :cray02:​

 

[Hakan]

رد: واش بيه الذوق نتاع بناتنا ؟

ماركي عندك واحدة من المفقودين خويا حكيم قريب فقدت الامل و اخيرا :cray02:​

ربي يهنيك خويا لا لا خليها ان شااء الله ما تروحش كشما تتكاثر ويرجعو عندنا بزاف بنات كيفها ​

 

[Oum Loukmane]

رد: واش بيه الذوق نتاع بناتنا ؟

صباح النور على كل ولاد ورجال بلاد ي
بنات اليوم فسدهم المسلسلات التركية ثم الكورية ثم الهندي الله يهديهم
أنا معاك وليدي العزيز الراجل لازم. بيان راجل في لبسته ومنظره راني نشوف في الشارع لعجب طول الشعر تلقاه طايح على عينيه كما الطفلة تلقاهم ملقطين حواجبهم حاطين مناقش وزيد وزيد
وليدي راجل راجل مهما كان كي تستحق المرا شكون يحميها ويدافع عليها تلقا ه
الله يحفظ ولاد بلادي ويخلهم رجال في ظهورناأمييييييييين

 

[Hakan]

رد: واش بيه الذوق نتاع بناتنا ؟

صباح النور على كل ولاد ورجال بلاد ي
بنات اليوم فسدهم المسلسلات التركية ثم الكورية ثم الهندي الله يهديهم
أنا معاك وليدي العزيز الراجل لازم. بيان راجل في لبسته ومنظره راني نشوف في الشارع لعجب طول الشعر تلقاه طايح على عينيه كما الطفلة تلقاهم ملقطين حواجبهم حاطين مناقش وزيد وزيد
وليدي راجل راجل مهما كان كي تستحق المرا شكون يحميها ويدافع عليها تلقا ه
الله يحفظ ولاد بلادي ويخلهم رجال في ظهورناأمييييييييين

كلامك على عيني وراسي خالتي ام لقمان
ربي يهنيك ان شااء الله خالتي ويخليلك اهلك وناسك ..​