شحال نظيفة مطاعم بلادي

[السلطانة]

رد: شحال نظيفة مطاعم بلادي

وعليكم السلام

صراحة يااختي أنا من رواد المطاعم أثناء السفر
أو الخروج مع زوجي
ونحبو ناكلو في المطاعم النظيفة لي عندها سمعة مليحة

مرة مشينا لمطعم كيما قعدنا شفنا لوسخ
ولي سارvور لاعلاقة خلاونا واقفين مالا خرجنا ديراكت

منكذبش عليك ونقولك أكل البيت خير من تاع المطاعم

أكل المطاعم يجي حطة وكي يعود نظيف يزيد يحلى للعين قبل الكرش

وانتي حرّة كان شفتي المطعم ماش نظيف عندك الخيار تبدليه .

:p

شكرا .
​

 

[صاحب الظل]

رد: شحال نظيفة مطاعم بلادي

واحد يروح يوكل محاجب و الا عفسة من طابلة فوق التريطوار و يقلك
مطاعم بلادي موسخة
اعرف عند من توكل ووين توكل وواش توكل ما يوصلك والو ني تسمم ني عمارك
و شكرا

 

[شمس الاصيل2]

رد: شحال نظيفة مطاعم بلادي

واحد يروح يوكل محاجب و الا عفسة من طابلة فوق التريطوار و يقلك
مطاعم بلادي موسخة
اعرف عند من توكل ووين توكل وواش توكل ما يوصلك والو ني تسمم ني عمارك
و شكرا

شكرا خويا مي انا جامي كليت من طابلة وانا ماعممتش مي كاين بلاص شابين مي الكوزينة ليعيف ممايكلش منها النظافة مش في الكراسة الشابين ....... النظافة راهي في المطابخ الداخل

 

[شمس الاصيل2]

رد: شحال نظيفة مطاعم بلادي

وعليكم السلام

صراحة يااختي أنا من رواد المطاعم أثناء السفر
أو الخروج مع زوجي
ونحبو ناكلو في المطاعم النظيفة لي عندها سمعة مليحة

مرة مشينا لمطعم كيما قعدنا شفنا لوسخ
ولي سارvور لاعلاقة خلاونا واقفين مالا خرجنا ديراكت

منكذبش عليك ونقولك أكل البيت خير من تاع المطاعم

أكل المطاعم يجي حطة وكي يعود نظيف يزيد يحلى للعين قبل الكرش

وانتي حرّة كان شفتي المطعم ماش نظيف عندك الخيار تبدليه .

:p

شكرا .
​

يعطيك الصحة مي كي تكوني غريبة على المكان صعيب تميزي المشكل في الداخل:love01::love01:

 

[Gül Bahar]

رد: شحال نظيفة مطاعم بلادي

صراحة انا نحب ماكلة ماما ربي يخليها
مي ماكلة البرا ربي يبعدنا عليها

 

[شمس الاصيل2]

رد: شحال نظيفة مطاعم بلادي

صراحة انا نحب ماكلة ماما ربي يخليها
مي ماكلة البرا ربي يبعدنا عليها

ربي يخليها امين يا رب

 

[السلطانة]

رد: شحال نظيفة مطاعم بلادي

يعطيك الصحة مي كي تكوني غريبة على المكان صعيب تميزي المشكل في الداخل:love01::love01:

هاه واش ندير هههه
مسافة 8 سوايع بالسيارة ماش ساهلة مضطرين نحبسو في مطعم وكي تقايديهم خلاص تعرفيهم مرة زوج


وراكي تلمحي النظافة كاين مطاعم تقدري تقرعجي عليهم

المهم ربي يسترنا ويعافينا اجمعين

تحياتي

 

[*amina*]

رد: شحال نظيفة مطاعم بلادي

السلام عليكم
انا ايضا من عشاق ماكلة الدار هههههه سريتو من يديا ههههه
مرة كنت حامل وتشهيت المرقاز جابولي زوجي بصح مكانش طايب مليح مكليتوش الدم يتقطر منو ععععععععععععع
حتى زوجي قبل زواجة كانت ماكلتو كامل من المطاعم بصح غير تزوج عزف عن اكل المطعم ضروك ميقدرش ياكل والف ماكلتي خاصة الدجاج ميحبش يشريه واجد الا اذا تحتمت وكي يتشهيه يجيبلي نطيبلولو فالفور يقلي خير من المشري

 

[بقايا إنسان]

رد: شحال نظيفة مطاعم بلادي

يعطيك الصحة ع الموضوع واش نقولك ختي عندنا هنا نسمو هذا الاكل(وسخ وبنين)
اكل المطاعم يجلب الحضوض للطبيب ويجيب للمتسمم الغرائم
تحياتي واحترماتي

 

[شمس الاصيل2]

رد: شحال نظيفة مطاعم بلادي

السلام عليكم
انا ايضا من عشاق ماكلة الدار هههههه سريتو من يديا ههههه
مرة كنت حامل وتشهيت المرقاز جابولي زوجي بصح مكانش طايب مليح مكليتوش الدم يتقطر منو ععععععععععععع
حتى زوجي قبل زواجة كانت ماكلتو كامل من المطاعم بصح غير تزوج عزف عن اكل المطعم ضروك ميقدرش ياكل والف ماكلتي خاصة الدجاج ميحبش يشريه واجد الا اذا تحتمت وكي يتشهيه يجيبلي نطيبلولو فالفور يقلي خير من المشري

يسلمك يديك باينة طيبي مليح ربي يحفظك

 

[شمس الاصيل2]

رد: شحال نظيفة مطاعم بلادي

يعطيك الصحة ع الموضوع واش نقولك ختي عندنا هنا نسمو هذا الاكل(وسخ وبنين)
اكل المطاعم يجلب الحضوض للطبيب ويجيب للمتسمم الغرائم
تحياتي واحترماتي

شكرا اخي المشكل كاين لي يتسمم ويعاود يرجع ياكل من عند نفس البلاصة:-oالناس تنسا ولا واشن:s:s:s

 

[youcef.as.dz]

رد: شحال نظيفة مطاعم بلادي

صح موضوع زين
انا مالف نسافر و الله ماخفي أعظم

 

[شمس الاصيل2]

رد: شحال نظيفة مطاعم بلادي

صح موضوع زين
انا مالف نسافر و الله ماخفي أعظم

اعرف خويا وين تاكل ربي يحفظك وبعد على اللحم وسيي تاكل حاجة ماتاديش للتسمم ربي يبعد عليك البلا:smile02:

 

[ليليا مرام]

رد: شحال نظيفة مطاعم بلادي

السلام عليكم اختي اهلا وسهلا
ايه يا اختي راح نحكيلك هذي جرائم في حق الانسانية مش مطاعم انت كيما انا نحب مطعم وين نقدر نشوف الكوزينة يا اختي الواحد مريض ما يزيدش يكمل على روحو وبلا مرض انا نعيف الامور هذي لازم النظافة او خلي
شوفي نقولك مرة رحت ناكل فبتزيريا ويااااااااا الراجل هذاك اللي يدير فيها واقيل نقولك كانت طومبة ميتة فيه عندها عام هذيك الطابلية يسيق بها القاعة وبعدو يلبسها الشعر فيديه تقولي انت غوريلا حتى لضفارو وااااااااااع تعرفي حكمتني الدوخة من عفنو والنسا قاعدين تقولي انت عينيهم عور يشوفو فيه يبرق او ما نعرف واش المهم كول وبرك خرجت نجري ما نحتاجش
وكاين تشوفي كوزناتهم صدقيني قاراج نتاع خردة حاجة الحيطان مسخين والماعن اللي يخدمو يهم الماكلة مصددين نورمالمو كاين ليكونترول مي بلادنا كول وبرك وما يهمكش
نقولك مرة يمى خدمت فمطعم ما قدرتش تقولو جيب الماعن ما نقدرش انا نقي البطاطا بمشينة حضرت للثورة رافدة وسح الدنيا قالها لالا هذا اللي عندي انت خدمي برك نقولك البطاطا يخولها فالما قاتلي يمى تزراق ويشللها ويقليها للناس اللحم لما يرجعوه من طباسة وما يكالوش الناس يلموه ويرجعو يشووه من فوق ويعاودو يحطوه لاخرين تشوفي العجب حتى بطلت مناك لانو قالت ضميري ما نقدرش العفن انا مناك نكره ماكلة المطاعم وكاين ماشاء الله كاين مطعم بحكم سفرنا من طريق هذيك فعين وسارة الكوزينة مفتوحة على الناس الداخل تشوفيهم لما يطيو ذوك الماعن يبرقو بريق يشعلو والكوزينة النظافة تقتل وهوما لسيرفور والله تقولي رايح للعرس نظافة ويديه داير قفازات والله ديما ناكلو كل كا نسافرو عندهم على جال نظافتهم روعة
ايه صج عنوانك شعال معافن مطاعم بلادي اقصد شعال نظاف ههه
شكرا

 

[شمس الاصيل2]

رد: شحال نظيفة مطاعم بلادي

السلام عليكم اختي اهلا وسهلا
ايه يا اختي راح نحكيلك هذي جرائم في حق الانسانية مش مطاعم انت كيما انا نحب مطعم وين نقدر نشوف الكوزينة يا اختي الواحد مريض ما يزيدش يكمل على روحو وبلا مرض انا نعيف الامور هذي لازم النظافة او خلي
شوفي نقولك مرة رحت ناكل فبتزيريا ويااااااااا الراجل هذاك اللي يدير فيها واقيل نقولك كانت طومبة ميتة فيه عندها عام هذيك الطابلية يسيق بها القاعة وبعدو يلبسها الشعر فيديه تقولي انت غوريلا حتى لضفارو وااااااااااع تعرفي حكمتني الدوخة من عفنو والنسا قاعدين تقولي انت عينيهم عور يشوفو فيه يبرق او ما نعرف واش المهم كول وبرك خرجت نجري ما نحتاجش
وكاين تشوفي كوزناتهم صدقيني قاراج نتاع خردة حاجة الحيطان مسخين والماعن اللي يخدمو يهم الماكلة مصددين نورمالمو كاين ليكونترول مي بلادنا كول وبرك وما يهمكش
نقولك مرة يمى خدمت فمطعم ما قدرتش تقولو جيب الماعن ما نقدرش انا نقي البطاطا بمشينة حضرت للثورة رافدة وسح الدنيا قالها لالا هذا اللي عندي انت خدمي برك نقولك البطاطا يخولها فالما قاتلي يمى تزراق ويشللها ويقليها للناس اللحم لما يرجعوه من طباسة وما يكالوش الناس يلموه ويرجعو يشووه من فوق ويعاودو يحطوه لاخرين تشوفي العجب حتى بطلت مناك لانو قالت ضميري ما نقدرش العفن انا مناك نكره ماكلة المطاعم وكاين ماشاء الله كاين مطعم بحكم سفرنا من طريق هذيك فعين وسارة الكوزينة مفتوحة على الناس الداخل تشوفيهم لما يطيو ذوك الماعن يبرقو بريق يشعلو والكوزينة النظافة تقتل وهوما لسيرفور والله تقولي رايح للعرس نظافة ويديه داير قفازات والله ديما ناكلو كل كا نسافرو عندهم على جال نظافتهم روعة
ايه صج عنوانك شعال معافن مطاعم بلادي اقصد شعال نظاف ههه
شكرا

السلام مريومة والله يااختي جاتني عقدة من المطاعم سبحان الله كي ندخل نشم ريحة القروصة ياك كاين الجافيل والماء والنظافة من الايمان المهم الله يهديهم وكي نشوفو حاجة عوجة ناخدو موقف ومانكلوش فيهم الصحة غالية بزاف

 

[Oussama.GF]

رد: شحال نظيفة مطاعم بلادي

راني اكيفك خويا ماكلة تاع برة نعيفها
خاطرش مطاعم ومائدة لي راح تاكل عليها تلقها مسخة
ربي يعافينا ويسترنا

 

[شمس الاصيل2]

رد: شحال نظيفة مطاعم بلادي

راني اكيفك خويا ماكلة تاع برة نعيفها
خاطرش مطاعم ومائدة لي راح تاكل عليها تلقها مسخة
ربي يعافينا ويسترنا

سلام عندك الحق حتى> الطرف لي يمسحو بيه زعمة الطابلة حشاك النشاف خير منو

 

[خفيفة الروح]

رد: شحال نظيفة مطاعم بلادي

جامي ناكل برى باسكو منحبش لخلاط تاعهم نحب غير ماكلت الدار