الراجل ذيب والمراة خروفة ...

[Mr Brahim]

رد: الراجل ذيب والمراة خروفة ...

شفت يا سي حكيم راني قتلك
الحصول راح تخرج بحاجة لا ثاني لها و هي انهن معا تحت شعار عنزة ولو طارت اذن راك تحرق في دمك باطل
​

 

["viola"]

رد: الراجل ذيب والمراة خروفة ...

السلام عليكم ...

هاو مزلت تكلاشي فالقوارير ..علاه عليك احكيم ههه

المهم ..اولتها شكرا على الترحيب ربي يخليك خويا ..

ثانيتها ..نقولك كاين صوالح راني معاك فيهم و كاين لالا ..

أنا راني معاك انو كاين لي هبل و كاين لي بطل يتزوج كي ماداش لي حبها و كاين و كاين ..

بصح شكون لي قالك بلي ماكاش لي قال المراة راهي فيها و فيها ...بالعكس انا اكثر ما نسمع انها هي لي لازم تحذر منها ..هاذا يقلك راهم يسحرو ..و هذا لي يقلك تجيب بيك الوقت ..

اصلا انا نشوفها هي المتهم الاكبر ..والا كان صح هو اللي يحذرو منو بزاف ..ها كي نجو للصح نلقاوها هي الخاسرة من قاع الجوانب ..لا من ناحية شبابها ..لا من ناحية صورتها في المجتمع ..هذا لا ملحقتش لشرفها ..

اما بالنسبة ليا الغلطة لا جات تجي من عندهم في زوج ..هو ذيب و هي ثعلوبة ههه برك الثمن هي تدفع الضعف ..و مانعرف

سلامي ..و مرسي على السوجي

​

 

[zohor kfz]

رد: الراجل ذيب والمراة خروفة ...

chof khay 7akim
elmar2a ida 3awlat 3la kach wa7ad tjarjro wallah w ya7sab ro7o manich3arfa assam ila jarjrato bassa7 7na ka moslimat rabi 7Aram 3lina had elchi w kima 9alo nas zman ida 7alfo fik elrjal bat na3sa w ida 7alfo fik elnssa bat 3assa
w 7aja li y7Adro manha elbant marjal ano elbant ida 7abat kach wa7ad tro7 fiha ya3ni law kan yatlab ro7a tmadhalo jarabha man okhtak 9asda f kach 7aja wallahi tmadlak li t7ob

 

[rycerz]

رد: الراجل ذيب والمراة خروفة ...

إهلا أهل اللمّة جميعا و لنكن إخوانا جميعا إناثا و ذكورا .. و لنناقش القضية بموضوعية
----
سؤال في هذا السياق .. من هو الجنس الذي تنطبق عليه أكثر هذه الصورة .. هل هم الإناث أم الذكور ؟؟؟

​

 

[فيتامين سي]

رد: الراجل ذيب والمراة خروفة ...

موضوع عجبني بزاف سيرتو كيفيه الحيوانات ههههههه (متزعفوش :p (
رجل مرا ذيب ذيبة قرد ارنب دجاجة المهم حيوان
انا رايي وحده و دايما نقول نتمنى حتى واحد او وحدة يزعفو منه لانه رايي انا و كل شخص و طريقة تفكيره
كبنت هدي اللحظة نخاف من مكر الذيبات او الارنوبات احسن باسكو الكائن هذا (المراة و منعموش باش منتخلطش معاهم ) ) ) تحط موضوع في راسها و اسباب غير حقيقة و تامنها و تبدا تحارب على جال حاجة مجهولة كما حنا واحد العباد كي يبانو نعرفو بلي الحرباية ناضت ...مرات نشوف بزاف ذكور باسكو معندهمش علاقة مع الرجلة كما المعيز كما تحب تمشيه للخطأ للحرام
بعد منقول مجتمعنا كيف كيف من منطق القبر للجنسين و الجنة كيف كيف و حتى النار مي لحد الان شفت 5 % ذكور درونا و 100000000% نسا ...تبا لنسا كيفهم ...معرفتش معادلة المجتمع على اي اساس تتمشى مي حنا مجتمعنا الغلطة تحصل في المرا و الحقرة تلصق في الراجل و بعدها يقولك نحرو فلسطين و هو افكاره محررهاش
الكدب ميجيش ادا مكانش المرا فتحت باب لقبول الكدب .... نقولك لي يحكو هكدا يكونو خادمينها كحلة والله جامي شفت ماما حدرت ختي نهار خطبت او تزوجت بالعكس تعلمها تكون ذكية و فطنة و تعيش حياتها بلا مشاكل مي لي خاربينها في دنيا يخافو لي داروه يرجعلهم ..عارفين بلي دنيا دوارة نهار عندك و نهار عند جارك ..مثلا نعرف وحدةحبت تفرق بين ززج متزوجين وهي حياتها عياشة في رعب قلق ادا رتجلها يسمح فيها باسكو حاجة في عقلها متاكدة منها ميهمش ياك دنيا دور بفففف شحال وليت نهدر ...نرجع قلت نهار يتخلى يولو يقولولها هذي الجملة ايه ادا كان غير صديقها و هنا نقول المرا حمارة او ارنوبة و مام دجاجة المهم حبوان مشات في طريق ربي حرمها عليها و راجل كيف كيف ...مي لما تكون حلال امر يختلف نشوفو الاسباب و ممكن اي شخص غلط و مرات ماشي هما شخص متدخل متحصيش المهم كي الراجل كي المرا كاين و كاين و من درك نقوللكم كاين بابا و خاوتي و زوجي المستقبلي لي راه قيد البحث و فئة قليلة لي نتيقهم الباقي حتى و ماشي ديوبة وكاين ماما و خواتاتي و بنات ختي و بعض صديقاتي و الباقي افاعي متحركة ب 10 ريسان من واقع لي راني فيه منتيق حتى في واحد كامل كيف كيف كما قلت ولاو حيوانات هههههه هذا يكفي يبين با دو عقل و كما جداتي ربي يحفضها و يبعد علها شيطان الانس لي يوسوسلها تقولي عسي روحك من الزنقة ناس مترحمش مقالتش ذكر ام انثى عارفة بلي كيف كيف ..و نقول ذكر باسكو شخص عنده رجولة ميكونش كما ذيب و مرا تاني....تفكرت صح فاتت عليا ايستواغ هكدا منكترت حبها و هي متزوجاتهش مرض و ولى كما مهبول و هي نورمال ههههه ...بلاك مرا تنسا بلخف منعرف ...ولا بسباب الاهل ولا ولا ولا ممكن ...قيد البحث عن الجواب

 

[فيتامين سي]

رد: الراجل ذيب والمراة خروفة ...

إهلا أهل اللمّة جميعا و لنكن إخوانا جميعا إناثا و ذكورا .. و لنناقش القضية بموضوعية
----
سؤال في هذا السياق .. من هو الجنس الذي تنطبق عليه أكثر هذه الصورة .. هل هم الإناث أم الذكور ؟؟؟

​

الاناث

 

[rycerz]

رد: الراجل ذيب والمراة خروفة ...

الاناث

:d

---
الواقع كيما راني نشوف :

بكري كان قليل وين الراجل و المرا يتحيلو و يتشطنو باش يشوفو بعضاهم من بعيد و على الأكثر يحدث تبادل رسائل و في النهاية الغالب أنو يخطبها و يتزوّجها لأنو هاذاك هو الهدف نتاعو من الأول ...... أمّا في أيامنا راهي كوارث الشاب و الشابّة تلقاهم معا بعض و في نفس الوقت هو مدايرها في راسو باساجي و هي كيف كيف مدايراتو تجربة تنوي تنتقل لغيرو من بعدو و رايح ورايح كي هو كي هي فكرة الصفا و الزواج ماكاش في روسهم نهائي .. حتّى وين ييتحرقو يبداو ينصبو بلا مشاعر حقيقية (لإنهم استهلكوا طاقتهم العاطفية في العلاقات العبثية المتكررّة) ... هذا في الكثيرين و الكثيرات خاصّة كي كونو صغار شوية و ليس الجميع.
----

لكن على الهامش و خارج موضوع العلاقات العاطفية ، يعني نقصد بشكل أشمل أي بخصوص العلاقات الإنسانية و التعامل الإجتماعي عموما .. أنا شخصيا ما نامن حتى مخلوق لا نسا و لا رجال .. غير ليحكم عليك يعضك عضّة حتّى يفلعصلك لعظم .. عندي الكل زي بعضاهم
و لكن بصفتي ذكر ففي ميدان العمل و التعاملات المهنية لاحظت أن عامل المنافسة من شأنه أن يدفع بعض الذكور لغدر بعضهم البعض و الطعن في الظهر.
و ذلك نفس الشيء لاحظته بين الإناث فالحرب قائمة بينهن و لكن في الغالب لأمور تافهة و مضحكة.




​

 

[فيتامين سي]

رد: الراجل ذيب والمراة خروفة ...

ذكر انثى .....من استنتاجاتي يديرو اي حاجة باش يوصلو للهدف ميهمهمش ضرر لاي شخص ....شفت عباد يقرصوك و يشربو دمك و يضحكو في وجه كما قلت تقة =00 باسكو العباد محاوها ولينا في غابة الارانب

 

[Mr Brahim]

رد: الراجل ذيب والمراة خروفة ...

حَدَّثَنَا عَبْدُ اللَّهِ بْنُ الْحُسَيْنِ بْنِ أَيُّوبَ الْبِيلِيُّ ضَيْعَةً بِالرَّيِّ الرَّازِيُّ ، حَدَّثَنَا أَبُو غَسَّانَ ، حَدَّثَنَا مِهْرَانُ ، عَنْ سُفْيَانَ ، عَنْ سُلَيْمَانَ ، عَنْ أَبِي عُثْمَانَ النَّهْدِيِّ ، عَنْ أُسَامَةَ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " مَا تَرَكْتُ بَعْدِي فِتْنَةً أَضَرَّ عَلَى الرِّجَالِ مِنَ النِّسَاءِ "
و لا اعتقد ان هناك من سيخالفني ان قلت ان جل - الا من رحم ربي طبعا - النساء يتفنن في الفتنة بشكل لا يوصف و بلغ مستوى خطير
و لا تنسين يا فضليات ان الرسول صلى الله عليه و سلم قال (اطَّلَعْتُ فِي الْجَنَّةِ فَرَأَيْتُ أَكْثَرَ أَهْلِهَا الْفُقَرَاءَ وَاطَّلَعْتُ فِي النَّارِ فَرَأَيْتُ أَكْثَرَ أَهْلِهَا النِّسَاء)َ . رواه البخاري 3241 ومسلم 2737 .​

 

[rycerz]

رد: الراجل ذيب والمراة خروفة ...

...... و لا اعتقد ان هناك من سيخالفني ان قلت ان جل - الا من رحم ربي طبعا - النساء يتفنن في الفتنة بشكل لا يوصف و بلغ مستوى خطير ....

لكن أيضا يجب لفت الإنتباه إلى أن حال المرأة اليوم ما هو إلا نتاج سياسة الرجل فيها ... إن الذي سمّم عقل المرأة بالمسلسلات الإباحية و بتحريف الأفكار و الذي زجّ بها في وضع إجتماعي و إقتصادي و مهني كارثي هو الرجل بسياسته الصهيوماسونية .. هذا نتاج خيانة أشباه الرجال لأمّتنا و على أعلى المستويات .. الأمر واضح نحن ندفع ثمن إهمالنا و إفسادنا لبناتنا و نساءنا بسياسة مبرمجة و مخطط لها و مطبّقة بإصرار و سبق ترصّد (منذ الإستقلال) .. هذا على مستوى سياسة الدولة
و على مستوى المجتمع فحدّث و لا حرج .. فالمعروف أن من طبيعة و ذهنية النساء أنهن يملن إلى ما يحبّه الرجال و مع غياب الوازع الديني فإنّ ميولهن يصبح منحرفا بشكل كارثي و ذلك تبعا لما ذهب إليه الرجال من إنحراف كارثي في رغباتهم المشينة طبعا أيضا بسبب غياب الوازع الديني .. كمثال تجد الذكور يظهرون إعجابهم و إنبهارهم و إبتهاجهم بالفتاة السافرة التي تلبس اللباس الفاضح الضيق مبرزة مفاتنها بشكل يتنافى و الأخلاق و الفطرة و بما أن الفتيات (في وضعهن المنحرف) يحبن نظرات الإعجاب و المغازلة و الإطراء فإنهن يفعلن ما بإمكانهن للحصول على ذلك و لجلب الإنتباه ... لو كان الرجال يغضّون أبصارهم و لا يلقون إنتباها للفتاة الفاضحة حتما سوف تتخلّى هي عن ذلك الأسلوب ... هذا كمثال من كثير ..
لكن بالمقابل أيضا أصبحت الفتيات مسترسلات في ميدان الإغواء بشكل مهووس .. و هذا الأمر يتطلّب العلاج (لكن لا أحد يهتم لا السلطة و لا الفرد)
....
في آخر المطاف أنا لديّ فكرة أأمن بها جيّدا و هي : إذا كان لا نساء حقيقيات فأعلم أنه لا رجال حقيقيين
هذه هي الحقيقة ..
​

​

 

[الامين محمد]

رد: الراجل ذيب والمراة خروفة ...

السلام عليكم
ياسيدي مريم تقاتل في الحلبة موحدها ضد 3 ثلاث ذئاب خخخخ اقصد ثلاث رجال
معليه ختي كلامك على العين والراس لكن كيما قال خويا احمد المشكلة في الامثال التي تضرب
والشعارات التي ينادى بها في كل محفل يالبنات الرجال صعاب
لكن مستحيل وبالاحصائيات يكون الراجل واعر على المراة او يشكل تهديد لها بالعكس راهي خالية في صنف النسااء
لكن دائما يحذر من الرجل وما نعرف علاه المهل زبدة الموضوع لحق ليها خويا امين وعرف يعبر عليها خير مني
شكرا ليك مريم على هذا الموضوع خخخ اقصد الرد الموضوعي :p
ربي يهنيك ​

هههههههههههههههههه
ربي يهديك حبيب قلبي حكيييم
و الله ضحكتني

 

[الامين محمد]

رد: الراجل ذيب والمراة خروفة ...

انا اوافق أخي زباانة
فالمرأة لما تتحول الى ذيبة رايح تكون قنبلة نووية
و ستعادل ألف راجل ذيب خصوصا نساء هذا العصر ما همش نية
باش شهفها راجل و يستعطفها
كثير من النسا فاهمة واش تعمل و فاهمة واش راه يفكر الراجل
و فاهمة واش رايح يفكر الراجل بعد عشر سنين

باختصار زمن انه الراجل يهف مرا اعتقد قد ولى
خصوصا لما اصبح الرجل مجرد ذكر و اصبح يفكر بالغريزة و بالقلب و ليس العقل

بمعنى اننا الخلل سببه الرجل و استثمرته المرأة بعاطفتها فأخطأت لتجعل الرجل يتورط اكثر
اي المسألة شبيهة بالبيضة و الدجاجة و من جاء اولا​

 

[Mr Brahim]

رد: الراجل ذيب والمراة خروفة ...

لكن أيضا يجب لفت الإنتباه إلى أن حال المرأة اليوم ما هو إلا نتاج سياسة الرجل فيها ... إن الذي سمّم عقل المرأة بالمسلسلات الإباحية و بتحريف الأفكار و الذي زجّ بها في وضع إجتماعي و إقتصادي و مهني كارثي هو الرجل بسياسته الصهيوماسونية .. هذا نتاج خيانة أشباه الرجال لأمّتنا و على أعلى المستويات .. الأمر واضح نحن ندفع ثمن إهمالنا و إفسادنا لبناتنا و نساءنا بسياسة مبرمجة و مخطط لها و مطبّقة بإصرار و سبق ترصّد (منذ الإستقلال) .. هذا على مستوى سياسة الدولة
و على مستوى المجتمع فحدّث و لا حرج .. فالمعروف أن من طبيعة و ذهنية النساء أنهن يملن إلى ما يحبّه الرجال و مع غياب الوازع الديني فإنّ ميولهن يصبح منحرفا بشكل كارثي و ذلك تبعا لما ذهب إليه الرجال من إنحراف كارثي في رغباتهم المشينة طبعا أيضا بسبب غياب الوازع الديني .. كمثال تجد الذكور يظهرون إعجابهم و إنبهارهم و إبتهاجهم بالفتاة السافرة التي تلبس اللباس الفاضح الضيق مبرزة مفاتنها بشكل يتنافى و الأخلاق و الفطرة و بما أن الفتيات (في وضعهن المنحرف) يحبن نظرات الإعجاب و المغازلة و الإطراء فإنهن يفعلن ما بإمكانهن للحصول على ذلك و لجلب الإنتباه ... لو كان الرجال يغضّون أبصارهم و لا يلقون إنتباها للفتاة الفاضحة حتما سوف تتخلّى هي عن ذلك الأسلوب ... هذا كمثال من كثير ..
لكن بالمقابل أيضا أصبحت الفتيات مسترسلات في ميدان الإغواء بشكل مهووس .. و هذا الأمر يتطلّب العلاج (لكن لا أحد يهتم لا السلطة و لا الفرد)
....
في آخر المطاف أنا لديّ فكرة أأمن بها جيّدا و هي : إذا كان لا نساء حقيقيات فأعلم أنه لا رجال حقيقيين
هذه هي الحقيقة ..
​

​

بارك الله فيك
مداخلة قيمة و لو انك اخذت القضية من بعدها الشامل و هنا سنضطر الى جر الجميع وصولا الى الحرب على الاسلام بينما في الموضوع نناقش البعد القريب و هو المجتمع المحلي على كل الحال لا يمكن فصل هذا عن ذاك بشكل قطعي . . كما قلت اصل المشكل هو الحرب على الدين التي جاءت بعدة اشكال و اخذت ابعاد في غاية الخطور و هنا احمل كامل المسؤولية لرجال الدين دون غيرهم لانهم وهنوا و استكانوا و غاب الدور الحقيقي للمساجد حيث صار تعيش فتن كبرى . . . الخ لذلك نسأل الله السلامة في الدين و الثبات على الحق​

 

[Mr Brahim]

رد: الراجل ذيب والمراة خروفة ...

انا اوافق أخي زباانة
فالمرأة لما تتحول الى ذيبة رايح تكون قنبلة نووية
و ستعادل ألف راجل ذيب خصوصا نساء هذا العصر ما همش نية
باش شهفها راجل و يستعطفها
كثير من النسا فاهمة واش تعمل و فاهمة واش راه يفكر الراجل
و فاهمة واش رايح يفكر الراجل بعد عشر سنين

باختصار زمن انه الراجل يهف مرا اعتقد قد ولى
خصوصا لما اصبح الرجل مجرد ذكر و اصبح يفكر بالغريزة و بالقلب و ليس العقل

بمعنى اننا الخلل سببه الرجل و استثمرته المرأة بعاطفتها فأخطأت لتجعل الرجل يتورط اكثر
اي المسألة شبيهة بالبيضة و الدجاجة و من جاء اولا​

مع الاسف اخي العزيز نحن في زمن اشتدت فيه الفتن و سقطت القوامة عن الرجال و مات الحياء عند النساء الا من رحم الله . . و اقولها عن يقين و لا أؤمن بحل أخر غيره انه الرجوع الى الله و الاستمساك بالاسلام بكل ما اوتينا من قوة و ستختفي هذه الكوارث و الافات و لكن الامر لله من قبل و من بعد و هو يسير الامر كيف شاء فعلى كل واحد منا ان يجتهدا لاصلاح نقسه اولا ثم اهله ثم من حوله و الله الموفق و المستعان​

 

[rycerz]

رد: الراجل ذيب والمراة خروفة ...

بارك الله فيك
مداخلة قيمة و لو انك اخذت القضية من بعدها الشامل و هنا سنضطر الى جر الجميع وصولا الى الحرب على الاسلام بينما في الموضوع نناقش البعد القريب و هو المجتمع المحلي على كل الحال لا يمكن فصل هذا عن ذاك بشكل قطعي . . كما قلت اصل المشكل هو الحرب على الدين التي جاءت بعدة اشكال و اخذت ابعاد في غاية الخطور و هنا احمل كامل المسؤولية لرجال الدين دون غيرهم لانهم وهنوا و استكانوا و غاب الدور الحقيقي للمساجد حيث صار تعيش فتن كبرى . . . الخ لذلك نسأل الله السلامة في الدين و الثبات على الحق

نعم معك حق يا أخ أنا توغّلت في الموضوع إلى منشأ الكارثة

بخصوص الفكرة التي حصرها الأخ حكيم فأنت معك حق هنا ، و بهذا الخصوص و حسب ما لاحظت فإن التفنن في التلاعب و الإستهتار و الخداع أصبح اليوم من إختصاص الفتيات أكثر و كأن الأمر من ناحية ما متعلّق بإنتقامهن من الجنس الآخر أو إثبات للذات بإنهن قادرات بسهولة على اللعب بالذكور و اللعب عليهم و استغباءهم و إنزالهم إلى أحطّ المستويات (دون أن ننسى أن في جانب الذكور هناك من يفكرّ و يتصرّف بنفس الطريقة إلا أن الإستهتار يبدو أنه أكثر في جانب البنات)

و في آخر المطاف هناك الكثير من الضحايا في الطرفين لكن هؤلاء الضحايا سيتحوّلون في معظمهم إلى منتقمين و مستهترين هم أيضا بدورهم.



​

 

[Hakan]

رد: الراجل ذيب والمراة خروفة ...

واو خلعتوني نورمالمون نعطي بطاقات صفراء لكل من الاخ ابراهيم والاه ريكرز لانو هدرو بالعربية الفصحة خخخ ياك رانا في منتدى واش راك تهدر المهم البطاقة الصفراء الجاية تخرجكم من الصطاد نورمال
صحيح كي نرجع للموضوع ما تقولوليش المراة ما تعرف والو وبريئة ولازم الرجال يغضو ابصارهم ياك الله يبارك الطفلة الاخيرة في دزاير عندها مستوى جامعي وتعرف تقرى وماجور دوبرومو مي لاحياة لمن تنادي تلقاهم يتحجو بالقرايا ويجي يقولك واحد او وحدة الله غالب ما يفهموش ياو يفهمو ولابااس عليهم بكري كيماكانوش يقراو قلنا ماعليه الراجل قاري ويقدر يهف مي ضركا البنات راهم يقراو وراهم كبار بحيث عندهم القدرة باش يفرقو انو لبس الحجاب فرض ماشي اقتناع ومن هنا كي تجي تشوف في الواقع تلقاهم حدث ولا حرج اذن المنطق يقول ان التفكير الذئباوي فطري عند المراة خخخخ ومكتسب عند الرجل لكن الحاجة اللي فاتت فيها المراة الرجل انو المراة تكيد لكلا الجنسين رجال ونساء مي الرجال ما يخمش الا في الراجل لانو عيب يحط راسو مع امراة
المهم خاوتي الموضوع فقط لنقاش ظااهرة معينة ومحدودة هي متفرعة من جوانب كثيرة لكن انا حبيت نحكي في جانب وااحد ربي يهنيكم كاامل
وشكرا للاخوات هبا وفيولا ومريم وزهور على ردودهن ماعنديش لوقت باش نرد اذا حسيتو اني ممكن ظلمت الجنس النسوي في شيء من الشياء راني هنا ولكم الحق في العتاب والنقاش مازال مستمر ان كان عندكم جديد سلام ..​

 

[Mr Brahim]

رد: الراجل ذيب والمراة خروفة ...

واو خلعتوني نورمالمون نعطي بطاقات صفراء لكل من الاخ ابراهيم والاه ريكرز لانو هدرو بالعربية الفصحة خخخ ياك رانا في منتدى واش راك تهدر المهم البطاقة الصفراء الجاية تخرجكم من الصطاد نورمال
صحيح كي نرجع للموضوع ما تقولوليش المراة ما تعرف والو وبريئة ولازم الرجال يغضو ابصارهم ياك الله يبارك الطفلة الاخيرة في دزاير عندها مستوى جامعي وتعرف تقرى وماجور دوبرومو مي لاحياة لمن تنادي تلقاهم يتحجو بالقرايا ويجي يقولك واحد او وحدة الله غالب ما يفهموش ياو يفهمو ولابااس عليهم بكري كيماكانوش يقراو قلنا ماعليه الراجل قاري ويقدر يهف مي ضركا البنات راهم يقراو وراهم كبار بحيث عندهم القدرة باش يفرقو انو لبس الحجاب فرض ماشي اقتناع ومن هنا كي تجي تشوف في الواقع تلقاهم حدث ولا حرج اذن المنطق يقول ان التفكير الذئباوي فطري عند المراة خخخخ ومكتسب عند الرجل لكن الحاجة اللي فاتت فيها المراة الرجل انو المراة تكيد لكلا الجنسين رجال ونساء مي الرجال ما يخمش الا في الراجل لانو عيب يحط راسو مع امراة
المهم خاوتي الموضوع فقط لنقاش ظااهرة معينة ومحدودة هي متفرعة من جوانب كثيرة لكن انا حبيت نحكي في جانب وااحد ربي يهنيكم كاامل
وشكرا للاخوات هبا وفيولا ومريم وزهور على ردودهن ماعنديش لوقت باش نرد اذا حسيتو اني ممكن ظلمت الجنس النسوي في شيء من الشياء راني هنا ولكم الحق في العتاب والنقاش مازال مستمر ان كان عندكم جديد سلام ..​

اعتذر لكن اللهجة العامية لا تسعفني كثيرا في الشرح و التفصيل :p بالنسبة للبطاقات انا احب البطاقة الحمراء و من المرة الاولى :d
​

 

[فعل الخير غايتي]

رد: الراجل ذيب والمراة خروفة ...

السلام عليكم خويا
و الله منخبي على خويا
وشراك تحكي المرأة خروفة ؟؟؟
اوووووووو
نقولك حاجة في هادي راك تبلعط عيني عينك انا صح امراة بصح و الله العظيم قد ميكون الراجل ذيب كل متكون المراة ذيبة اكثر منو

لانو فهاد الوقت بالدات مبقاش كونفيونص في الجنس اللطيف
و هوما الهم الكبير
الراجل صح فيه ميكفيه لكن المراة تاني راهي تلعب دور مهم في الخبث
حاشا بنات الفاميلية
و ربي يهدينا اجمعين

 

[فيتامين سي]

رد: الراجل ذيب والمراة خروفة ...

باختصار لقيت اخر جواب عس روحك من الانثى باسكو ادا دارت منك تحرقك بيك بلي عندك تولي بح لايوجد :p مام تحسبها بهلولة و متردش مي تكون تخمم لبعيد متخممش لدرك فيها حسابات و الحياة خلاتنا نكونو وحوش مي نكونو بنيادم مع البنيادم و وحوش مع الارانب في عالم tinki winki

 

[Hakan]

رد: الراجل ذيب والمراة خروفة ...

باختصار لقيت اخر جواب عس روحك من الانثى باسكو ادا دارت منك تحرقك بيك بلي عندك تولي بح لايوجد :p مام تحسبها بهلولة و متردش مي تكون تخمم لبعيد متخممش لدرك فيها حسابات و الحياة خلاتنا نكونو وحوش مي نكونو بنيادم مع البنيادم و وحوش مع الارانب في عالم tinki winki

السلام عليكم اهلا هبا
ايه يااختي الحمد لله من ناحيتي كوني متهنيا ما كانش اللي يقدرلي في كلا الجنسين غير امي تبعث فيا بشماقها خخخخ نورمال
الواحد راهو عافية ما يخالط ما يحصل انا ما نعسش روحي لانو اصلا ماعنديش حااجة ممكن تخططلي على جالها الانثى
راكي عارفة الموارد المالية والموارد الفيزيولجية كالوسامة وغيرها اذن الحمد لله حشيشة طالبة معيشة
مي ما نعرف النساء هاذو ساعات ذئبات ساعات خروفات وعنزات قادرة تاكل الصاشي في بلاصة الحشيش خخ سلام..​