مشاركتي في فعاليات نقاش بنات حواء-السكن مع اهل الزوج-

[Ľă Mîšš HîBă]

رد: مشاركتي في فعاليات نقاش بنات حواء-السكن مع اهل الزوج-

والله يالبنات حطيتو يدكم ع الجرح

انا راح نسكن معاهم هما دارهم كبيره ومخلطه بزاف كيما يحكيلي هادي عمه ساكنه معاهم هاد عم
وانا الصراحه مش مولفه بلخلطه بزاف لانو عايلتنا صغيره وزيد بزياده عندو 3 خوات بنات ؟2 ولاد وهو لكبير تاع يماه الامر الناهي فدار هو لي يدي ويخدم ويجيب يعني كلش ماتقولوش عليا متشائمه مي علبالي مش راح نلقي روحي لانو هو عندو باه نخرجو ونسكنو وحدنا مي قالك حنا عادتنا وتقليدنا ,,,,,,,,,,,,,,,, لي عوده

 

[ام أمينة]

رد: مشاركتي في فعاليات نقاش بنات حواء-السكن مع اهل الزوج-

والله يالبنات حطيتو يدكم ع الجرح

انا راح نسكن معاهم هما دارهم كبيره ومخلطه بزاف كيما يحكيلي هادي عمه ساكنه معاهم هاد عم
وانا الصراحه مش مولفه بلخلطه بزاف لانو عايلتنا صغيره وزيد بزياده عندو 3 خوات بنات ؟2 ولاد وهو لكبير تاع يماه الامر الناهي فدار هو لي يدي ويخدم ويجيب يعني كلش ماتقولوش عليا متشائمه مي علبالي مش راح نلقي روحي لانو هو عندو باه نخرجو ونسكنو وحدنا مي قالك حنا عادتنا وتقليدنا ,,,,,,,,,,,,,,,, لي عوده

ربي يقدرك
​

 

[ام أمينة]

رد: مشاركتي في فعاليات نقاش بنات حواء-السكن مع اهل الزوج-

السلام عليكم
أنا من خلال تجربتي عشت مع أهل الزوج 11سنه ما نقولش بلي عشتهم كامل مهنيه مع لكنت عامله وأخوات زوجي كانو قاعدين في الدار صبرت حتى كره الصبر مني لقيت مشاكل ولقيت أشياء مليحة
صح كان كل شغل البيت كان عليا التكار الصباح العجين العشاء غير الفطور كان خاطني لأنه كان وقت العمل بالمقابل كنت كي نروح نخدم كنت نخلي بناتي عندهم كي يمرض يعاونوني فيهم
وهذي هي الحياة في وسط العائله
تصبري بنتي في خاطر الزوج لكي تعيشي مهنيه
نرجع نقول الصبر ويجي النهار لتدير الوحده دارها بدعوة الخير وضحك والناس راضيه
راني في داري 14سنه ويجوعندي في كل المناسبات يأكلوا ونصحك ونجمع وكل واحد يروح لداره
إذا عليكن بالصبر وطبقوا لانسمع لانرى لانتكلم

الحمد لله على هاد الساعة
المرأة لي تسكن مع اهل زجها لزملها الصبر و لازم المراة ما تشوفش غير الاشياء السلبية لازم تشوف تاني الاشيياء السلبية
ربي يهيك اختي
​

 

[ام أمينة]

رد: مشاركتي في فعاليات نقاش بنات حواء-السكن مع اهل الزوج-

السلام عليكم
أنا ماجيت نفيق بهاد الفعالية لقيتك ديجا درتي موضوع هههه
اصبرو شوي خليونا نلحقوكم ههه، موضوع مميز حبيبتي وبالرغم من أنو موضوع قديم
بصح عندو أهمية كبيرة ويبقى دائما متجدد، لأنو المرأة اول ما تتزوج تقولك أول سؤال وين نسكن؟
مع أهل الزوج ولا وحدي؟ درك مانقدرش نربط المشاكل بالسكن مع أهل الزوج
مثلا نسمعو عن المشاكل لي تصرا بين الكنة و أهل راجلها ونقولو دايما بلي بسبب سكنها معاهم
لكن هادا ماش شرط، ربما صح الاغلبية تاع المشاكل تكون من هاد الناحية، بصح ماش سبب واضح
أنا نعرف لي ساكنة مع دار راجلها وعايشة بالاك خير من لي كانت عايشتو مع دارهم
ربما تلقى بعض المشاكل وهادي شي طبيبعي خاطر دخلتي لمحيط يختلف عن المحيط لي كنتي ساكنتو
بصح من بعد لما تعرفي كيفاه تتعاملي ومع الصبر رايحة تتأقلمي طبعاً إذا كان كاين تجاوب من الطرف
الآخر لي هوما أهل الزوج، خاطر تاني ام كاين وحايد نتي بلعسل لفهمهم وهوما بالعود لعينيك ههه،
وعلى العكس كاينة زوجة لي عايشة بعيد على اهلا لزوج وساكنة وحدها وتلحقها المشاكل للدار
ويكرهولها حياتها حتى وهي بعيدة عليهم، يعني المشاكل ماش اساسها السكن مع اهل الزوج ولا بعيدة عليهم
الأهم هو شخصيتك وكيفاه تقدري تتقبلي حياتك الجديدة وتتحملي وتصبري، بالإضافة لعامل رئيسي وهو الزوج
خاطر لما يكون راجلك معاك مليح ومهنيك حتى ولو تعيشي معاه في قفص ينسيك بطيبتو ووقفتو كل مشاكل العالم
وكن يكون الزوج معوج حتى ولو ساكنة في بلاد بعيدة على والديه تعيشي في قهر
على هادي بالنسبة ليا كيف كيف، السكن مع أهل الزوج أو بعاد عليهم نفس الشي، المهم شوي صبر
وتحكم في الوضع من طرف العروسة
ان شاء الله نكون افدت ولو بالقليل، خاطر ماعندي حتى خبرة وراني نتكلم بشكل نظري برك ههههه
التطبيقي والواقعي ماعنديش ههه
وربي يهني كل عروسة ان شاء الله ويوفقها ويرزقها الذرية الصالحة
تحياتي :regards01:
​

الله يبارك راه عندك فكرة على الزواج و العيش مع اهل الزوج
ربي يرزقك بالزوج الصالح
بالتوفيق
​

 

[iman-dz4ever]

رد: مشاركتي في فعاليات نقاش بنات حواء-السكن مع اهل الزوج-

والله يالبنات حطيتو يدكم ع الجرح

انا راح نسكن معاهم هما دارهم كبيره ومخلطه بزاف كيما يحكيلي هادي عمه ساكنه معاهم هاد عم
وانا الصراحه مش مولفه بلخلطه بزاف لانو عايلتنا صغيره وزيد بزياده عندو 3 خوات بنات ؟2 ولاد وهو لكبير تاع يماه الامر الناهي فدار هو لي يدي ويخدم ويجيب يعني كلش ماتقولوش عليا متشائمه مي علبالي مش راح نلقي روحي لانو هو عندو باه نخرجو ونسكنو وحدنا مي قالك حنا عادتنا وتقليدنا ,,,,,,,,,,,,,,,, لي عوده

ربي يكون في عونك ختي
الاخوات و السلفات لا مفر منهم و المشاكل معاهم كاينة و تكون كيما اي عائلة
بالخصوص اذا كانت عجوزتك طيبة و عادلة معاكم و راجك في ظهرك:thumb_up02:
اما على حسب قولك انتي عمه ساكن معاهم و امه مع احترامي ليها قلتي الامر ناهي.....
ربي يكبر بالك و يسخرلك راجلك
ان شاء كاش وحدة من الاخوات تكون في نفس حالتك تقدر تفيدك

 

[ام أمينة]

رد: مشاركتي في فعاليات نقاش بنات حواء-السكن مع اهل الزوج-

السلام عليكم ورحمة الله تعالى و بركاته
الاستقلال في بيت منفرد هو أحسن الحل لتجنب الكثير من المسائل الشرعية و المشاكل و غيرها
السكن مع أهل الزوج يجلب المشاكل أكثر و أكثر و أسباب الطلاق المعروفة في مجتمعنا خُلقت بسبب اختيار العيش رفقة أهل الزوج في بيت واحد
المرأة تريد أن تكون مستقلة في كل شي تستمع ، تعيش لا تريد أن تعيش تحت المسمى الحدود إلا إذا كان الزوج لا يستطيع ان يستقل في بيت منفرد ربما لأسباب عدم توفير ذلك ، مرض الأولياء و غيرها
كنت مؤيدة لفكرة الزواج رفقة أهل الزوج لكن أعدت النظر جيدا و غيرت فكرتي الاستقلال في بيت رفقة زوجك أمر جيد عكس تماما العيش رفقة أهله
مشكورة على الموضوع

هي من الافضل الواحد يسكن من اليوم الاول وحدو مي كين لي يحب يتزوج و ما عندوش باش يوفر مسكن خاص
تتحتم باش يتشارك السكن مع اهلو
انا معك فيما قلتيه
ربي يجيب الخير
​

 

[لؤلؤة قسنطينة]

رد: مشاركتي في فعاليات نقاش بنات حواء-السكن مع اهل الزوج-

الله يبارك راه عندك فكرة على الزواج و العيش مع اهل الزوج
ربي يرزقك بالزوج الصالح
بالتوفيق
​

يبارك فيك اختي ^^
وربي يهني كل متزوجة ان شاء الله
وكيما قلتيها في احد ردودك ربما صح نسمعو بعلاقات متدهورة بين الكنة
والعجوزة ولا مع أهل الزوج على العموم بصح عندها ايجابيات
مثلا ساعات العروسة كي تجيب اول طفل رايحة تساعدها عجوزتها في تربية اطفالها
وكاين حتى والله عجوزة لي تربي الاولاد وتديهم يقراو وتجيبهم والأم اي تخدم ولا اي راقدة
وشفتهم بعيني والله، يعني كل واحد وزهرو كيفاه، والأهم كيما قلت في راجلك تربحيه ليك
هاداك هو الهنا، خاطر المشاكل اي تفوت مهما يطول الزمن
شكرا اختي على تعقيبك ربي يحفظك ويهنيك :regards01:
​

 

[iman-dz4ever]

رد: مشاركتي في فعاليات نقاش بنات حواء-السكن مع اهل الزوج-

فعلا كاين سلبيات و ايجابيات للسكن مع اهل الزوج
كيما اي حاجة في الدنيا عندها سالب و موجب
و كيما قلت من قبل كل عائلة وعقليتها و طبايعها مش كيف كيف سبحان الله بلاك تطيحي في عائلة مليحة
ولا يمكن يخلعوك الناس بكثرة الهدرة ان العجوزة واعرة و السلفات يكرهوهك و تروحي مرعوبة و تلقاي العكس
يا عرايس و الله غير مكتوبك مش راح تدي واذا ربي كاتبلك الشقاء و لا راحة البال ما بيدك حاجة
الا الدعاء له وحده.........
وثاني اتعاملي معاهم بطبيعتك في الاوقات الي تتطلب الشخصية الحقيقية و بحزم في الاوقات الي تتطلب منك ترسمي حدود معاهم
والاهم الي رانا نسيناه هو سعيد الحظ رااااااجلك
هو الي طاعتو وخدمتو واجب عليك و غيرو مش مهم:d
وانا نظن ان راجل اذا شافك تعاملي امه و باباه معاملة مليحة راح تكبر في عينو:regards02:
و تكسبي وقفتو معاك في اي مشكل مع اي شخص في العائلة ماعدا امه طبعا عمري لا سمعت راجل جا مع مرتو ضد امه
وربي يفرج على كل وحدة وتتهنا بحياتها الزوجية :love01:

 

[بنقابي افتخر]

رد: مشاركتي في فعاليات نقاش بنات حواء-السكن مع اهل الزوج-

انا مانسيبورتيش الدار مع العايله ابدا
يعني الخدمه والتهنبير والغير امير
والله الحقرة تشوفيعا عيناني بغى مريضه ولا صحيحه
اخدمي واسكتي ولا نطقتي ماتسويش
العيشه مع اهل الزوج دمار
نروح نحارب داعش وما ونخدمهش على الاقل داعش يخرجوها طاي طاي خخخخخخ ماشي من تحت لتحت خخخخخخ
ما تصيبي راحتك لفي صحتك لا في لبستك لا في راحة البال ولا محمود لا مشكور
الله يهدي ما خلق كل الامهات في يديهم الحل ولا يولدو ويربو وكي تجي الكنه تكمل عليها ولا واش ما فهمت انا هاد العقليه ....

 

[iman-dz4ever]

رد: مشاركتي في فعاليات نقاش بنات حواء-السكن مع اهل الزوج-

انا مانسيبورتيش الدار مع العايله ابدا
يعني الخدمه والتهنبير والغير امير
والله الحقرة تشوفيعا عيناني بغى مريضه ولا صحيحه
اخدمي واسكتي ولا نطقتي ماتسويش
العيشه مع اهل الزوج دمار
نروح نحارب داعش وما ونخدمهش على الاقل داعش يخرجوها طاي طاي خخخخخخ ماشي من تحت لتحت خخخخخخ
ما تصيبي راحتك لفي صحتك لا في لبستك لا في راحة البال ولا محمود لا مشكور
الله يهدي ما خلق كل الامهات في يديهم الحل ولا يولدو ويربو وكي تجي الكنه تكمل عليها ولا واش ما فهمت انا هاد العقليه ....

ههههه قتلتني بالضحك داعش ولا السكن مع اهل الراجل
هههه راكي خوفتيني هههههههههههه:d

 

[بنقابي افتخر]

رد: مشاركتي في فعاليات نقاش بنات حواء-السكن مع اهل الزوج-

هههه ماتخافيش انا قلت داعش ... قادر انتي تقولي الحشد الشعبي خهخخخخه
نقسر برك
الله يهني كل بنت ويناولها لي بالها

 

[iman-dz4ever]

رد: مشاركتي في فعاليات نقاش بنات حواء-السكن مع اهل الزوج-

هههه ماتخافيش انا قلت داعش ... قادر انتي تقولي الحشد الشعبي خهخخخخه
نقسر برك
الله يهني كل بنت ويناولها لي بالها

الخوف من ربي ختي
ربي يهنيك انتي ثاني بصح باينة عليك حاربتي معاهم ههههههههههه
نقسر معاك ثاني

 

[ام أمينة]

رد: مشاركتي في فعاليات نقاش بنات حواء-السكن مع اهل الزوج-

انا مانسيبورتيش الدار مع العايله ابدا
يعني الخدمه والتهنبير والغير امير
والله الحقرة تشوفيعا عيناني بغى مريضه ولا صحيحه
اخدمي واسكتي ولا نطقتي ماتسويش
العيشه مع اهل الزوج دمار
نروح نحارب داعش وما ونخدمهش على الاقل داعش يخرجوها طاي طاي خخخخخخ ماشي من تحت لتحت خخخخخخ
ما تصيبي راحتك لفي صحتك لا في لبستك لا في راحة البال ولا محمود لا مشكور
الله يهدي ما خلق كل الامهات في يديهم الحل ولا يولدو ويربو وكي تجي الكنه تكمل عليها ولا واش ما فهمت انا هاد العقليه ....

باين للبك راه معمر
الله يكون فالعون


​

 

[بنقابي افتخر]

رد: مشاركتي في فعاليات نقاش بنات حواء-السكن مع اهل الزوج-

باين للبك راه معمر
الله يكون فالعون


​

غير خليها واسكتي
الله المستعان برك

 

[Ľă Mîšš HîBă]

رد: مشاركتي في فعاليات نقاش بنات حواء-السكن مع اهل الزوج-

عوده ديفوا يقنعني برايو لي هو
أنو نسكنو معهم على الاقل عام...حتى ولوكان نكون قادر نسكن وحدي لانو
لازمها تسكن مع دارهم و تعاشرهم مدة...عيب من النهار الاول يجبدها عليهم و تولي متعرفهمش و تحشم منهم
لازمها تعيش معاهم وقت و تتعرف بيه و تعرف عوايدهم
و تهز من خاوتو لبنات و أمو طبايع راجلها وش يحب وش ميحبش
أمور كيما هك
ممبعد نستقلوا في بيت وحدنا

واش رايكم؟

 

[iman-dz4ever]

رد: مشاركتي في فعاليات نقاش بنات حواء-السكن مع اهل الزوج-

عوده ديفوا يقنعني برايو لي هو
أنو نسكنو معهم على الاقل عام...حتى ولوكان نكون قادر نسكن وحدي لانو
لازمها تسكن مع دارهم و تعاشرهم مدة...عيب من النهار الاول يجبدها عليهم و تولي متعرفهمش و تحشم منهم
لازمها تعيش معاهم وقت و تتعرف بيه و تعرف عوايدهم
و تهز من خاوتو لبنات و أمو طبايع راجلها وش يحب وش ميحبش
أمور كيما هك
ممبعد نستقلوا في بيت وحدنا

واش رايكم؟

معرفتش وانا نقرأ قلت ايه صح راي خطيبك منطقي
بصح رجعت شفت الوضع الي حكيتي عليه من الاول قلت مممم تبانلي صعيبة شوية:s
لكن الاكيد الي وصلني انو كاين امل تسكني وحدك والعام الاول للعروس راه يفوت بالخف ههه على حسب ما سمعت
و بالتجربة حاجة اخرى

 

[ام أمينة]

رد: مشاركتي في فعاليات نقاش بنات حواء-السكن مع اهل الزوج-

غير خليها واسكتي
الله المستعان برك

آمين
ربي معاك
​

 

[ام أمينة]

رد: مشاركتي في فعاليات نقاش بنات حواء-السكن مع اهل الزوج-

عوده ديفوا يقنعني برايو لي هو
أنو نسكنو معهم على الاقل عام...حتى ولوكان نكون قادر نسكن وحدي لانو
لازمها تسكن مع دارهم و تعاشرهم مدة...عيب من النهار الاول يجبدها عليهم و تولي متعرفهمش و تحشم منهم
لازمها تعيش معاهم وقت و تتعرف بيه و تعرف عوايدهم
و تهز من خاوتو لبنات و أمو طبايع راجلها وش يحب وش ميحبش
أمور كيما هك
ممبعد نستقلوا في بيت وحدنا

واش رايكم؟

الا عندك بيت وحدك من الاول اسكني وحدك
و طبايع زوجك و عادات اهله تعرفيهم كي تعيشي معاه و كي تزوريهم و الا ماكانش دار لازم صبي و ربي معاك
​

 

[Ľă Mîšš HîBă]

رد: مشاركتي في فعاليات نقاش بنات حواء-السكن مع اهل الزوج-

شفتي ايمان تغيبلك تاع الصح
ديفوا نقول عندو الحق وديفوا نقول لالا
ربي يجيب الخير وخلاص

 

[iman-dz4ever]

رد: مشاركتي في فعاليات نقاش بنات حواء-السكن مع اهل الزوج-

شفتي ايمان تغيبلك تاع الصح
ديفوا نقول عندو الحق وديفوا نقول لالا
ربي يجيب الخير وخلاص

ماتجي الوحدة تتزوج وتتهنا حتى يشيبو حوجبها......هههه
ربي يسرلك امرك ختي و تتهناي في حياتك امييييين وكل العرايس