إجتماع الخطّاب

[ليليا مرام]

رد: إجتماع الخطّاب

شكرا ام ياسمين ع الرد
شوفي بعض الامور لي تحيرني
التلفون معنديش فيه مشكل ..خرين يشوفو الهدرة فيه دخاصة وخرين يشوفوه مضيعة للوقت و نا نشوفو حاجة مليحة و تربط اكثر بين المخطوبين ..

ذرك كل واحد و النيفو تاعو ..اذا كانت الهدرة تاع سقاطة و تاع نيفو طايح اكيد رايح يكون التلفون مضرة ..
حنا نلومو ديما التكنلوجيا و سكايب و التلفون و البارابول .. والديفو في لعباد و عقلياتهم البيريمي
الهدرة مديورة باش تحل المشاكل ماشي تجيبها .. و اللي ما يعرفش يهدر هذيك حاجة خرى

ونقطه اخري كي يكون مثلا انا في ولاية و خطيبي في ولاية ..كيفاش راح نحكو في امورنا و علاقتنا ؟؟ يجي كل يوم ولا مرة في السمانة ؟ هي ما تجيش​

السلام عليكم اختي
بالنسبة لزيارتو لداركم وانا نصيحة نقولك انو الزيارة تكون وقت يكون سبب أو مناسبة هكذا احسن اختي نقولك انو الراجل ما تضمنيهش حتى تكوني فدارو نعرف بزاف كثر وزيارات لديارهم وخرجات ودخلات اولا كلام الناس ومن ثم هو يمل ويدي كل شي كلام وحب وغيرو قل الزواج فيمل ويبتعد وهنا تكون الطفلة حرقت روحها وشكون يديها من بعد هذي نصيحة ولو تتوحشيه مي معليش افضل:d:d:d

 

[ليليا مرام]

رد: إجتماع الخطّاب

السلام عليكم
آهلا مريم هذي غيبة إن شاء الله تكوني بخير
التلفون مرة مليح مرة لالا سيرتو لاستعملوه بزاف خطرات يجيب تكسار الراس برك

السلام عليكم اهلا وسهلا اختي
الله لا يغيبك شكرا لك نورني حضورك
التلفون مليح ومش مليح قادر يهدم علاقة كلها

 

[ليليا مرام]

رد: إجتماع الخطّاب

ايواه اختي المشكل في العقليات
كاين خطّاب عقليتهم تاع يهدرو في امور ماليها حتى معنى
وكيما قلتي كل واحد حسب مستواه
خطوبة ماش من نفس الولاية راني جرّبتها :thumb_up02:
اكيد كي تشوفيه مرة في الشهرين ولاكثر راكي مليحة
انا عن نفسي التيليفون كنت نستعملو مرة في الصباح
ومرات في لعشية
بصح منيش من الناس لي كنت نحب نسهر معاه لأني كنت خدامة وهو تاني خدام منقدروش للسهرة
يعني كل واحد وظروفو
ربي يهنيك اختي

اختي ام يسمين ضحكتيني والله مرة فالشهرين كي دوا الطبيب هههه
وكنت ما تسهروش ههههههه سوبر نعسانيين انا كنت مخطوبة لجاري نفتح الباب نشوفو والتاقة نطلع ننشر نطل عليه هههه:d:d:d عشاق التاقة شادية وعبد الحليم ولما ندابزو ندير فيه زكارة نقاردو بالحجر الصباح بكري فالتاقة بالجمعة باه ما نخليهش يرقد هههه
ربي يرحمو يا رب ويلاقيني بيه فجناتو

 

[ليليا مرام]

رد: إجتماع الخطّاب

السلام عليكم
ماشاء الله عليك اختي موضوع مميز
ومايستفادوش منو غير المخطوبين، يعني ماشاء الله حتى حنا
رانا نستفادو من خبرة الإخوة والأخوات
ان شاء الله يكون فيه تفاعل، ولي عودة ان شاء الله
تحياتي
​

السلام عليكم اختي اهلا وسهلا
ايه وانا درتو حتى نديرو ليزونتريمو انا سبق وجربت انت ما زال تعلمي:d:d:d:dربي يحفظك
انتظر عودتك لطرح فكرة ما
شكرا

 

[ليليا مرام]

رد: إجتماع الخطّاب

ههههه انا لحمد لله من ولايتي سما ديما مقابلني
.زعما نكثرو لهدره فليمات اللوله باش ماشي امبعد ماتقولش اتخدعت فيه و لا اتخدعت فيها و ماكنتش عارف العقلية الخ..و لكن في حدود ماشي 24/24 و تسماط الحالة

كاين حاجة اخرى ماهدرتوش عليها من وجهة نظري مانحبهاش (ولي هيا في خطيبي ومقلقتي منو) هي انو الخطيب يحب يعرف كل شيئ يخص خطيبتو بحجة الصراااحة صح الصراحة لازمة كل شيئ لازم يتبنى على الصراحة و لكن كاين امور/ مثلا مشاكل عائلية ماتخصوش الطفلة ماتحبش تهدر عليهم ( لسبب ما) و الطرف المقابل يحب يعرف كل صغيرة و كبيرة...هي صح رايح يكون زوج مستقبلي و يحب يعرف كل شي مي ماشي كل شي كل شي هههه
شكرا و السلام عليكم

اختي انا مع انو المرا تحتفظ خصوصياتها مش كل راجل متفهم لانو قادر غلطة صغيرة محال يسامحك عليها والراجل الله يبارك المحقق كونان يحب يعرف كل شي وهو حياتو كحلة ولما تسقسيه يقولك انا راجل ياخي حالة علاه الراجل معصوم انا نعرف المهبول معصوم :d:d:d
لازم تخبي امورك كاين امور واسمها صراحة وكاين امور مالازمش تتقال
موفقة

 

[ليليا مرام]

رد: إجتماع الخطّاب

موضوع قمة اخت مريم و في وقته:thumb_up02:
بالخصوص كاين بنات مخطوبات متلقاش الي يمدلها النصيحة و لا يغلطوها بنصائح مكنش منها و لا كي حالتي لااخت لا صاحبة وامك تحشمي منها:$
انا نتكلم عن روحي التلفون غلطة حياتي بصح الله غالب بعد ايييييييييييه طاحت الفأس في الراس
كنت مربوطة عند الشارجور طوووول اليوم بصح الحمد لله دعيت ربي و هناني منو وليت منحكيش معاه الا في الضرورة القصوى خاطر مليت انا و هو من الو صباح الخير واش كليت وين رحت وووووووو ونهار يطيح الباتري و لا مكنش الريزو تولي هاك:-o
ايا الحمد لله ربي تاب عليا و تفطمنا على التيلفون خليه يتوحشني ههههههه
واصلا دراهم التلفون خسارة نديروهم في بناء مستقبلنا خير ياك رانا متقشفين هههههه
منقدرش نفتي على البنات ونقووول متحكوش في التلفون مهما نكون مزال معنديش خبرة و مزال نتعلم
انا نحكي على تجربتي الشخصية خليتو يتدخل في ادق تفاصيل حياتي وليت نهار كامل موسوسة:s
بصح الف الحمد لله ضرك نرقد وقت مانحب و عايش في راحة باااااااااااال خليني نتمتع في دار بابا:up::regards02:
قبل لا نروح لقفص الذهبي:love01:

​

السلام عليكم اختي ايمان
اهلا وسهلا شفت يا لالة واش كنت ديري كي ما ضرباتكش تريسيتي قاع راكي مليحة وتتعوقي ويروح ويخليك :d:d:d
والله التلفون مليح ومش مليح مع اني نحب نحكي ولكن انا ندابز بزاف نعر ف روحي مقلقة يعني لو كتب ربي وكان خطيب يكفي مساج نحكي بيه ومرة فالنهار التلفون مليحة اما يفوت نهار يحكمي التوسويس وين راح وواش راه يدير وعلاه ما عيطش والله التلفون جابنا المشاكل لو كيما زمان يجي يشوف بالسريقة تحت البالكو:$:$:$:$:$
يامات هايلين
تمتعي فدار باباك ببعدو روحي تشتاقي صوتو فالتلفون:p:p:p
موفقة

 

[iman-dz4ever]

رد: إجتماع الخطّاب

ههههه والله يا مريومة كنت انا و دجاج التريسيتي كيف كيف الحمد لله
في انتظار نصائح الاخوات المتزوجات و مشاركة الاخ الامين محمد
​

 

[الامين محمد]

رد: إجتماع الخطّاب

شكرا اختي مريم
بخصوص الهاتف انا ضد استعمال الهاتف بطريقة مباشرة
رايح تسألوا كيف

احبتي الخطاب في كثير من الاحيان يصبحون يفكرون كمراهقيين
لدالك انا مع استعمال الهاتف بالطريقة الآتية
الخاطب يتكلم في هاتف الأم مثلا او أخيها
و الأم او الأخ يمرر له المخطوبة
ليعرفا أنهما تحت المراقبة هكدا يكون للامر ردع
لكي يتكلم الخاطب في الأمر الضروري و للضروورة القصوى
و ليس عبثا

لأننا ادا تركنا الأمر على مصرعيه رايح
الأحبة يتجاوزوا العرف و الحشمة
و ممكن يكون سبب للخلاف بعد الزواج بسبب كثرة الوعود​

 

[Ľă Mîšš HîBă]

رد: إجتماع الخطّاب

موضوع قمة اخت مريم و في وقته:thumb_up02:
بالخصوص كاين بنات مخطوبات متلقاش الي يمدلها النصيحة و لا يغلطوها بنصائح مكنش منها و لا كي حالتي لااخت لا صاحبة وامك تحشمي منها:$
انا نتكلم عن روحي التلفون غلطة حياتي بصح الله غالب بعد ايييييييييييه طاحت الفأس في الراس
كنت مربوطة عند الشارجور طوووول اليوم بصح الحمد لله دعيت ربي و هناني منو وليت منحكيش معاه الا في الضرورة القصوى خاطر مليت انا و هو من الو صباح الخير واش كليت وين رحت وووووووو ونهار يطيح الباتري و لا مكنش الريزو تولي هاك:-o
ايا الحمد لله ربي تاب عليا و تفطمنا على التيلفون خليه يتوحشني ههههههه
واصلا دراهم التلفون خسارة نديروهم في بناء مستقبلنا خير ياك رانا متقشفين هههههه
منقدرش نفتي على البنات ونقووول متحكوش في التلفون مهما نكون مزال معنديش خبرة و مزال نتعلم
انا نحكي على تجربتي الشخصية خليتو يتدخل في ادق تفاصيل حياتي وليت نهار كامل موسوسة:s
بصح الف الحمد لله ضرك نرقد وقت مانحب و عايش في راحة باااااااااااال خليني نتمتع في دار بابا:up::regards02:
قبل لا نروح لقفص الذهبي:love01:

​

هههههههه سما دوك راه متوحشك :love01::love01:

انا تاني كنت بكري نحكو قريب 4 سوايع خخخخ مي دوك نقصنا باسكو ولينا نداوسو بزاف هههه

وانا دوكا راني نخدم فلميموار تاعي وهو خدام سما مانقدروش نسهرو ساعه وتروح قاع فدواس

 

[iman-dz4ever]

رد: إجتماع الخطّاب

شكرا اختي مريم
بخصوص الهاتف انا ضد استعمال الهاتف بطريقة مباشرة
رايح تسألوا كيف

احبتي الخطاب في كثير من الاحيان يصبحون يفكرون كمراهقيين
لدالك انا مع استعمال الهاتف بالطريقة الآتية
الخاطب يتكلم في هاتف الأم مثلا او أخيها
و الأم او الأخ يمرر له المخطوبة
ليعرفا أنهما تحت المراقبة هكدا يكون للامر ردع
لكي يتكلم الخاطب في الأمر الضروري و للضروورة القصوى
و ليس عبثا

لأننا ادا تركنا الأمر على مصرعيه رايح
الأحبة يتجاوزوا العرف و الحشمة
و ممكن يكون سبب للخلاف بعد الزواج بسبب كثرة الوعود​

يعطيك الصحة خويا اقتراح قيم جدا
انا تمنيت لوكان درت هاك من الاول

 

[iman-dz4ever]

رد: إجتماع الخطّاب

شحال تمنيت لوكان جيت عايشة في وقت بكري نتاع العريس يشوف العروس غير نهار العرس ههههههههه
بصح الله غالب التيلفون سمط الحب من اهم صفات الحب الشوق و التيلفون نحالنا هذي الصفة علبالي حيرتكم بصح ندمانة على الوقت الي ضيعتو في التيلفون مكنش احسن من زواج المباشر للخطبة انا نحكي على روحي عندي من 2007 مخطوبة طاب جناني كرههههههههههههههههههههههههههههههههههههههههههههت

 

[ليليا مرام]

رد: إجتماع الخطّاب

السلام عليكم اختي ايمان
يا حوجي من 2007 علاه خاطبك خفرع يا حوجي قولو بزاف واشبيه خطيبك راحين تشيبو ايييييه عليها كرهت هذا وين فهمتك راكم حكيتو كل شي
يا ايمان ديري فرانات اختي وخلي تتوحشو بعضاكم مي قوليلو يا الله اديني او اسرقيه يا اختي من حقك راكم قدم فالميدان

 

[ليليا مرام]

رد: إجتماع الخطّاب

شكرا اختي مريم
بخصوص الهاتف انا ضد استعمال الهاتف بطريقة مباشرة
رايح تسألوا كيف

احبتي الخطاب في كثير من الاحيان يصبحون يفكرون كمراهقيين
لدالك انا مع استعمال الهاتف بالطريقة الآتية
الخاطب يتكلم في هاتف الأم مثلا او أخيها
و الأم او الأخ يمرر له المخطوبة
ليعرفا أنهما تحت المراقبة هكدا يكون للامر ردع
لكي يتكلم الخاطب في الأمر الضروري و للضروورة القصوى
و ليس عبثا

لأننا ادا تركنا الأمر على مصرعيه رايح
الأحبة يتجاوزوا العرف و الحشمة
و ممكن يكون سبب للخلاف بعد الزواج بسبب كثرة الوعود​

السلام عليكم اخي محمد
اهلا وسهلا والله الفتاة تراقب روحها صح الغلطة تبدا بكلمة وتجر وراها والقيود مفتوحة بحكم الخطبة والشيطان شاطر
من الاحين تفادي الامر من البداية والله بلا اهلهما الراجل يحكم فمو والمرا تعرف قدرها لوما هو ينطق محال هي تهدر
حاجة اخرى اخي بالنيسبة لنصيحتك اييييييه خويا امين راك عايش فالسعودية ياو خوها اول ما يعيطلو يجي للدار يشعل عليها بكف خاوتنا تبارك الله دايهم النيف هوما يخطبو يسكنو في دار نسابهم خوتاتهم يتخطبو كل شي ممنوع يكون راجلها ويا ربي مطرطق عينيه فيها ويعسها على اصغر تصرف
صح نظن يتصل بالوالد احسن هاكا الوالد راح يقدر تصرفو وانو قدر رجل العايلة اتنا مع اقتراحك اما خوها غير بعدو انا اختك
فعلا الهاتف راح يكون سبب لانو الراجل بعد الزواج راح يعايرها بكلامها معاه الله غالب هذا واقع
شكرا لك نورني ردك

 

[iman-dz4ever]

رد: إجتماع الخطّاب

السلام عليكم اختي ايمان
يا حوجي من 2007 علاه خاطبك خفرع يا حوجي قولو بزاف واشبيه خطيبك راحين تشيبو ايييييه عليها كرهت هذا وين فهمتك راكم حكيتو كل شي
يا ايمان ديري فرانات اختي وخلي تتوحشو بعضاكم مي قوليلو يا الله اديني او اسرقيه يا اختي من حقك راكم قدم فالميدان

:d:d:d:dهههههههههه يا مريومة قتلتيني بالضحك انا اول ماعرفت خفرع محبيتش ندير معاه علاقة و ريتو باب دارنا و هو دق الباب اول ثلاث سنين مكنش خدام كنا وقتها مزال في بدايات الحب و الهدرة في التيليفون و من بعدها التبهديل نتاع من خدمت لخدمة و لارمي وغير كيما استقر على حاجة وحدة و يا محاينك دايرلي الرعب كل من نحكيلو على الزواج يقولي ياك حكيتلك من الاول حتى نولي واجد من كلش حاجة ماتخصني وقتيلي راني صابرة معاك و اهلي يحبو اهله و معرفة كبيرة معانا محبوش يتدخلو حابينلي الحاجة المليييحة محبونيش نتزوج زواج التمرميد و بابا اصلا مش حابني نتزوج مزال يشوفني صغيرة ركم تعرفو الطفلة الوحيدة:love01::$
ان شاء الله منفوتش عام هذا:bravo01:
نضل نتمسخر بيه قتلو ملي تخطبنا فات علينا شحال من كأس عالم نتاع المانيا و جنوب افريقيا و البرازيل قالي حاب نشوف نتاع قطر في داري معاك قتلو يعني كأس العالم نتاع روسيا في دار بابا :-o:-o
نشكي بيه عند الفيفا و خلاص

 

[Ľă Mîšš HîBă]

رد: إجتماع الخطّاب

شحال تمنيت لوكان جيت عايشة في وقت بكري نتاع العريس يشوف العروس غير نهار العرس ههههههههه
بصح الله غالب التيلفون سمط الحب من اهم صفات الحب الشوق و التيلفون نحالنا هذي الصفة علبالي حيرتكم بصح ندمانة على الوقت الي ضيعتو في التيلفون مكنش احسن من زواج المباشر للخطبة انا نحكي على روحي عندي من 2007 مخطوبة طاب جناني كرههههههههههههههههههههههههههههههههههههههههههههت

هههههههههه صح والله ايمان بزاف عليك من 2007 ياااووو هرمتي من اجل هاتيه اللحضه التاريخيه

انا في نوفمبر خطبني ولعرس في نوفمبر الجاي وراني بديت نتقلق
​

 

[iman-dz4ever]

رد: إجتماع الخطّاب

هههههههههه صح والله ايمان بزاف عليك من 2007 ياااووو هرمتي من اجل هاتيه اللحضه التاريخيه

انا في نوفمبر خطبني ولعرس في نوفمبر الجاي وراني بديت نتقلق
​

والله يا هبة قرييييييب ما نكره من جد سي السيد راه خاطبني مولات16عام في ديسمبر2007
عامي نتاع البيام ومن يومها في الدار
وااااااااااااااع مليت
بصح الله غالب :love01::love01::love01:ومنعرفش غيرو اول مابديت نحل عيني على الدنيا كان قدامي غير هوا
تقول ساحرني يقولي حمرا حمرا بيضا بيضا نخاف منو
.....................

 

[Ľă Mîšš HîBă]

رد: إجتماع الخطّاب

والله يا هبة قرييييييب ما نكره من جد سي السيد راه خاطبني مولات16عام في ديسمبر2007
عامي نتاع البيام ومن يومها في الدار
وااااااااااااااع مليت
بصح الله غالب :love01::love01::love01:ومنعرفش غيرو اول مابديت نحل عيني على الدنيا كان قدامي غير هوا
تقول ساحرني يقولي حمرا حمرا بيضا بيضا نخاف منو
.....................

الله يبارك ربي يدوم محبتكم ويخليه ليك سند طووول لعمـــــر ان شالله

حبووبه وتستاهلي لخير وتدخلي للقلب في سع

 

[iman-dz4ever]

رد: إجتماع الخطّاب

الله يبارك ربي يدوم محبتكم ويخليه ليك سند طووول لعمـــــر ان شالله

حبووبه وتستاهلي لخير وتدخلي للقلب في سع

حتى نتي يا المهبولة تدخلي في الراس مش غير القلب:love01::love01:

 

[ليليا مرام]

رد: إجتماع الخطّاب

ايمان
انا نقولك شوفي لا فيفا لا والو يا محاينك راكم وحدكم ستاد كيفاه تشكي بيه هذا راه عشرة اكبر معمرين فالخطاب راكم وحدكم فالبلاد شكون كيما نتوما
ربي يسهلو مي ثوليلو بزاف لو انا منك شوفي اعطيلو الكارطا اصفرا هذا العام جانفي 2017 الحمرا والطرد ديركت قولو الشيب بدا ينوض
اهلك يحبو اهلو راكم عائلة حنان ياو حبيتو بعضاكم كامل حتى طولتو بزاف
مي معليش واش ديري الراجل هو يقرر لو جيت لينا نسا نديرو فسمانة
شوفي انا قلت ليمى يخطبوني بالخميس على 2 مع 2 وربع نروح معاهم ماكانش وقت راه قرب الساعة القيامة راح تنوض الحروب فكل بلاصة ما نستناش يا اختي هههه
ربي يوفقكم ويجمعك مع خفرع هههه عاجل يا رب

 

[iman-dz4ever]

رد: إجتماع الخطّاب

ايمان
انا نقولك شوفي لا فيفا لا والو يا محاينك راكم وحدكم ستاد كيفاه تشكي بيه هذا راه عشرة اكبر معمرين فالخطاب راكم وحدكم فالبلاد شكون كيما نتوما
ربي يسهلو مي ثوليلو بزاف لو انا منك شوفي اعطيلو الكارطا اصفرا هذا العام جانفي 2017 الحمرا والطرد ديركت قولو الشيب بدا ينوض
اهلك يحبو اهلو راكم عائلة حنان ياو حبيتو بعضاكم كامل حتى طولتو بزاف
مي معليش واش ديري الراجل هو يقرر لو جيت لينا نسا نديرو فسمانة
شوفي انا قلت ليمى يخطبوني بالخميس على 2 مع 2 وربع نروح معاهم ماكانش وقت راه قرب الساعة القيامة راح تنوض الحروب فكل بلاصة ما نستناش يا اختي هههه
ربي يوفقكم ويجمعك مع خفرع هههه عاجل يا رب

والله غير مارني قادرة بالضحك يا مريم صح هم يبكي و هم يضحك:d
تخيلي كل عام ندير مخطط في راسي على العرس و مايتحققش
وكل مرة نشري صوالح حتى خلاص تروح لامود نتاعهم
انا اذا تزوجت السنة هذي غير بدعاوي الخير