كرسي التعارف الضيفة [كارلا ]

[بنفسج]

رد: كرسي التعارف الضيفة [كارلا ]

السلام عليكم
سبحان الله
والله البارح والموضوع هادا في بالي قلت كن غير يعاودو يحلوه
شكرا خويا حكيم على إعادة إحياء الفكرة وراك اخترت العضوة المناسبة ماشاء الله
مرحبا بيك كارليتا على كرسي التعارف درك يشيب راسك هههههه
اصبري عليا نتوقب شوي على اجوبتك ونخمم في كاش اسئلة
ونرجعلك
لي عودة بإذن الله
إقامة ممتعة غاليتي ^^
​

و عليكم السلام
اهلا حبيبتي لؤلؤة
شكرا لؤلؤة وراني مستنية اسئلتك :d
ههه او راسي شايب من قبيل ههه الرياضيات والفيزيا وميشيبش مستحيل ههه

بانتظار رجعتك الزينة :love01:
تحياتي
​

 

[الزهرة الحمراء]

رد: كرسي التعارف الضيفة [كارلا ]

. السلام عليكم غاليتي
مرحبا بيك عدنا
نبدأ على بركة الله الأسئلة
كارلا تدرس علوم تجريبية .....الهدف من دراستك لهذه الشعبة يعني واش راكي حابة ديري بيها؟
كارلا العام الجاي عندها الباك وان شاء الله تجيبيه حبيبة ،،،،،،لنفترض انك جبتيه بمعدل مليح ووحبيتي انت ديري تخصص لي راهو في بالك ولكن تلقاي انو الأهل ضد التخصص تاعك .رد فعلك كيفاه يكون ؟
أكثر مادة تحبيها وتلقاي روحك متفوقة فيها واش هي ؟
نكتفي بهذا القدر
جاوبيني على هاذو مبعدة نرجع مع أسئلة من نوع آخر
رايحا نسكن عندك هههه ان شاء الله ماتكرهيش برك
ربي يحفظك​

 

[بنفسج]

رد: كرسي التعارف الضيفة [كارلا ]

سينورينا اجري ابداي تجاوبي
ياما مخبين لك​

احفيظ خخخ
تبا لكم هههه
اني جاوبت ياشريرة :p:p:p
هههه متديش عليا غير نقسر :d​

 

[ثَسْكُورْثْ نَثْدُوكْلِي]

رد: كرسي التعارف الضيفة [كارلا ]

سلام عليكم

شكراا اخي حكيم ع التقديم وفتحتلنا موضوع هاايل للتقرعيج ^^

اقامة ممتعة ختيتو كارليتا

في المتابعة ان شاء الله

واذا دغدغني سؤال سأطرحه

بالتوفيق

تحياتي
​

 

[لؤلؤة قسنطينة]

رد: كرسي التعارف الضيفة [كارلا ]

راني وليت بعد، درت في الرونبوا وجيت هههه
صار اسمك مريم؟؟؟؟ وزيد زايدة في فيفري؟؟
راهي ختي الصغيرة يا جماعة وانا لا خبر هههه
إليكِ الاسئلة جميلتي :$

ماعلاقة كارلا بالصلاة ؟ وهل كارلا مواظبة على صلاة الفجر؟
كم تقيمين حجابك على 10؟
أجمل حلم وهدف تتمنى كارلا الوصول إليه؟
والسؤال لي تموت عليه ختي عاشقة الجنة الله يذكرها بالخير هههه
واش رايك في لؤلؤة قسنطينة؟
ونزيدك سؤال
كم ولاية من الوطن زرتي؟ وهل زرتي قسنطينة من قبل؟
نخليك مع هادو ونرجعلك
بالتوفيق ^^
​

 

[بنفسج]

رد: كرسي التعارف الضيفة [كارلا ]

النشيطين الذين يشاهدون هذا الموضوع: 19 (6 عضو و 13 ضيف)
‏كارلا, ‏لؤلؤة قسنطينة+, ‏الزهرة الحمراء, ‏Djaouid 98+, ‏oussama9694, ‏sarakoukou

او معولين عليا اليوم خخخ
اهلا وسهلا بيكم
تفضلو متحشموش ههه

ضيفة ونضيف ههه ​

 

[لؤلؤة قسنطينة]

رد: كرسي التعارف الضيفة [كارلا ]

هاني جبتلك شوي قاطو من عند عمي قوقل
هكا نتهلاو فيه ههه

​

 

[بنفسج]

رد: كرسي التعارف الضيفة [كارلا ]

. السلام عليكم غاليتي
مرحبا بيك عدنا

وعليكم السلام ماجدة
شكرا الزينة ​

نبدأ على بركة الله الأسئلة
كارلا تدرس علوم تجريبية .....الهدف من دراستك لهذه الشعبة يعني واش راكي حابة ديري بيها؟

اممم حابة نحقق بيها حلم الوالد نتاعي ان شاء الله طبيبة ​

كارلا العام الجاي عندها الباك وان شاء الله تجيبيه حبيبة ،،،،،،لنفترض انك جبتيه بمعدل مليح ووحبيتي انت ديري تخصص لي راهو في بالك ولكن تلقاي انو الأهل ضد التخصص تاعك .رد فعلك كيفاه يكون ؟

مستحيل اهلي يعارضوني متاكدة منها مليار في المية مي مدام نفترض اكيد رح نحاول نقنعهم وبطريقة او اخرى رايحين يقبلو ​

أكثر مادة تحبيها وتلقاي روحك متفوقة فيها واش هي ؟

حقيقة ميولاتي ادبية واكثر مادة متفوقة فيها هي الادب العربي
دائما انا اعلى نقطة :d​

نكتفي بهذا القدر
جاوبيني على هاذو مبعدة نرجع مع أسئلة من نوع آخر

رايحا نسكن عندك هههه ان شاء الله ماتكرهيش برك

اهلا وسهلا بيك مجاجو على قولت مالك ههه ومستنية رجعتك واكيد منكرهش من زهرتي الزينة :love01:​

ربي يحفظك​

شكرا حبيبة ارجعي وقت ما تحبي :regards01:​

​

 

[بنفسج]

رد: كرسي التعارف الضيفة [كارلا ]

سلام عليكم

شكراا اخي حكيم ع التقديم وفتحتلنا موضوع هاايل للتقرعيج ^^

اقامة ممتعة ختيتو كارليتا

في المتابعة ان شاء الله

واذا دغدغني سؤال سأطرحه

بالتوفيق

تحياتي
​

وعليكم السلام
اهلا وسهلا بيك سرسر :d
شكرا غاليتي
ومرحبا في اي وقت ادا
كشما دغدغك سؤال ههه:p
تحياتي ليك الزينة :regards01: ​

 

[بنفسج]

رد: كرسي التعارف الضيفة [كارلا ]

راني وليت بعد، درت في الرونبوا وجيت هههه
صار اسمك مريم؟؟؟؟ وزيد زايدة في فيفري؟؟

اهلا مريومة
ايه تطابق خخخ ​

راهي ختي الصغيرة يا جماعة وانا لا خبر هههه

هههه شكرا حبيبة ربي يحفضك ​

إليكِ الاسئلة جميلتي :$

ماعلاقة كارلا بالصلاة ؟ وهل كارلا مواظبة على صلاة الفجر؟

الحمد لله من المصلين
مي صلاة الفجر متهاونة فيها شوي ربي يغفرلنا ​

كم تقيمين حجابك على 10؟

7 من 10 ​

أجمل حلم وهدف تتمنى كارلا الوصول إليه؟

اجمل حلم واجمل لحظة ممنية نوصللها اني نشوف دموع الفرحة والفخر في عيون والديا
خاصة بابا و ربي يقدرني عليها ​

والسؤال لي تموت عليه ختي عاشقة الجنة الله يذكرها بالخير هههه
واش رايك في لؤلؤة قسنطينة؟

لؤلؤة واش نقول فيك
انسانة رائعة بمعنى الكلمة مساعدة للجميع
ومحبوبة من الجميع تتميز بروحها المرحة وطيبتها واخلاقها العالية
واكيد تسحر بكلامها الموزون ولعسل وتدخل للقلب بلا مقدمات
وبون مبالغة ​

ونزيدك سؤال
كم ولاية من الوطن زرتي؟ وهل زرتي قسنطينة من قبل؟

هههه صراحة
مخرجتش كامل من ولايتي وهادا لاسباب واش نقولو
حسبي الله ونعم الوكيل ​

نخليك مع هادو ونرجعلك
بالتوفيق ^^
​

شكرا على الاسئلة الزينة كيفك
مستنية رجعتك حبوبتي
تحياتي ليك :regards01:​

 

[Oussama.GF]

رد: كرسي التعارف الضيفة [كارلا ]

السلام عليكم
شكرا خويا حكيم على الاستضافة
يشرفني اني نكون في كرسي الاعتراف
ويتعرفو عليا احبابي واخوتي ناس اللمة مي راني افتجات خخخخ على قول بن غبريط
و ان شاء الله برك نكون في المستوى
تحياتي ,,,,​

مرحبا بيك تفضل دار دارك

 

[العَنْقَاءُ]

رد: كرسي التعارف الضيفة [كارلا ]

هل هناكَ من يشعرك بالمذلة ؟
هل هناكَ من تريدين أنّ ياتيك بحمامة السلام؟
هل تشعرين أنكِ تائهة يا كارلا أحياناً هنا ؟
هل أنتِ عنيدة وبعيدة المنال ؟
عندما يأتى الظلام هل تنتظرين في الليل شئ ما ؟
هل هناكَ من يزعجك ؟
أى الفصول احبُ الى قلبك ؟
بين نفسك هل هناك من يتعبك أتعاب الجوارح وتلتزمين الصمت؟ (نعم او لا)
سؤال اخير :
أتنتظرين شئ على أمل عودته وقد رحل ؟
​

 

[سكون الفجر]

رد: كرسي التعارف الضيفة [كارلا ]

أهلاً وسهلاً بكِ اختي الطيبة، يسعدني جداً وجودك على كرسي التعارف
ليس عندي ما أسألك اياه اخيتي
ارجوا لك طيب المقام
دمتِ بخير غاليتي

 

[لؤلؤة قسنطينة]

رد: كرسي التعارف الضيفة [كارلا ]

يا حبيبتي ربي يخليك ويحفظك والله حشمتيني
وحتى أنا ماعندي مانقول فيك ونعم التربية والاخلاق
ونعم الأخت
بالإضافة للموهبة المتميز لي عندك
ربي يحفظك من العين وراكي ختي عند ربي سبحانو والله
بصح في بالك كي ختي نرحمك -_-
إليك الاسئلة ههه
واش هي الأكلة المفضلة ليك؟؟
(ماتقوليليش برك لفريت ولا نقول بلي راكي نسخة عليا ههه)
كيفاه علاقة كارلا بالوالدة تاعها؟
وكيفاه علاقتك بأخواتك بما أنك قلتي 6 أخوات؟
هيا نرحمك شوي ومن بعد نرجع ههه
تحياتي
​

 

[بنفسج]

رد: كرسي التعارف الضيفة [كارلا ]

هل هناكَ من يشعرك بالمذلة ؟
هه لم يولد بعد من يدلني و لن يولد
هل هناكَ من تريدين أنّ ياتيك بحمامة السلام؟
ربما لا اعلم
هل تشعرين أنكِ تائهة يا كارلا أحياناً هنا ؟
ومن منا لا يشعر بالتيه احيانا هكدا هي الحياة
هل أنتِ عنيدة وبعيدة المنال ؟
نعم بعض الشيء :d
عندما يأتى الظلام هل تنتظرين في الليل شئ ما ؟
النجوم خخخخ
هل هناكَ من يزعجك ؟
لحد الان الحمد لله لا يوجد
أى الفصول احبُ الى قلبك ؟
ومن غيرة الربيع فصل الزهر
بين نفسك هل هناك من يتعبك أتعاب الجوارح وتلتزمين الصمت؟ (نعم او لا)
لا
سؤال اخير :
أتنتظرين شئ على أمل عودته وقد رحل ؟
عادة شيء رحل لا اعيره ادنى خلية من حواسي الشعورية لدا لا يوجد


:regards01:

​

شكرا لك العنقا ء على اسئلتك الجميلة ولو انا خالفنا القواعد وتحدثنا بالفصحى
تحياتي :regards01:

 

[بنفسج]

رد: كرسي التعارف الضيفة [كارلا ]

يا حبيبتي ربي يخليك ويحفظك والله حشمتيني
وحتى أنا ماعندي مانقول فيك ونعم التربية والاخلاق
ونعم الأخت

تستاهلي مريومة والله محكيت غير اللي شفتو فيك
وشكرا حبيبتي ​

بالإضافة للموهبة المتميز لي عندك
ربي يحفظك من العين وراكي ختي عند ربي سبحانو والله

ربي يحفضك عى هاد اهدرة ازينة​

بصح في بالك كي ختي نرحمك -_-
إليك الاسئلة ههه
واش هي الأكلة المفضلة ليك؟؟

خخخ والله لفريت ومعاها اكيد البيتزا :p:$​

(ماتقوليليش برك لفريت ولا نقول بلي راكي نسخة عليا ههه)
كيفاه علاقة كارلا بالوالدة تاعها؟

الحمد لله علاقتي بامي ماشي غير بنت وامها بل كثر يعني هيا صديقتي هيا صندوق اسراري هيا ببساطة كلش في حياتي ربي يخليهالي​

وكيفاه علاقتك بأخواتك بما أنك قلتي 6 أخوات؟

الحمد لله علاقتي بيهم مليحة مالقري مرات يهبلوني مي نحبهم ههه او الببزز نتاوعي :d​

هيا نرحمك شوي ومن بعد نرجع ههه
تحياتي
​

هه شكرا عى الاسئلة متنية رجعتك حبيبتي
تياتي ليك :regards01:​

 

[بنفسج]

رد: كرسي التعارف الضيفة [كارلا ]

أهلاً وسهلاً بكِ اختي الطيبة، يسعدني جداً وجودك على كرسي التعارف
ليس عندي ما أسألك اياه اخيتي
ارجوا لك طيب المقام
دمتِ بخير غاليتي

اهلا بيك غاليتي سكون الفجر

شكرا حبيبة وادا حبيتي تسالي متترديش
تحياتي ليك :regards01:​

 

[الامين محمد]

رد: كرسي التعارف الضيفة [كارلا ]

حبيب قلبي أولا اشكرك
لأنك بعت الروح في هدا الموضوع
و الدي أراه ممتع

لكن خويا حكيييم
أختنا كارلا اسمها مريم و عندنا اختي الصغيرة لؤلؤة اسمها مريم

و راني نشوف راهم متفاهمين في الاسئلة و الاجابة
عمل حسابك هدا حلف نسوي ممكن يعملوا لينا انقلاب ههههههههه
و تصبح اللمة مليانة مشرفات ههههههههه


أختي كارلا و الله استمتعت باجاباتك و فعلا كنت دكية
انا شخصيا تعجبني ردووودك الراقية

اما اسئلتي فهي
لمادا انت علمية مع انه لديك ميولا أدبية
خبرينا معدل الفترة الألى كم
علاقتك بأخواتك
طموحاتك المستقبلية
شيء يخلي اختي كارلا تبكي
و شيء يخليها تضحك
اختي كارلا تعرف تطبخ و تنفخ ام تعرف تتفرج المسلسلات فقط
اعطيني وعد كيف رايح يكون معدل الفترة الثانية

شكرا اختي لكرمك​

 

[السلطانة]

رد: كرسي التعارف الضيفة [كارلا ]

أهلا وسهلا بالعزيزة كارلا
الله يبارك راكي قد خويا الصغير معناه راكي كيما اختي الصغيرة
من اليوم نعودو نعيطولك سينيورينا :p
راح فيك الاسم خلاص
وهاي ليك هدية من عندي

زعم مريم راكي من الجيل الجديد
جيل ال 3 جي وسبونج بوب :thumb_up02:
هل انتي من النوع لي تتحكم فيه النت بزاف ؟
تحبي تعاوني ماماك في الدار ولا لا ؟
واش تعرفي تطيبي ؟
تعرفي تخبزي الكسرة ؟:d
:tongue02:تقبلي اسئلتي البسيطة

​

 

[بنفسج]

رد: كرسي التعارف الضيفة [كارلا ]

حبيب قلبي أولا اشكرك
لأنك بعت الروح في هدا الموضوع
و الدي أراه ممتع

لكن خويا حكيييم
أختنا كارلا اسمها مريم و عندنا اختي الصغيرة لؤلؤة اسمها مريم

و راني نشوف راهم متفاهمين في الاسئلة و الاجابة
عمل حسابك هدا حلف نسوي ممكن يعملوا لينا انقلاب ههههههههه
و تصبح اللمة مليانة مشرفات ههههههههه

ههههههه ضحكتني اضحك الله سنك
او كلش ممكن خخ:d
​

أختي كارلا و الله استمتعت باجاباتك و فعلا كنت دكية
انا شخصيا تعجبني ردووودك الراقية

شكرا خويا ربي يحفضك هدا من اصلك وطيبتك :regards01:​

اما اسئلتي فهي
لمادا انت علمية مع انه لديك ميولا أدبية

ببساطة لان احلامي او لنقل احلام اسرتي تتنافى مع ميولاتي ​

خبرينا معدل الفترة الألى كم

ادا قصدك معدلاتي فهي تتراوح بين 15 و 16
والا على هاد الفصل فراني هبطت 14 ​

علاقتك بأخواتك

الحمد لله علاقة متينة
لا يشوبها شيء ​

طموحاتك المستقبلية

جاوبت عليه من قبل هاد السؤال ​

شيء يخلي اختي كارلا تبكي

عادة منبكيش بزاف متحكمة في روحي
مي منحكمش دمعتي كي نشوف واحد من والديا يبكي
او نشوف قدامي كاش موقف مؤثر ​

و شيء يخليها تضحك

اممم اكيد النكت والناس المرحة ثاني يضحوكوني ومرات بعض المواقف اللي تصرالي او نشبع ضحك على روحي ههه​

اختي كارلا تعرف تطبخ و تنفخ ام تعرف تتفرج المسلسلات فقط

ههههه نسلك روحي ​

اعطيني وعد كيف رايح يكون معدل الفترة الثانية

وعد رح يكون 15 لاني بدلت مجهود وصححت الاخطاء نتاع الفصل الاول ​

شكرا اختي لكرمك​

شكرا خويا على الاسئلة الجميلة
بانتظارك في اي وقت تحب ارواح
تحياتي ليك :regards01:​