السلام عليكم الأحباب
اليوم حبيت نحكو شوي ونضربو طلّة على شبابنا وعلى البنات وندّي رايكم فأمر
الزين ما بنى خيام ..... مثل يقولوه لكن عمرهم ولا يطبقوه
الزين فبلادنا مطلوب يا ناس اكثر من العقلية نقولكم وعلاش ارواحو معايا نضربو تحويسة وين عرفت انا الزين مهم
نروحو نشوفو الرجل لما يروح يخطب ويدير رؤية شرعية وهذي من حقو
حتى وتكون مدينة وبالجلباب وغيرو لكن يحقق فيها مليح كاش ما فيها ديفو او علامة
واكيد يقولك ان الله جميل يح الجمال ..... ايه يا سيدي ربي جميل ولكن فصل الجمال اشكال وانواع مش لازم تكون نانسي عجرم
نروحو ليماه ويا حوجي يا يماه عينيها سكانيير
وارواح تشوف لو جابت معاها اللي دبر عليها ختها او بنتها مسكينة حتى ليزاناليز يديروهملها بعينيهم
ولما يرجعو للدار ولو ما عجبتهمش يشبعوه معاير .
.....هذا نيفها عوج وهذي فيها خانة كبيرة
وعندها مناخرها طالعين وفمها كبير وشعرها مكشرد وقصيرة ومكوّرة
هذا على اساس انو ولديهم مهند يقتل بالزين والمشكلة انو اغلب هذو اللي يتشرطو وليدهم ما يشبه لوالو وحاطينو حاجة كبيرة اييييه صح مقولة كل خنفوس عند امو غزال
نشوفو الراجل لما يتعرف على طفلة مثلا فالتلفون يجيب معاها الصباح وخلاص خلاص يبات يشكر المهم العقلية انا الزين ما يهمنيش هو يتلاقاها وما تعجبوش
يبدل النيميرو والتلفون ويرحل من دارهم ويبدل ولايتو
علاه كل هذا لأنو السّي ملك الجمال ما عجباتوش وهو ممكن رايح يبان راجع
حتى لو تعجبو اول شي تلقاو عينيه فروطوار طالعين هابطين يسيقو يشوف فيها من ساسها لراسها ويشلل فعينيه واول غزل يقولها عينيك ويا عينيك اييييه يا الشابة يمينة ما خليتي ما بقيتي بعينيك كالرصاص قتلونا وهناونا
الرجل مش الجزائري برك حتى ما نظلمش الرجل العربي يموت على الزين المشكل لما تجي المرا تخير الزين يا حسراه
ارواحو يولي عجوزة
خدام الرجال سيدهم
..... معناها ديه خدام ما يهمكش زينو
الزين للنسا مش للرجال ........ معناها لالة راني نعاير فيك قابلي كمارتك وحوسي عليا انا
مش عجبتكش إمالا انت طماعة تحوسي على مهند ويحي المسلسلات وما يديرو نروحو نتزوجو القاوريااااااااااات
ويا محايني مليت من الغنية هذي نديها قاورية كونترا عليك
حتى يكون شيخ باقيتلو شخرة وتلقاو عينيه ورا وحدة شابة
معناها الرجل المسلم عارف إنو فالدين لازم تكون ذات خلق ودين مي المشكل لما يلقاو فيها هذو وفيها ديفو يقولك أواه لالا الجمال طلبو ربي ويا حسراه التفاوى بالشكاير
ونكونو حقانيين ونهدرو كلمة حق حتى المرا كرهت تضحي ورجعت تختار
لما تنخطب عارفة بنات العايلة كامل يعسو فيه كيفاه داير... الوقامات راكم عارفينهم
الرجل الوسيم عند البنات رجع مهم صح عاقل وخدام نفس هدرتكم نتوما الرجال لكن حنا ثاني من حقنا نصبحو على وجه مليح
من حق المرا فالجمال كيما الراجل يشوف فيه حق ليه
المرا زمان كانت تتزوج وما تشوفو ما يشوفها واللي كان ترضى بيه
ضرك لالا شعرو يكون كيما نتاع ميسي
طولو نتاع رونالدو
عينيه نتاع مهند تبسيمة نتاع يحي
ايييه حتى لموصطاش لازم ومش موصطتش معناها مكنسة لالا موصطاش مقبلوين يزيدو فزين الراجل
اورواحو بولحية ما تقولوش راحت عليه ايييه كان لحية تقتل
انا حكيت على الطرفين مش رايي الشخصي لا هذا بالعام
حينت نعرف الرجل يحب الجمال وين دور العقل هنا معليش شابة ومهبولة
شابة ولو ما تعرفش تقلي حبة بيض
شابة ولو تكرهلو حياتو والعيش معاها مرار المهم ديكور قدامو
والنسا الرجل الوسيم واش يعنيلكم كونو صريحات يا جماعة الخير ما نحبش الكذب رانا فالهوا سوا ونعرفو خرايب بعضانا واحكو هنا خاوتكم ما نحشموش عبّرو
الموضوع موضوعكم
الكلمة ليكم
اليوم حبيت نحكو شوي ونضربو طلّة على شبابنا وعلى البنات وندّي رايكم فأمر
الزين ما بنى خيام ..... مثل يقولوه لكن عمرهم ولا يطبقوه
الزين فبلادنا مطلوب يا ناس اكثر من العقلية نقولكم وعلاش ارواحو معايا نضربو تحويسة وين عرفت انا الزين مهم
نروحو نشوفو الرجل لما يروح يخطب ويدير رؤية شرعية وهذي من حقو
حتى وتكون مدينة وبالجلباب وغيرو لكن يحقق فيها مليح كاش ما فيها ديفو او علامة
واكيد يقولك ان الله جميل يح الجمال ..... ايه يا سيدي ربي جميل ولكن فصل الجمال اشكال وانواع مش لازم تكون نانسي عجرم
نروحو ليماه ويا حوجي يا يماه عينيها سكانيير
وارواح تشوف لو جابت معاها اللي دبر عليها ختها او بنتها مسكينة حتى ليزاناليز يديروهملها بعينيهم
ولما يرجعو للدار ولو ما عجبتهمش يشبعوه معاير .
وعندها مناخرها طالعين وفمها كبير وشعرها مكشرد وقصيرة ومكوّرة
نشوفو الراجل لما يتعرف على طفلة مثلا فالتلفون يجيب معاها الصباح وخلاص خلاص يبات يشكر المهم العقلية انا الزين ما يهمنيش هو يتلاقاها وما تعجبوش
يبدل النيميرو والتلفون ويرحل من دارهم ويبدل ولايتو
حتى لو تعجبو اول شي تلقاو عينيه فروطوار طالعين هابطين يسيقو يشوف فيها من ساسها لراسها ويشلل فعينيه واول غزل يقولها عينيك ويا عينيك اييييه يا الشابة يمينة ما خليتي ما بقيتي بعينيك كالرصاص قتلونا وهناونا
الرجل مش الجزائري برك حتى ما نظلمش الرجل العربي يموت على الزين المشكل لما تجي المرا تخير الزين يا حسراه
ارواحو يولي عجوزة
خدام الرجال سيدهم
الزين للنسا مش للرجال ........ معناها لالة راني نعاير فيك قابلي كمارتك وحوسي عليا انا
مش عجبتكش إمالا انت طماعة تحوسي على مهند ويحي المسلسلات وما يديرو نروحو نتزوجو القاوريااااااااااات
حتى يكون شيخ باقيتلو شخرة وتلقاو عينيه ورا وحدة شابة
معناها الرجل المسلم عارف إنو فالدين لازم تكون ذات خلق ودين مي المشكل لما يلقاو فيها هذو وفيها ديفو يقولك أواه لالا الجمال طلبو ربي ويا حسراه التفاوى بالشكاير
ونكونو حقانيين ونهدرو كلمة حق حتى المرا كرهت تضحي ورجعت تختار
لما تنخطب عارفة بنات العايلة كامل يعسو فيه كيفاه داير... الوقامات راكم عارفينهم
الرجل الوسيم عند البنات رجع مهم صح عاقل وخدام نفس هدرتكم نتوما الرجال لكن حنا ثاني من حقنا نصبحو على وجه مليح
من حق المرا فالجمال كيما الراجل يشوف فيه حق ليه
المرا زمان كانت تتزوج وما تشوفو ما يشوفها واللي كان ترضى بيه
ضرك لالا شعرو يكون كيما نتاع ميسي
طولو نتاع رونالدو
عينيه نتاع مهند تبسيمة نتاع يحي
ايييه حتى لموصطاش لازم ومش موصطتش معناها مكنسة لالا موصطاش مقبلوين يزيدو فزين الراجل
اورواحو بولحية ما تقولوش راحت عليه ايييه كان لحية تقتل
انا حكيت على الطرفين مش رايي الشخصي لا هذا بالعام
حينت نعرف الرجل يحب الجمال وين دور العقل هنا معليش شابة ومهبولة
شابة ولو ما تعرفش تقلي حبة بيض
شابة ولو تكرهلو حياتو والعيش معاها مرار المهم ديكور قدامو
والنسا الرجل الوسيم واش يعنيلكم كونو صريحات يا جماعة الخير ما نحبش الكذب رانا فالهوا سوا ونعرفو خرايب بعضانا واحكو هنا خاوتكم ما نحشموش عبّرو
الموضوع موضوعكم
الكلمة ليكم
.....تبقا سوسة حتى نعرف هع هع هع
