الزين وما دار فينا

[ليليا مرام]

رد: الزين وما دار فينا

جيت نرد على الموضوع
.....مواضيييييعك فووووور بزاف الله يبارك ....
نرجع للموضوع حنا مجتمعنا يتسبب بالدين مثلا واحد كما قلتي يحوس على وحدة تشبه لباربي و بعدها يقولك الزين للنسا او يحطلك اي حديث و هو دجا يكون مخدمش باي حديث يعني يستعمل الدين على حساب ميساعده و مجتمعنا يشجع هدا الحاجات
ديفوا تلقي ولدهم لا خدمة لا والو و يشرط وحدة الفوق لا يا اخينا فيق لروحك متحلمش بزاف و الحاجة لي تعجبني بزاااف يقولك نديها رومية و ندخلها للاسلام ... حتى يدخل هو بعدا عاد نخمو فيها
يحكي في بنت بلاده واحد الكلام و نسا بلي هذيك لي خالعتهم تمشي مع 1000 واحد مي باسكو زعما شابة ...كلش من المسلسلات و الافلام معارفينش بلي دايرين 10000 عملية تجميل +شفط دهون و ......خلي البير بغطاه واي
علابالكي يعييو ديفوا نسمع ناس تحكي نحسهم ملك جمال و لا كاش شخصية كبيرة كون تشوفيهم يحكمك احباط........

السلام عليكم اختي اهلا بيك هيبة
الله يخلي تحفيزكم ليا يخليني نزيد نكتب اكثر شكرا
هذا هو والله فهمتيني يعطيك الصحة يخدمو فالدين على مصالحهم لما تولي فيه هو يجيبلك الف فتوة لما يروح يختار يولي اخر تماما والمشكل مش عارفة واش حاسبين رواحهم زعمى هذو قلال الزين تلقاي يختار لو بالرسم يرسمها اودي روح اشري مرايا فيها 2 مترات وشوف يعني قبل ما يشوف عيوبها يشوف روحو كان كامل والكمال لله وقبل ما يفتي يعرف او كلو خلقة ربي علاه الإختيار
واش من رومية شوفي نقولك جابوها حملة قالك نسا من الشيشان ما يطلبوش دراهم شرطهم يكون حافظ القرآن ياو الجماعة يخمرو فالليل ويشدو المصحف فالنهار علاه عندبالك على الدين على جال زين الشيشانيات ارواحي تشوفي الهبال انا مرات نقول نرقد لابسة جيلي نتاع الحماية راه يفيض علينا البحر من نفاقهم
القاورية يدخلها الاسلام رووووووح وليدو ادخل للجامع اللي قدام داركم قبل :d:d:d ياخي حالة نقولك مرات يشفوني الله غالب الأحلام باطل
الله يهديهم يا ختي اللي نعرف باباه ما يخلعني وليدو لو جاني راجل كيما املهبول ذاك نصنص ويتشرط عليا نكون زينة يروح يدير عملية تجميل وبعدو نشوفو
انا وانت نتفاهمو نفس التفكير :thumb_up02::thumb_up02::thumb_up02::thumb_up02::thumb_up02:

 

[ليليا مرام]

رد: الزين وما دار فينا

السلام عليكم

اولا حبيت نشكرك على حضورك المتألق مزيدا من الابداع و التقدم
و الله موضوعك لازملو نقاش كبير صح الزين عامل اساسي في الزواج عند المرا و لا عند الراجل مي كاين عفايس خير من الزين مثلا انا كي ندي واحد زين و شباب و ديما قاعد في الدار لا خدمة لا قدمة و زايد تصرف عليه امو واش من فايدة
و منقولوش باشع مي مقبول الشكل على الاقل يجو الاولاد ملاح هههههههههه و انا شخصيا نفضل ندي واحد مقبول مي خدام راجل صح يتحمل المسؤولية واحد ياكل التراب في خاطر ولادتو
كاين في زمننا هدا بنات و ولاد كل همهم الزين و الشعر الاصفر و العينين الخضر مفهمتش انا راح تزوجو بيهم هوما و لا بعينيهم و شعورهم و الله ماني عارفة والو
و كانهم على الزين كاين بنات مش شابات مي مع الوسائل الجديدة يرجعو رواحهم شابات بالسيف كيما السيشوار و المكياج و الليلونتي و غيرهم من وسائل الخداع مي الزمان يمشي و الزين يروح و ما يبقى غير جمال الروح و الاخلاق و العقلية المليحة

شكرا لك اختي مرة اخرى على مواضيعك القيمة

تقبلي مروري

سلام
​

السلام عليكم اختي منال اهلا وسهلا
شكرا على رايك الكريم
ايه يا اختي زين وقاعد فالدار معليش نديرو مسلسل انا وهو :p:p:p:p
هذا هو الصح يكون راجل ويحترمني ويجيب خبزتو ولو قليلة بالحلال هذا هو ويكون مقبول يا اختي لما نوض نلقى قدامي حاجة تخليني نتبسم الله غالب المهم مقبول حتى فائق الجمال راه مشكل الكل مشاركك فيه لالا نص نص
لالا عينيهم على خاطر فالليل يولو ارانب يشعلو الضو :d:d:d وشعرها باه يتونس يحط عندو بيونسي كلو خرطي ديكور برك حتى يقولو مرت فلان شابة هذا برك
اما الجمال الكيميائي راح يروح ويقاو ليتراس مي الراجل ما يخليهش ختى يروح تبانلو علامة وحدة يجري يبدل :d:d
نورني ردك شكرا

 

[ليليا مرام]

رد: الزين وما دار فينا

الجمال جمال الاخلاق
الا كانت شابة بزاف و فاتنة و ما تعرفش تهدر و ما تقومش بشغل البيت مادرنا والو
و كيما قالو ناس زمان
الزين عمرو لا بنى دار

و رسالة للي راه يركز على الجمال ادي وحدة متوسطة الجمال و تقادرك و تحترمك و تحترم اهلك و حاجة ما تخصك معاها
و ما تديش وحدة شابة ديرها كالديكور فالدار و الاحترام و التربية والو تبهدلك مع اهلك و مع الناس لي تعرفهم

مشكورة اختي على الموضوع
تحياتي
​

السلام عليكم اختي اهلا وسهلا نورت موضوعي
المشكل اختو كلهم يقولك نحوس على العقلية وتكون بنت اصل ولكن يختار من بعد وكاين حتى ربي مادلو مرا وفحلة وزينة ويروح يحوس على الاكثر فالشارع كاين عينو ما تشبعش فيه عادة يحب الزين وكاين عدنو مرا زينة فالدار آية فالجمال ويروح يتزوج عليها وحدة لا علاقة بالجمال ولكن واحد ما يعرف الا هو ووين لقى راحتو يعني الجمال مش مقياس ولكن شوفي فالشارع شبابنا ورا شكون يجرو للاسف
يحبو المظاهر ولما تكويهم ينوضو يشكو
العفو اختي شكرا لك

 

[ليليا مرام]

رد: الزين وما دار فينا

وعليكم السلام

فكرتيني في خويا لي يضال يقولنا حاب ندي وحدة عينيها زرق وشعرها اصفر
وابداو حوسولي من درك خخخخخخخخخخخ
هاذي عجوزة مالا راحت تخطب لولدها
معجبتهاش العروس كي جات ناضت تحكي عليها وقالت :نيفها كبير وماش زينة
وانا حشمت على روحي كوم كنت قاعدة في المجمع وهي جات عند عجوزتي
جات في بالي مثلا :نقولها بناتك ملكات الجمال :tongue02:يخي حالة كون حتى جاو خلابات الجمال حتى تعلق وتضحك على خلق ربي
كاين رجال في بالهم يحبو الزين ولازم يتزوجو بوحدة زينة
وكاين حتى لي يبقى يخير
وكاين لي كون يدي وحدة ماش كيما لي حابة في خيالو قادر مثلا يخونها ولايتزوج غيرها
مالا بابا سيدي فرز روحك وفهم روحك كي عاد يهمك الجمال ماش الاخلاق ولا التربية ولا القراية ولاشي
انا نعرف واحد الشاب مالا حب يخطب طبيبة
يضال يقول ل امو اخطبيلي
شافتلو طبيبة
مالا شافها قالها ماش زينة !!!!!!
وهو يشبه لبعيد الشر مع كل احتراماتي يعني
وخلا الطفلة هاكاك تاع منقبلش لأنك معجبتنيش
واخرتها لقاتلو امو طبيبة زينة
وعجباتو ولصق فيها
شوي هك ظهرت متكبرة هي ومواليها ودارولهم شروط تعجيزية وقريب عرسهم ووالديه معجبوهمش
غير يخمو في هاذ الحصلة
هاو لقى الزين بصح التكبر وشوفان الحال معاه
يعني العبد مايدير الحيلة ماتبات فيه
وبالنسبة للمرى لي تحب الزين
تدير في حسابها لي تديه زين مهند راه يكثر عليه النش برك
:tongue02:
الصح في الرجولية
قادر يكون زين والرجولية 00 مالا خيري واختاري سيدتي
والزين نظن تاني يحب وحدة زينة
:tongue02:
ديفوا نشوفو زوج متزوجين تكون المرا ازين من الراجل ولا العكس
نقولو هاذا واش عجبو فيها
لكن ماندريو الشخصيات والعقليات كيفاه
حنا نحكمو من المظهر وننساو اللب
وهاذاك هو الصح

صحيتي اختي.
​

السلام عليكم اختي اهلا وسهلا نورت صفحتي
يسلم فمك اختي هذا هو تلقاي عجوزة تجي تحش فمرت وليدها او اللي خطبتها وناتها تقولي باباهم دراكولا ولو هي جاوب يخطبو بناتها يا حسراه تقلاش وكيفاه يعني الانسان يشوفها فروحو وبعدو يحكي على الناس
والشباب كيما قلت كامل يحبو الزين حتى وين يوصلو للمشاكل وبعدو يقولك اه يا ريت ويا ريت
صج يديها شابة وهو مزعوق او يديها متكبرة عليه او يدي ويدي شبانا وشباب كل العرب فالحقيقة هكذا مش غير ليجون نتاعنا
نرجعو للطفلة كاين تحبو زين وعقليتو يجيب ربي
وكاين المهم يكون خدام ومقبول
وكاين لالا المهم طونوبيل وعندو دراهم وتديه حتى شيخ وكبير عليها على جال الدراهم
المهم كيما قلت الواحد من الاول يعرف واش يختار
شكرا ردك كافي ووافي

 

[ليليا مرام]

رد: الزين وما دار فينا

ما نكدبوش سواءا البنات و لا الرجال في زوج يحبوا الزين الراجل يقلك نبغيها تكون زينة و هي تقلك نبغيه يكون بوgوص ..لا ننسى ان ناخذ بعين الاعتبار الاخلاق و التربية و المستوى العلمي و الثقافي ...

السلام عليكم
نورت صفحتي
هذي الصراحة نحبها كالنسا كالرجال رانا كامل نحبو الزين الواحد ما يدعاش او يدي الدين يخدمو فمصالحو
المستوى العلمي هذيك راح يكون عليها موضوع خاص
شكرا لكم نورتم موضوعي

 

[فيتامين سي]

رد: الزين وما دار فينا

السلام عليكم اختي هبة
والله شوفي قتلك اكتبي فقوقل ايقونات لما تخيري الصورة ديري كوبي كولي هذا وبرك عنادة
حبيتي تعانديني:p:p:p

غرت منك ههههه
شكرا على المساعدة ..لقيتهم كاين في منتدى كنت نحوس لي يحطهم من بورطابل ..ملقيتش كوبيي عندي ..اوبس هبلتك ههههه هدوك من ميكرو على حساب فهامتي تااانكس

 

[ليليا مرام]

رد: الزين وما دار فينا

غرت منك ههههه
شكرا على المساعدة ..لقيتهم كاين في منتدى كنت نحوس لي يحطهم من بورطابل ..ملقيتش كوبيي عندي ..اوبس هبلتك ههههه هدوك من ميكرو على حساب فهامتي تااانكس

السلام عليكم اختي هبة
وي غرت مني هههه
لا من تلفون ما تقدريش للازم من الميكرو كاين موقع يتفتحو من التلفون لو فيه كوبي كولي تقدري لكن الافضل من الميكرو
شكرا لك

 

[فيتامين سي]

رد: الزين وما دار فينا

اعترف اعترف غرت منك ههه..راني عاد نحوس كلش سامط من الهافت النقال حتى باش تردي سامط في بلاصت منكتب 100رد نكون كتبت زوج ولا 3 انهاالمعانات ..المهم نحن نتحدى المستحيل

 

[ليليا مرام]

رد: الزين وما دار فينا

اعترف اعترف غرت منك ههه..راني عاد نحوس كلش سامط من الهافت النقال حتى باش تردي سامط في بلاصت منكتب 100رد نكون كتبت زوج ولا 3 انهاالمعانات ..المهم نحن نتحدى المستحيل

اهلا هبة
راكي مجاهدة يا بنتي سجلي كل حدث ورد حتى نكرموك كل عام هبة بوحيرد فميدان الهواتف ناشطة الله يبارك شري ميكرو صغير وتهني التلفون والله يتعب
اختك وين راهي كتلة مشاكل كاش ديقات هه:d:d:d

 

[الامين محمد]

رد: الزين وما دار فينا

يااا جدكم الموضوع كاتباته وحده عندها
سبع كنات و خمس بنات متزوجات
واااش كل هدا يا مريم

المهم
الزين و العقل او زين نص نص و معاه العقل
لكن الزين ماكانش و العقل كااامل انا على رووحي ما نقبلش
و ادا مكان لا زين و لا عقل هنا دعوة نتاه شر لاحقة مولاها

امر آخر لازم نشوف المرة مباشرة كي تنوض من النعاس
هنا نعرفها زينة و لا لالا
اما ادا تركت ليها الوقت حتان تتمكيج و تركب شفار و شعر و تكبر عينيها
و تحمر شواربها أكيد رايح نحسبها شرابوفا نتاع التنس راكم تعرفوها

ادا جات كيمن هاااك رايح نقول للوالدة شدي شعرها حتان نعرفوه طبيعي و لا لالا
و تجبد شفرها نعرفوهم نتاوعها و لال متسلفتهم

و تغسل وجها بالما الدافي باش يبان وجهها
و لما نوصلوا لهته المرحلة أكييد ستتحول شرابوفا الى كائن آخر

أمر الآخر الزين يسأل عن الزين و اللي نص نص يسأل على قده
واش رايكم ​

 

[Malika Tlm]

رد: الزين وما دار فينا

السلام عليكم
موضوع هايل
تعرفي يا اختي يقول مثل شعبي لي يدي طفله علي زينها يموت بالذل
والزواج ماشي معيارو الزين الفتان لالا الاخلاق الدين التربيه العايله كيفاه دايرا وبزاف بزاف
صحا المراة ولا الراجل يحبو الزين بصح والله الجمال ماشي هو كلشي
بزاف ناس رجال متزوجين نساء علي زينهم راهم عايشين عيشة ذل
والديوث لي يحب مرتو تماكيي وتلبس وتخرج ويبقي يتباهي بيها قدام صحابو هدي حاله
انا من رايي الزين ماشي كلشي
ربي يفرح كل واحد علي حساب قلبو يارب
تحياتي​

 

[ليليا مرام]

رد: الزين وما دار فينا

يااا جدكم الموضوع كاتباته وحده عندها
سبع كنات و خمس بنات متزوجات
واااش كل هدا يا مريم

المهم
الزين و العقل او زين نص نص و معاه العقل
لكن الزين ماكانش و العقل كااامل انا على رووحي ما نقبلش
و ادا مكان لا زين و لا عقل هنا دعوة نتاه شر لاحقة مولاها

امر آخر لازم نشوف المرة مباشرة كي تنوض من النعاس
هنا نعرفها زينة و لا لالا
اما ادا تركت ليها الوقت حتان تتمكيج و تركب شفار و شعر و تكبر عينيها
و تحمر شواربها أكيد رايح نحسبها شرابوفا نتاع التنس راكم تعرفوها

ادا جات كيمن هاااك رايح نقول للوالدة شدي شعرها حتان نعرفوه طبيعي و لا لالا
و تجبد شفرها نعرفوهم نتاوعها و لال متسلفتهم

و تغسل وجها بالما الدافي باش يبان وجهها
و لما نوصلوا لهته المرحلة أكييد ستتحول شرابوفا الى كائن آخر

أمر الآخر الزين يسأل عن الزين و اللي نص نص يسأل على قده
واش رايكم ​

السلام عليكم خويا محمد
ههه ضحكتني لا الكانت حاوزتهم بيهم بولادي خليت غير بناتي:d:d:d
ايه يا خويا محمد امالا اللي ما ربح لا زين ولا عقلية دعوة شر مي راني نشوف صحاب دعاوي الشر عندهم نسا يقتلو بالزين :p:p:p
اه خويا محمد معناها انت درت الرؤية الشرعية على 7 نتاع الصباح ههههههه قتلتني بالضحك تشوفها وقت تنوض نستعرف بيك والو ماكانش الغش شوفها على المباشر:thumb_up02::thumb_up02::thumb_up02::thumb_up02:
شكون شرابوفا هذي ما نعرفهاش وريهالي انا ختك يا حوجي الحمد لله ما نديرش ماكياج ويا ويلي على الرجال درناه علاه ما درناش يروحو يخدعونا والحل كيفاه معاكم ؟
اواه خويا هذي عجوزة تحكمني من شعري خلاصت مع الثورة رانا مستقلين ضرك انا نشد شعرها حتى نعرف كان تتحمل لما نعطيها طريحة هي ووليدها :p:p:p:p يا جماعة نقسر برك بلاكو تقولو مريم صح ديرها يا حوجي لا عشت ولا كنت نضرب مرا كبيرة عليا مهما كانت
عحبتني التالية من عندك الزين يحوس على الزين مش اللي هو جاي يبان رايح ويحوس على نانسي عجرم
كل واحد يخير على حسابو
نورني ردك

 

[ليليا مرام]

رد: الزين وما دار فينا

السلام عليكم
موضوع هايل
تعرفي يا اختي يقول مثل شعبي لي يدي طفله علي زينها يموت بالذل
والزواج ماشي معيارو الزين الفتان لالا الاخلاق الدين التربيه العايله كيفاه دايرا وبزاف بزاف
صحا المراة ولا الراجل يحبو الزين بصح والله الجمال ماشي هو كلشي
بزاف ناس رجال متزوجين نساء علي زينهم راهم عايشين عيشة ذل
والديوث لي يحب مرتو تماكيي وتلبس وتخرج ويبقي يتباهي بيها قدام صحابو هدي حاله
انا من رايي الزين ماشي كلشي
ربي يفرح كل واحد علي حساب قلبو يارب
تحياتي​

السلام عليكم اختي
اهلا وسهلا مليكة
اكيد شوفي الزين مش كل شي مي والله يعتمدوه نعرفهم فالرؤية الشرعية بنات متدينات وبنات اصل لمجرد امر تافه وصغير ما يرجعش وهذا زعمى يعرف الدين خلي لخرين قال خارجينها طاي طاي يعني الكل يقولك نبغي العقلية وهو يروح يفليها ويشوف فيها من ساسها لراسها
اما هذاك الديوث الراضي بمرتو تمكيي للغاشي هذاك عندو دولة وحدو
وشكرا على رايك بالموضوع ونظن الشباب بعدما جربو وجربو اكيد عرفو انو العقلية هي الصح وخلي الراجل اللي عينو فاجعة هذاك عمرو ولا يقتنع
بارك الله فيك

 

[AmiR@RoRo]

رد: الزين وما دار فينا

السلام عليكم
والله يا ختي الراجل من حقو يدي ويخير وحدة شابة
بصح ماشي لدرجة لي تحير
يعني تلقايو ماحابش يتزوج لحتى يلقى هاديك لي راسمها ببالو :s
البلوندا مولات العين الزرقا والشعر لصفر وووو
تحيري فيهم والله مخلوعين وعينيهم ديما طايرين مع هادي وهاديك
رانا شفناهم لي خيرو مولات الزين والمانيكير والباديكير والشيكي وماهمهمش الباقي شفناهم كفاش كملو حياتهم -__- (( الا من رحم ربي

وكاين لي تلقايو طول حياتو يتشرط فتالي يطيح طيحه على راسو هههه

ربي يهدي ما خلق برك

يعطيك الصحة اختي راكي جاية معولة :sport01:

 

[ليليا مرام]

رد: الزين وما دار فينا

السلام عليكم
والله يا ختي الراجل من حقو يدي ويخير وحدة شابة
بصح ماشي لدرجة لي تحير
يعني تلقايو ماحابش يتزوج لحتى يلقى هاديك لي راسمها ببالو :s
البلوندا مولات العين الزرقا والشعر لصفر وووو
تحيري فيهم والله مخلوعين وعينيهم ديما طايرين مع هادي وهاديك
رانا شفناهم لي خيرو مولات الزين والمانيكير والباديكير والشيكي وماهمهمش الباقي شفناهم كفاش كملو حياتهم -__- (( الا من رحم ربي

وكاين لي تلقايو طول حياتو يتشرط فتالي يطيح طيحه على راسو هههه

ربي يهدي ما خلق برك

يعطيك الصحة اختي راكي جاية معولة :sport01:

السلام عليكم اهلا وسهلا اختي نورت موضوعي
والله يا اختي هذوك جماعة الشعر الاصفر والعين الزرقا ايه خلاصت عليهم مال
الزين مش عيب العيب لما الراجل يديرو كل شي في حياتو والمالووور تلقايه ما يشبعش تلقاي عندو مرا زين ونظافة وهمة ويروح يخدعها لانو عينو فاجعة وما يشبعش
وهذوك اللي صبر وصبر وخيرو الالوان وفالتالي يا حسراه صايم صايم وفطر على بصلة هذا كلو لانو يختارو
المهم العقل والمهم المرا اللي تصبر واللي تتحمل والمهم مش الراجل الشباب المهم الراجل الفحل
ربي يخليك وي عولت عليكم ههههه
شكرا نورني ردك

 

[¬Đỉaмơŋđ ✿]

رد: الزين وما دار فينا

وعليكم السلآم ورحمة الله تعالى وبركآته

ديما تجيبيلنا مواضيع تحفة وطريقتك فالسرد ههههههه تقتلني بالضحك
الشي اللي حكيتيه كآمل واقع رانا نشوفوه بعينينا
أي واحد فينا يحط مواصفات معينّة لفتاة أحلامه ولا لفارس الأحلآم خخخ بصح الأحلآم حاجة والواقع حاجة وحد أخرى خلآص.
هاذو اللي راهم يتشرطو هكذا في ميزك داوهم صح كيما كانو يشركو في فوامهم حق ربي غير طاحوا على وجههم ههههههه عشنا وشفنا.
الزين عمرو ماعمّر ديار على خاطر فاني ومايدومش.
أنا (أعوذ بالله من كلمة أنا) صراحة بلا كذب كيما قلتي ههههه يهمنّي فالرجل أنو يكون شكله مقبول وكي نشوفو نرتاح مواصفات شكليّة أخرى ماتهمنيش على خاطر كاين أولويات اللي تتبنى عليها العلاقة قبل أنّي نحصرها في مظهر خارجي.
مشكوره على السوجي أختي،ربي يحفظك ويرزقك ولد الحلال.
​

 

[ليليا مرام]

رد: الزين وما دار فينا

وعليكم السلآم ورحمة الله تعالى وبركآته

ديما تجيبيلنا مواضيع تحفة وطريقتك فالسرد ههههههه تقتلني بالضحك
الشي اللي حكيتيه كآمل واقع رانا نشوفوه بعينينا
أي واحد فينا يحط مواصفات معينّة لفتاة أحلامه ولا لفارس الأحلآم خخخ بصح الأحلآم حاجة والواقع حاجة وحد أخرى خلآص.
هاذو اللي راهم يتشرطو هكذا في ميزك داوهم صح كيما كانو يشركو في فوامهم حق ربي غير طاحوا على وجههم ههههههه عشنا وشفنا.
الزين عمرو ماعمّر ديار على خاطر فاني ومايدومش.
أنا (أعوذ بالله من كلمة أنا) صراحة بلا كذب كيما قلتي ههههه يهمنّي فالرجل أنو يكون شكله مقبول وكي نشوفو نرتاح مواصفات شكليّة أخرى ماتهمنيش على خاطر كاين أولويات اللي تتبنى عليها العلاقة قبل أنّي نحصرها في مظهر خارجي.
مشكوره على السوجي أختي،ربي يحفظك ويرزقك ولد الحلال.
​

السلاك عليكم اختي ديامو نشكرك بزاف على رايك ربي يخليك
وي صح ما داوهمش كيما كانو يلعبوها والله المخير فيهم يا رب داها مقبولة وهذوك كانو يموتو على الشعر لصفر والعين الزرقات حد وين عوارو من عينيهم لانو الراجل عينو فاجعة ولما يجربو ويجربو بعدو يقولك العقلية خير والمرا تلقاياها تحبو مقبول يهمها المعيشة معاه والصراحة يناتنا على الاقل يكون مقبلو ولو شباب الخير خيرين ههه ما نقولوش لالا ولو الشباب معاه بزاف مشاكل تحسي بنات الحومة كامل معاك فالليفري :s:s:s
الاولويات هي الصح مي الراجل لما يروح يختار ويدي وزيرة الاتصال يماه ومعاه ختها لويزة راكي عارفة وزيد الشابة لو بن غبريط نتاع ختو تزيد تجي يا حلاوة تزيد تكمل اللي ما فيهاش يديروها فيها والمشكل ذيك ختو وسامحني يا ربي كور ومد الاعور وتحل فمها فبنات الناس هذي اللي تغيضك انا نولي نشري مرايات لما يهدرو هاكا نمدلهم كادوات حتى يشوفو رواحهم فيها :d:d:d:d وولديهم اول واحد :yahoo01::yahoo01::yahoo01::yahoo01:
الله غالب لانو حنا شعب يحكم بالمظاهر هذي هي نحبو البراق من برا
شكرا لك
آمين الله يخليك المهم يكون راجل وفحل وليد حرام او حلال هو يسقسي دارهم منين جابوه :d:d:d:d

 

[خفيفة الروح]

رد: الزين وما دار فينا

موضووووووووع روووووعة دائما تبدعين

 

[ليليا مرام]

رد: الزين وما دار فينا

موضووووووووع روووووعة دائما تبدعين

السلام عليكم اهلا وسهلا
نورت الموضوع شكرا على رايك الكريم

 

[Silent Hill]

رد: الزين وما دار فينا

​

سلام الله عليك ، صباح النور​

واش نقلك صغروره
ملقري توس راح نبقى نتفائل و نقول ربي يطيحني فبنت الحلال
اما الباقي نخليه عند ربي
يعطيك الصحة على الطرح المميز ...​