كرسي التعارف الضيفة { الزهرة الحمراء }

[بنفسج]

يسرنا نحن في منتدى اللمة الجزائرية ...
وفي منتدى اهنا فرغ واش كاين في قلبك

ان نفتح ابواب التعارف و التآلف الدي سيجمع الاعضاء والمشرفين والمراقبين تحت سقف واحد
او فوق كرسي واحد
هو ​

فكرة هدا الموضوع للعضو
رجل من الزمن الجميل
http://4algeria.com/forum/members/173666/

والدي نوجه له تحية :regards01:
وهي اننا سنصطاد في كل مرة
عضوا من اعضائنا الكرام كضيف شرف ليجلس على الكرسي
لمدة اسبوع
و سيقوم الاعضاء بطرح أسئلة على الضيف لغرض التعرف اكثر عليه وعلى شخصيته وافكاره
ملاحظات

- عدم طرح اسئلة محرجة للضيف
- للعضو الضيف الحق في عدم الرد على الاسئلة التي لا يريد الاجابة عنها
-في حال كان العضو غير متصل توضع الاسئلة في الموضوع ليجيب عنها عند اتصاله و عودته للموضوع
ولكل ضيف بعد ان ينتهي من الاجابة ان يعين ضيفا اخر وهكدا دواليك

في الاخير املنا ان نرتقي بالمنتدى ونصل رباط الاخوة بين جميع الاعضاء
كاسرة واحدة

تقبلو تحياتنا ومرحبا بالجميع

اما ضيفتنا لهدا العدد فهي الجميلة الزهرة الحمراء
http://4algeria.com/forum/members/156499/

اتمنى لك قضاء وقت ممتع

تحياتي,,,,, ​

 

[السلطانة]

رد: كرسي التعارف الضيفة { الزهرة الحمراء }

وعليكم السلام ورحمة الله وبركاته

اهلا وسهلا بضيفتنا الكريمة نتمنى لها اقامة طيبة

شكرا كارلا

 

[فيتامين سي]

رد: كرسي التعارف الضيفة { الزهرة الحمراء }

اهلا اهلا بيك و بموضوعك و بضيفتنا الزهرة الحمراء ...تفضلي ريحي هههههه

نبدا انا باسئلة بسيطة مبسطة
عمرك ؟؟؟ دراستك

 

[الحلم الوردي]

رد: كرسي التعارف الضيفة { الزهرة الحمراء }

الســلآم عليكي الرحمة
يعطيك الصحة اختي كــــآرلآ
اسئلتي
ما إسمك؟
في اي مستوى تدرسين؟
اهتماماتك؟
ثلاتة اشياء تريدين تحقيقها؟
كيف وصلت الى اللمة ؟اي كيف عرفتها.
ماذا تمثل لكي الخواطر
شيئ تحبينه اكثر
شيئ تكرهينه
من شاعرك المفضل
ماهو شعورك وانت على كرسي التعارف؟
لي عودة​

 

[جيهان جوجو]

رد: كرسي التعارف الضيفة { الزهرة الحمراء }

وعليكم السلام ورحمة الله وبركاته

اهلا وسهلا بضيفتنا الكريمة
نورت الكرسي
بارك الله فيك كارلا

 

[بنفسج]

رد: كرسي التعارف الضيفة { الزهرة الحمراء }

السلام عليكم

- علاقتك بالادب

- عددكم في البيت

- هوايتك المفضلة

- هدف تتمناي تحقيه


تحياتي ،،،،،،​

 

[الزهرة الحمراء]

رد: كرسي التعارف الضيفة { الزهرة الحمراء }

السلام عليكم
شكرا غاليتي على الاستضافة الراقية منك
ونتمنى نكون عند حسن ظنكم ونجاوب على كامل اسئلتكم بإذن الله
لي عودة للإجابة على الأسئلة
جنائن الورد لروحكم الطاهرة ​

 

[الزهرة الحمراء]

رد: كرسي التعارف الضيفة { الزهرة الحمراء }

وعليكم السلام ورحمة الله وبركاته

اهلا وسهلا بضيفتنا الكريمة نتمنى لها اقامة طيبة

شكرا كارلا

وبيك يعيشك غاليتي
تكون طيبة بوجودكم وبنوركم
ياسمينة لروحك ​

 

[الحلم الوردي]

رد: كرسي التعارف الضيفة { الزهرة الحمراء }

هاني وليت اختي
مــــــــآجدة

_اسكو تحققت احلامكي
_هل تؤمنين بالصداقة بين الرجل والمراة وكيف تنظرين اليها؟
_هل انتي مجاملة ام صريحة والى اي درجة تعمدين الى المجاملة؟
_ هل يوجد شيئ مستحيل بالنسبة اليكي؟
- ما هو اكثر شيء بيشغل تفكيركي الآن؟
ان شاء الله مانكونش كترة عليك
ولي عودة ان شاء الله
​

 

[الزهرة الحمراء]

رد: كرسي التعارف الضيفة { الزهرة الحمراء }

اهلا اهلا بيك و بموضوعك و بضيفتنا الزهرة الحمراء ...تفضلي ريحي هههههه

وبيك يعيشك أختي ربي يحفظك ​

نبدا انا باسئلة بسيطة مبسطة
عمرك ؟؟؟ دراستك

بسم الله
بالنسبة للعمر 20 سنة
وبالنسبة للدراسة نعاود فالباك تاعي شعبة علوم تجريبية ​

 

[لؤلؤة قسنطينة]

رد: كرسي التعارف الضيفة { الزهرة الحمراء }

السلام عليكم
صار كارلا خلصت كرسي التعارف؟
في بالي مازالت هههه
على كل حال أحسنتِ الاختيار عزيزتي كارلا
عندنا شحال وحنا نستناو المصيبة هادي طيح في كرسي التعارف :d
غير نضحك، الأخت راهي غنية عن التعريف ماشاء الله
ونتمنالها إقامة طيبة على الكرسي
وجدي روحك رايحة نرجعلك من بعد بأسئلة إن شاء الله
تحياتي العطرة ^^
​

 

[الحلم الوردي]

رد: كرسي التعارف الضيفة { الزهرة الحمراء }

هاني وليت اختي
اسئلتي
_وقتاش دخلت للكوزينة اول مرة؟ واش الاكلة الي طيبتيها؟
_هل انت مع ان للمراة حقوقها بعد الزواج؟ الا زوجك طلب منك ماتخدميش واش الديري؟
_اوصفيلي شخصية بثلاث كلمات؟
_ماهوشاعركي المفضل؟
_هل انتي عقلكي الذي يتحكم بيكي ام قلبكي؟
_ هل تسامحين من غدركي؟
واكتفي
ان شاء الله مانكونش كثرة عليك
​

 

[الزهرة الحمراء]

رد: كرسي التعارف الضيفة { الزهرة الحمراء }

الســلآم عليكي الرحمة
يعطيك الصحة اختي كــــآرلآ
اسئلتي
ما إسمك؟
ماجدة
في اي مستوى تدرسين؟
نعاود فالباك
اهتماماتك؟
بعض الخربشات اضافة الى المطالعة وخاصة الروايات
ثلاتة اشياء تريدين تحقيقها؟
بعد ما نكمل قرايتي فالتخصص لي راني حاباتو نفتح صيدلية من بعدها نكمل دراسات عليا فالخارج تخصص لغة انجليزية ومن بعدها غير كيما بدات تخدملي نحاول اما نفتح دار حضانة و اما دار ايتام وهدا الخيار الاخير بدا يخدملي بعد ماصرا موقف معايا خلاني نخمم فالخطوة هاذي
كيف وصلت الى اللمة ؟اي كيف عرفتها.
ماذا تمثل لكي الخواطر
شيئ تحبينه اكثر
شيئ تكرهينه
من شاعرك المفضل
ماهو شعورك وانت على كرسي التعارف؟
لي عودة​

بالنسبة للإسم ماجدة
المستوى الدراسي :نعاود فالباك تاعي
اهتماماتي : بعض الخربشات اضافة الى المطالعة وخاصة الروايات
3 اشياء اريد تحقيقها : بعد ما نكمل قرايتي فالتخصص لي راني حاباتو نفتح صيدلية من بعدها نكمل دراسات عليا فالخارج تخصص لغة انجليزية ومن بعدها غير كيما بدات تخدملي نحاول اما نفتح دار حضانة و اما دار ايتام وهدا الخيار الاخير بدا يخدملي بعد ماصرا موقف معايا خلاني نخمم فالخطوة هاذي
كيف وصلت الى اللمة : صدفة كنت وين نحوس على عفسة تخرجلي هي واول حاجة لي شدتني ليها هي العفسة تع كوناكتي ماشي هنا واللومبا هاديك كي تكون شاعلة وطافية عجبتني دخلت ليها
ماذا تمثل الخواطر لي : تمثل لي الخواطرالكلام لي مانقدرش نقولوا يعني مرات تكون حاجة في قلبي مانقدر نحكيها لحتى واحد وبلا مانفيق نلقى القلم كتب واش راني حاسة بيه بكل سهولة :$
شيء احبه لكثر : نعشق حاجة يقولولها اطفال وين يكونوا تلقايني
شيء اكرهه : قصدك اشياء ههههه
نكره الكذب نكره النفاق نكره واحد كي يقلق مني ومايعطينيش حقي فالهدرة والدفاع عن نفسي
نكره صاحب زوج وجوه مسكين يغيضني على خاطر رايح يموت بلا وجه :p نكره لي كي ياكل يدير صوت
ومازال كاين بزاف كي نتفكرهم نزيد نقولك *كاش ماخليت * هه
شاعري المفضل : نزار قباني :love01:
محمود درويش
شعوري وانا على كرسي الاعتراف : حاسة روحي كي هداك لمحابسي لي يديرولو استجواب هههه
الاحساس شوية خايفة منكم :thumb_up02::smile02:
مرحبا بيك غاليتي في اي وقت راني نسنا فيك
وسامحيني على عدم تنسيق الخط والتخربيش هذا ازمة هاتف
المرة الجاية نحاول نسق الخط

 

[الزهرة الحمراء]

رد: كرسي التعارف الضيفة { الزهرة الحمراء }

وعليكم السلام ورحمة الله وبركاته

اهلا وسهلا بضيفتنا الكريمة
نورت الكرسي
بارك الله فيك كارلا

وبيك يعيشك غاليتي
النور نورك انت
ربي يحفظك ​

 

[الزهرة الحمراء]

رد: كرسي التعارف الضيفة { الزهرة الحمراء }

السلام عليكم

وعليكم السلام غاليتي ​

- علاقتك بالادب

مانعرفوش شكون هذا الادب :d
هههه نقصر
علاقتي بدات مع الادب من سنة اولى ثانوي قراني استاذ ادب ماشاء الله عليه خلاني نحب الحصة تاعو ،،، تلقايني في حصتو مركزة معاه بكامل حواسي كان مرة على مرة يعطينا معلومات ولا ينصحنا نقراو عفايس ومن لثم بديت نحب كل حاجة تتعلق بالادب ​

- عددكم في البيت

حنا كامل في 6 ​

- هوايتك المفضلة

بعض الخربشات اضافة الى المطالعة مرات تلقايني كي نبدا نقرا كتاب نولي مدمنة نحمل الكتاب فالهاتف تاعي تلقايني وين نلقى يالوكان وقت فراغ المدة تاعو خمس دقايق نجبد نقرا حتى ولو صفحة ​

- هدف تتمناي تحقيه

نحقق كامل اهدافي ههههه
نكمل قرايتي ونتخرج وندير واش في بالي ​

تحياتي ،،،،،،​

جوري لروحك الطاهرة غاليتي
انتظر عودتك ​

 

[الزهرة الحمراء]

رد: كرسي التعارف الضيفة { الزهرة الحمراء }

هاني وليت اختي
مــــــــآجدة

_اسكو تحققت احلامكي
_هل تؤمنين بالصداقة بين الرجل والمراة وكيف تنظرين اليها؟
_هل انتي مجاملة ام صريحة والى اي درجة تعمدين الى المجاملة؟
_ هل يوجد شيئ مستحيل بالنسبة اليكي؟
- ما هو اكثر شيء بيشغل تفكيركي الآن؟
ان شاء الله مانكونش كترة عليك
ولي عودة ان شاء الله
​

مرحبا بيك غاليتي في اي وقت تنوري بنورك
هل تحققت احلامي ؟
نقولوا مازالني في بداية الطريق ومازالني نحاول من اجل نحقق احلامي
هل تؤمنين بالصداقة بين الرجل والمرأة ؟ وكيف تنظرين اليها ؟

بعيدا عن الجانب الديني لانو كامل نعرفوا رأي الدين فالعلاقات هاذي لكن صراحة انا هاد النوع من العلاقات يعيني علاه لانو قد ماطولت ماهيش رايحا تبقى صداقة وديما تلقاي طرف من هاذيك العلاقة يحول الصداقة الى حب
هل انتي مجاملة ام صريحة والى اي درجة تعمدين الى المجاملة؟
مانيش مجاملة للدرجة لي نغطي فيها الشمس بالغربال ومانيش صريحة لدرجة الوقاحة
ومانحاولش نكون مجاملة لدرجة كبيرة قد مانحاول نوصل الراي تاعي بطريقة لبقة ماتجرحش الطرف لي معايا
هل يوجد شيئ مستحيل بالنسبة اليكي؟
بالنسبة لي ماكانش شيء مستحيل
القليل من الارادة والكثير من الاجتهاد يتحقق كل شيء
ماهو اكثر شيء يشغل تفكيرك الآن ؟
شحال بقالك من سؤال ههههه
راني نقصر برك حبيبة
لي يشغل بالي الآن دراستي هي اكثر شيء




لالا مكثرتيش سقسي لي تحبي وراني هنا نجاوبك
انتظر عودتك ​

​

 

[الزهرة الحمراء]

رد: كرسي التعارف الضيفة { الزهرة الحمراء }

السلام عليكم
صار كارلا خلصت كرسي التعارف؟
في بالي مازالت هههه
على كل حال أحسنتِ الاختيار عزيزتي كارلا
عندنا شحال وحنا نستناو المصيبة هادي طيح في كرسي التعارف :d
غير نضحك، الأخت راهي غنية عن التعريف ماشاء الله
ونتمنالها إقامة طيبة على الكرسي
وجدي روحك رايحة نرجعلك من بعد بأسئلة إن شاء الله
تحياتي العطرة ^^
​

وعليكم السلام ورحمة الله وبركاته
شكوووون جاني هههه
مانوجد روحي ماوالو حاشاك اسئلتك واعرة خليها وراء الكواليس اني نعرفك مليح هههههه
انا خيتك :love01:
اقعدي برك ضيفة كيما انا
ياسمينة لروحك الطاهرة ​

 

[@R@ZIK]

رد: كرسي التعارف الضيفة { الزهرة الحمراء }

السلام عليكم
شكرا كارلا على دعوة الزهراء الحمراء
ان شاء الله نكونو خفاف عليك

بون نرجعو للأسئلة
لماذا سميتي نفسك الزهرا ء الحمراء؟
هل تؤيدي الزواج العاطفي ام الزواج التقليدي ؟ ولماذا ؟
ماالذي يلفت انتباهك بسرعة في الشخص لكي تعجب به
واش هو الدرس لي تعلمتيه في حياتك؟
لوكان يقولولك اعطينا عنوان آخر لمنتدى اللمة واش هو؟
يوم في حياتك .. تتمني أن يعود .!. و لماذا .؟.
ويوم في حياتك .. تتمني ان لا يعود.!. لماذا .؟.
اذكري لنـا ثلاثة من الأعضاء تتابعي مشاركاتهم وردودهم
ماهي أوقات النوم المفضلة لك؟
هل تعرضت يوما للمضايقة من احدهم في المنتدى ؟
هل انت من عشاق الكرة؟
من هو المنتخب العالمي الذي تشجعيه ؟


بالتوفيق ماجدة





​

 

[Skor m@k]

رد: كرسي التعارف الضيفة { الزهرة الحمراء }

السلام عليكم
آه شكون راهي هنا اختي مجاجو مرحبااااا بيك
ختي كارليتا عرفتي شكون تخيري
بصح اسمحيلي قلتلك نولي للكرسي مي الله غالب الوقت مكانش

نبداو الاسئلة
ختي انت مطلقة خخخخ نgسسر برك ههههه
بسم الله الأسئلة وجدي روحك
كي تدخلي للمة أول قسم تروحي ليه
غير منتدى الاشراف بتاعك

شحال من ولاية زرتي

واش حابا تخرجي كي تكملي قرايتك

كي تكون عندك 11 نالف تفليكسيها ولا تشريها ماكلا

هذي البداية ومزال مزال هاهاهاه
سلام​

 

[فيتامين سي]

رد: كرسي التعارف الضيفة { الزهرة الحمراء }

راني وليت
متخافيش اسئلتي شابين بزاف هع هع هع انا شغيغة
سؤالي هو بعد مقرست اهدافك لوكان تضطري تخلي هدف واحد اي هدف تخيري بيناتهم
2/ هل الزهرة الحمراء متحجبة ..ادا نعم كفاش جاتك اول مرة نلبشي الحجاب و ادا تلى قناعة ام والديك قالولك و ادا ماشي متحجبة مديلنا رايك تاني و وقتاش حابة ديريه

2/لو تقدري تغيري حاجة في المنتدى او تضيفي حاجة واش هي متقوليش غير نمحي هبة منه نجي نقتلك و نفوتك كفتة و نزيد نخمم واش نطيب بيك ...نضحك معاك انا عاقلةهههه