كرسي التعارف الضيفة { الزهرة الحمراء }

[الزهرة الحمراء]

رد: كرسي التعارف الضيفة { الزهرة الحمراء }

1- ان شاهدت فيلما تلفزيونيا حزينا ينتهي بفراق الاحبه .. هل:
ا- تغرقين في البكاء وتصابين بحالة كابة؟
ب- تدمع عينيك عند لحظة الفراق؟
ج - لا تتأثرين ابدا ؟

ب- تدمع عينيك عند لحظة الفراق؟
خلاص تفضحت هههه

2- ان تعرضت احدى صديقاتك المقربات لك لكسر قوي في يدها .. هـل:
أ- تبكين وتصرخين بجوارها في المستشفى؟
ب- تتأثرين جدا وتحاولين ان تواسيها؟
ج- تهاتفينها سريعا ولا تزورينها ؟

ب- تتأثرين جدا وتحاولين ان تواسيها؟

3- ان سمعت خبر انفصال جارتك عن زوجها بعد سنوات عديده .. هــل:
أ- تتألمين وتغلقين الغرفة عليك وكأنك انتي المطلقه؟
ب- تتأثرين جدا وتحاولين الاتصال بها للاصلاح؟
ج- لا تبالي ابدا بالامر ؟

ب- تتأثرين جدا وتحاولين الاتصال بها للاصلاح؟
وصرالي موقف مثل هذا بعد

4- ان قمتي بفسخ خطبتك لأحد الشبان وفجأه تفاجئتي انه خطب اعز صديقه لديك .. هـل:
أ- تتأثرين وتبكين لأنك اضعتيه من يدك؟
ب- تتأثرين قليلا ولكنك تباركين لصديقتك؟
ج- لا تبالي ابدا وتقاطعي صديقتك للابد ؟

ب- تتأثرين قليلا ولكنك تباركين لصديقتك؟
"وعسى أن تكرهوا شيئا وهو خير لكم "

5- ان ترك صديقتك لك وقطع اتصالها معك يجعلك:
أ- تتألمين لفترة طويلة؟
ب- تحاولي مع كل ذلك اعطاءها مشاعر احترام وموده؟
ج- تواصلين حياتك دون اي ازعاج؟
ب- تحاولي مع كل ذلك اعطاءها مشاعر احترام وموده؟

شكرا لمرورك ايها الفاضل
انتظر عودتك
تحياتي لك ​

 

[BLEU PEARL]

رد: كرسي التعارف الضيفة { الزهرة الحمراء }

السلام عليكم
تحية كبيرة لناس زمان وكرسي تعارف 2014 2015 وتحية كبيرة لضيفتنا الزهرة الحمراء
سؤالي
كم تحفظين من القرآن
أقرب الناس إليك....من
أقسى كلمة سمعتها
أصعب لحظة عشتها
أرق كلمة تتمنين سماعها ومن من؟
نظرتك للحياة
آفاقك المستقبلية؟
تحياتي لك

 

[Hakan]

رد: كرسي التعارف الضيفة { الزهرة الحمراء }

ياه يا دلالي الاسئلة نتاعي دارتهم كي شغل سلاطة شلب شلب كملتهم اني جايك يالسامطة :

قالك وحد النهار ذبانة طاحت في البحر ههه { ما تضحكيش نقتلك} :sport01:

المهم بسم الله اوله وآخره :

واش تحكيلي على حاسي مسعود راني حاب نجي ندير دورة لثم :-r

قلتيلهم نكره البالون من بعد نتفاهم معاك مليح مليح :down:

شا تبغي في الالوان اعع سؤال قديم :yahoo01:

نجيو للصج كيما يقولو الخليجيين :

كيف هي مواصفات رجل الاحلام :love01: ؟

واش تحب في الراجل ماجدة :
الحنين بزااف وكل طلباتك موجودة ولا الخشين اللي منين ذاك يعيط عليك :regards01: ؟
واش تحبي تسمي اولادك ذكور واناث وهل انت من هواة الولادة الكثيرة [ راني نتخيل في القبيلة نتاعك ] :$

ايا ياسر فيك من بعد نرجعلك ان شااء الله :d ​

 

[الزهرة الحمراء]

رد: كرسي التعارف الضيفة { الزهرة الحمراء }

تبا قلبي الصغير لا يتحمل

علابالك مشاعري ضعيفة مسكينة وتتحرك ليه ليه :$
قوليلي اني نعرف خرايبك ماكالاه تلعبيها عليا ههههه
زعما زعما قلبك ماتحملش نندب
هههههه تعجبيني كي تفهمي روحك وحدك وحدك
هيا نطرحو عليك شوي اسئلة خفيفة مانتعبوكش بزاف:
ما هو اسمك؟ وكم عمرك ؟ هههههه
قوليلي اقراي الردود تعرفيهم :d
ههههه كون غير جيتي قريتيهم فالردود من عام الفيل وانت تحكي معايا ودرك جايا تقوليلي اسمك وعمرك عيب عليك :p:p:d
هيا درك وقت الجدية :sport01:
خلعتيني :-o
1-هل تمنيتِ يوماً أن لا يكُون إسمكِ ماجدة؟
لالا ماتمنيتش
ديجا راكي خدمتيهالي درك نقول لدارنا نطلع للمحكمة نبدلو ههههه
إن كانت الإجابة بنعم واش هو الاسم لي كنتِ متمنية يكون اسمك؟
وإذا الاجابة بلا أعطينا اسم بنت يعجبك ^^
نحب اسم ملاك يعجبني بزاااف
وزيدي اعطينا اسم ولد يعجبك مانحقروش الذكور مساكن ههه
نحب اسم سامي فالذكور
2-كُن نقولك أنا البحر يسحرني، نحسو فيه الرومانسية، الأناقة والقوة في نفس الوقت
واش يكون ردك؟ توافقيني الرأي؟؟ واذا لا اوضعيلي ثلاث صفات او كلمات تقدري توصفي بيها البحر
يووووو ظهرتي فيلسوفة زمانك وانا لا خبر
ايه ايه نوافقك باه مانعطيكش 3 صفات ههههه
نقصر حبيبة صح البحر يمثل كامل واش قلتي عليه
3-طيب انا نعرف بلي الزهرة الحمراء مبدعة في المجال الادبي والدليل مدونتها تحمل حروف راقية
كن نقولك في سطرين او ثلاثة اكتبي عليا حاجة، اهديلي حروف هكا من عندك
( ياسيدي صاحبتك وماحبيتيش تفهمي روحك كل يوم نقول درك تكتب عليا حاجة ساع والو هههه)
ياو قالك الكتبة بالدراهم وكل حرف نكتبو نخلص عليه وهاكي تعرفي حالة التقشف وانت تقوليلي اكتبي عليا واش صرالك هههه
غير نضحك، واذا ماعندكش اعطيني جزء صغير من كتاباتك ما يتجاوزش 3 اسطر
لالا ماكيش تضحكي راكي من نيتك -_- حاشاااك باينة راكي تضحكي زعما مانعرفكش تحبي تقصري لما كل هذه الدراما يا صديقتي
بالنسبة للكتابة نوعدك نكتبلك حاجة فالقريب العاجل وتحبي نعطيهالك فالكواليس ولالا نحطها فالمدونة تاعي ونديرها هدية الى لؤلؤة قسنطينة هكا تعودي مشهورة خخخخ
وباه ماتقوليش عليا مشحاحة هاكي حاجة قديمة من المدونة تاعي


"ولقد أفقت ياصديقتي على فاجعة هذا العصر أفقت لأجد الخيانة أمامي إنتماء والغدر هواية في أيدي الناس
أفقت لأجد الحب عبارة عن أفيون ينفخ البطون
أفقت ياصديقتي لأجد وهمي وحلمي الجميل جنون في جنون لقد أفقت وعلمت أن إفاقتي إغتيال لذاتي وللحلم المحال"
هيا نخليك مع هادو تجاوبي عليهم، 15 دقيقة ونجي نحيلك الورقة -_-
15 دقيقة بزاف لوكان زدتي نقصتي
تحياتي ^^

​

هيا هاني جاوبتك كيما يحب الخاطر وبالاكي ترجعي هنا رجلييك نحيهملك ههههه
اني نقصر مرحبا بيك ا شعشبونة في اي وقت خخخخ ​

 

[Hakan]

رد: كرسي التعارف الضيفة { الزهرة الحمراء }

حالياً الأعضاء النشيطين الذين يشاهدون هذا الموضوع: 6 (5 عضو و 1 ضيف)
‏hakim story, ‏لؤلؤة قسنطينة, ‏الزهرة الحمراء, ‏oussama9694, ‏سكون الفجر

خخخ سكون الفجر عندها ايامات غايبة وراهي جات غير على جالك ​

 

[الزهرة الحمراء]

رد: كرسي التعارف الضيفة { الزهرة الحمراء }

حالياً الأعضاء النشيطين الذين يشاهدون هذا الموضوع: 7 (5 عضو و 2 ضيف)
‏الزهرة الحمراء, ‏لؤلؤة قسنطينة+, ‏hakim story, ‏oussama9694, ‏سكون الفجر

ياااا راني مشهورة هادو كامل جايين يقرعجوا آآه قصدي يطلوا عليا
مرحبا بيكم ان شاء الله برك ماجيتوش ويديكم فارغين :p:p:d ​

 

[بنفسج]

رد: كرسي التعارف الضيفة { الزهرة الحمراء }

حالياً الأعضاء النشيطين الذين يشاهدون هذا الموضوع: 7 (5 عضو و 2 ضيف)

‏كارلا, ‏الزهرة الحمراء, ‏hakim story, ‏oussama9694, ‏سكون الفجر​

احم احم اعدلو رواحكم نديرو سيلفي خخخ

تشييييز ​

 

[oussama9694]

رد: كرسي التعارف الضيفة { الزهرة الحمراء }

عدنا مع حُزْمة جديدة ...
كيف تصفين طفولتك ؟ فترة المراهقة ؟ الشباب ؟
نظرتك لأخيك الاكبر ؟
قدوتك في الحياة في العصر الحالي ؟
اعز شخص على قلبك ؟
شخص لن تنسيه أبدا ؟
اسعد مناسبة احتفلتِ بها ؟
وننتقل الى اسئلة الحالة المدنية هههه
تاريخ الميلاد ؟
من اي ولاية و في اي ولاية حاليا الاقامةُ ؟
لو اقترحوا عليك اخذ جنسية ثانية .. اي الدول ستختارين ؟
-----------
اظن ان هذا يكفي للآن لكن ربما نعود

 

[سكون الفجر]

رد: كرسي التعارف الضيفة { الزهرة الحمراء }

السلام عليكم ورحمة الله
منورة الكرسي وكل المكان حبيبتي الزهرة الحمراء
قرأت اجوبتك وأعجبتني جداً صراحتك وطريقتك في الإجابة مميزة جداً
تسلم ايديكِ حبيبتي على كل الاجوبة، فهكذا اصبحنا نعرف ولو القليل عن زهرة المنتدى
ليس عندي ما أسأله حبيبتي
أحببت المرور والسلام عليكِ وعلى كل الحاضرين الاعزاء
اتمنى لكِ اقامة طيبة بين اخوتك واخواتك غاليتي
....

حكيم: الله المستعان يا اخي كنت مجبرة على الغياب
ربي يحفظك يا اخي، دخلت لاجل الجميع هنا

 

[الزهرة الحمراء]

رد: كرسي التعارف الضيفة { الزهرة الحمراء }

مساء الخير

هههه ربي يعينك ماجدة خخ
مانيش جاية نطرح اسئلة راهم اتهلاو الله يبارك
امم بما انك تحبي الحلويات هاني جيت نضيفك بيهم باه متقوليش متهلاوش فيا خخ

تحياتي


​

مساء النور
شفتك تقرعجي من تحت ومطولة قلت هاذي باين راهي توجد في كاش اسئلة بتعداد سكان الصين الشعبية
ايا الساعة جيتيني كي الفحلة وجايبتلي شيكولا لي نحبها
هاي الناس لي تفهم اتعلموا يا متعلمين يا بتوع المدارس هههه
يعطيك الصحة حبيبة تاعي نخلفهالك فالفرح ان شاء الله
تحياتي
​

 

[BLEU PEARL]

رد: كرسي التعارف الضيفة { الزهرة الحمراء }

حالياً الأعضاء النشيطين الذين يشاهدون هذا الموضوع: 9 (6 عضو و 3 ضيف)
‏BLEU PEARL, ‏AmiR@RoRo+, ‏الزهرة الحمراء, ‏hakim story, ‏سكون الفجر+, ‏كارلا
ههههههه حبيت نسينيي اسمي برك من القرعاجات ههههه

 

[الزهرة الحمراء]

رد: كرسي التعارف الضيفة { الزهرة الحمراء }

السلام عليكم
وعليكم السلام
هاوو طل القمر علينا
تحية كبيرة لناس زمان وكرسي تعارف 2014 2015 وتحية كبيرة لضيفتنا الزهرة الحمراء
وتحية كبيرة ليك انت :love01::p
سؤالي
بسم الله
كم تحفظين من القرآن
ليس بالشيء القليل وليس بالشيء الكثير للأسف

أقرب الناس إليك....من
الام تاعي ربي يحفظها لي
أقسى كلمة سمعتها
خص غير واحد يقولي كلمة قاسية حبيتي نطيحلو سنيه ههههه انا عاقلة
خليها على ربي لي جرحني بالكلام بينو وبين مولاه
أصعب لحظة عشتها
وفاة الجدة تاعي ربي يرحمها
أرق كلمة تتمنين سماعها ومن من؟
كلمة ماما من وليدي ولا بنتي :love01::$
نظرتك للحياة
باين تحكي على حياة لي تقرى معايا ماعندي مانقول فيها بنت فاميلية

نقصر برك اصبريلي نبدا نحكي كيما وحدة شغل عندها 80 سنة في عمرها
ايييه يا بنتي الدنيا هادي صعيبة على قد ماتعطيك رايحا تنحيلك الدوبل على لي عطاتهولك ههههه
شكرا لا داعي للتصفيق
آفاقك المستقبلية؟
ماكان لا أفاق لا والو الماكلة والرقاد هههه
تحياتي لك

مرحبا بيك ا مصيبة في اي وقت تنوريني الكرسي كرسيك
مبصح ماشي كي قتلك هكا تسكني عندي هههه
​

 

[الزهرة الحمراء]

رد: كرسي التعارف الضيفة { الزهرة الحمراء }

ياه يا دلالي الاسئلة نتاعي دارتهم كي شغل سلاطة شلب شلب كملتهم اني جايك يالسامطة :
هههه مناه انت تاني عطيتني اسئلة شغل سلاطة :d:p
قالك وحد النهار ذبانة طاحت في البحر ههه { ما تضحكيش نقتلك} :sport01:
وكيفاه طاحت هاذ الذبانة علاه ماتعرفش طير :smile02::smile02:
المهم بسم الله اوله وآخره :
بسم الله
واش تحكيلي على حاسي مسعود راني حاب نجي ندير دورة لثم :-r
ماعندي مانحكيلك عليها واصلا مانقبلوش الزوار عند الباراج يرجعوك خخخخخ :p:p:p راني نقصر
حاسي مسعود شوف فيها غير صحرا صحرا صحرا صحرا صحرا صحرا نزيدك ولا نحبس ههههه
عادي مدينة صغيرة وعايشين فيها الناس
ومرحبا بيك في اي وقت حاسي مسعود ترحب بيك ولكن نصيحة اذا حبيت تجي بالاك تجي فالصيف :smile02::smile02:
قلتيلهم نكره البالون من بعد نتفاهم معاك مليح مليح :down:
انا والبالون والرياضة خطان مستقيمان متوازيان لا يلتقيان ابدا :sport02::tongue02:
شا تبغي في الالوان اعع سؤال قديم :yahoo01:
قديم على سروال جدي :thumb_up02::sport01:
نحب اللون الاحمر
نجيو للصج كيما يقولو الخليجيين :
هذا مازل كاين الصح اه قصدي الصج
كيف هي مواصفات رجل الاحلام :love01: ؟
خليني ساكتة مانهدرش نقعد نقول فالمواصفات مبعدة نهار يجي المكتوب مانلقى حتى صفة ههههه نقصر
باينة يخاف ربي على خاطر كي يكون يخاف ربي رايح يخاف ربي فيا ومايضرنيش وما يظلمنيش
ويحبني :love01: ومايكون عندو اي فكرة على تعدد الزوجات هههههه

واش تحب في الراجل ماجدة :
الحنين بزااف وكل طلباتك موجودة ولا الخشين اللي منين ذاك يعيط عليك :regards01: ؟
هي على الرغم من انو كل انثى تحب الحنين بزااف هذاك مبصح ماتحبوش ديما ديما يكون حنين تحب مرات تشوفوا يعيط عليها
ولهذا نخير الخشين اللي منين ذاك يعيط عليا باه كي يعيط عليا نبكيلو شوية مبعدة يجي يراضيني خخخخخخ :d:$
واش تحبي تسمي اولادك ذكور واناث وهل انت من هواة الولادة الكثيرة [ راني نتخيل في القبيلة نتاعك ] :$
بنات يعجبني اسم ألاء ولمار
بالنسبة للذكور نحب اسم سامي
وانا ضد الولادة الكثيرة يعني زوج يكفوني

ايا ياسر فيك من بعد نرجعلك ان شااء الله :d ​

مرحبا بيك في اي وقت
راني نسنا فيك ​

 

[الزهرة الحمراء]

رد: كرسي التعارف الضيفة { الزهرة الحمراء }

حالياً الأعضاء النشيطين الذين يشاهدون هذا الموضوع: 6 (5 عضو و 1 ضيف)
‏hakim story, ‏لؤلؤة قسنطينة, ‏الزهرة الحمراء, ‏oussama9694, ‏سكون الفجر

خخخ سكون الفجر عندها ايامات غايبة وراهي جات غير على جالك ​

شفت شحال راني مشهورة
اكثر عضوة تعجبني بالهدوء تاعها والرزانة جات طل عليا ربي يخليها ويحفظها ​

 

[oussama9694]

رد: كرسي التعارف الضيفة { الزهرة الحمراء }

عضو توقيعه رائع..( )


عضو نشيط... ( )


عضو مفقود... ( )


عضو تفرح بوجوده .. ( )


عضو تحسه واثق من نفسه ... ( )



عضو يغيضك .. ( )


عضو تتمنى تلقتي به ... ( )


عضو مثقف... ( )


عضو تخاف يوم أتشوف اسمه موجود..( )


عضو حابة تغيري اسمه ... ( )


عضو حابة تعرفي معنى اسمه ... ( )


عضو تحسي انه شايب... ( )

عضــو تحس أن فيه خــمول (كسل ) ... ( )


عضــو يجذبـك بأسلوبه وطريقـة ردوده ... ( )


عضـو أحيانا ينرفزك بـ ردوده ...( )


عضو جابة تقوليلو صح لسانك .. ( )


عضو تحسين انه طموح ... ( )


عضو تحسينه طفولي .. ( )


عضــو يناسبه لـقب المحبوب ... ( )


من هم الأعضاء اللي تتمناي تشوفيهم؟




عضو تقوليلو (( الله يسامحك )) ..


غرق المنتدى ومعك قارب مايحمل الا خمسة من تاخذ معك ؟

شــئ او شخــص غيــّر مجــري حياتـــك؟!

كـلمـــة تمنيـــــت ان تسـتطيـــعي سحـبهــــا؟!؟

آخـــر شخـــص تتـــذكــــرينه قبـــل أن تنـــــامي؟!؟

جــريمــة تتمنـــين لـــو تستطيـــعين ارتكابهــــا؟!

كلمة تودين سماعها كل يوم؟!؟

هل تعتقدين آن حظگ سيئ ؟؟؟

عآده تفعلينهآ دآئمآ تتمنين آن تترگيهآ ؟
آعتذآر تريدين آن تقدميه لمن؟

 

[الزهرة الحمراء]

رد: كرسي التعارف الضيفة { الزهرة الحمراء }

عدنا مع حُزْمة جديدة ...
مرحبا من جديد
كيف تصفين طفولتك ؟ فترة المراهقة ؟ الشباب ؟
طفولة مشردة ككل أطفال الجزائر :d
فترة المراهقة مانعرف مرات نحس اني ماحسيتلهاش فالفترة هاذي اغلب الناس كانوا يقول بلي تصرفاتي اكبر من عمري والله اعلم
فترة الشباب ولي راني فيها نحس انو الوعي زاد أكثر عندي وحتى أني مرات كي نخمم مع روحي نلقى انو تخمامي تغير بزااف على لي كان فيه وفي وجهة نظري تغيروا بزااف عفايس
نظرتك لأخيك الاكبر ؟
نظرة احترام ,,, يعجبني كيفاه يقدرني ويتعامل معايا
ومرات يقلقني على خاطر يولي اكبر سامط عرفته البشرية :d:sport02: خاصة كي يعود يتمسخر معايا ولا يلعب مايعرفش يتمسخر
قدوتك في الحياة في العصر الحالي ؟
قدوتي هي الام تاعي ربي يطولي في عمرها
اعز شخص على قلبك ؟
امي
شخص لن تنسيه أبدا ؟
الأب تاعي ربي يرحمه
اسعد مناسبة احتفلتِ بها ؟
اسعد مناسبة احتفالي انا وبنت عمتي واختي بمناسبة النجاح في شهادة التعليم المتوسط
هذا واش جاني في بالي :-h
وننتقل الى اسئلة الحالة المدنية هههه
يادرا هاد الاسئلة كيفاه
تاريخ الميلاد ؟
9 جانفي :bravo01::bravo01:
من اي ولاية و في اي ولاية حاليا الاقامةُ ؟
ولاية ميلة
الاقامة في حاسي مسعود
لو اقترحوا عليك اخذ جنسية ثانية .. اي الدول ستختارين ؟
بريطانيا معشوقتي
-----------
اظن ان هذا يكفي للآن لكن ربما نعود

مرحبا بك في اي وقت ايها الفاضل في انتظارك ​

 

[الزهرة الحمراء]

رد: كرسي التعارف الضيفة { الزهرة الحمراء }

حالياً الأعضاء النشيطين الذين يشاهدون هذا الموضوع: 9 (6 عضو و 3 ضيف)
‏BLEU PEARL, ‏AmiR@RoRo+, ‏الزهرة الحمراء, ‏hakim story, ‏سكون الفجر+, ‏كارلا
ههههههه حبيت نسينيي اسمي برك من القرعاجات ههههه

حالياً الأعضاء النشيطين الذين يشاهدون هذا الموضوع: 7 (5 عضو و 2 ضيف)

‏كارلا, ‏الزهرة الحمراء, ‏hakim story, ‏oussama9694, ‏سكون الفجر​

احم احم اعدلو رواحكم نديرو سيلفي خخخ

تشييييز ​

واش انتوما قلبتوهالي حصة تصوار :d:p
لموا بعضاكم هيا ههههه :sport02::sport02:​

 

[oussama9694]

رد: كرسي التعارف الضيفة { الزهرة الحمراء }

بخصوص الدراسة في الخارج ممكن ...اذا كان زوجك ايضا عازم على الدراسة خارج البلاد يعني تسافري معا محرم و تعيشي معاه في بلد اجنبي عادي

بخصوص ان الخطان المتوازيان لا يلتقيان /أنت و البالون/ هذه قاعدة خاطئة فهما يلتقيان اذا كانا منطبقان يعني لا توجد مسافة بينهما -نورمالمو قريناها في المتوسط ههههه-

و الاهم من الكلام شيء يساعدك على الاستمرار في الاجابة و اخترنا فاكهة لونها احمر

 

[الزهرة الحمراء]

رد: كرسي التعارف الضيفة { الزهرة الحمراء }

السلام عليكم ورحمة الله
منورة الكرسي وكل المكان حبيبتي الزهرة الحمراء
قرأت اجوبتك وأعجبتني جداً صراحتك وطريقتك في الإجابة مميزة جداً
تسلم ايديكِ حبيبتي على كل الاجوبة، فهكذا اصبحنا نعرف ولو القليل عن زهرة المنتدى
ليس عندي ما أسأله حبيبتي
أحببت المرور والسلام عليكِ وعلى كل الحاضرين الاعزاء
اتمنى لكِ اقامة طيبة بين اخوتك واخواتك غاليتي
....

حكيم: الله المستعان يا اخي كنت مجبرة على الغياب
ربي يحفظك يا اخي، دخلت لاجل الجميع هنا

وعليكم السلام ورحمة الله وبركاته غاليتي
النور نورك حبيبتي
يكفي مرورك الذي عطر متصفحي
ومرورك شرف لي حقا
جنائن الورد لروحك الطاهرة
​

 

[لؤلؤة قسنطينة]

رد: كرسي التعارف الضيفة { الزهرة الحمراء }

هيا هاني جاوبتك كيما يحب الخاطر وبالاكي ترجعي هنا رجلييك نحيهملك ههههه
اني نقصر مرحبا بيك ا شعشبونة في اي وقت خخخخ ​

صار هكا مالا ليوم بايتة هنا اصبري نجيب مخدة :p
وأكيد كي تكتبي عليا حطيها في المدونة باه الناس كامل تعرفني ونولي مشهورة :regards02:
كتري برك المدح والشكر ههههه وبالمقابل ارواحي للكواليس نعاونك في الاسئلة :d
ياك ماش حرام الاستعانة بصديق، مالا ارواحي نجاوبلك في بلاصتك ونجاوبلك حتى على الاسئلة لي مازالو ماتحطوش هههه
خلص وقت الضحك -_- نولي للجد وللعنف ههه
هيا نعطيلك اسئلة خفاف
واش هي السورة من القرآن الكريم لي تحبيها وتحسيها قريبة لقلبك مع انو القرآن ككل يشرح الصدر؟
وأكيد لما تقراي القرآن تحسي بآية كلي موجهة ليك، واش هي الآية لي تحسيها قريبة من قلبك؟
لما نفكرو في اللباس التقليدي تاع 48 ولاية نلقاوه يهبل ماشاء الله، واش هو اللباس لي يعجبك
بكثرة من بين ملابس 48 ولاية؟ وماتقوليش القطيفة تشوفي كيفاه -_-
قلتي من قبل في أحد الردود أنك تحبي اللون الاحمر، هل ماجدة تحب تلبس اللون الأحمر؟
ولا تحبيه هكاك من بعيد برك ههههه
هيا بزاف عليك كاشما تشعل اللومبا في راسي نزيد نجي نحط اسئلة :p
هاد المرة عندك 20 دقيقة ونحيلك الورقة ههههه
تحياتي ^^
​