كرسي التعارف الضيفة { الزهرة الحمراء }

[الزهرة الحمراء]

رد: كرسي التعارف الضيفة { الزهرة الحمراء }

السلام عليكم مساء الخير وجمعة مباركة علينا وعليكم :
وعليكم السللم ورحمة الله وبركاته
اعطيني رايك في الاعضاء التاليين :
مانعرف حتى واحد فيهم راني جديدة فاللمة يعني منقدرش نجاوبك ههههه :p:d
الاخوة الرجال اولا:

الاخ امين محمد
مانعرفوش حق المعرفة ولكن ديما تتخلطلي بينو وبين الامين احمد تلقاني ديما ندخل للملف تاعو باه نشوف واش من قسم راهو مشرف عليه هكا لي نفرق بيناتهم :s:bravo01: اعلم اني عبقرية لا داعي للتصفيق هههه
الاخ نجيب
,مثال الصديق ومايترددش انو يقدم المساعدة
الاخ مالك
هذا من الآخر مهبول صح وماعندوش الزهر خاصة في موضوع الزواج بمعنى حياتو مجنونة بكل تفاصيلها
الاخ الباندي
هدا تاني ينتمي لفئة مجانين اللمة وديما وين نقرا الردود تاعو نضحك من قلبي مبصح عندو شحال وهو غايب نظن بالاك راح حراق
الاخ ديسق
مثال المعرفة والرزانة ديما وين نقرا الردود تاعو يخليني نتحيلو صح كل حرف يكتبو بالقيمة تاعو
الاخ ابراهيم زبانا
مانعرفوش وماسبقليش حكيت معاه واذا كنت حكيت معاه ونسييت نقولوا سامحني اخي
ورايك في الاخوات :

مريم لؤلؤة قسنطينة
مانعرفهاش ...هادي وحدة هاربة من سبيطار العثمانية هههه راني نقصر بإختصار لؤلؤة مثال الطيبة ومصيبة وطاحت عليا :s
اميرة رورو
اميرة العاقلة الرزينة الثقيلة هههه ونحسها ديما ماتهدرش بزاااف

ام ياسمين
هادي كاش نهار تخرجلي من الميكرو مسكينة ههه ديما مهبلتها :d مبصح صح صح يعطيها الصحة قايمة بينا كامل شغل الام تاعنا وحنا ولادها واللمة دارها من هنا نتحيلها :regards01: ونقولها ربي يحفظك ويعطيك ماتتمناي
سكون الفجر
هادي لوكان نقولكم غير كيما عرفت بلي ماهيش جزائرية تعجبني بزاااف نحس روحها طاهرة وقلبها ابيض طيبة بزاااف
عاشقة الجنة
مازال كاينة طفلة بالاسم هادي مازالها حية شحال ماشفتش اسمها مكونيكتي هادي عندها ميزة تميزها ولي هي عقلها يفوت عمرها بزاااف تعجبني في ردودها وعندها رجاحة العقل
كارلا
المازوزية تاعنا في منتدى بوح القلم الحر
عندها كتابات روعة وراني قتلها من قبل كملي في هادي الطريق رايح يكون عندك مستقبل باهر في مجال الكتابة
وهدى لوفلي اس سمايل
الطفلة العاقلة ولي نموت على هدرتها وخاصة اللهجة تاعها تع ناس الغرب
بادوشونص
هادي ملي نشفى على روحي ومن نهار دخلت للمة وهي تحوس على زهرها لمسود لدرك مالقاتوش وراني تفاهمت انا وياها نحوسوا عليه العفسة لي تعجبني فيها هي الجرأة تاعها كي تكون حاجة في بالها تقولها وماتخمم في والو
ومازال كملي هاذوما ونرجعلك ان شااء الله ​

هاد الشيء كامل ومازال كاين جيبلي اعضاء اللمة كامل خير ههههه
ربي يحفظك ويهنيك ​

 

[الزهرة الحمراء]

رد: كرسي التعارف الضيفة { الزهرة الحمراء }

اهلا بيك ماجدة
خلعتينا قلنا ما عجباتكش القعدة وهربتي هههه
راها تستناك خدمة ربي معاك
​

وبيك يعيشك حبيبتي
هههه هي كنت راح نهرب عليكم ومانزيدش نرجع ايا غضتوني قلت حرام عليا نروح ونخليكم عاودت رجعت الله غالب مانقدرش بلا بيكم :love01:​

 

[الزهرة الحمراء]

رد: كرسي التعارف الضيفة { الزهرة الحمراء }

اهلا مجاجو

حسبتك سليتيها خخخخ ولا معجبكش الجو

نرجعو للاسئلة ^^

- واش هو المعدل اللي حابة تجيبيه في الباك

- رايك في كارلا بصراحة

امممم صراحة معنديش اسئلة حاليا ههه نتفكر راني نوليلك

تحياتي​

ههههه لالا راني غير هنا ندور كنت رايحا نديرها ونهرب ايا مبعدة رجعتلكم
المعدل حابة نجيب 19:99 باه يفوتوني فالنهار وبن غبريط تسلملي على راسي ههههههه وكي يقولولي اهدي تحياتك نقولهم اهدي تحياتي الى جدي وجدتي وخالتي وعمتي والى لمتي الحبيبة وكارلا ايضا خخخخخ
نقولوا المعدل ماذا بيا يكون فوق 12
وبالنسبة لرأيي في كارلا ....نحسك طموحة بزاااف وكي تكون حاجة في راسك ديريها كيما جات جات المهم ديريها
معليش غاليتي راني نسنا في عودتك
كوني بخير ياغالية​

 

[oussama9694]

رد: كرسي التعارف الضيفة { الزهرة الحمراء }

السلام عليكم
عدنا ببعض الأسئلة
أي نوع من الروايات تفضل ماجدة ؟ بوليسية أو عاطفية أو ..أو .....؟
هل الرواية تعد مصدر تعلم أو ثقافة برايك ؟
هل تترك الرواية عند قارءها خلفية عملية أو فكرية ؟ و هل نضمن أن تكون الخلفية إيجابية و مقبولة دوما ؟

نشكر لك صبرك
ربما لنا عودة
دمتم

 

[{مُدَلَّلَتُهُ}]

رد: كرسي التعارف الضيفة { الزهرة الحمراء }

السلام عليكم و رحمة الله و بركاته

و أخيرا لحقت للصفحة الأخيرة راني من الصباح نقرعج شبت أبنتي و انا نقرا ههه

تأمني كنت حاسباتك كبيرة "حسبتك قدي يعني مشي حسبتك شيبانية" طلعتي صغيرونة . . . ربي يوفقك حبيبتي و يكملك شا تتمناي ان شا الله

ما عنديش شا نسقسيك الله يبارك ما خلاو ما بقاو حتى شا تعشيتي و سقساوك

غي كي راني من الصباح و انا نقسم في الإعجابات حشمت على روحي تقولي من الصباح و هي تقرعج و ما سمعتناش صوتها :d

وهاذي ليك ^^

​

 

["viola"]

رد: كرسي التعارف الضيفة { الزهرة الحمراء }

السلاام عليكم

راني جييت حلو الباب الشرقي :d

وشراكي الشيخة.. آدال هاو أر يو ؟؟

الوغ نبدا ديغاكتومون بليكيستيون ..أكديلي على لفرونسي و الآغ دو باغي :p:p

1-كاش جديد ؟ أسمط سؤال ملقاولوش جواب (تقوليلي من عندك نبلوكيك ههه)

2-ماجدة و الدراسة ..وين راكي معاها ؟

3-علاقتك بالسياسة ؟؟

4-البلاصة لي حلمك تزوريها هنا و لبرا؟

5-عضو يثير فضولك؟؟

6-صورة مُلهِمة ؟؟

7-آخر نصيحة قمت بتقديمها ؟و لمن ؟

8-جربتي تكتبي رواية من قبل ؟؟و إذا ايه على واش باختصار؟

9-كي تكوني تحكي مع واحد ميهمكش واش راه يقول أصلا كيفاه تديري ؟ تقعدي تسمعي بسيف عليك و لا تليكيدي مع شرح طريقة الليكيداسيون المتبعة ههه

10-في رأيك واش هي المهنة المناسبة ليك صح ؟؟

11-رأيك في فيولا بصراحة +نصيحة ..

ايا راني سمطتها ..تقول كثرت على ما وصاوني

ربي يعاونك مامي خخخ

اني نرجع نورمالمون :d

سلاامي
​

 

[الزهرة الحمراء]

رد: كرسي التعارف الضيفة { الزهرة الحمراء }

السلام عليكم
وعليكم السلام ورحمة الله وبركاته
عدنا ببعض الأسئلة
مرحبا بك مرة اخرى ايها الفاضل
أي نوع من الروايات تفضل ماجدة ؟ بوليسية أو عاطفية أو ..أو .....؟
نفضل الروايات العاطفية والبوليسية ومرات الوطنية
هل الرواية تعد مصدر تعلم أو ثقافة برايك ؟
من وجهة نظري تعد الرواية مصدرا للتعلم والثقافة في نفس الوقت
لأن الرواية تكمل التعلم ،،،، حيث هناك العديد من الروايات تحتوي على مناهج تدريس وماشابه ذلك تمكنك من التعلم
وتعتبر مصدر ثقافة وذلك من خلال تكثيف الوعي وايضا الرواية تسمح لك بفهم النفس البشرية والغوص في اعماقها كما قيل ان الحياة الحقيقية توجد في الكتب
وكما يقول ايضا عباس محمود العقاد “القراءة وحدها هي التي تُعطي الإنسان الواحد أكثر من حياة واحدة؛ لأنها تزيد هذه الحياة عمقاً"
هل تترك الرواية عند قارءها خلفية عملية أو فكرية ؟ و هل نضمن أن تكون الخلفية إيجابية و مقبولة دوما ؟
ة
على حسب يعني كل رواية وماتضيف للقارئ وتختلف هذه الاضافات على حسب نوع الرواية والاسلوب المتبع من قبل الكاتب
لا يمكننا ان نضمن ان تكون الخلفية ايجابية ومقبولة دوما ...لان بعض الروايات تتضمن سلبيات مثل المشاهد والمواقف التي تنافي تعاليم ديننا الاسلامي
ودائما في نفس السياق يقول عباس محمود ليس هناك كتاب لا أقرأه ولا أستفيد منه حتى الكتاب التافه استفيد منه لأعرف ماهي التفاهة

نشكر لك صبرك
ربما لنا عودة
دمتم

مرحبا بعودتكم في اي وقت
دمتم في رعاية الله وحفظه

 

[sosobibicha]

رد: كرسي التعارف الضيفة { الزهرة الحمراء }

سلام عليكم
اهلا بيك معنا في كرسي الاعتراف ان شاء الله تقضي احلى الاوقات
واش راكي ?
اسئلتي : هذه الاسئلة اكلاسيكية :p
1/ ما سبب اختيارك لاسم الزهرة الحمراء ?
2/ ما رايك في منتدى اللمة و هل تنقصه اشياء و ما هي ?
3/من هو العضو الذي تحبين موآضيعه وتسعى لقرآتها وللرد عليهآ؟ ولماذآ ؟
4/متى تبكي بحرقه؟متى تجلس لوحدك؟
5/بسطرين فقط عرفينابنفسك.
6/ ما هي طموحاتك ?
7/ من خلال الردود قرئت انك تعيدين الباك *لماذا و ما هي شعبتك ?
8/ ما رايك في sosobibicha (علابالي ما تعرفينيش ههه:down+ ما هي نصيحتك لي لاني عندي باك :graduation:
علابالي بلي ما كثرتش الاسئلة ههههه:p + ممكن تكون لي عودة ان شاء الله
شكرا :$
في الاخير تفضلي باش تكملي المشوار

​

 

[الزهرة الحمراء]

رد: كرسي التعارف الضيفة { الزهرة الحمراء }

السلام عليكم و رحمة الله و بركاته
وعليكم السلام ورحمة الله وبركاته
و أخيرا لحقت للصفحة الأخيرة راني من الصباح نقرعج شبت أبنتي و انا نقرا ههه
ياااا شكون راهو هنا عاش من شافك
قصدك شبتي وانت تقرعجي ماشي وانت تقراي هههه
تأمني كنت حاسباتك كبيرة "حسبتك قدي يعني مشي حسبتك شيبانية" طلعتي صغيرونة . . . ربي يوفقك حبيبتي و يكملك شا تتمناي ان شا الله
هههه عجبتني شيبانية
ايه صغيرونة :love01:امالا واش حاسبتني يالالا مازالني على ديداني مازالني ايا خلاص لا نقلبها الحان وشباب (شحال قديمة) :down:
يوفقني ويوفقك حبيبة تاعي
ما عنديش شا نسقسيك الله يبارك ما خلاو ما بقاو حتى شا تعشيتي و سقساوك
معليش الطلة تاعك لمنورة هي الصح كي طليتي وعطيتينا شوية نور رانا ملاح بالاك نستفادوا منو كي تروح التريسيتي :p:d
غي كي راني من الصباح و انا نقسم في الإعجابات حشمت على روحي تقولي من الصباح و هي تقرعج و ما سمعتناش صوتها :d
ههههههه ياودي راكي قتلتيني بيهم دخلت لقيت 30 اعجاب انا قلت غير الخير ايا الساعة كي شفتك انت عرفتك بلي تحبي تقرعجي :sport01::thumb_up02:
وهاذي ليك ^^

​

ماشي شابة ماعجبتنيش ههههههه لقيت شكون يعطيني الورد ونزيد نشرك في فمي
عنداك حبيبة شابة ربي يبارك عليها كيما مولاتها وجبتيهالي كيما يحب الخاطر
يعطيك الصحة على المرور
موفقة ​

 

[الزهرة الحمراء]

رد: كرسي التعارف الضيفة { الزهرة الحمراء }

السلاام عليكم
وعليكم السلام ورحمة الله وبركاته
راني جييت حلو الباب الشرقي :d
نحلولك كامل البيبان ارواحي برك :regards01::bravo01:
وشراكي الشيخة.. آدال هاو أر يو ؟؟
غاية الحمد الله......ههههههه واقيلا توحشتيها هللوو كان يو هير مي :s وراس هاديك لونgلي ويشوفوها يندبوا :-o:tongue02:
الوغ نبدا ديغاكتومون بليكيستيون ..أكديلي على لفرونسي و الآغ دو باغي :p:p
هههههههه اكديلي بزااااف على الآآآغ راكي نسيتي ماقلتيش فغونسي ههههه :bravo01:
1-كاش جديد ؟ أسمط سؤال ملقاولوش جواب (تقوليلي من عندك نبلوكيك ههه)
هههههه شفتي كاين الجديد قالك الشيخة أديل رايحا تجي للدزاير تصور الفيديو كليب الجديد تاعها
2-ماجدة و الدراسة ..وين راكي معاها ؟
علاه درك راكي تلعبيلي على المورال ههههه وتسمطيلنا فالقعدة هههه ....نقولوا الحمد الله راني جايبتها ومازالتلي العطلة هادي نزيد نخدم فيها
3-علاقتك بالسياسة ؟؟
ششششششش ناوية تخليلي داري :-o:-o قالها السياسة ماكان لا سياسة لا ديمقراطية :smile02:
اقعدي في اديل خييير :up:
ماعندنا حتى علاقة ومانعرفها ماتعرفني
4-البلاصة لي حلمك تزوريها هنا و لبرا؟
قلنا لندن حبيبة القلب :$ اذا قاساتك طريق ليها ماتنسايش حبيبتك هنا :love01:
5-عضو يثير فضولك؟؟
كاين واحد العضو اسمو العنقاء
6-صورة مُلهِمة ؟؟
شوفي الصورة مبعدة نديرولها حل لأني بالهاتف :down: ولكن اكثر الصور لي تلهمني هي صور الطبيعة
7-آخر نصيحة قمت بتقديمها ؟و لمن ؟
مانعرف الوقت وقتاه بالضبط ولكن ماعندهاش بزااف لوحدة نعرفها عندها باك وشفتها تتمسخر وكامل قتلها درك ماتحسيلهاش مبصح كي يخرجو النتائج وتلقاي روحك راسبة وتسمعي بلي الناس لي كانوا معاك نجحوا تغيضك عمرك
على هذا لازم علييك تقراي وتحطي راسك
لا داعي للتصفيق اعلم اني فيلسوفة خخخخ
8-جربتي تكتبي رواية من قبل ؟؟و إذا ايه على واش باختصار؟
لالا ماجربتهش ومانعرف بالاك كاش نهار نولي روائية كبيرة ونولي مانعرفكمش هههه
عنداك نديرلكم كامل اهداء فالصفحة الاولى
9-كي تكوني تحكي مع واحد ميهمكش واش راه يقول أصلا كيفاه تديري ؟ تقعدي تسمعي بسيف عليك و لا تليكيدي مع شرح طريقة الليكيداسيون المتبعة ههه
ههههههه علاه راكي تفضحي فينا
كيفاه ندير .......ندير روحي نسمع فيه وانا كامل مانيش نسمع فيه :thumb_up02: ومانيش هارفة بالاك واش من سوجي راهو يحكي فيه
ومرااات كاينين وحايد يسمطوهالي يا نحاول نبدل السوجي
ولا طول نطلق راسي نقولهم تفكرت لازم ندير واحد العفسة درك نرجعلكم
وطبعا خرج ولم يعد نروح مانوليش هههه
10-في رأيك واش هي المهنة المناسبة ليك صح ؟؟
طبيبة :-h :-h احم احم هههه
مانعرف انا نحب الاطفال بزااف نشوف انو اي مهنة فيها اطفال تليقلي
شكرا شكرا هههههh
11-رأيك في فيولا بصراحة +نصيحة ..
مانعرفهاش هاد المخلوقة كامل :p:p
اكثر عفسة نعرفها عليها ضحايكة بكل ماتحمله الكلمة من معنى ديما وين ندير قصرة معاك نضحك من قلبي عندك روح مرحة ربي يبارك عليها
حافظي على هاديك الروح ايا درك خلاصو دراهمك لا تعودي تديها في روحك تاني ههههه
ايا راني سمطتها ..تقول كثرت على ما وصاوني
ياااااا عجبتيني كي فقتي بروحك بلي سمطتيها :p:d
ربي يعاونك مامي خخخ
يعاوني ويعاونك الزينة
اني نرجع نورمالمون :d
مرحبا بيك في اي وقت ا مهبولة
سلاامي
​

شكرا على المرور الزينة
ربي يحفظك ​

 

[oussama9694]

رد: كرسي التعارف الضيفة { الزهرة الحمراء }

شكرا على الإجابات
و عدنا مع أسئلة أتمنى أن لا نكون أثقلنا عليكم
هل نخاف على الطفل من أن تصبح الخلفيات السلبية للروايات جزءا من شخصيته و تصرفاته في ظل غياب الوعي الإسلامي الوسطي السليم بالتالي اتساع الهوة و الفجوة بين أفراد المجتمع الواحد ؟
هل دائما تصنعين عالما خاصا بك أم الواقع و فقط ؟ يعني هل أنت شخصية حالمة أو واقعية ؟
ماجدة و علاقتها بالكتب القليلة أو النادرة الحس و العاطفة ؟ يعني الكتب التي تعالج الفكرة كفكرة ؟
سؤال لا ترغبين بالإجابة عليه ؟
إجابة لا ترغبين سماعها ؟
هل انت شخصية يعذبها ضميرها دائما لأبسط الأخطاء ؟

شكرا مسبقا على الاجابات

 

[الزهرة الحمراء]

رد: كرسي التعارف الضيفة { الزهرة الحمراء }

سلام عليكم
وعليكم السلام ورحمة الله وبركاته
اهلا بيك معنا في كرسي الاعتراف ان شاء الله تقضي احلى الاوقات
وبيك يعيشك
اسئلتي : هذه الاسئلة اكلاسيكية :p
هههه معليش بالرغم من اني جاوبت عليها من قبل مبصح نزيد نجاوبك
1/ ما سبب اختيارك لاسم الزهرة الحمراء ?
لأني نحب الازهار وخاصة الحمراء
2/ ما رايك في منتدى اللمة و هل تنقصه اشياء و ما هي ?
اللمة نعتبرها بيتي الثاني وانتوما عايلتي الثانية وربي يبارك عليها كيما راهي مليحة
3/من هو العضو الذي تحبين موآضيعه وتسعى لقرآتها وللرد عليهآ؟ ولماذآ ؟
انا فالرد على المواضيع مانشوفش على العضو نشوف على مضمون الموضوع يعني مرات موضوع يعجبني بزاف والعضو مانعرفو مايعرفني
وماعنديش عضو معين نحاول نرد على لي نقدر عليه
4/متى تبكي بحرقه؟متى تجلس لوحدك؟
نبكي بحرقة كي تصرالي عفسة تغيضني بزااف وانا كتومة لدرجة كبيرة يعني مرات نكون قلقانة وحزينة مبصح تشوفيني نضحك وهنا فاللحظة هاذي وين نبكي بحرقة كي نضطر نخبي في قلبي
وبالنسبة للجلوس لوحدي كي نكون قلقانة محب نحكي مع حتى واحد

5/بسطرين فقط عرفينابنفسك.
ماجدة فتاة عشرينية طموحة مازالها في بداية الطريق وتسعى لتحقيق اهدافها هذا واش جاني في بالي ههههه :d
6/ ما هي طموحاتك ?
بزاااف وارجعي للصفحات الاولى تلقايني كتبتهم :p عجزت حبيبة تاعي نكتب
7/ من خلال الردود قرئت انك تعيدين الباك *لماذا و ما هي شعبتك ?
نعاود فالباك تاعي على خاطر جبتو ب 18 وماعجبنيش حبيت نجيبو ب 19 :d:p هههه
نعاود فيه على خاطر ماجبتوش بمعدل 9:97
شعبة علوم تجريبية
علابالي بلي ما كثرتش الاسئلة ههههه:p + ممكن تكون لي عودة ان شاء الله
ااا هيه ماكثرتيش ربي يبارك خفيف ظريف
شكرا :$
في الاخير تفضلي باش تكملي المشوار

​

تعيشي حبيبة مخلوفة ان شاء الله
والمشوار راهو فالنهاية تاعو درك نسلم الشعلة لعضوة او عضو آخر هههه
شكرا على المرور العطر ​

 

[همس الوُرود]

رد: كرسي التعارف الضيفة { الزهرة الحمراء }

السلام عليكم

لالالا شوفوا ماتمرحبوا بيا ما والو..
زعما أختك وبنت ولايتك ويعرضوك لأكلة وأنا متعرضينيش!!
سمــا أختك معنويا وعلاجال كرشك لالا!!
الساعة مجبتيهاش وزيد هادي
إااه يا وجه البوقوقو.. هههه

+مبعد نرجعلك أن شاء الله.. عبالك أني نكونيكتيي بتيليفون

 

[الزهرة الحمراء]

رد: كرسي التعارف الضيفة { الزهرة الحمراء }

شكرا على الإجابات
العفو ايها الفاضل
و عدنا مع أسئلة أتمنى أن لا نكون أثقلنا عليكم
مرحبا بكم مرة اخرى ...لالا عادي
هل نخاف على الطفل من أن تصبح الخلفيات السلبية للروايات جزءا من شخصيته و تصرفاته في ظل غياب الوعي الإسلامي الوسطي السليم بالتالي اتساع الهوة و الفجوة بين أفراد المجتمع الواحد ؟
حسنا ..في اجابتي سأركز على كلمة طفل التي قلتها انا من وجهة نظري أعتقد أنه بالنسبة للطفل لن ندعه ينتقي اي كتاب ويقوم بمطالعته فطبعا مثلما نراقب مايشاهده الطفل علينا ايضا ان نراقب ما يطالعه ...لأن البالغ عندما يقرأ رواية ما ويجد فيها مثلا بعض الالفاظ او الدلالات او المشاهد التي تنافي قيمنا يعلم أنها لا تصح وذلك على عكس الطفل الذي ربما سيعتقد انها جزء من عاداتنا وتقاليدنا خاصة اذا قرأها من رواية عربية
ولهذا كما تفضلت فٱن كل شيء راجع للوعي الإسلامي يجب أن ننمي ذلك الوعي في نفوسنا وفي نفوس اطفالنا حتى لا تصبح تلك السلبيات جزء من شخصياتهم وتصرفاتهم
هل دائما تصنعين عالما خاصا بك أم الواقع و فقط ؟ يعني هل أنت شخصية حالمة أو واقعية ؟
نعم مرات اصنع عالما خاصا بي يجعلني اغادر من عالم الواقع الى عالم الخيال
ولكنني لا أطيل المكوث في الشخيصة الحالمة حتى لا يصفعني الواقع صفعة قوية
لكن مرات عديدة يكون الخيال ضرورة
كما تقول احلام مستغانمي "لا أفقر ممن يفتقر الى الخيال"
وأينشتاين المنطق سيأخذك من ألف الى باء والخيال سيأخذك الى أي مكان
ماجدة و علاقتها بالكتب القليلة أو النادرة الحس و العاطفة ؟ يعني الكتب التي تعالج الفكرة كفكرة ؟
هي بالرغم من أنني قليلة الإطلاع عليها ولكني أحاول أن لا أهملها
سؤال لا ترغبين بالإجابة عليه ؟
ليس هناك سؤال معين
ولكني لا أحبذ الأسئلة المحرجة
إجابة لا ترغبين سماعها ؟
ممممم صراحة لا أعلم
هل انت شخصية يعذبها ضميرها دائما لأبسط الأخطاء ؟
نعم .
مرات تجدني حتى في ابسط الأشياء أقول ياليتني لم أقل كذا أو افعل كذا
شكرا مسبقا على الاجابات

شكرا لك أنت ايها الفاضل على المرور العطر والراقي
دمت في رعاية الله وحفظه​

 

[الزهرة الحمراء]

رد: كرسي التعارف الضيفة { الزهرة الحمراء }

السلام عليكم
وعليكم السلام ورحمة الله وبركاته
شكوووون زارنا يويويويو يوم السعد اليوم :p:d
قريب نقولهم يرجعوا حصة كل شيء ممكن باه يحوسوا عليك
لالالا شوفوا ماتمرحبوا بيا ما والو..
ياااو راني انا الضيفة معناها انت ترحبي بيا ماشي العكس يالالا عيني
زعما أختك وبنت ولايتك ويعرضوك لأكلة وأنا متعرضينيش!!
ايه اختي وبنت ولايتي وشكون نكر وين راهي الاكلة لب عرضوني عليها وزيد حتى وعرضوني وماكليتيش معايا
هاكي جيتي جيبي معاك حاجة ناكلوها وهكا عصفورين بحجر واحد تاكلي الماكلة وتقعدي معايا
سمــا أختك معنويا وعلاجال كرشك لالا!!
هههههه لالا ماشي هكاك
مبصح تاني الماكلة ماعندنا مانقولوا فيها
الساعة مجبتيهاش وزيد هادي
إااه يا وجه البوقوقو.. هههه
هاااا بن عمي ماتنسايش انت
مبصح بوقوقو كيما انت كيفاه تنسى
واقيلا ماكيش سامعة بالتقشف لي راه صاري
وراكي حابتني نجيبلك ساعة انعلي ابليس
+مبعد نرجعلك أن شاء الله.. عبالك أني نكونيكتيي بتيليفون

شكرا للمرور يا بوقوقو
ومرحبا بيك ​

 

[همس الوُرود]

رد: كرسي التعارف الضيفة { الزهرة الحمراء }

ماعليش أنا لازم يرحبوا بـيـا ياك عبير هادي مش اي شخص
ههههه انا وجودي يكفي بلاما نجيب معايا حاجة
وعلاش ننسى وعد الزينة ماجدة عبالك كي تحكيلي حاجة تبقى في عيني قالأمر غالية كيما الساعة مثلا هههه

هذا سوال..

وش رايك فالناس الي يقولوا على الإنسان الي يتقبل كل شيء متفتح!!

تروحي تقرأي فليكول!!

وش أفضل مادة تحبيها..

وش رايك فالبنات إلي قدنا أنا وأنت ويديروا الماكياج فالعراس

تحبي ليبيبي ولقطوطة

تحبي تضربي خوتك الصغار!!

..بوقوقوتي توحشتك علابالي حتى نتي هههه..

 

[الزهرة الحمراء]

رد: كرسي التعارف الضيفة { الزهرة الحمراء }

ماعليش أنا لازم يرحبوا بـيـا ياك عبير هادي مش اي شخص
هههههه خليني ساكتة خير مانحرقكش قدام خاوتنا لوخرين
ايه صح لازم يرحبوا بيك :p:d
ههههه انا وجودي يكفي بلاما نجيب معايا حاجة
شكون قالهالك هاد الهدرة شكون الكذاب هذا :-h
وعلاش ننسى وعد الزينة ماجدة عبالك كي تحكيلي حاجة تبقى في عيني قالأمر غالية كيما الساعة مثلا هههه
هههههههه ايييي علينا موضوع الساعة سمعوه سكان جيبوتي هههههه
هذا سوال..
قصدك هادو اسئلة ماشي سؤال
وش رايك فالناس الي يقولوا على الإنسان الي يتقبل كل شيء متفتح!!
هادوا الناس لي يقولوا هكا هوما هادوك الناس لي يقولوا على الواحد كي يتبع تعاليم الدين تاعو معقد
ربي يهديهم هدا ماكان

تروحي تقرأي فليكول!!
نروح نقرا فالمدرسة ههههه لازم نروح نقرا
وش أفضل مادة تحبيها..
علوم وانجليزية
وش رايك فالبنات إلي قدنا أنا وأنت ويديروا الماكياج فالعراس
[COLOR="darkred"
يعني عرس مناسبة عادي الطفلة دير مبصح نفتحوا قوس كي نقولوا عادي ماشي الطفلة دير تقول عليها عروسة تخلع الناس لالا
يعني لمسات بسيطة تليق بعمر الطفلة شوية كحل يعني حاجة خفيفة :regards02:
[/COLOR]
تحبي ليبيبي ولقطوطة
[COLOR="darkred"]لي بيبي نحبهم بزاااف ولقطوطة تاني نحبهم وبالمناسبة راكي سرقتي صورة القطة تاعي ودرتيها فالتوقيع تاعك ههههه[/COLOR]

تحبي تضربي خوتك الصغار!!
عندي اختي صغيرة في عمرها 6 سنين مانحبش نضربها مبصح مرااات كي دير حاجة شغل كبيرة بزااف نضربها في يديها

..بوقوقوتي توحشتك علابالي حتى نتي هههه..

ياالهي على التواضع
شكون راهو يكذب عليك ويعمرلك راسك بالافكار هاذو ههههه
ايه انا تاني توحشتك ا مهبولة وبوقوقو
يعطيك الصحة على المرور العطر
منورة

 

[{مُدَلَّلَتُهُ}]

رد: كرسي التعارف الضيفة { الزهرة الحمراء }

سلآمووو . . .

رجعت كلاوني في قلبي شوية أسئلة قلت نجيبهم و نجي . . . احم

ميجو نوع حجابك كيفاه داير ؟ صورة اذا كان ممكن و لا وصفيلي بالتفصيل -_- !

تعرفي طيبيي ؟ شاهي الأكلات الي تعرفي تطيبيهم ؟

لوكان تتزوجي و يقولك راجلك ديري الجلباب و الستار تعترضي ؟ ولا تقبلي ؟ !


لوكان تكون ام راجلك واعرة و تسكني معاها في دار وحدة كيفاه تتعاملي معاها ؟

آخر هدية وصلآتك شا هي ؟ و واش من عام :p ؟ قصدي وينتا ؟

ميجو دير ماكياج كي تخرج ولا تخرج سآمـpـل ؟

بزاف عليك ياك ؟ . . آيآ خلآص فهمت روحي نحبس خير ما تحاوزيني منا :d


​

 

[الزهرة الحمراء]

رد: كرسي التعارف الضيفة { الزهرة الحمراء }

سلآمووو . . .
وعليكم السلام جيتي مهبولة
رجعت كلاوني في قلبي شوية أسئلة قلت نجيبهم و نجي . . . احم
مرحبا بيك ....لالا غير جيبيهم وماتخليهمش ياكلوك في قلبك
ميجو نوع حجابك كيفاه داير ؟ صورة اذا كان ممكن و لا وصفيلي بالتفصيل -_- !

هكا نوع حجاباتي
تعرفي طيبيي ؟ شاهي الأكلات الي تعرفي تطيبيهم ؟
نعرف نطيب أي حاجة احم احم
كي عدت انا الطفلة الكبيرة فالدار هاكي تعرفي يعني
لوكان تتزوجي و يقولك راجلك ديري الجلباب و الستار تعترضي ؟ ولا تقبلي ؟ !
بالعكس الجلباب يعجبني بزاف وتلقايني ديما كي نشوف وحدة لابساتو نقعد غير نشوف فيها
واذا قالي راجلي ديريه عادي نديرو

لوكان تكون ام راجلك واعرة و تسكني معاها في دار وحدة كيفاه تتعاملي معاها ؟
شوف لواش تفاولي ههههه
نحاول نتعامل معاها بالتي هي احسن ونربحها لصفي لانو كل شيء غير لعجوزة ياختي تعود طيرلي الراجل من يدي ههههه
يعني حتى وكاش مادارتلي لازم نرجعلها بحاجة مليحة

آخر هدية وصلآتك شا هي ؟ و واش من عام :p ؟ قصدي وينتا ؟
في يوم ميلادي الاخير هذا
من زوج صحاباتي وحدة جابتلي كاس و بول تع ميلكا علابالهم بيا نحب الشيكولا
وجابتلي شغل واحد دب صغير كي تحركيه يشعل في الضوء
وصحبتي لوخرا جابتلي بيجاما
هههه على خاطر ديما وين نخرج معاهم نهبلهم وين نلقى حاجة تعجبني وخاص فاللبسة نقولهم اشروهالي اشروهالي هاديك المرة قالولي نشرولك الدنيا كامل انت

ميجو دير ماكياج كي تخرج ولا تخرج سآمـpـل ؟
ميجو شابة بلا ماكياج ههههه ماتحتاجش ديرو ولكن ندير حاجة وحدة برك ولي هي كريم حماية من اشعة الشمس
على جال البشرة تاعي +++++++++++++++++++++++++++++++++++++++++++++++++++++++++++++++++++++++++
بزاف عليك ياك ؟ . . آيآ خلآص فهمت روحي نحبس خير ما تحاوزيني منا :d

​

هههه تسقسي فيا بلي بزاف عليا
هههه مانحاوزش الغوالي انا
ربي يحفظك ويهنيك ​

 

[ώᾄƒᾄA ħBᾄⱢ]

رد: كرسي التعارف الضيفة { الزهرة الحمراء }

يا ختي قاع جاوبتي عليهم غير انا :sad: