جنازة و لا حفلة .....

[بنفسج]

واش راكم ناس اللمة ان شاء تكونو بخير وعال العال

اممم تعرفوني لا علاقة بالمقدمات ندخل ديراكت للسوجي :d

ايا في يوم من الايام اواه صامطة وقيل نبدلها وحد النهار لالا معجبتنيش خخ
او متغشوش خلوني نحاول ههه
المهم بكري ملي كنت صغيرة كنت نحسب الجنازة موت كاش واحد
والناس تروح تعزي والدموع والحزن وووالخ
ولكن درك اكتشفت انو الحالة تبدلت ارواحو نحكيلكم

رحت خطرة لجنازة ومع ندخل ياحفيظ كراني غالطة في العنوان
عندك لتعود حفلة وانا لا خبر
لقيت الحالة زاهية والنسون دايرين تجمعات تقرعيجية ياو في الجنازة وقابضين التعليقات
فلانة لابسة مليح او فلانة تبهدل فلانة دايرة روبة حمرة وتقشير خضر
وطبعا الماكياج داير حالة ايه الماكياج

ولاو يجو باه ينحو على رواحهم ويعمرو كروشهم واش هادا
مكانش كامل احترام للميت واهلو وطبعا اكتشفت

انو كي يلحقهم خبر بلي فلان قريب يموت
تبدى التجهيزات

وحملات تبزاع الصوارد في شراء
الماكياج والروبات والصبابط وووالخ
او حابة نفهم رايحين لحفلة ولا جنازة

عقلي الصغير لم يفهم

واش رايكم ناس اللمة في هاد الشيء
انتظر ارائكم

تحياتي

​

 

[Skor m@k]

رد: جنازة و لا حفلة .....

السلام عليكم
راكي قريب جيبيها مليح هذيك المقدمة زيدي شويا تحسينات و مكياج برك خخخخخ
ضرك الحاجا لي ماتتصوريهاش تلقاي الناس داروها
تلقاي يزيدو يحطولهم واش من لحاوي والباتيسري باش يقرعجو سور مليح
مرة فالمقبرة وحد الزوج رجال جابوها كامل قسرة على فيلم التيتانيك ههههه
وخلي التمنشير وووو
ربي يكون فللعون
يعطيك الصحة ختي كارليتا​

 

[MOHAMED LAMINE7]

رد: جنازة و لا حفلة .....

اهل االميت في حسرة ولما يروحوا لابسين الاسود وحازنين والدموع في عينهم يزيدوا عليهم الغم والهم وهم مش ناقصين
مالا خليها دوم مشالي

 

[safouane batna]

رد: جنازة و لا حفلة .....

الله فكرتيني مرة فالعمل صرى مشكل على هاذي اتخيلي السوسيال نتاع المؤسسة كي يموت احد أصول الموظفين يعطوه مساعدة عبارة عن قفة متنوعة وواحد الموظفة مسكينة ماتت والدتها راحو عطاوها الكاوكاو والقاطو و حوايج يمدوهم فالحفلات زادو عليها مسكينة قالتلهم جيتو تعزيو ولا تباركو ... ولله شر البلية مايضحك كي عادت ناس تخطب لولادها فالوفاة مابقاش ربي يهدينا

 

[MOHAMED LAMINE7]

رد: جنازة و لا حفلة .....

الله فكرتيني مرة فالعمل صرى مشكل على هاذي اتخيلي السوسيال نتاع المؤسسة كي يموت احد أصول الموظفين يعطوه مساعدة عبارة عن قفة متنوعة وواحد الموظفة مسكينة ماتت والدتها راحو عطاوها الكاوكاو والقاطو و حوايج يمدوهم فالحفلات زادو عليها مسكينة قالتلهم جيتو تعزيو ولا تباركو ... ولله شر البلية مايضحك كي عادت ناس تخطب لولادها فالوفاة مابقاش ربي يهدينا

بما انو عاد فيها الخطبة والله الميت هذا يستاهل الف مليون رحمة

 

[فيتامين سي]

رد: جنازة و لا حفلة .....

بو حنا مرايحينش نسيفيو عليهم ينزلو الدموع و يحزنو مي الادب انك تجي تعزي و تروح ماشي دير تجمعات و حكايات و يحكو في فلان و فلان و مرة جابو تصاور تاع عرس وحدة وسط الجنازوو يشوفو و يضحطو هذي فغيمو قلة ادب و كشفة و تقتلني البز في الجنازات و ختك منا مرة واش حطوني شوفيلي بنتي وين راحت بنتي جيبيلي الخبز لولدي شوفيلي صافي بنادم تحت الصفر و يزيدو يغموه ...و تقعدلك من الصباح لليل ...و قادرة تبات تكوني في حاجة تلقي روحك في حاجة ..ضلاتنا نولو ننسوها بسبابهم ...كلش باسكو اصلا الجنازو ماشي هكدا هذي نوع من البدعة درناها و كملنا عليها اما الجنازة يعزي ويروح هذي تاع قيطون و الشعب يفطر و يتعشى و يتغدى و القاطو تكتلني لاتاي و القاطو تاكلو الرهج ماشي القاطو ...مفهمتش حفلة ولا جنازة ..و خليك من الفروق و 7 ايام و ربعين خلي البير بغطاه

 

[hadil2044]

رد: جنازة و لا حفلة .....

لا حول ولا قوة الا بالله
​

 

[بنفسج]

رد: جنازة و لا حفلة .....

السلام عليكم
راكي قريب جيبيها مليح هذيك المقدمة زيدي شويا تحسينات و مكياج برك خخخخخ
ضرك الحاجا لي ماتتصوريهاش تلقاي الناس داروها
تلقاي يزيدو يحطولهم واش من لحاوي والباتيسري باش يقرعجو سور مليح
مرة فالمقبرة وحد الزوج رجال جابوها كامل قسرة على فيلم التيتانيك ههههه
وخلي التمنشير وووو
ربي يكون فللعون
يعطيك الصحة ختي كارليتا​

وعليكم السلام
اهلا خويا مالك
او معليهش المرة الجاية نديرها طلية ماكياج خخخ
صح اللي متتصورهاش تلقى الناس دارتها والدليل الخرجات العجب العجاب
اللي رانا نسمعو فيهم هادا شعر مكشرد لامود وهادا راجل حاب ينفخ خدودو بففف
لا حول ولاقوة الا بالله تقعد حاير
او هادا اللي خص في الجنازة حبيبات مقروط ولا باتيسري خخ
ههههه تايتنيك ربي يهدي واش بقا هم يضحك وهم يبكي
ربي يجيب الخير
شكرا على المرور العطر يعطيك الصحة مالك
تحياتي ​

 

[بنفسج]

رد: جنازة و لا حفلة .....

اهل االميت في حسرة ولما يروحوا لابسين الاسود وحازنين والدموع في عينهم يزيدوا عليهم الغم والهم وهم مش ناقصين
مالا خليها دوم مشالي

اهلا خويا محمد
راك قلتها غير يزيدو على اهل الميت المساكن
عباد تلفتلها ربي يهدي
شكرا للمرور الجميل نورت
تحياتي ​

 

[بنفسج]

رد: جنازة و لا حفلة .....

الله فكرتيني مرة فالعمل صرى مشكل على هاذي اتخيلي السوسيال نتاع المؤسسة كي يموت احد أصول الموظفين يعطوه مساعدة عبارة عن قفة متنوعة وواحد الموظفة مسكينة ماتت والدتها راحو عطاوها الكاوكاو والقاطو و حوايج يمدوهم فالحفلات زادو عليها مسكينة قالتلهم جيتو تعزيو ولا تباركو ... ولله شر البلية مايضحك كي عادت ناس تخطب لولادها فالوفاة مابقاش ربي يهدينا

اهلا خويا سفيان :d

قلة ضرافة هاد اللي داروه المسكينة في هاكدا حالة تكون حابة
واحد يوقف معاها يعطيها الكلمة الطيبة ويصبرها ماشي يديلها الماكلة
عباد يحيرو نتاع الصح
اوبس هادي جديدة عادو يخطبو في الجنازات يا سلام كملت مليح
ربي يهدي ويجيب الخير
شكرا للمرور العطر نورت
تحياتي ليك ​

 

[بنفسج]

رد: جنازة و لا حفلة .....

بو حنا مرايحينش نسيفيو عليهم ينزلو الدموع و يحزنو مي الادب انك تجي تعزي و تروح ماشي دير تجمعات و حكايات و يحكو في فلان و فلان و مرة جابو تصاور تاع عرس وحدة وسط الجنازوو يشوفو و يضحطو هذي فغيمو قلة ادب و كشفة و تقتلني البز في الجنازات و ختك منا مرة واش حطوني شوفيلي بنتي وين راحت بنتي جيبيلي الخبز لولدي شوفيلي صافي بنادم تحت الصفر و يزيدو يغموه ...و تقعدلك من الصباح لليل ...و قادرة تبات تكوني في حاجة تلقي روحك في حاجة ..ضلاتنا نولو ننسوها بسبابهم ...كلش باسكو اصلا الجنازو ماشي هكدا هذي نوع من البدعة درناها و كملنا عليها اما الجنازة يعزي ويروح هذي تاع قيطون و الشعب يفطر و يتعشى و يتغدى و القاطو تكتلني لاتاي و القاطو تاكلو الرهج ماشي القاطو ...مفهمتش حفلة ولا جنازة ..و خليك من الفروق و 7 ايام و ربعين خلي البير بغطاه

اهلا هبة
اكي قلتيها الادب تروح تعزي وهادو ني ادب ني حشمة
او تصاور عرس وتقصير هادا وقتهم نتاع الصح هبال
او حكيتي زادا على نقطة مهمة هادو العباد اللي يروحو يردسو ويتعبو في المساكن اللي دايرين الجنازة
او المهم يعمرو ديك الكريشة على حساب الناس
ربي يهدي واش نقولو
يعطيك الصحة على المرور الجميل نورت
تحياتي​

 

[بنفسج]

رد: جنازة و لا حفلة .....

لا حول ولا قوة الا بالله
​

اهلا هديل
شفتي وين لحقنا نتاع الصح يحبسو الراس
ربي يهدي برك
شكرا للمرور
تحياتي :regards01: ​

 

[Djaouida]

رد: جنازة و لا حفلة .....

سلام مريومة لاباس :smile02:

يا ما رانا غير نزيدو نشوفو :-o دوك حنا منسيفوش عليهم باه يبكو مي شوية إحترام للميت ولا راني غلطة
حنا عندنا مراهمش يبكو ويديرو حي حاية كيما بكري مي يعني يحترمو شوية أهل ميت واك يلبسو ويديرو دهب ول
Pولتيك ياما :down: دايرين حالة قلنا معليش بصح تولي حيا في مكياج لا أه شوية ... شانقول الله يهديهم برك

يعطيك الصحة موضوع رائع في إنتظار مزيد منك خيتو :up: سلام حبيبة /SIZE]

 

[الامين محمد]

رد: جنازة و لا حفلة .....

سبحااان الله
اليوم شفت حاااجة دوختني
عند واحد الناس زعمة وفاة
لقيتهم يحكوا على العشا زعمة خلعوا الناس
بالطواجين
شي زيتون و برقوق و سلطات و محمر و معمر

و الله غير بقيت عاجز الناس عندهم موت و لاعرس

عيش تشوف والله

موضوعك اختاااه في صميم العاداة الغريبة و الغير منطقية البتة​

 

[بنفسج]

رد: جنازة و لا حفلة .....

سلام مريومة لاباس :smile02:

يا ما رانا غير نزيدو نشوفو :-o دوك حنا منسيفوش عليهم باه يبكو مي شوية إحترام للميت ولا راني غلطة
حنا عندنا مراهمش يبكو ويديرو حي حاية كيما بكري مي يعني يحترمو شوية أهل ميت واك يلبسو ويديرو دهب ول
Pولتيك ياما :down: دايرين حالة قلنا معليش بصح تولي حيا في مكياج لا أه شوية ... شانقول الله يهديهم برك

يعطيك الصحة موضوع رائع في إنتظار مزيد منك خيتو :up: سلام حبيبة /SIZE]

وعليكم السلام
اهلا جويدة
او شفتي اختي كيما قلتي ماناش طالبين يبكو ويديرو مناحة
مي شوية احترام لاهل الميت شوية تقدير لظروفهم
ماشي تخمم غير فروحك وتدير واش تحب على حساب الناس
ربي يهدي برك
شكرا للمرور حبيبة نورت
تحياتي :regards01:​

 

[بنفسج]

رد: جنازة و لا حفلة .....

سبحااان الله
اليوم شفت حاااجة دوختني
عند واحد الناس زعمة وفاة
لقيتهم يحكوا على العشا زعمة خلعوا الناس
بالطواجين
شي زيتون و برقوق و سلطات و محمر و معمر

و الله غير بقيت عاجز الناس عندهم موت و لاعرس

عيش تشوف والله

موضوعك اختاااه في صميم العاداة الغريبة و الغير منطقية البتة​

اهلا خويا محمد

تحير صح من هاد التصرفات التباهي والتفاخر ولا حتى في الجنازات
على قولة المصاروة تحط العقل في الكف هاد العادات السيئة
اللي راها بانت وزايدة تخرب
ربي يهدي ويجيب الخير
شكرا خويا على المرور نورت
تحياتي :regards01: ​

 

[MOHAMED LAMINE7]

رد: جنازة و لا حفلة .....

اهلا خويا محمد
راك قلتها غير يزيدو على اهل الميت المساكن
عباد تلفتلها ربي يهدي
شكرا للمرور الجميل نورت
تحياتي ​

لا نجد الا ماقاله رسول الله كفى بالموت واعضا ... هؤلاء لم يذهبوا للجنائز لكي يتعضوا انما ذهبوا آداء واجب فقط كيما لعراس او النجاح .. ولا احترام للمصيبة والفاجعة التي فيها اهل الميت

 

[فيتامين سي]

رد: جنازة و لا حفلة .....

سبحااان الله
اليوم شفت حاااجة دوختني
عند واحد الناس زعمة وفاة
لقيتهم يحكوا على العشا زعمة خلعوا الناس
بالطواجين
شي زيتون و برقوق و سلطات و محمر و معمر

و الله غير بقيت عاجز الناس عندهم موت و لاعرس

عيش تشوف والله

موضوعك اختاااه في صميم العاداة الغريبة و الغير منطقية البتة​

للاسف عمو امين ...هذي عندنا نهار الفروق ..برقوق و دجاج و زيتون سباطة حريرة كما العراس و زيد تلقا واحد العباد يتشرطو ديرو هذي لا هذي وجه الخرشف ..درك سياو يمحوالعادة تافهة مي بزاف جاو كونتر واش نديرو من غير نقولو الله يهديهم و يهدينا ....خلي البير بغطاه ..كاين العجب

 

[Hamasaki]

رد: جنازة و لا حفلة .....

نزيدك حاجة هنا عندنا سما جارتنا حفافة جاتها مرة قاتلها امشطيلي شعري خفافي برك سقساتها مالا خطبه قاتلها لا لا جنازة منيش حابه نروح هكذاك:-o

 

[بنفسج]

رد: جنازة و لا حفلة .....

نزيدك حاجة هنا عندنا سما جارتنا حفافة جاتها مرة قاتلها امشطيلي شعري خفافي برك سقساتها مالا خطبه قاتلها لا لا جنازة منيش حابه نروح هكذاك:-o

اهلا هناء

لاحول ولا قوة الا بالله

او توصل للحفافة عباد هبلت

ربي يهدي

شكرا للمرو ر نورت
تحياتي ^^​