وعليكم السلام ورحمة الله وبركاته
أهلا بك أختي ..الحمد لله يا رب أنا راني نتخبط في بحر توتر الإمتحانات وربي يجيب الي فيه الخير بإذن الله
نرجعوا للموضوع المهم الي صح لازم نديروا عليه دورة تعليمية تثقيفية لعباد كيما هادوك
الطبخ في بيت الميت مكانش من المفروض نهائيا
لكن كاين ناس للأسف يديروا الشوا فالموتة و تخيلي يا أختي وش راني نحكيلك كاين منو
حنا فالموتة تع شخص قريب لينا.. دارو النعمة و بدون سلطة الي قايمة على العرس قالتلهم النعمة ومن المفروض منديروهاش حنا مثقفين مناش جهال حتى نزيدو نزوقولهم الطابلة ونديرو السلطة والديسير تكفيهم الشينة "البرتقال"هي وانتهى وكاين الي بقاو خالفوها ويقولولها لالا نزوقو ونحطوا
وهي رايها الي بات صراحة نستعرف بيها
سيبو سربينا وبدات الناس تسقسي أسكو الشينة هادي حلوة !! ولا لالا
و المرأة الي أصابتها المصيبة و توفى أقرب إنسان على قلبها داخت مسكينة دارولها العصير
شافتها وحد المرأة تشرب فالعصير راحت تجري للكوزينة قالتلهم نتوما ماعندكمش الجو؟؟ حابة نشربو
ووحدة أخرى كي جات مروحة قالتلهم حطولي الماكلة نديها معايا للدار
أستناي نرجعلك للموتة تع قريب ليا الله يرحموا تعرفي شحال قعدو عندنا الضياف؟؟ 40 يوم إيه 40 يوم وحنا نحطولهم ونوجدولهم وهوما يجو يسهرو ويضحكوا ويقهقهو ماخلاو العبد يبكي ترونكيل ويحزن ترونكيل
العرس ومايقعدوش فيه 4 أيام الجنازة يقعدوا فيها 40 يوم مافهمتش أنا هذا فرح ولا وش؟؟
والله يستاهلو البخص وكون كش ماتهدري راكي نتي الي مشي مليحة مشي هوما هوما مساكن حاسين بيك وكل يوم يجو عندك ياك؟؟
ياخي جهل وين وصلنا
لا حول ولا قوة إلا بالله ~ والتمثيل خلي برك والعسات هادوك والمراقبات الي ميخلصوش
,, من المفروض الإنسان فالجنازة يتعظ ويتذكر الموت ووش يستنى فيه
مي لالا هوما بالعكس يزيدوا على الطين بلة وعلى النار الحطب
الله يعافينا ويسترنا يا رب
