محطة الحافلات .........شكون يركب يروح للمنتدى

[ليليا مرام]

رد: محطة الحافلات .........شكون يركب يروح للمنتدى

وعليكم السلام ورحمة الله وبركاته
ههههههههههه نتي وحدك صح سورتو زئبق، نشفى عليها
بكري كان كاين روسوفور سمين بزاف والبيس صغير تشوفي كي يعود معدي
مانحكيش خير ههههه ماينفعو لا زئبق لا والو يحصل تم مسكين هههه
ربي يهديهم برك، انا صراحة كي نروح وافقة ويكون قدامي راجل نحط الصاك بيني وبينو
مانخليهش يلصق فيا، واذا قرب فيا نخزر فيه تاع اجبد روحك -_- بصح
مع من تهدري؟ ناس ماش متربية وماتحشمش
واسمحيلي على الدعوة راهي دعوة خير والله، عبرت عليها بكلمة ضربة لكن نقصد بيها
ربي يعطيك الخير ان شاء الله ( قوليلي منين جبتيها هادي ههههه تعبير مجازي :d)
هيا خلاص نعود نعيطلك مريومة مادام كيف كيف :up:
ربي يوفقك اختي وربي يدوم عليك الفرح ويدوم علينا هاد المواضيع الباهية
تحياتي
​

اهلا مريم
ايه يا احتي شفت زمان كانو يديروهم سمان واقيل يخوفونا بيهم كنت صغيرة نخاف منو :d:d
يا ورجال والله وتبني حيط بينك وبينو يفتح تاقة الله غالب مخلوقات فضائية ومش كامل لا حاشا والله كاين ولاد اصول
لا نقسر اختي على الدعوة هههه عارفة قصدك الخير :d:d:d:d
امين اختي الله يخليك

 

[Hakan]

رد: محطة الحافلات .........شكون يركب يروح للمنتدى

السلام عليكم اخي حكيم نورت موضوعي انا والله مان عرف واش كتبتو من قبل وما ننقلش راهي مواضيعي نكتبها مباشرة
وي خويا حكيم انت من عين وسارة الله يبارك خيار الناس راني كل شهر لما نفوت مناك نتغدى هناك كاين مطعم فوسط وسارة نظيف بزاف الله يباركم وناس كرما خيار الناس
عودة للموضوع ايه خويا حكيم رجعت كار النسا انا مازال ما شفتهاش ماكانش كار فيها نسا يتحرشو بالرجال انا شفت قطوطة هوما يتحرشو بالنسا يقولو المتبرجات ماكانش منها حتى المحجبة كاين ناس ما يعرفوش المرا تخرج اضطراري ولو يا سيدي تخرج كل يوم واجب الراجل يراعي تربيتو ويخاف من ربي لانو عندو نسا لو هويقبل تعامل هاكا مش كل الناس عندهم يركبو طاكسيات الله غالب
وراك شفت انت قلت مرات تضطر تركبها ولكن راك عارف انو موضوع الكيران موضوع واقعي وتصرا
شكرا لك نورتني

ياه ياسيدي ويافرحتي بيك دهمي وسارة وما تجيش تتغداي عند خوك ههه نقصر معاك
المهم صح ما ننكرش انو الكار موضوع وااقعي لكن للصراحة في المدينة نتاعنا
قليل وين نشوفو النساء يركبو في الكار لانو اغلب اللي يمشو رجال
ماش يعني هذا انو ممنوعة برك لانو المدينة مازال ماكبرتش بزااف
لكن كي نروح للولاية كيما قلتي كاين اكتضتض كبير ربي يسترنا وفيه ما يندى له الجبين ربي يعافينا سلاام ..​

 

[opira99]

رد: محطة الحافلات .........شكون يركب يروح للمنتدى

السلام عليكم
اهلا اخي اييييه تحدثنا عن رجل راح نقولك انا واش كاين
1- شاب يفتح رجليه تقول راك داخل للحراش حتى يلامس رجل الفتاة ويطمئن انو قدام الحدود
2- شاب يشد فالكرسي وما ينوضش ويحلم وينتا ينوض اللي قدامو حتى تقعد ذيك الواقفة وما تتعرضش لمضايقات لانو مضايقتو تكفي
3-شاب يركض كلبنى السريعة وراء الفتاة طبعا في بالو اختو رابعة العدوية
4-شاب يقعد يمشي بالريبيتيسيو تى ما تخلاصش الطريق حتى يتمتع بالطفلة وهي امامو
احدثك اخي عن الرجولة اللي كاينة هنا وحاشا البعض طبعا لكن الاغلبية
شكرا نورتني

هناك فرق بين "الرجولة" و "الرجل" اختي , واللي يدير مثل هذه الافعال نأكدلك بلي القط يخاف منو , كيما هاذو لازم يترخسوووووا

كـــــف حاااار صدقيني يولي يروح على رجليه في بلاصت مايركب في الـــBUS

 

[ليليا مرام]

رد: محطة الحافلات .........شكون يركب يروح للمنتدى

ياه ياسيدي ويافرحتي بيك دهمي وسارة وما تجيش تتغداي عند خوك ههه نقصر معاك
المهم صح ما ننكرش انو الكار موضوع وااقعي لكن للصراحة في المدينة نتاعنا
قليل وين نشوفو النساء يركبو في الكار لانو اغلب اللي يمشو رجال
ماش يعني هذا انو ممنوعة برك لانو المدينة مازال ماكبرتش بزااف
لكن كي نروح للولاية كيما قلتي كاين اكتضتض كبير ربي يسترنا وفيه ما يندى له الجبين ربي يعافينا سلاام ..​

اهلا خويا حكيم
الله يحفظك عارفتكم ناس كرم شكرا
ايه شفتها لانو صغيرة ونواحيكم الرجال يتنقلو بزاف ولكن محترمين الحقيقة تقال
الولاية نتوما تبعين للجلفة وي شفتها وشفت محطة الحافلات نتاع الولاية والله كارثة نفس الشي مع العاصمة معناها كبر المكان والتنقل الكثير عندو علاقة مع انو التربية من المفروض كاينة وين تكون
الله يهديهم
شكرا لك

 

[ليليا مرام]

رد: محطة الحافلات .........شكون يركب يروح للمنتدى

هناك فرق بين "الرجولة" و "الرجل" اختي , واللي يدير مثل هذه الافعال نأكدلك بلي القط يخاف منو , كيما هاذو لازم يترخسوووووا

كـــــف حاااار صدقيني يولي يروح على رجليه في بلاصت مايركب في الـــBUS

اهلا اخي
اكيد فرق كبير وصح كيما قلت هذو الانواع اغلبهم تلقاهم ضعاف شخصية يعني كف يجيريه ولكن يستقواو على النسا اما يطيح مع ولد يماه يربيه نتاع الصح
شكرا لك نورتني