غرتو مني فقتلكم

ليليا مرام

:: عضو بارز ::

أوفياء اللمة
السلام عليكم يا جماعة الخير نهاركم مبروك
بارد ومثلج وشتيوة خيرك يا ربي الحمد لله شفتو بعد ما نشفت الارض وقالو الجفاف راه ربي رحمنا والحمد لله احمدو ربي على نعمو علينا
اليوم يا جماعة حبيت نحكو على سوجي هو يبان صغير ولكن الموصوع هذا كاين من وراه ناس خربت بيوت ناس
وكاين هذا الموضوع اذا فات على حدو يتسمى جنون
نحكو اليوم على سوجي نتاع الغيرة
ايييه الغيرة عند النسا وعند الرجال
الغيرة معروفة بها المرا بالدرجة الاولى
تغير من ختها من جارتها من صحبتها المهم غيرة ما تقدرش تقول اي مرا ما نغيرش لانو هذي زادت معانا وكبرت وطورت كل ما نكبرو
كاين غيرة عادية وكاين غيرة مرضية وكاين غيرة المرا على زوجها او حبيبها او خطيبها
ارواحو نشوفو الغيرة عند النسا مع بعضاهم
المرا لما تشوف وحدة تحسها خير منها في كل شي ممكن الكل يشكر في اخلاقها خاصة لو كانو بنات العم اول الخال تغير منها لدرجة كبيرة وكاين حتى تغير من ختها لا لشيء الا انو تحس الكل يحبها وانها خير منها
نروحو لغيرة المرا من جارتها او بنات الجيران هنا اللي تكون عندها ذيك الغيرة المرضية
وعلاه بناتها تزوجو وبناتي لالا وعلاه شعرهم طويل وشعر بناتي لالا
وعلاه فالاعراس يحوسو على بناتها وبناتي لالا وكاي وين الغيرة هذي وين توصل المرا هذي تتبع طريق السحولار وتسحر البنات وهذا واقع معاش ما تقولوش السحور ماكانش منو لا كاين
دمر عائلة او مستقبل بنات فقط لانو عندها هوس انهم خير من بناتها
الغيرة ببين النسا صعيية ولازم الوحدة يكون عندها ايمان انو ربي خلقنا وخلق لكل واحد فينا نصيبو يطلع او يهبط ما يدي الا اللي كاتبو ربي
نجو للغيرة الحلوة اللي بين المرا وراجلها أو خطيبها
تبدا الغيرة اول ما تحس المرا بالحب سواء كان حبيبها أو زوجها
منين رحت ومنين جيت ومع شكون هدرت وعلاه راك لابس هاكا وشعرك لاه دايرلو هاك والرجل جنو وعفريتو في مرا تتحكم فيه ومش قادر يراعي انها تغير الله غالب
نروحو للرجال كاين اللي يعبر عليها وكاين اللي قاتلاتو حد وين يخلي المرا هذيك سجينة فالدار عندو غيرة هوسية من مدة شفت حصة كان يضرب مرتو بلا سبب انو يشوف فيها برك لو تتبسم يضربها يغير عليها هذي غيرة مرضية
مي الغيرة مليحة وضرورية كالملح فالطعام لانو الراجل اللي ما يغيرش اسمحولي هذا فريجيدار
المرا تعبر عليها وما تخليهاش فقلبها الله غالب تدي الضرب وعادي وتدي البخص وعادي المهم تنهت ما تقدرش
حبيت نعرف الغيرة عندكم
نتوما الرجال اذا كاين غيرة بيناتكم ونتما البنات اذا تعرضتو لموقف نتاع غرتو او غارو منكم
وشعال جني وعفريتي فاللي طيح فدارهم ماما......غارو مني زعمى شكون غار منها الكارلاج
ماما راسي يوجع غارت مني يسمينة بنت مسعودة .:s:s:s:s:s واش دخل يسمينة في راسها
ماما اليوم البنات يفروا معايا هبلو على الجين نتاعي وهو نتاع بوعلام تيتيش من وقت الثورة

عبرو الخط لكم








 
توقيع ليليا مرام
رد: غرتو مني فقتلكم

السلام عليكم أختي
ان شاء الله راكي لاباس؟
درك والفت لازم كل يوم نلقى واحد من مواضيعك الشيقة هنا ^^
بارك الله فيك وربي يوفقك
والله يا اختي الغيرة مليحة لما تكون في حدود وتكون غيرة من وراها نية سليمة
ماش غيرة توصل للقتل والسحر، كاين مثلا غيرة لي تخليك توصل للقمة وماتخليكش تحقد على الغير
مثلا انا الحاجة لي تخليني نغير لما نشوف ولاد صغار حافظين القرآن وانا لالا، نشوف
شباب قدي في السن وعندنا نفس العقل ولكن متفوقين في دراستهم علي، لكن هادا ماش يوصلني
للحقد بالعكس يوصلني للقمة، والدليل العام لي فات كانت تقرا معانا وحدة ماشاء الله عطاها ربي
العلم والتواضع وحب العمل والاجتهاد، قلتهالها طول في وجها قلتلها كي نشوفك نغير ونحب نوصل
لواش وصلتي ونكون متفوقة كيفك مع انو مابيناتناش بزاف، بصح ماش لدرجة الحقد بالعكس
لما نشوفها تقرا هكاك زيد تعجبني وتحمسني والله، اما الناس لي مريضة نفسيا هادوك راهم يقتلو
بسبب الغيرة، توصلي يشوفوك تضحكي يقولو راهي هانية ويبداو علاه حنا في المشاكل وهي لالا،
تلبسي لبسة ولو قديمة يغيرو منك، والمشكلة الكبرى الناس هادوك لي يحصلو كلشي في الغيرة هههه
تقولك نحب اللون الاحمر تقوليلها انا نحب الاصفر تقولك غايرة مني هههه، تنتاقديها في بعض الكلمات
تقولك غايرة مني، دير حادث سيارة تقولك غارو مني وحسدوني هههه، يعني واحد الشعب ربي يهديه برك
وعجبتني تاع الراجل تبتسم مرتو يضربها ههههههه هادا معقد نفسيا لازملو طبيب نفسي، خاطر هادا راهو
يغير من نفسو بعد ههه، واصلا درك الغيرة عند الرجل راحت خلااااص الا من رحم ربي
تلقاي بنت ولا مرأة باللباس الفاضح برا وهو يفتخر بيها يعني هادا راهو بارد على الفريجيدار، بالاك الفريجيدار
وعندو مشاعر هههه، خاطر هنا لي لازم تتدخل الغيرة في العلاقة الزوجية اذا ماكانش غيرة ماكانش جمال
يعني تكون الغيرة المليحة والمقبولة ماش الزايدة لي ماعندها حتى معنى، تاع مع من كنت وعلاه لبست
وعلاه تضحك ، خاطر هادي تولي توسويس، واش تحبي نقولو ربي يهدينا ويهديهم ان شاء الله
تقبلي مروري مريومة الجميلة
تحياتي ^^

 
توقيع لؤلؤة قسنطينة
رد: غرتو مني فقتلكم

السلام عليكم أختي
ان شاء الله راكي لاباس؟
درك والفت لازم كل يوم نلقى واحد من مواضيعك الشيقة هنا ^^
بارك الله فيك وربي يوفقك
والله يا اختي الغيرة مليحة لما تكون في حدود وتكون غيرة من وراها نية سليمة
ماش غيرة توصل للقتل والسحر، كاين مثلا غيرة لي تخليك توصل للقمة وماتخليكش تحقد على الغير
مثلا انا الحاجة لي تخليني نغير لما نشوف ولاد صغار حافظين القرآن وانا لالا، نشوف
شباب قدي في السن وعندنا نفس العقل ولكن متفوقين في دراستهم علي، لكن هادا ماش يوصلني
للحقد بالعكس يوصلني للقمة، والدليل العام لي فات كانت تقرا معانا وحدة ماشاء الله عطاها ربي
العلم والتواضع وحب العمل والاجتهاد، قلتهالها طول في وجها قلتلها كي نشوفك نغير ونحب نوصل
لواش وصلتي ونكون متفوقة كيفك مع انو مابيناتناش بزاف، بصح ماش لدرجة الحقد بالعكس
لما نشوفها تقرا هكاك زيد تعجبني وتحمسني والله، اما الناس لي مريضة نفسيا هادوك راهم يقتلو
بسبب الغيرة، توصلي يشوفوك تضحكي يقولو راهي هانية ويبداو علاه حنا في المشاكل وهي لالا،
تلبسي لبسة ولو قديمة يغيرو منك، والمشكلة الكبرى الناس هادوك لي يحصلو كلشي في الغيرة هههه
تقولك نحب اللون الاحمر تقوليلها انا نحب الاصفر تقولك غايرة مني هههه، تنتاقديها في بعض الكلمات
تقولك غايرة مني، دير حادث سيارة تقولك غارو مني وحسدوني هههه، يعني واحد الشعب ربي يهديه برك
وعجبتني تاع الراجل تبتسم مرتو يضربها ههههههه هادا معقد نفسيا لازملو طبيب نفسي، خاطر هادا راهو
يغير من نفسو بعد ههه، واصلا درك الغيرة عند الرجل راحت خلااااص الا من رحم ربي
تلقاي بنت ولا مرأة باللباس الفاضح برا وهو يفتخر بيها يعني هادا راهو بارد على الفريجيدار، بالاك الفريجيدار
وعندو مشاعر هههه، خاطر هنا لي لازم تتدخل الغيرة في العلاقة الزوجية اذا ماكانش غيرة ماكانش جمال
يعني تكون الغيرة المليحة والمقبولة ماش الزايدة لي ماعندها حتى معنى، تاع مع من كنت وعلاه لبست
وعلاه تضحك ، خاطر هادي تولي توسويس، واش تحبي نقولو ربي يهدينا ويهديهم ان شاء الله
تقبلي مروري مريومة الجميلة
تحياتي ^^

السلام عليكم مريم
ايه لازم توالفي وشكون قالك سمي روحك كيما اسمي غرتي مني :p:p:p
نعم فعلا هذيك الغيرة نحبها انا نتاع نشوف وحدة خير مني فالقرايا فالمستوىة هي متجلببة وانا لالا والله نغير منهم نتاع الجلباب كانت تقرا معايا وحدة تقرا ولو اني كنت مفوقة لكن ديما في تنافس انا وهي ولكن تنافس شريف ونضحكو مع بعضانا ونشوفو شكون حفظت اكثر ولما نجيو معدلات نقولو للاساتذة رانا كنا في تنافس و نمدو هدايا لبعضنا لما وحدة تجيب اكثر من لخرى كان تنافس هايل انا وهي لكن مش غيرة مرضية صدقيني مانعرفهاش كل وحدة ربي يسهللها وكل وحدة ربي يهنيها تلبس اخضر او احمر او ازرق ربي يسهل ما نعرفش نشوف فوحدة نظرة انها خير مني لا لانو عندي ايمان كبير انو ربي هو قسمنا رزقنا وحياتنا وكل واحد يمدلو من عندو يعني قناعة تامة
اما الناس كيما قلت شعرها يطيح غارو منها وسحروها تقوليلها ذاك اللون ماجاش عليك انت بنيتك تروح تنشرها غارت مني ويعجبوني هذوك اللي ينخطبو وياااااااااااا لما تنخطب تولي تخبي فخطيبها نهار الفيونساي وهو تقوليه قط منتوف الشعر وخايفة عليه :d:d:d:d ياخا يضحكوني انا هذوك
عباد مرضى وي هذاك اللي كان يضربها لما تتبسم ما يحبهاش تتبسم والله مسكينة عانات معاه بالضرب حتى ماتت وندم كي ماتت علاه تندم صايي ضرك عس الفريجيدار كي يتبسم اضربو
جبتي المفيد اللي يخلو نساهم متبرجات ودايرين صبورة وطالقها عادي لا غيرة لا نخوة مت ينقزو قلبو ما يتحرك شعرو كل شي فيه ميت :d:d:d
يا يمى ان شاء الله ربي ما يمدليش واحد هاكا يمشي بالباتري :s:s:s:s
شكرا مريومة
 
توقيع ليليا مرام
رد: غرتو مني فقتلكم

الغيرة حجة مليحة و شعور يخلي المعاندا و التطور يزيد
انا و الله غير نغير منين نشوف بنات الله الله عليهم حافظين القران ولا نشوفها تصلي بخوشوع و انا مزلني متعافرة ولا تقلي الكتاب الفلاني شباب يحكي عى كدا و كدا
اما البسة انا نضن كل وحد و مقدورو المهم يكون نقي و محدد و خلاص متهمنيش بزاف
ممممم غارو منيييييي منضنش لانه معنديش حاجة زيادة على الناس كيفي كيف الناس او قل من الناس
 
رد: غرتو مني فقتلكم

الغيرة حجة مليحة و شعور يخلي المعاندا و التطور يزيد
انا و الله غير نغير منين نشوف بنات الله الله عليهم حافظين القران ولا نشوفها تصلي بخوشوع و انا مزلني متعافرة ولا تقلي الكتاب الفلاني شباب يحكي عى كدا و كدا
اما البسة انا نضن كل وحد و مقدورو المهم يكون نقي و محدد و خلاص متهمنيش بزاف
ممممم غارو منيييييي منضنش لانه معنديش حاجة زيادة على الناس كيفي كيف الناس او قل من الناس
السلام عليكم أختي زهور اهلا وسهلا جزاك الله كل خير نورت الموضوع
الغيرة ضروري الغيرة نتاع المصلحة نتاع اللي تتنافسي وترجعي كيما هوما اما الغيرة نتاع المرض هذيك الهوس واللي تلحق وحدة تسحر وحدة او تحرش عليها او تمنع عليها عمل كان رايح لها هنا تولي حقد ومرض نفسي

شكرا نورت الموضوع
 
توقيع ليليا مرام
رد: غرتو مني فقتلكم

ياريت كنا نغيرو في حوايج فيهم فايدة كالغيرة على الدين والشرف والأهل ، بصح اذرك نغيرو على حوايج سقاطة برك وغيرة تجيب الفتنة والكراهية والعداوة بين الناس ولوكان جينا مؤمنين حقا وفي بالنا كل واحد ورزقو ماكناش نوصلو لهاذ المصائب والمضحك المبكي في الأمر أنو الواحد باه يدعي ربي يرزقو مثلا يدعي ربي ينحي لواحد يغير منو . والله صارية صح ونختمها بنكتة خفيفة : واحد مع صاحبوا خرجلهم عفريت قال لواحد فيهم أطلب أي حاجة نعطيهالك وصاحبك نعطيه زوج السيد غار وماحملش قالو : أعميلي عين باه هو تعميلو زوج.... ربي يهدينا ان شاء الله والله يالأخت يعطيك الصحة راكي ناشطة ونشطينا معاك بعد ماحكمنا شويا خمول
 
رد: غرتو مني فقتلكم

ياريت كنا نغيرو في حوايج فيهم فايدة كالغيرة على الدين والشرف والأهل ، بصح اذرك نغيرو على حوايج سقاطة برك وغيرة تجيب الفتنة والكراهية والعداوة بين الناس ولوكان جينا مؤمنين حقا وفي بالنا كل واحد ورزقو ماكناش نوصلو لهاذ المصائب والمضحك المبكي في الأمر أنو الواحد باه يدعي ربي يرزقو مثلا يدعي ربي ينحي لواحد يغير منو . والله صارية صح ونختمها بنكتة خفيفة : واحد مع صاحبوا خرجلهم عفريت قال لواحد فيهم أطلب أي حاجة نعطيهالك وصاحبك نعطيه زوج السيد غار وماحملش قالو : أعميلي عين باه هو تعميلو زوج.... ربي يهدينا ان شاء الله والله يالأخت يعطيك الصحة راكي ناشطة ونشطينا معاك بعد ماحكمنا شويا خمول
السلام عليكم اخي سفيان اهلا وسهلا جزاك الله كل خير يا رب
نورتني ايه والله عندك الحق خويا سفيان حتى لما يجي يدعي ربي يقولو نحي لفلان واعطيلي الدعوة ما عندها حتى معنى يحسد انسان على حاجة من ربي ويقولو يا ربي نجيهالو الجهل بعينو
نقولك انا عندي وحدة كانت تجيني للدار لانو بلا شكر روحي رغم مرضي نخدم فالدار تخيل واحد النهار واش تقولي اسمعي ليليا نقولك فوجهك انا لما نجي داخلة عندك نقولو يا ربي اعطيني واش عطيتها نقولها الحمد لله اعطاني الصبر على مرضي واعطاني التحمل نتحمل جراثيم كيما انت ادخلي برك وبلعي فمك تقولي الما ما نمدلكش تشربيه مي واش ندير قلبي بيض وراحا نكحلو فجرتكم

والله عباد تحير فيهم
ضحكتني النكتة
لا خويا سفيان نشوف فيك ناشط مالازمش يحمك الخمول الباتنيين قافزين
خيار الناس
شكرا نورتني

 
توقيع ليليا مرام
رد: غرتو مني فقتلكم

مريوومة علابالي بلي نتي اكبر غيارة في دزاير ..دجا تغيري مني فايقتلك ..غيارة :p
صح كما قلتي مكانش لي ميغيرش مي كاين غيرة السامطة ... بين البنات كوارث كوارث ...قلتي تتخطب تخاف تهدر يا ختي الشعب هنا باسل ميليق غير تخلعيهم نهار العرس يعيي وين لقيتيه كفاش .ربحته في طنبولة
المهم هداك لي يغير على مرتو و يضربها هداك معقد و صراتله حاجة في صغره ولا شاف حاجة بقاله فهم انه لي يغير يضرب و كاين بزاف ...بسبب الصغر يصرالهم مشكل يعقدهم
المهم انا منغيرش منك مين تكتبي مواضيع و منغيرش مين تحطي دوك الايقونات لي حرقولي قلبي و منغيرش كامل منك هههههههه تقبلي مروري ..سلام
 
رد: غرتو مني فقتلكم

مريوومة علابالي بلي نتي اكبر غيارة في دزاير ..دجا تغيري مني فايقتلك ..غيارة :p
صح كما قلتي مكانش لي ميغيرش مي كاين غيرة السامطة ... بين البنات كوارث كوارث ...قلتي تتخطب تخاف تهدر يا ختي الشعب هنا باسل ميليق غير تخلعيهم نهار العرس يعيي وين لقيتيه كفاش .ربحته في طنبولة
المهم هداك لي يغير على مرتو و يضربها هداك معقد و صراتله حاجة في صغره ولا شاف حاجة بقاله فهم انه لي يغير يضرب و كاين بزاف ...بسبب الصغر يصرالهم مشكل يعقدهم
المهم انا منغيرش منك مين تكتبي مواضيع و منغيرش مين تحطي دوك الايقونات لي حرقولي قلبي و منغيرش كامل منك هههههههه تقبلي مروري ..سلام
السلام عليكم
ايه وانا نقول وين راهي الغيورة مني اليوم خطات من الموضوع راكي جيتي اهلا حبوبة
ايه انا نصارحك نغير منك ونموت قريب نخرجلك فالميكرو
ايه اختي صح السترة فالخطبة مليحة تخبيها اعرضيهم وقال طهارة نتاع وليد خويا حتى يلقاوك عروسة والله مليحة ذي لازملهم العرب نتاعنا هكا
اما اللي يغير على مرتو تفرجت عليه فالحصة تخلعت تتبسم يضربها مريض نفسي الغيرة مليحة مي ماشي باسلة حتى يولي مريض
ايييه بيني بيني باللي تغيري مني راكي فضحتي روحك يا طفلة مي انا نحبك تغيري مني وتكتبي وديري ايقونات حتى المنتدى يزها
شكرا حبوبة
 
توقيع ليليا مرام
رد: غرتو مني فقتلكم

رانا في زمان اي ظاهرة عجيبة نلقاوها نعم... الأخت تغير من أختها داخل الاسرة لتنتقل الى ما بين الأقارب والجيران ثم المجتمع والنتيجة كما نراها الغيرة منتشرة بزاف
 
رد: غرتو مني فقتلكم

رانا في زمان اي ظاهرة عجيبة نلقاوها نعم... الأخت تغير من أختها داخل الاسرة لتنتقل الى ما بين الأقارب والجيران ثم المجتمع والنتيجة كما نراها الغيرة منتشرة بزاف
السلام عليكم اهلا وسهلا اختي
جزاك الله كل خير يا رب صح رجعت الغيرة من الدار من الاخت وختها والام وختها والجيران وتنقل لكل المجتمع
الغيرة لما تكون عادية امر عادي اما غيرة المرض تتحول لحقد وحسد
جزاك الله كل خير
 
توقيع ليليا مرام
رد: غرتو مني فقتلكم

ايييه الغيرة تطورت الآن
و ولينا نشوفوها حتان في الأمراض
مثلا واحد يمرض و يجوا الناس بزززاااف يشوفوه
يقولوا الغيارين
شفت كي مرض واحد ما قعد عليه كامل الناس شاافته و زارته
 
توقيع الامين محمد
رد: غرتو مني فقتلكم

السلام عليكم
الغيرة راها ساكنا عباد يالطيف
واسم نقولو ربي يهدي عبادو يارب يارب
وندعيو ربي ينجينا
تحياتي​
 
توقيع Malika Tlm
رد: غرتو مني فقتلكم

ايييه الغيرة تطورت الآن
و ولينا نشوفوها حتان في الأمراض
مثلا واحد يمرض و يجوا الناس بزززاااف يشوفوه
يقولوا الغيارين
شفت كي مرض واحد ما قعد عليه كامل الناس شاافته و زارته
السلام عليكم خويا الأمين اهلا وسهلا
اييه راني فيها ياو مرات تقولي كاش وحدة جارتي انت علاه كي تمرضي ما عندكش ضياف بزاف كيما لخرين شفت فلانة دارهم غاشي والضياف داخلين وخارجين نقولها على خاطر انا عندي السل زيدي روحي معاهم انت تخافي نعديك :d:d:d انا ديما نجاوب هكا بالقصف الرهيب حتى ما تزيدش تجيبلي هدرة تقلقني لانو باب دارنا مفتوح اللي زار مريض راه هو فالفايدة راح يلقى ربي ويدعي دعوتو وتفوت ومش انا قلتها هذا ربي قال اللي حاب يشوفني يلقاني عند المريض واللي وجهو وجه الشر ويبغي دعاوي الشر ما يزورش االمريض وانا واش نديرلهم جابهم على راسهم :d:d
سور فقلبك راك تقول مريم مهبولة الله يسلمك خويا امين :p:p:p
شكرا نورتني
 
توقيع ليليا مرام
رد: غرتو مني فقتلكم

السلام عليكم
الغيرة راها ساكنا عباد يالطيف
واسم نقولو ربي يهدي عبادو يارب يارب
وندعيو ربي ينجينا
تحياتي​
السلام عليكم اختي مليكة
اهلا وسهلا نورت الموضوع
مش ساكنة برك راهم رجعو قريات نتاع غيوريين
آمين يا رب
على اللهجة اختي مليكة تلمسانية واضح جدا خيار الناس
الله ينجينا منهم آمين شكرا وتحياتي لك
 
توقيع ليليا مرام


أكتب ردك هنا...
العودة
Top Bottom