السلام عليكم جماعة الزينة ولمة الأحباب ارواحو نحكو فسوجي نظنو مهم
إيييه زمان يعني زمان كل واحد فينا عندو ماضي يتفكرو كيما تفكرنا الطفولة فاللّعب والطوايش
أرواحو نتفكرو شي حتى نوصلكم للموضوع اليوم ماراحش نكتبلكم العنوان الاول ونهدرو اليوم نبداو من الأول حتى نوصلو للموضوع
المهم يا جماعة إييه كنّا نقراو صغار وهناك بدا الإعجاب إيه حب الطفولة والبراءة
يبدا يعجينا هذاك اللي يقعد معانا
أو واحد فالكلاصة وأرواحو لو كان شعرو صفر
نباتو ونظلو نهدرو بيه ويعايرونا صحاباتنا بيه إييه واسمنا مكتوب مع إسمو فالحيط
وهو يعايروه بيك وأنت يعايروك بيه زعمى كانت ذاك الوقت حاجة كبيرة طفلة تعجب طفل مي كنا صغار زعمى لاج نتاع 8 سنين أو 9 سنين الحب كان كي تشوفيه صباح
جاي الله الله مع الذراري
ومن بعيد تروحي له وقت المجة تقسميها معاه المخيرة ليه
هذا الستيلو الجديد ليه وهذا الكرّاس ليه وهذا كادو واقيل المرا مناك بدات تفورني على الراجل يا ويلي
وطلعنا لليسي وخلاص هذاك نتاع البريمير يروح يجينا نتاع السويام زعمى راجل عليه هذاك ذراري وايييه يقواو المعجبين والطفلة هنا تبدا تتقلش وتخير وكاين اللي تعشق فاللي يقريها السبور ما نعرف علاه كنا نحبو ليبروف نتاع السبور يباننا غريندايزر ذاك الوقت
ويفوتو أعوام السويام طيش ولعب وحب زعمى وكانت النية كنا ندخلو اللي يحبها واحد تلقى اسمها مكتوب فوق الطابلة او نلقاو وردة
زعمى من مجهول لو برية ومافيهاش الإسم وهي تشوف فكامل نتاع الكلاصة شكون هذا روميو المجهول
وهو زعمى مخبي حتى تجي هذيك الحركية تبيعلها وتقولها فلان بعثني عندك هذيك راكم عارفينها فاكتور الغرام
وشعال كنا نكرهو العطلة لانو ما نزيدوش نشوفو ذاك اللي نحبوه لانو ماكان لا تلفون ولا اتصال ولا شي اللهم لو خرجت للعرس ولقاتو فالطريق او للبحر وتبقى تستنى العطلة وينتا تخلاص
وتموت بالسعادة كي تدخل اول يوم تحوس عليه ايييييه الحب ومادار فينا راني نتفكر يا جماعة
ونروحو لليسي وهنا بدا الصح وهنا بدا العشقو حسني والبكا وسهران الليالي هنا زعمى الجون نتاع الليسي يبان راجل نتاع مسؤولية
هناك لازم الطفلة تصيدو لانو نتاع زواج ويبدا التخطيط وعشاق الليسي ناشي كيما نتاع السويام لالا آواه نتاع الليسي. زعمى بريستيج حاسب روحو يعشق وما يبينش
وذاك اللي يستنى هي تجي عندو وتلقى المخلوقة تتغم وتتغاشى حتى ينتبه السّي براد بيت
أما لو هو يعشق فيها من ذوك النوع اللي يتبعها وين يروح ولما يلقى واحد ييتبعها هذي شوميزي نتاعو مقطعة ومغبرة ويجي ذيك القطرة نتاع الدم عند فمو محمد علي كلاي
زعمى تقاتل على جالها ياخي حالة
وهي كل يوم لبسة والشوشة مرة أدروات ومرة أقوووش
وذيك المشية نتاع النعامة خطوة للقدام وعشرين للورا حتى يشوفها السي قيس بن الملوح
وليجون يا حسراه من يومين وهو يجدد فالحوايج وماكانش الجال كان قطرة ما يفوت الشوشة نتاع عبد الحليم حافظ ويجي الكول نتاع الشوميزي تقول جناح طيارة
مي والله كانو يامات شابين وإييه شعال كنا نحبو المدرّج الصف التالي دايما للعشاق
جاردا دامور زعمى مي كاين بداو العلاقة مناك وتزوجو لما كملو الجامعة فعلا
هذا ملخص علاقاتنا زمان زعمى كانت براءة صافية إذا كترث برية وقلب وفليشا جايا من تمنراست باه تروح ليها توصل لباباها
وكانت قسرة فالليسي فركنة فالساحة أو المدرّج كلمة زوج كلمات وسميناها علاقة وحب وسهرنا عليها الليل أرواحو ضرك نحكو على غراميات هذا الزمان
99 بالمية إما غلطو فالتلفون أو 99 فايس بوك وواحد بالمية تعرف عليها فالطريق
معناها كلو عشق الكتروني شعال من لايك وشعال من جام وبعدو أواه لازم نتلاقو برا ويديها وين يختار ووين يحب والمشكل المرا ما تقولش لالا نهائيا وزمان طفلة السويام الي كانت يا ربي تشوفو من بعيد اليوم طفلة السويام رجعت مرا قبل الوقت
تعرف كل شي على العلاقة وتعرف حتى أمور خاصة لو تحكي معاها تتخلع تقول متزوجة ومطلقة
تعدات العلاقة الغرامية وحب زمان حدود برية وقلب وفليشا رجعت مواعيد ورجعت دراهم ومصالح ويعامل فيها الراجل المرا على إنها مرتو لأنو هي تعامل فيه على إنو راجلها بالدفتر
حب زمان راح حتى نقولو مابقاش حب النسا ما رجعو نسا والرجال لقاو الطريق مفتوحة حتى كاين اللي ما يخممش يتزوج وهو صغير يقولك خلي حتى نشبع واش يشبع هذي بطاطا
مي اللوم مش عليهم
انا بديتلكم السوجي بطفولتنا لمراهقتنا والنية اللي كانت وحتى الراجل ذاك الوقت ماكانش يطمع بامور كبار كيما راهي ضرك زواج بلا دفتر
خبروني على علاقاتكم الطفولية وكيفاه كانت واياكم تقولو ما كناش وما عرفناش وما حبيناش ما نأمنكمش
وقولولي على عشق اليمات هذي واش رايكم فيه ؟
شكرا كلم ان شاء الله عجبكم الموضوع
إيييه زمان يعني زمان كل واحد فينا عندو ماضي يتفكرو كيما تفكرنا الطفولة فاللّعب والطوايش
أرواحو نتفكرو شي حتى نوصلكم للموضوع اليوم ماراحش نكتبلكم العنوان الاول ونهدرو اليوم نبداو من الأول حتى نوصلو للموضوع
المهم يا جماعة إييه كنّا نقراو صغار وهناك بدا الإعجاب إيه حب الطفولة والبراءة
يبدا يعجينا هذاك اللي يقعد معانا
هذا الستيلو الجديد ليه وهذا الكرّاس ليه وهذا كادو واقيل المرا مناك بدات تفورني على الراجل يا ويلي
وطلعنا لليسي وخلاص هذاك نتاع البريمير يروح يجينا نتاع السويام زعمى راجل عليه هذاك ذراري وايييه يقواو المعجبين والطفلة هنا تبدا تتقلش وتخير وكاين اللي تعشق فاللي يقريها السبور ما نعرف علاه كنا نحبو ليبروف نتاع السبور يباننا غريندايزر ذاك الوقت
ويفوتو أعوام السويام طيش ولعب وحب زعمى وكانت النية كنا ندخلو اللي يحبها واحد تلقى اسمها مكتوب فوق الطابلة او نلقاو وردة
ونروحو لليسي وهنا بدا الصح وهنا بدا العشقو حسني والبكا وسهران الليالي هنا زعمى الجون نتاع الليسي يبان راجل نتاع مسؤولية
جاردا دامور زعمى مي كاين بداو العلاقة مناك وتزوجو لما كملو الجامعة فعلا
هذا ملخص علاقاتنا زمان زعمى كانت براءة صافية إذا كترث برية وقلب وفليشا جايا من تمنراست باه تروح ليها توصل لباباها
وكانت قسرة فالليسي فركنة فالساحة أو المدرّج كلمة زوج كلمات وسميناها علاقة وحب وسهرنا عليها الليل أرواحو ضرك نحكو على غراميات هذا الزمان
99 بالمية إما غلطو فالتلفون أو 99 فايس بوك وواحد بالمية تعرف عليها فالطريق
معناها كلو عشق الكتروني شعال من لايك وشعال من جام وبعدو أواه لازم نتلاقو برا ويديها وين يختار ووين يحب والمشكل المرا ما تقولش لالا نهائيا وزمان طفلة السويام الي كانت يا ربي تشوفو من بعيد اليوم طفلة السويام رجعت مرا قبل الوقت
تعدات العلاقة الغرامية وحب زمان حدود برية وقلب وفليشا رجعت مواعيد ورجعت دراهم ومصالح ويعامل فيها الراجل المرا على إنها مرتو لأنو هي تعامل فيه على إنو راجلها بالدفتر
حب زمان راح حتى نقولو مابقاش حب النسا ما رجعو نسا والرجال لقاو الطريق مفتوحة حتى كاين اللي ما يخممش يتزوج وهو صغير يقولك خلي حتى نشبع واش يشبع هذي بطاطا
انا بديتلكم السوجي بطفولتنا لمراهقتنا والنية اللي كانت وحتى الراجل ذاك الوقت ماكانش يطمع بامور كبار كيما راهي ضرك زواج بلا دفتر
خبروني على علاقاتكم الطفولية وكيفاه كانت واياكم تقولو ما كناش وما عرفناش وما حبيناش ما نأمنكمش
وقولولي على عشق اليمات هذي واش رايكم فيه ؟
شكرا كلم ان شاء الله عجبكم الموضوع
آخر تعديل:
