رد: عشق الطفولة ومادار فينا
ايه يا لالة درت الكوارث فالإبتدائي هذي نتاع يخيرو حنا ما عندناش من اول يوم نقعدو عادي وبعدو المعلمة هي تبدلنا ولما تقعدنا مع واحد ماشي شباب يجو القوالب وانا ديما نقولها فيهم ريحت البول هههههه قاتلي مرة اسمعي انت هذو كامل يبولو تحتهم قتلها وانا واش ندير رحت جبتلها بابا ربي يرحمو قتلها قدامو راهي عندي الحساسية ويجو فايحين :d:d:d:d ما يبردش قلبي حتى تجيبلي واحد شباب ونشوفو يمات يبدا يتكبر ويحسب روحو والو نرمي عليه الما ونديرلو كيما خاوتو ايوا خبز والما والراس فالسما واش كي شباب يخلعني هههه
عجبتني نتاع تهلى فيا :d:d:d:d كنت عايشة انا كان واحد قاعد معايا كل يوم نشرط عليه حاجة ويجبهالي من ذاك الغد لو ما جابهاش يا حسراه تخلاص عليه مال :p:p:p:p
ايوا لما نكبرو يبدا النضج وتبداي تعرفي انوكاين امور فالدنيا اكبر مي تبقى البراءة اروع شي والله
شكرا نورت صفحتي
السلام عليكم اختي مريم آمين الله يحفظك تعيشيالسلام عليكم أختي مريم ولا نقول ليليا ^^
أولا ربي يشفيك وربي يعافيك ان شاء الله خاطر قريت في أحد ردودك أنك مريضة
ربي يعافيك ان شاء الله حبيبتي
ديتي العين على مواضيعك ههههه على كل حال هادي رابع مرة ندخل للموضوع هادا كل مرة نقول خلي نجمع افكاري
ونولي ساع مانوليش، مالا اليوم مانخرجش من هنا ان شاء الله غير لا كتبت ، مالا قاعدة تحكي على الطفولة والقصص
الرومانسية البريئة اييه هاديك وقتنا وقت البراءة والعقالة، كيما قلتيها بالاك الحب كان في نظرنا كي تمد حبة
حلوى لشخص آخر ولا تتقاسم معاه اللمجة ولا تقعدو قدام بعضاكم، كانت النية والطيبة والبرائة بصح دركا تلقاها
تقرا في الابتدائي تفكيرها طول يروح بلعيد غير من الافلام والمسلسلات التركية والهندية، وبالرجوع لنفسي كي نتفكر نحس
روحي بريئة زيادة عن اللزوم هههههه، انا في صغري ماكنتش يعجبوني الشخصيات الحقيقية كنت مهووسة بأبطال الرسوم
المتحركة لدرجة الجنون، ومشات فيا من الابتدائي حتى للمتوسط هههه، وكنت مثلا رسوم متحركة ماشي شرط يعجبني البطل
قادر يعجبني الشرير هههه تقايني نجمع الصور تاعو نكتب عليهم اشعار نرسمهم واحد بواحد، نشفى كنت نقول لماما زعما
ماكانش راجل في الدنيا عينيه موف؟ هههه قلتلها حابة نتزوج بواحد يشبه للبطل تاع رسوم متحركة، وكي حكيتي على الابتدائي
فكرتيني خلال السنة الخامسة والسادسة كانت تقرينا استاذة كل شهر تبدلنا البلايص يعني مع يدخل شهر جديد نفهمو
رواحنا بلي رايحين نبدلو لبلايص، بصح هي كيفاه كانت ديرلنا؟ تنوض البنات فوق المصطبة وتقول للذكور كل واحد يحكم طابلة
ويخير البنت لي حاب يقعد قدامها، وساعات تقولنا كي نتوخر ابداو وحدكم كي نجي نفرزكم برك، ويا وخدي على هاداك النهار
واش نكرهو، مالا مرة مع بداية شهر جديد قلت لصاحبتي درك هوما يقعدو يخيرو وانا رجليا يطيبو؟ هيا نروحو نقعدو ههه
وليت حكمت الطابلة اللولة وقعدت صاحبتي ورايا خاطر البلاصة لي قدامي تبقى فارغة اي باينة لمن تكون ههه،
هيا مالا قاعدة نحكي معاها نلقى في طفل جا يقعد قدامي، تشوكيت انا
والمشكلة باه ينحي الموصيبة الارتباك تاعو قالي مادام انا وياك لي قاعدين في الطابلة الاولى معاناها دورنا باه نحفظو البقية
الدرس تاع التربية الاسلامية هههههه ( الراجل عجبتو القعدة وزيد يأمر ههه) ومن بعد كي دخلت الاستاذة بدلتلي البلاصة
خاطر كنت نبانلها طويلة مقارنة بالآخرين ( مع اني تقلصت في كبري ههه) بصح هو خلاتو خاطر مايسمعش مليح
بدلتلو الطفلة برك لي تقعد قدامو ههه، من وراها في الشهر الموالي زاد جا قعد قدامي زادت بدلتنا هههه، خربشتلو المشاعر
مسكين، الشهر لي من وراه وقفتنا الاستاذة على المصطبة وكل طفل حكم بلاصة ويخير وحدة، مالا منين ندور نلقى الطفل
يشوف معايا ويديرلي بيدو يعني ارواحي ههههه، وانا نصمط ونتشرط، بقى مرة زوج و3 ولا حشمني :$
وليت قعدت قدامو، من بعد كي كل واحد قعد جا دور الاستاذة تفرز الامور، قالي هبطي راسك ماتشوفيش معاها
باه ماتبدلناش ههههه (تبا وسوسلي مشاعري البريئة ) ومن بعد مابدلتناش خلاتنا كيما رانا، واتهلا فيا صراحة مانكدبش ههه
كان كي يطلبو منو صحابو الوان في حصة الرسم ولا، مايحبش يمد يقولهم تخلصوهملي وكي نطلبو انا من وراهم يمدلي، يشبع
بخص ساع مسكين من صحابو ههههه، يعني ايام وحدهم صح
ومن بعد المتوسط كي طلعت لليسي كانت عندي ظروف ماخلاتنيش نخمم في مثل هاد الامور مع اني كنت نشوف البنات
تاع الليسي كيفاه داخلين في علاقات ومتاهات، وكي طلعت للجامعة وليت شطيطحة قراية ههه وليت نخمم غير في القراية،
وزيد تبدل تفكيري مع السنوات تقدري تقولي نضجت وبديت نرتب الامور ونوضعها في مكانها الصحيح.
يعني صراحة لي ماعاشش في وقتنا تحرم من اجمل طفولة، بالرغم من الصعوبات كانت مليحة وحلوة وفيها النية الله يبارك
شكرا مريومة (نحب نسميك مريومة ههه )على الموضوع الباهي ربي يحفظك حبيبتي من كل شر
تحياتي
ايه يا لالة درت الكوارث فالإبتدائي هذي نتاع يخيرو حنا ما عندناش من اول يوم نقعدو عادي وبعدو المعلمة هي تبدلنا ولما تقعدنا مع واحد ماشي شباب يجو القوالب وانا ديما نقولها فيهم ريحت البول هههههه قاتلي مرة اسمعي انت هذو كامل يبولو تحتهم قتلها وانا واش ندير رحت جبتلها بابا ربي يرحمو قتلها قدامو راهي عندي الحساسية ويجو فايحين :d:d:d:d ما يبردش قلبي حتى تجيبلي واحد شباب ونشوفو يمات يبدا يتكبر ويحسب روحو والو نرمي عليه الما ونديرلو كيما خاوتو ايوا خبز والما والراس فالسما واش كي شباب يخلعني هههه
عجبتني نتاع تهلى فيا :d:d:d:d كنت عايشة انا كان واحد قاعد معايا كل يوم نشرط عليه حاجة ويجبهالي من ذاك الغد لو ما جابهاش يا حسراه تخلاص عليه مال :p:p:p:p
ايوا لما نكبرو يبدا النضج وتبداي تعرفي انوكاين امور فالدنيا اكبر مي تبقى البراءة اروع شي والله
شكرا نورت صفحتي
