جمعتكم مبآركة احبتي
اليوم مآلقيت واش ندير للقهوة، في آخر لحظة تفكرت وصفة
يديروهآ في دآر جدي بزآف، كنت نشوف برك خآلتي تعملها ومرآت وين ماما ديرهآ
قلت نديرهآلهم يشربوا بيهآ حليب
نآس الشرق نظن يسموها كسرة او les galettes ولا منعرف
المهم هي وصفة بسيطة ما تطلب لا مقادير كثيرة لا تعب لا وقت في التحضير
خفيف ظريف
نبدآو على بركة الله
المقآدير:
3 كيلآت فرينة ( انا كيلت بطبسي صغير)، ملح، زيت ( ماتكثري ما تنقصي، انا درت bol ديال الفلون)، ماء دافي
التحضير:
نخلطو الفرينة مع الملح، ونفرغو الزيت ونخلطو مليح بكف اليد مع الفرينة
حتى يتجآنس الكل
بعدها نضيفو شوية ماء، برك قد ما تتلم العجينة
لآزم تبقى يابسة، وما ندلكوها
نآكد ما ندلكوها نلموها برك
قسمتها الى 3 كويرات
حليتها بالحلال الى سمك ماهو رقيق ماهو غليظ باه ماتجيش معجنة من الداخل
علابالي الشكل خاطيني شوي :p
وطيبتها فوق طاجين ديال الحديد
تقدم سآخنة
ســــــــلآمي
آخر تعديل بواسطة المشرف:
