عادة تقريبا انقرضت ادخلو تعرفوها مشاركة رمزية في المسابقة

[السلطانة]

السلام عليكم ورحمة الله وبركاته

أيا أنا تاني قلت ندير موضوع ماش خونا مالك يدير ولانو

ياي على زمان زمان وقت كنت أنا طفلة صغيرة في التسعينات
نتفكر مليح ديك اللمة الزينة لي تبدى من الصباح لليل وتبقى اسبوع كامل واكثر

لي هيا

عادة فتيل الكسكس(الطعام)
كيما يقولولو ناس الوسط :d

كنا صغار كانت تبعثنا جدة
باه نقولو للنسا تاع لافامي والجيران
بلي غدوة راح يفتلو وكان حبو يجيبو معاهم شكاير سميد باه يفتلو كل بعضاهم

غدوة من ذاك يبكرو النسا على صباح ربي
جايبين معاهم هادم

ويبداو يفتلو وهاذي تمد لهاذي
يتعاونو
يوصل وقت لغذى مولات الدار تحطلهم يتغذاو ويكونو معاها طبعا يعاونوها
ونكونو حنا الصغار فرحانين بهاذ اللمة ونتفرجو على النسا ومرة على مرة نعاونوهم نجيبولهم
واش يطلبو ونهزو معاهم نحبو المعاونة
وفي نفس الوقت نقايدوهم كيفاه يفتلو

توصل لعشية يرجعو لديارهم وغدوة يوليو
ويعاودو يكملو يفتلو بقية الشكاير

وكي يكملو تكون كل وحدة عبات شكارتها مفتولة مسقمة :thumb_up02:
وتخبيها عولة للشتا ولا الصيف
ولا لكاش مناسبة

وتكون نظيفة باهية
العبرة :زمان حتى المعاونة كانت ليها بنة خاصة
أما درك تقريبا انقرضت هاذ العادة
وعدنا نشريو كسكس ماما
وكسكس عمر بن عمر
وغيرها واجدين وخلاص.


تحياتي

​

 

[لؤلؤة قسنطينة]

رد: عادة تقريبا انقرضت ادخلو تعرفوها مشاركة رمزية في المسابقة

السلام عليكم
واقيلا حابين تغيروني نتي وخويا مالك بمواضيعكم هههه
ماشاء الله موضوع هايل، وعاداتكم كيما عادتنا ختي
حتى حنا دار جداتي كانو يفتلو النعمة (الكسكس) تحكيلي دايما ماما كيفاه
كانت تشاركهم العملية بالتفصيل، ودرك تنحات كيما قلتي
هي ماراحتش كليا خاطر مازالو ديار للآن يديروها ويفتلوها
بصح نقصت خلاص
اييه راحو يامات زمان وداو معاهم العادات وداو معاهم ناس بكري
البراكة في الفئة القليلة لي قعدت
شكرا اختي على الموضوع الجميل
واقيلا حتى انا نشارك ونديو الجوائز في ثلاثة ونخليو البقية ههههه
غير نضحك، وبالتوفيق للجميع
تحياتي
​

 

[Skor m@k]

رد: عادة تقريبا انقرضت ادخلو تعرفوها مشاركة رمزية في المسابقة

السلام عليكم
صح هذي العادة مبقاتش بزاف كاينة
الطعام تاع لي يبيعوه رجع النسا فنيافين ضرك لفتيل ميعرفولوش
ماني الله يرحمها جامي كلات الطعام لوزين
ديما تفتل هي حتى نهار كبرت ولات يما كي طيب الطعام تاع لوزين
تبدى تبكي ماني تقولنا راح الزمان لي كنا جامي خص الطعام المفتول فالدار
هذي المسابقة ردتنا بزاف للوراء وتفكرنا ناس بكري كي كانو
أيا سلام​

 

[رابح66]

رد: عادة تقريبا انقرضت ادخلو تعرفوها مشاركة رمزية في المسابقة

السلام عليكم

أنت راك غالطة في عمرك راكي كبيرة تاع بكري ههههه
الله يبارك موضوع في القمة فتيل البربوشة آه يالبربوشة
صح والله يمات عزيزة وغالية وبقيمتها
شفتي هديك الخالة لكونو فيها حنا دراري لفتيل برك نحسوه عرس كبير
وهديك نساوين لتتلايم غير الكلمة لحلوة والله يبارك الحمدلله بسم الله*
و ليكانت تعجبني هديك الريحة تاع التفوار الفوارة وحدها تشبع
ونشفى كانو كينحيوها من الكسكاس هكداك سخونة تكون لاصقة كتلة وحدة يعطيونا مورسوات ناكلوهم ونخرج قدام خاوتي لمعلابالهمش بلي راهي وجدت وأنا حاكم هذاك المورسو تاع البربوشة تقول هبرة لحم هههههه*
وحنا كانو يغنيو مرة على مرة بصوت خافت وإلا لفتيل تاع عرس هاو مهدرناش لحزام معلق فالباب مرة مرة تنوض وحدة تردح *هههههه
شكرا ختي على هذ الجولة لزمان العزة والكرامة تاع بصح​

تقبلوا تحياتي

 

[No one]

رد: عادة تقريبا انقرضت ادخلو تعرفوها مشاركة رمزية في المسابقة

موضوع هايل و صح خصونا ايام زمان وقت النيه و التعاون و المحبه و الصدق في المشاعر
الان كل شيء تغير واحد ماراه يطيق خوه و واحد مايبغي الخير للاخر
هههه اني نيماجيني لوكان نقول لوحده من العرايس تاع هاد الوقت تقولي راكي في العصر الحجري كلش راه ينباع في السوق
رجع كلش واجد راحت البنه في الحياه و انقراض الزيارات و اللمه و المعاونه
ياااا اسفاااااااااه​

 

[AmiR@RoRo]

رد: عادة تقريبا انقرضت ادخلو تعرفوها مشاركة رمزية في المسابقة

السلام عليكم
والله يا ساندي عيشتينا اللحظة ههه
مام انا جداتي تفتل الطعام ربي يحفظها بصح وحدها ماشي مع الجيران
تبكر عليه الصباح ودير قعده فالبالكون وتقعدني قدامها وجيبي ديك وجيبي ديك
كلشي تعملو بيديها لحد الان الكسكس ، البركوكس ..
ربي يطول في عمرها وفاعمار كامل الامهات والجدات
يعطيك الصحة

 

[أم لينة]

رد: عادة تقريبا انقرضت ادخلو تعرفوها مشاركة رمزية في المسابقة

يعطيك الصحة اختي عادة التويزة تاع فتيل الطعام مازالها عندنا بصح في مناسبة كبيرة كيما العرس مثلا اذا كان في دارنا تبعث امي لسلافاتها كمية من التشيشة و الدقيق و يفتلو في ديارهم و يبعتولها الكسكس واجد و مفور برك تنشرو ييبس .و من بعد لي يكملو تعرضهم على غدا او عشاء .

 

[ام أمينة]

رد: عادة تقريبا انقرضت ادخلو تعرفوها مشاركة رمزية في المسابقة

يعطيك الصحة موضوع مميز
فكرتينا في عادة لي نضن انها انقرضت ولا كيما قلتي كسكس ماما هو لي يمشي
يا حسراه على زمان ما يخلو طعام و بركوكس الخشين و الرقيق و المحمصة..........كانو كل المعجنات يخدموها و يخبوها عولة للشتاء

مشكورة مرة اخرى
تحياتي
​

 

[نجيب]

رد: عادة تقريبا انقرضت ادخلو تعرفوها مشاركة رمزية في المسابقة

صح هد العادات انقرضت ناس زمان كانوا يتعاونوا في كلشي

في غسيل القمح و الشعير و تجهيز الكسكس

و حتى في تجهيز الاعراس كل الجيران يلتموا في دار العرس اسبوع قبل يوم الزفاف و يتعاونوا على كلش

اليوم حتى تبقى نهار على العرس و يعرضوا النية ماعدتش صافية و العقليات تبدلوا و التوسويس بزاااف .

ام ياسمين راني نشوف جميع ردود الأعضاء تتحصر على هد الايام الي راحوا و هد العدات

بصح ممكن نساعدكم باه تعيشوا هد اللحظة العرس نتاعي مبقاش بزاااف ارواحوا كامل ديروا التويزة و عاونوا يما هههههه

هكدا تقدروا تعيشوا هد اللحظة و زيد رايحين تعاونوا خوكم نجيب راني في عشرة معاكم متنساوش هههه.

المهم موضوع مميز فكرتينا في طفولتنا و ربي يجازيك .

سي رابح راه شافي حتى على الاغاني لي كانوا يغنوها ههه.

شكرا لك ​

 

[Djaouida]

رد: عادة تقريبا انقرضت ادخلو تعرفوها مشاركة رمزية في المسابقة

وعليكم سلام ورحمة الله تعالي وبركاته
ممم مام حنا عندنا هدي عادة مي بدات تنقرض شويا ههه في عايلتنا مزال
Gابدين هدي عاد جداتي وعمتي مرت خالي مزال حد الأن يفتلو طعام بصح
ميتلايموش كل وحدة تفتل وحدها .... كيما هدو ليمات عندنا عمرة تاع أختي
أيا عماتي راهم يوجدو في طعام هادي عادة لوحيدة لي رنا قبدينها ههه
خخخ بنة زمان راحت كامل نقرضت
يعطيك الصحة أختي علي موضوع رائع
في أمان الله ​

 

[أم لينة]

رد: عادة تقريبا انقرضت ادخلو تعرفوها مشاركة رمزية في المسابقة

ام ياسمين راني نشوف جميع ردود الأعضاء تتحصر على هد الايام الي راحوا و هد العدات

بصح ممكن نساعدكم باه تعيشوا هد اللحظة العرس نتاعي مبقاش بزاااف ارواحوا كامل ديروا التويزة و عاونوا يما هههههه

هكدا تقدروا تعيشوا هد اللحظة و زيد رايحين تعاونوا خوكم نجيب راني في عشرة معاكم متنساوش هههه.

المهم موضوع مميز فكرتينا في طفولتنا و ربي يجازيك .

سي رابح راه شافي حتى على الاغاني لي كانوا يغنوها ههه.

شكرا لك ​

خونا نجيب غالي و الطلب رخيس متخممش معاك اكبر قافزة في فتيل الكسكس و مشتقاته ههه راني هنا .

 

[بنت الـ25]

رد: عادة تقريبا انقرضت ادخلو تعرفوها مشاركة رمزية في المسابقة

الله الله يا شوشو فكرتينا في ايامات الصغر
احنا تاني كانت عندنا هاد العادة ، كانوا ماما وخوالاتي ومعاهم مرت خالي ربي يرحمها يتلمو ساعات في دارنا ساعات في دار خالتي والا في دار خالي
ويفتلو النعمة يقولو منها عولة العام ومنها نعسو بيها ريسانا كاشما يتقرقز واد بعيد الشر :-o
مي دركا كيما قلتي انقرضت العادة هادي ، واحنا في دارنا ماما كي تحب تفتل تفتل وحدها ما يجيو لا خوالاتي لا سيدي زكري
وزيد احنا صراحة ما يحبوش فدارنا ياكلو المشرية علابيها ماما تفتلها فالدار ، لعام لي فات مرضت ماما فتلناها عند وحدة بالدراهم
لازمة النعمة فالدار :sport01:
هداك النهار قالي خطيبي تعرفي تفتلي هههههههههه مت بالضحك ، قتلو يا حسراااااااا هادي هي الحاجة الوحيدة الي ما قدرتش نتعلمها
قالي مالا اتعلمي باش كي تجي عندي تعاوني يما ... وراني من درك نقولك راني ما نلكلش المشرية
يا ويلي يا ويلي عندي ما يستناني راجل يحب كرشو ويموت على الشخشوخة والنعمة والتريدة والشواط ههههههههههه
مغسي شوشو موضوعك يفتح الشهية :-r
​

 

[ام أمينة]

رد: عادة تقريبا انقرضت ادخلو تعرفوها مشاركة رمزية في المسابقة

صح هد العادات انقرضت ناس زمان كانوا يتعاونوا في كلشي

في غسيل القمح و الشعير و تجهيز الكسكس

و حتى في تجهيز الاعراس كل الجيران يلتموا في دار العرس اسبوع قبل يوم الزفاف و يتعاونوا على كلش

اليوم حتى تبقى نهار على العرس و يعرضوا النية ماعدتش صافية و العقليات تبدلوا و التوسويس بزاااف .

ام ياسمين راني نشوف جميع ردود الأعضاء تتحصر على هد الايام الي راحوا و هد العدات

بصح ممكن نساعدكم باه تعيشوا هد اللحظة العرس نتاعي مبقاش بزاااف ارواحوا كامل ديروا التويزة و عاونوا يما هههههه

هكدا تقدروا تعيشوا هد اللحظة و زيد رايحين تعاونوا خوكم نجيب راني في عشرة معاكم متنساوش هههه.

المهم موضوع مميز فكرتينا في طفولتنا و ربي يجازيك .

سي رابح راه شافي حتى على الاغاني لي كانوا يغنوها ههه.

شكرا لك ​

الف مبروك زواجك ربي يكملك بخير
يا ريت لومان يولو يامات لي يتلاقاو النساء فيهم باش يفتلو و هي مناسبة باش لي ماشافتش وحدة عندها مدة تتلاقاها و كي يخدمو بنيتهم كانت البركة
انا شخصيا خاطيني الفتيل تع الطعام
حاولت نتعلم مي الله غالب ما حبش يدخل لراسي و يعيش كسكس ماما ههههههههههههه
​

 

[sosobibicha]

رد: عادة تقريبا انقرضت ادخلو تعرفوها مشاركة رمزية في المسابقة

سلام عليكم
اييه على يمات زمان
هذي العادة صح راحت ذروك رجعو يشروا الطعام واجد و تقولك كاين في السوق علاش تعب روحي انا كي كانت جداتي ربي يرحمها تفتل كانت تعيطلي نروح عندها و تقولهم في الدار لازم بنتي تحط يدها للبراكة ههههه :thumb_up02:
مي شخصيا في عائلتنا ما زالت كاينة لكن شوييييييييية برك هههههه
الله يعطيك الصحة ذكرتيني بهذيك ليام الزينة و الفرحة و قعدة الرائعة
بارك الله فيك
بالتوفيق
:regards01:​

 

[ليليا مرام]

رد: عادة تقريبا انقرضت ادخلو تعرفوها مشاركة رمزية في المسابقة

السلام عليكم اختي ام يسمين اهلا وسهلا
والله كنت راح ندير موضوع فتيل الطعام لانو لازملو صور فبالي صور النساء ممنوع عليها ما درتوش مي راكي وصفتيه احسن مني
حتى نحنا كانت عندنا العادة هذي وانا كنت كي نشوفهم نقول ليمى شكون راح يتزوج تقولي الجملة الشهيرة راح نزوج باباك ربي يسامحها امي ....
كانت لمتها هايلة وكيما قالك الاخ رابح انا منت نستنى هذيك اللي تلصق الاولى سخونة ناكلها نحب الطبقة هذيك حتى لضرك لما ندير الطعام ناكلها من صغري عادة الله غالب
اييه كانو يامات هايلين ضرك تشري باب الحارة تفضل ابن عمي كيما قالو فالبوبليسيتي
راحت البنة لو يموتو النسا الكبارات خلاص تروح العادة هذي نولو نشوفو الطعام المفتول فمتحف المجاهدين راهم وجدولو بلاصة ههه
شكرا موضوع هايل

 

[آمِيْرَتُه]

رد: عادة تقريبا انقرضت ادخلو تعرفوها مشاركة رمزية في المسابقة

السلام عليكم
ياحسراه على يامات زمان راحو ميرجعو
كاين لي مازال عندهم بصح فئة قليلة برك
يعطيك الصحة

 

[safouane batna]

رد: عادة تقريبا انقرضت ادخلو تعرفوها مشاركة رمزية في المسابقة

والله كي ذكرتو فتيل الطعام أو البربوشة انا عرس أخي بعد رمضان الوالدة الله غالب ماتقدرش قالتلي راح نمد لوحدة تفتل بالدراهم والله خسارة ولى كلش بالدراهم خاصة هاذ المناسبات خسارة

 

[بنقابي افتخر]

رد: عادة تقريبا انقرضت ادخلو تعرفوها مشاركة رمزية في المسابقة

آه ماتفكرينيش روحي شوفي الكسكس ل فار خخخخخخ
والعجين داير ضل ههههههههههه
والله على يمات زهان يعطيك الصحه على المشاركه الرائعه
بصراحه امي مزالها محافضا عليها الله يحليهالما

 

[نجيب]

رد: عادة تقريبا انقرضت ادخلو تعرفوها مشاركة رمزية في المسابقة

خونا نجيب غالي و الطلب رخيس متخممش معاك اكبر قافزة في فتيل الكسكس و مشتقاته ههه راني هنا .

شكون كيفي عندي اختي ام لينة توقف معايا :yahoo01::yahoo01: بصح عراسنا منديروش فيهم الكسكس

ربي يخليك اختي .

أم امينة ربي يبارك فيك و يحفظك لازم تتعلمي عادات بلادنا يعني كل جمعة لازم يكون فيه طبق الكسكس .

ام ياسمين شكرا على الموضوع راني لقيت لي يعاوني :bravo01::bravo01::bravo01:

 

[الحلم الوردي]

رد: عادة تقريبا انقرضت ادخلو تعرفوها مشاركة رمزية في المسابقة

صح لفتيل من زمان وهو كاين
وكانو يتلايمو في دار وحدة
كيما حنا عندنا جداتي وخلاتي يتلايمو ويفتلو منها للعولة
وتانيك يخبو شوية يا للعرس يا حاجة اخرى
وصح كان لفتيل نتاعهم فيه هديك الفرحة
والملمات نتاعهم
ايه راحو خلاص دوركا
كل وحدة تفتل في بيتها ولا تشريه واجد
صح زمان بكري كان زمان البركة وتانيك الفرحة
يعطيك الصحة ام ياسمين
​