عادة تقريبا انقرضت ادخلو تعرفوها مشاركة رمزية في المسابقة

[أم لينة]

رد: عادة تقريبا انقرضت ادخلو تعرفوها مشاركة رمزية في المسابقة

شكون كيفي عندي اختي ام لينة توقف معايا :yahoo01::yahoo01: بصح عراسنا منديروش فيهم الكسكس

ربي يخليك اختي .

أم امينة ربي يبارك فيك و يحفظك لازم تتعلمي عادات بلادنا يعني كل جمعة لازم يكون فيه طبق الكسكس .

ام ياسمين شكرا على الموضوع راني لقيت لي يعاوني :bravo01::bravo01::bravo01:

آواه شوقتني نعرف على عوايدكم ملا كاش نهار ديرلنا موضوع تتكلم فيه على عوايد بلادك في الاعراس واش ديرو طبخ و الاكلات الشعبية ديالكم و غيرو...

 

[نجيب]

رد: عادة تقريبا انقرضت ادخلو تعرفوها مشاركة رمزية في المسابقة

آواه شوقتني نعرف على عوايدكم ملا كاش نهار ديرلنا موضوع تتكلم فيه على عوايد بلادك في الاعراس واش ديرو طبخ و الاكلات الشعبية ديالكم و غيرو...

ان شاء الله اختي يكون فيه موضوع يتكلم عن اعراسنا و المأكولا الشعبية و حتى العادات

شكرا ليك ام لينة​

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

السلام عليكم
واقيلا حابين تغيروني نتي وخويا مالك بمواضيعكم هههه
ماشاء الله موضوع هايل، وعاداتكم كيما عادتنا ختي
حتى حنا دار جداتي كانو يفتلو النعمة (الكسكس) تحكيلي دايما ماما كيفاه
كانت تشاركهم العملية بالتفصيل، ودرك تنحات كيما قلتي
هي ماراحتش كليا خاطر مازالو ديار للآن يديروها ويفتلوها
بصح نقصت خلاص
قالك عاند ومتحسدش هههه
ايواه هيا عادة منتشرة تقريبا في كامل الوطن
اييه راحو يامات زمان وداو معاهم العادات وداو معاهم ناس بكري
البراكة في الفئة القليلة لي قعدت
انعم بقات البراكة في القليل كيما قلتي
شكرا اختي على الموضوع الجميل
واقيلا حتى انا نشارك ونديو الجوائز في ثلاثة ونخليو البقية ههههه
غير نضحك، وبالتوفيق للجميع
تحياتي
​

نورتي اختي

هههه خلاص نطيرو بالجوائز ونخليو الأعضاء هاكاك :p
​

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

السلام عليكم
صح هذي العادة مبقاتش بزاف كاينة
الطعام تاع لي يبيعوه رجع النسا فنيافين ضرك لفتيل ميعرفولوش
ماني الله يرحمها جامي كلات الطعام لوزين
ديما تفتل هي حتى نهار كبرت ولات يما كي طيب الطعام تاع لوزين
تبدى تبكي ماني تقولنا راح الزمان لي كنا جامي خص الطعام المفتول فالدار
هذي المسابقة ردتنا بزاف للوراء وتفكرنا ناس بكري كي كانو
أيا سلام​

اهلا اخي صح درك مابقاتش لي تفتل غير لقليل
الله غالب الوقت تبدل
البراكة كانت بكري
نورت أخي
​

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

السلام عليكم

أنت راك غالطة في عمرك راكي كبيرة تاع بكري ههههه
الله يبارك موضوع في القمة فتيل البربوشة آه يالبربوشة
صح والله يمات عزيزة وغالية وبقيمتها
شفتي هديك الخالة لكونو فيها حنا دراري لفتيل برك نحسوه عرس كبير
وهديك نساوين لتتلايم غير الكلمة لحلوة والله يبارك الحمدلله بسم الله*
و ليكانت تعجبني هديك الريحة تاع التفوار الفوارة وحدها تشبع
ونشفى كانو كينحيوها من الكسكاس هكداك سخونة تكون لاصقة كتلة وحدة يعطيونا مورسوات ناكلوهم ونخرج قدام خاوتي لمعلابالهمش بلي راهي وجدت وأنا حاكم هذاك المورسو تاع البربوشة تقول هبرة لحم هههههه*
وحنا كانو يغنيو مرة على مرة بصوت خافت وإلا لفتيل تاع عرس هاو مهدرناش لحزام معلق فالباب مرة مرة تنوض وحدة تردح *هههههه
شكرا ختي على هذ الجولة لزمان العزة والكرامة تاع بصح​

تقبلوا تحياتي

اهلا وسهلا بالعم رابح
ههههههههههه فكرتني في بنة داك الكسكس
كي يمدولنا وحنا صغار ناكلو تجينا الدنيا ومافيها ونفرحو
وراك كيما قلت كانو مرات يشطحو هههه سورتو راهي الصيف والنهار طويل
ايه ايامات زمان
نورت

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

موضوع هايل و صح خصونا ايام زمان وقت النيه و التعاون و المحبه و الصدق في المشاعر
الان كل شيء تغير واحد ماراه يطيق خوه و واحد مايبغي الخير للاخر
هههه اني نيماجيني لوكان نقول لوحده من العرايس تاع هاد الوقت تقولي راكي في العصر الحجري كلش راه ينباع في السوق
رجع كلش واجد راحت البنه في الحياه و انقراض الزيارات و اللمه و المعاونه
ياااا اسفاااااااااه​

اهلا وسهلا اختي
هههه وحدة ماتعرف تحرك الكسكاس والقصعة الله غالب
نورتي

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

السلام عليكم
والله يا ساندي عيشتينا اللحظة ههه
مام انا جداتي تفتل الطعام ربي يحفظها بصح وحدها ماشي مع الجيران
تبكر عليه الصباح ودير قعده فالبالكون وتقعدني قدامها وجيبي ديك وجيبي ديك
كلشي تعملو بيديها لحد الان الكسكس ، البركوكس ..
ربي يطول في عمرها وفاعمار كامل الامهات والجدات
يعطيك الصحة

اهلا وسهلا
ربي يحفظلكم الجدة ان شاء الله
مالا راكي تعرفي تفتلي :p

صحيتي

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

يعطيك الصحة اختي عادة التويزة تاع فتيل الطعام مازالها عندنا بصح في مناسبة كبيرة كيما العرس مثلا اذا كان في دارنا تبعث امي لسلافاتها كمية من التشيشة و الدقيق و يفتلو في ديارهم و يبعتولها الكسكس واجد و مفور برك تنشرو ييبس .و من بعد لي يكملو تعرضهم على غدا او عشاء .

اهلا وسهلا
كي عادت مازالت عندكم هاذ العادة صافي مازالت البراكة كاينة
صحيتي أختي

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

يعطيك الصحة موضوع مميز
فكرتينا في عادة لي نضن انها انقرضت ولا كيما قلتي كسكس ماما هو لي يمشي
يا حسراه على زمان ما يخلو طعام و بركوكس الخشين و الرقيق و المحمصة..........كانو كل المعجنات يخدموها و يخبوها عولة للشتاء

مشكورة مرة اخرى
تحياتي
​

اي وي كلش كان يتخدم باليد وفيه البراكة
نورتي أختي
​

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

صح هد العادات انقرضت ناس زمان كانوا يتعاونوا في كلشي

في غسيل القمح و الشعير و تجهيز الكسكس

و حتى في تجهيز الاعراس كل الجيران يلتموا في دار العرس اسبوع قبل يوم الزفاف و يتعاونوا على كلش

اليوم حتى تبقى نهار على العرس و يعرضوا النية ماعدتش صافية و العقليات تبدلوا و التوسويس بزاااف .

ام ياسمين راني نشوف جميع ردود الأعضاء تتحصر على هد الايام الي راحوا و هد العدات

اهلا وسهلا اخي
صح زمان كانت المعينة في كلش
وكيما كانو يقولو ناس بكري المعينة تغلب السبع :d
بصح ممكن نساعدكم باه تعيشوا هد اللحظة العرس نتاعي مبقاش بزاااف ارواحوا كامل ديروا التويزة و عاونوا يما هههههه

هكدا تقدروا تعيشوا هد اللحظة و زيد رايحين تعاونوا خوكم نجيب راني في عشرة معاكم متنساوش هههه.
ههههه نجيو
وتصور كل واحد واش يخدم
يجي عرسك ماكانش كيفو
يتلمو فيه ولاد دزاير كل

المهم موضوع مميز فكرتينا في طفولتنا و ربي يجازيك .

سي رابح راه شافي حتى على الاغاني لي كانوا يغنوها ههه.

شكرا لك ​

ان شاءا لله ربي يفرحك ويهنيك

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

وعليكم سلام ورحمة الله تعالي وبركاته
ممم مام حنا عندنا هدي عادة مي بدات تنقرض شويا ههه في عايلتنا مزال
Gابدين هدي عاد جداتي وعمتي مرت خالي مزال حد الأن يفتلو طعام بصح
ميتلايموش كل وحدة تفتل وحدها .... كيما هدو ليمات عندنا عمرة تاع أختي
أيا عماتي راهم يوجدو في طعام هادي عادة لوحيدة لي رنا قبدينها ههه
خخخ بنة زمان راحت كامل نقرضت
يعطيك الصحة أختي علي موضوع رائع
في أمان الله ​

الله يبارك مازلتو محافظين عليها ههه ربي يحفظ الحراير تاعكم ويدوم لمتكم
شكرا

 

[نِدَاءً خَفِيًّا]

رد: عادة تقريبا انقرضت ادخلو تعرفوها مشاركة رمزية في المسابقة

وعليكم السلام
هذه العادة مزالت في بعض المناطق
لم تنقرض بعد في مناطق البادية
بعض العجائز عندهم عقلية ثورية ..
ولكن مادام (المفتول) موجود لما تتعب المرأة نفسها
الخير موجود بفضل الله وتطورت هذه الفتلات
من رقيقة ومنصف وغليظة
هكذا نقول
هناك بعض النساء تغار ، هذا شئٌ جميل
تقول في نفسها أنا أفتلها بيدي
وأوكلها لأبناي من تعبي
حمد الله في هذا الوقت كل شئ متوفر
شكرًا لك أختي
موضوع مميز وتعليقات الاخوة جيدة أيضا
حماك الله أختي
إحترامي وتقديري
​

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

الله الله يا شوشو فكرتينا في ايامات الصغر
احنا تاني كانت عندنا هاد العادة ، كانوا ماما وخوالاتي ومعاهم مرت خالي ربي يرحمها يتلمو ساعات في دارنا ساعات في دار خالتي والا في دار خالي
ويفتلو النعمة يقولو منها عولة العام ومنها نعسو بيها ريسانا كاشما يتقرقز واد بعيد الشر :-o
مي دركا كيما قلتي انقرضت العادة هادي ، واحنا في دارنا ماما كي تحب تفتل تفتل وحدها ما يجيو لا خوالاتي لا سيدي زكري
وزيد احنا صراحة ما يحبوش فدارنا ياكلو المشرية علابيها ماما تفتلها فالدار ، لعام لي فات مرضت ماما فتلناها عند وحدة بالدراهم
لازمة النعمة فالدار :sport01:
هداك النهار قالي خطيبي تعرفي تفتلي هههههههههه مت بالضحك ، قتلو يا حسراااااااا هادي هي الحاجة الوحيدة الي ما قدرتش نتعلمها
قالي مالا اتعلمي باش كي تجي عندي تعاوني يما ... وراني من درك نقولك راني ما نلكلش المشرية
يا ويلي يا ويلي عندي ما يستناني راجل يحب كرشو ويموت على الشخشوخة والنعمة والتريدة والشواط ههههههههههه
مغسي شوشو موضوعك يفتح الشهية :-r
​

اهلا وسهلا مينا
ههههههههههه ولله ضحكتيني اي غير تعلمي الفتيل :p والمعجنات التقليدية وماتبعها مادام سي السيد يشتيهم
الله يبارك على ماماك وخالاتك وربي يعطيهم صحيحتهم
نورتي

​

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

سلام عليكم
اييه على يمات زمان
هذي العادة صح راحت ذروك رجعو يشروا الطعام واجد و تقولك كاين في السوق علاش تعب روحي

اهلا وسهلا وزيد ماش اي وحدة تعرف تفتل راه صعيب شويا لازم يتعلموه من ناس بكري
انا كي كانت جداتي ربي يرحمها تفتل كانت تعيطلي نروح عندها و تقولهم في الدار لازم بنتي تحط يدها للبراكة ههههه :thumb_up02:
ربي يرحمها
ههههه علاه مجيتيش تعرفي تفتلي :p
مي شخصيا في عائلتنا ما زالت كاينة لكن شوييييييييية برك هههههه
الله يعطيك الصحة ذكرتيني بهذيك ليام الزينة و الفرحة و قعدة الرائعة
بارك الله فيك
بالتوفيق
:regards01:​

الله يبارك ربي يعطيهم العافية
نورتي

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

السلام عليكم اختي ام يسمين اهلا وسهلا
والله كنت راح ندير موضوع فتيل الطعام لانو لازملو صور فبالي صور النساء ممنوع عليها ما درتوش مي راكي وصفتيه احسن مني
حتى نحنا كانت عندنا العادة هذي وانا كنت كي نشوفهم نقول ليمى شكون راح يتزوج تقولي الجملة الشهيرة راح نزوج باباك ربي يسامحها امي ....
كانت لمتها هايلة وكيما قالك الاخ رابح انا منت نستنى هذيك اللي تلصق الاولى سخونة ناكلها نحب الطبقة هذيك حتى لضرك لما ندير الطعام ناكلها من صغري عادة الله غالب
اييه كانو يامات هايلين ضرك تشري باب الحارة تفضل ابن عمي كيما قالو فالبوبليسيتي
راحت البنة لو يموتو النسا الكبارات خلاص تروح العادة هذي نولو نشوفو الطعام المفتول فمتحف المجاهدين راهم وجدولو بلاصة ههه
شكرا موضوع هايل

اهلا وسهلا بالاخت مريم
ههه صدقتي صح كي يروحو الامهات الكبارات متبقاش الفئة لي تفتل ونعودو لي تفتل تحط طعامها في متحف المجاهد ههه
نورتي اختي

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

السلام عليكم
ياحسراه على يامات زمان راحو ميرجعو
كاين لي مازال عندهم بصح فئة قليلة برك
يعطيك الصحة

نعم فئة قليلة

ولا الفئة لي تفتل بالدراهم شكرا

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

والله كي ذكرتو فتيل الطعام أو البربوشة انا عرس أخي بعد رمضان الوالدة الله غالب ماتقدرش قالتلي راح نمد لوحدة تفتل بالدراهم والله خسارة ولى كلش بالدراهم خاصة هاذ المناسبات خسارة

صح خويا كي تكون كمية كبيرة لازمتها المعينة متقدرش الوالدة تفتلها وحدها
مالا بالدراهم خير
ربي يكمللكم بالخير ويسهل لخوك ان شاء الله
شكرا

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

آه ماتفكرينيش روحي شوفي الكسكس ل فار خخخخخخ
والعجين داير ضل ههههههههههه
والله على يمات زهان يعطيك الصحه على المشاركه الرائعه
بصراحه امي مزالها محافضا عليها الله يحليهالما

ربي يخليلك الميمة ويحفظها
مازالت كاين شوي بنة تاع زمان هههه
نورتي اختي

 

[السلطانة]

رد: عادة تقريبا انقرضت ادخلو تعرفوها مشاركة رمزية في المسابقة

صح لفتيل من زمان وهو كاين
وكانو يتلايمو في دار وحدة
كيما حنا عندنا جداتي وخلاتي يتلايمو ويفتلو منها للعولة
وتانيك يخبو شوية يا للعرس يا حاجة اخرى
وصح كان لفتيل نتاعهم فيه هديك الفرحة
والملمات نتاعهم
ايه راحو خلاص دوركا
كل وحدة تفتل في بيتها ولا تشريه واجد
صح زمان بكري كان زمان البركة وتانيك الفرحة
يعطيك الصحة ام ياسمين
​

صح كانوا وكانوا اما درك كل واحد لاتي بروحو وتهمو روحو وخلاص
شكرا

 

[Hakan]

رد: عادة تقريبا انقرضت ادخلو تعرفوها مشاركة رمزية في المسابقة

ايه ياحسراه على ايام زمان يعني للضرك مازالت عندنا هذي العادة بالاك ما عندهاش شي اشهر راحت الوالدة نتاعي
لعمتي وعاونتها في فتيل الطعام نتاع عرس وليدها وكيما قلتي من 5 نتاع الصباح مسكينة رجعت العشوة
بصح فيها من الضحك والتمنشير ما الله به عليم هههه بصح حلوة نتاع الصح صحيتي ربي يهنيكم كاامل
لا عمر لا بن عمر لا خالو صومام ولا الحارة يوقفو مع كسكس اليد ههه اشهار طبعا والجيل نتاع ضركي ما تعرفش اصلا كيفاش طيب هذاك الكسكس ماشي حتى تفتلو ...الله يجيب الخير ..كل يوم نزيد نفشل..​