السلام عليكم
ما شاء الله عليكم كل وحدة فيكم قصتها قصة ربي يهنيكم كاملين
أنا صراحة نفضل الزواج التقليدي لأنو الحب قبل الخطبة ما تربح منو الوحدة غير المآسي
إلا من رحم ربي
تذكرت حلقة من حلقات انصحوني للشيخ شمس الدين قاتلو وحدة: يا شيخ تعرفت على شاب وتعاهدنا على الحب
(قالها: شوف هديك الهدرة باين تعاهدتو على الحب تحت كاش شجرة ولا قنطرة ولا في كاش غابة هههههههه)
ثم سلمته نفسي وبعد أن عرف بحملي تنكر لي والطامة الكبرى أني عرفت انه متزوج ماذا أفعل؟
تعرفو وش قالها؟ قالها روحي ابكي على روحك واستغفري وتوبي ،
كي زنيتي ما قلتيش طامة كبرى، وكون ما عرفتيش بلي متزوج ما تكونش الطامة كبرى ، بصح كي عرفتي بلي متزوج هديك هي الطامة الكبرى عندك؟
يخي حالا يخي،
صدق والله لأنو العلاقات قبل الزواج نادرا ما تكون نهايتها سعيدة خصوصا كي تكون تسيرها الشهوة لا أكثر ولا أقل
انا عن نفسي كنت منشجعش الزواج التقليدي ، لكن مع الوقت اكتشفت انو الفتاة إذا صدقت انو الشاب لي خرجت معاه سنواااااات وحبتو ورفضت علاجالتو الكثيرين رايح يتزوجها يوما ما تكون غبية إلا في حالات نادرة
بالنسبة ليا : شافني فالعمل كان زميلي فالشركة، خدمت شحال من شهر معاه وفهديك الفترة كنت نحسو يعسني وديفوا يتبعني للدار مي ما حبيتش نوسوس روحي وما درت والو في بالي
أصلا اول يوم شفتو فيه كرهتو يبان متكبر وشايف روحو هههههههههه ، فجأة وفي يوم من الأيام جى ليا ديراكت قالي انا معجب بيك من اول يوم شفتك وحاب نخطبك
ما لقيتش وش نرد عليه قتلو نخمم ونرجعلك الجواب
روحت للدار وحكيت لماما كلش من طأطأ لسلام عليكم :d قاتلي دبري راسك انتي لي خدمتي معاه وشايفاتو وتعرفي اخلاقو
درت استخارة وحسيت روحي مرتاحتلو لأنو أصلا ما فيهش حاجة تترفض فيه كل المواصفات لي تحلم بيها اي فتاة
وزيد الطريقة لي تقدملي بيها زاد كبر في عيني ولحد الآن نشوفو راجل وسيد الرجال
بعد ايام قتلو موافقة :thumb_up02: ، ولمحاسن الصدف كي حكى لوالديه عليا ظهر باباه يعرف عمي وحددو موعد وتلاقاو مع ابي
وكي ابي سقسى عمي عليهم قالو ناس نعمة وما عندك ما تخير عليهم
والحمدلله دوكا رانا في عامين خطبة تقريبا (لظروف خارجة عن نطاقنا) وعرسنا بعد رمضان ان شاء الله
ولحد الآن ما لقيتش معاه أي مشاكل (عدا غيرته الزائدة خخخخخخخخخخ)
الخلاصة : كيما قالت شوشو حب بطريقة تقليدية خخخخخخخ
:love01:
شكرا على الموضوع اخي ام امينة
