كُرسي الإستضافة مع ضيفِِ جديد العضوة (زهرة الزئبق).....

[الحلم الوردي]

رد: كُرسي الإستضافة مع ضيفِِ جديد العضوة (زهرة الزئبق).....

هههه وليت بالخف:up:
هاني وليت:sport02:
راكي عارفة:-rغي اسئلة خفاف هذا مكان:thumb_up02:
كتاب قريته وتاثرتي بيه؟
شكون قريبة ليك؟
الزاواج التقليدي والعصري وجهة نظركي؟
شكون هو العضو المفضل لك في لمة ؟
شكون هي العضوة المفضلة لك في لمة ؟
شكون العضو ولا العضوة لي تحبي تلاقي بيهم؟
راني ندور وكاش ما زدت حبيت نعرف عليك كاش حاجة
نرجع:p
ماتتقلقيش هكدا حبوبة
ربي يكون في العون
:love01:​

 

[لؤلؤة قسنطينة]

رد: كُرسي الإستضافة مع ضيفِِ جديد العضوة (زهرة الزئبق).....

السلام عليكم
صار مريومة هي لي معروضة على الكرسي؟؟
وانا في بالي مازالت سارة هههه
انا دايما روطار :d
اعتذر على تأخري كانت شاغلتني الدراسة هاد الاسبوع
نتمنى اختي مريم تكون عاجبتك القعدة في الكرسي
نرجعلك فيما بعد بإذن الله باه نطرح اسئلة ونتعرف عليك عن قرب
لي عودة ان شاء الله
تحياتي
​

 

[ليليا مرام]

رد: كُرسي الإستضافة مع ضيفِِ جديد العضوة (زهرة الزئبق).....

اهلا اختي ليليا ان شاء الله راكي مليحة
السلام عليكم اختي الحمد لله ونتوما مرحبا بيك
_حكمة تؤمنين بها ؟؟
ولكل مجتهد نصيب.... اضعها حكمة لنفسي حتى اتعب لاصل لامر اريده
_مثلك الأعلى ؟؟
ابي رحمه الله
_نقاط قوتك و نقاط ضعفك ؟؟
نقاط قوتي انو مومنة لدرجة كبيرة الحمد لله واعتبرها نقطة قوتي لانو مريت بامور كبيرة لو جبل لو طاح مي الحمد لله كل محنة تزيد تكبرني اكثر
نقاط ضعفي اني عصبية ... اممم نعاير ..... اممم .... نقراشة معاناها نظل نهدر على الحاجة ما نسكتش حتى نديها :d
وليت واش تحبي:p
حابة نعرف سيتلك برك
هكدا :-r
عادي حبوبتي
واش ستيلك في اللبسة تنسقي في الالوان ولا تحبي التنوع؟
شوفي انا ما نحبش التغنجيق فالالوان معناها نتبع لون حذائي حشاك مع صاكي مع الخمار
تلبسي كعب عالي؟
مع اني قصيرة شوي مي ممنوع عليا على جال حادثة رجلي
عطرك المفضل واش هو؟
ما نديرش العطر بر ا فالدار ندير عطر بابيو هايل
الخيمارات الي ديريهم يكون لون واحد ولا تحبي يكونو فيهم الوان بزااااااااااااف؟
انا ندير خمار شرعي ندير اثنين ونتبع لون الحجاب يعني لونين ما نحبش الورود والالوان
كي تخرجي ديري اكسسوارات ؟
ساعة يد و خاتمين على الاكثر
تلبسي لي غوب مونتو ولا ليكات وسروال؟
نلبس حجاب ديركت
لي عودة
هكدا ربي يصبرك معايا وخلاص
:sport02:​

راني صابرة واسمني مريم الصابرة او نسيتي سقسي واش تحبي راح تلقي عندي غير الصراحة
شكرا لك

 

[الحلم الوردي]

رد: كُرسي الإستضافة مع ضيفِِ جديد العضوة (زهرة الزئبق).....

اختي ليليا
راكي عارفة نحب نتعرف عليك
هدي هي:thumb_up02:
عاده تفعلينها دائما تتمنين ان تتركينها ؟
اعتذار تريدين ان تقدميه لمن؟
باقة ورد لمن تهديها ...؟؟
ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..
ان شاء الله يكونو اسئلتي خفاف:sport02:
وماعييتكش معايا
ربي يهنيك حنونة:love01:
ربي يحققلك امانيك
:regards02:
​

 

[ليليا مرام]

رد: كُرسي الإستضافة مع ضيفِِ جديد العضوة (زهرة الزئبق).....

هههه وليت بالخف:up:
ايه سريعة بسلامتك
هاني وليت:sport02:
شفتك اييه :d:d
راكي عارفة:-rغي اسئلة خفاف هذا مكان:thumb_up02:
اييه خفاف بزاف:p:p
كتاب قريته وتاثرتي بيه؟
كتاب باجزائه الثمانية البداية والنهاية لابن كثير
شكون قريبة ليك؟
لو حياتي الواقعية امي
لو الافتراضية كانت لي صديقة ربي يوفقها
الزاواج التقليدي والعصري وجهة نظركي؟
العصري اكيد
شكون هو العضو المفضل لك في لمة ؟
رابح66
شكون هي العضوة المفضلة لك في لمة ؟
كلكن لكن لؤلؤة قسنطينة
شكون العضو ولا العضوة لي تحبي تلاقي بيهم؟
نتلاقا بيكم كامل
راني ندور وكاش ما زدت حبيت نعرف عليك كاش حاجة
نرجع:p
ماتتقلقيش هكدا حبوبة
لالا ابدا ارواحي وقت تحبي
ربي يكون في العون
:love01:​

شكرا وربي يخليك وراني هنا ارجعي وقت تحبي

 

[ليليا مرام]

رد: كُرسي الإستضافة مع ضيفِِ جديد العضوة (زهرة الزئبق).....

السلام عليكم
صار مريومة هي لي معروضة على الكرسي؟؟
وانا في بالي مازالت سارة هههه
انا دايما روطار :d
اعتذر على تأخري كانت شاغلتني الدراسة هاد الاسبوع
نتمنى اختي مريم تكون عاجبتك القعدة في الكرسي
نرجعلك فيما بعد بإذن الله باه نطرح اسئلة ونتعرف عليك عن قرب
لي عودة ان شاء الله
تحياتي
​

اييه يا مريم انت تلحقي حتى يكون الميت دار العام فقبرو وتنوضي تندبي
اييه انا
لالا ما نقعدش فالكرسي انا نحب نقعد فالارض
اييه ارواحي نتعرفو وجيبي معاك خوك او وليد خالك :d
:d:d:d حقا ما عندكش خوك ما تجيشس مريم اقعدي:p:p:p

 

[ليليا مرام]

رد: كُرسي الإستضافة مع ضيفِِ جديد العضوة (زهرة الزئبق).....

اختي ليليا
راكي عارفة نحب نتعرف عليك
هدي هي:thumb_up02:
ايه تعرفي وعرفي جيرانك بيا:d
:d:d
عاده تفعلينها دائما تتمنين ان تتركينها ؟
اني نهدر بزاف خاصة لو تقلقت نولي كالرقاص نتاع الرافياي ندور ونهدر:s
اعتذار تريدين ان تقدميه لمن؟
لاشخاص ربما ظنو ان السوء خرج مني ولكنه خرج منهم ولكن لاباس في يوم ما ساعدوني ولن انسى فضلهم واقول اعتذر على امر لم افعله
باقة ورد لمن تهديها ...؟؟
ليك اكيد

ما رأيك بهذه الكلمات ..
الخيانة ..رصاصة قتل الثقة
المرأه..حلاوة الحياة
الصداقة ..اكبر كذبة نصدقها
النميمة .. معرف لضعاف الشخصية
النفاق ..عنوان لاناس بعدة اوجه
ان شاء الله يكونو اسئلتي خفاف:sport02:
وماعييتكش معايا
ربي يهنيك حنونة:love01:
ربي يحققلك امانيك
:regards02:
​

لا ابدا غاليتي فرحة بتواجدكم واسئلتكم
مرحبا وقت تحبي

 

[Amine7N]

رد: كُرسي الإستضافة مع ضيفِِ جديد العضوة (زهرة الزئبق).....

الســـلام عليكم
الكرســـي راه منور بالعضوة زهرة الزئبق
ربي يبارك ماعندنا مانقولو عليها غير الخير
معليش نسقسوك شوية

وش علاقتك بزهـرة الزئبق
باسكو هي مكانش في بلادنا ع حساب علمي ؟
أخــر مرة حرقت فيها طبخــة ؟
عندك فوبيا من شيء ما ولا لا ؟
تعرفي تسوقـي ؟

نتمنــالك قعـدة حلــوة ع الكرسي
ربي يوفقك
​

 

[فعل الخير غايتي]

رد: كُرسي الإستضافة مع ضيفِِ جديد العضوة (زهرة الزئبق).....

السلام عليكم

- ما هو العنوان الذي تضعينه لحياتك ؟
- ما هو العمر المناسب للزواج ؟
- ما رايك في الفتاة الجامعية : هل تفضلين انها تدرس ام انها تدرس و تفكر في فارس احلامها ؟
- هل انتي زوجة او ام ؟

ربي معاك ختي​

 

[ليليا مرام]

رد: كُرسي الإستضافة مع ضيفِِ جديد العضوة (زهرة الزئبق).....

الســـلام عليكم
الكرســـي راه منور بالعضوة زهرة الزئبق
ربي يبارك ماعندنا مانقولو عليها غير الخير
معليش نسقسوك شوية

وش علاقتك بزهـرة الزئبق
باسكو هي مكانش في بلادنا ع حساب علمي ؟
أخــر مرة حرقت فيها طبخــة ؟
عندك فوبيا من شيء ما ولا لا ؟
تعرفي تسوقـي ؟

نتمنــالك قعـدة حلــوة ع الكرسي
ربي يوفقك
​

السلام عليكم اخي امين اهلا وسهلا نورتني النور نورك الله يخليك يا رب
وي سقييني واش تحب مرحبا بيك
والله لا علاقة انا نعرف غير ليغوز واليسمين مي الاخ رابح 66 لقبني بهذا الاسم وانا اخترت العضوية بهذا الاسم
والله عندي مدة طويلة ما حرقتش الماكلة مي راني معولة اليمات هذي نديرها توحشت ريحة الشياط
نعم عندي فوبا من الاسود وااااااع اربي يانا ياخي نهدر عليه برك نبات قاعدة نكره الاسد كره العمى عندي فوبيا كحلة من جهتو
اكيد نسوق السيارة ونروح لاماكن بعيدة وما تخممش مانيش من النسا الراقدات فالطريق نعرف نسوق بشهادة اللي شافوني
شكرا لك اخي نورتني الله يخليك

 

[ليليا مرام]

رد: كُرسي الإستضافة مع ضيفِِ جديد العضوة (زهرة الزئبق).....

السلام عليكم

- ما هو العنوان الذي تضعينه لحياتك ؟
- ما هو العمر المناسب للزواج ؟
- ما رايك في الفتاة الجامعية : هل تفضلين انها تدرس ام انها تدرس و تفكر في فارس احلامها ؟
- هل انتي زوجة او ام ؟

ربي معاك ختي​

السلام عليكم اهلا اختي نورتيني
والله لو كان لحياتي عنوان لاخترتلها التحدي
الزواج انا نشوفو مناسب من 25 فما فوق لكلا الطرفين
الجامعية تدرس وتفكر في الزواج لما لا لانو كل شي المرا دور ودور وترجع لدارها ولكن مليح شهادة فيدها لو جاها راجل متربي وفيه كل الشروط وخلاها تكمل قرايتها عادي وعلاه لالا ما يمنعش تقرا وتخمم فالزواج
انا لا زوجة ولا ام انا نتظر فالفارس راه جاي يمشي من مقاديشو عليها طول :d:d

ومعانا اجمعين شكرا لك

 

[تـريـــاق المحـبـة]

رد: كُرسي الإستضافة مع ضيفِِ جديد العضوة (زهرة الزئبق).....

السلام عليكم جميعا اختي زهرة اعجبتني مقالاتك وكل ما كتبت لدي سوالين لك
1- ما هي هواية ؟
2- هل تزاولين مهنة معينة ان وجدت اذكريها لنا وشكرا لكي غاليتي ...
اسعد الله اوقاتكم .​

 

[ليليا مرام]

رد: كُرسي الإستضافة مع ضيفِِ جديد العضوة (زهرة الزئبق).....

السلام عليكم جميعا اختي زهرة اعجبتني مقالاتك وكل ما كتبت لدي سوالين لك
1- ما هي هواية ؟
2- هل تزاولين مهنة معينة ان وجدت اذكريها لنا وشكرا لكي غاليتي ...
اسعد الله اوقاتكم .​

السلام عليكم اختي اهلا وسهلا نورتيني شكرا على رايك وهذا شي يشجعني
ما عنديش هواية محددة لاني اي شي نحب نجربو نحب نكتب راكي شفتيتي ونرسم نعرف نرسم ونكتب الشعر وامور النسا خياطة وكروشي وكلها مواهب مش متعلمة عند متخصصين متعلمة وحدي
لا لا اعمل ماكثة بالبيت صحتي لا تسمح لي بالعمل
العفو اختي نورتيني

 

[@R@ZIK]

رد: كُرسي الإستضافة مع ضيفِِ جديد العضوة (زهرة الزئبق).....

السلام عليكم
أهلا ليليا على كرسي التعارف منورة
الله يبارك الاعضاء راهم متهلين
نرجعو للاسئلة
ليليا والأناقة ؟
مسلسل من تاع زمان تفرجتيه ومازالك تتفكريه ؟
برنامج تحبي تتبعيه ؟
صفة سلبية فيك تتمناي زوالها ؟
يقال أن وراء كل رجل عظيم إمرأة ما رايك
تحبي تسمعي غناء ؟اذا نعم اي نوع تحبي ؟
كيفاه تتعاملي مع اللي يغلط في حقك ؟


لي عودة
بالتوفيق​

 

[Skor m@k]

رد: كُرسي الإستضافة مع ضيفِِ جديد العضوة (زهرة الزئبق).....

السلام عليكم
اهلا بك ختي مريم نسيت الاسم الآخر تاعك ههههه
المهم متهلاوش فيك الاعضاء كامل مالافين يهبلونا بالاسئلة
المهم دخلت بيديا فارغين حتى فالدار طيبو لعدس هههه لوكان هكذاك نجيبلك شويا خخخخ

قالك تسكني في تيبازا اووو عندها وحد لبحر يهبل تعرفي تعومي ولا والو

مرة لي جيت لتيبازة رحت لفندق شينوة هايل تقول مراكش في دزاير ههههه

كيفاه تعرفتي على اللمة

من 2009 وانت شافيا على الرقم السري تاع العضوية تاعك فاللمة

مزالكي تشاركي في المنتديات الاخرى ولا طلقتيهم ههههههه

كيفاه نفحتلك تولي للمة

نتوما مرفهين شويا ولا معندناش ومايخصناش خخخخ

الحرgة لمن استطاع تسيربيلك فالقاموس تاعك

انت تشيتي للدولة ولا خطووني نخطيكم

رمضان قريب واش جوزيه رقاد ولا الخدمة فالدار

لماعن فالدار تغسليهم ديما انت ولا كل مرة شكون

راني عييت من لكتيبة سؤال اوو منزيدش هههههه

الى خطبك بوتفليقة تقبلي ولا لا هههههه
نصيحة ليك غير اقبلي راح يموت وتورثي هههه

ان شاء الله نوليو ايا سلام​

 

[ليليا مرام]

رد: كُرسي الإستضافة مع ضيفِِ جديد العضوة (زهرة الزئبق).....

السلام عليكم
أهلا ليليا على كرسي التعارف منورة
الله يبارك الاعضاء راهم متهلين
نرجعو للاسئلة
ليليا والأناقة ؟
مسلسل من تاع زمان تفرجتيه ومازالك تتفكريه ؟
برنامج تحبي تتبعيه ؟
صفة سلبية فيك تتمناي زوالها ؟
يقال أن وراء كل رجل عظيم إمرأة ما رايك
تحبي تسمعي غناء ؟اذا نعم اي نوع تحبي ؟
كيفاه تتعاملي مع اللي يغلط في حقك ؟


لي عودة
بالتوفيق​

السلام عليكم رزيقة اهلا وسهلا نورتيني مرحبا بك

والله يا اختي الاناقة انا ما نشوفهاش حوايج غاليين لالا مرات نلبس امور عادية وتجيني هايلة المهم تعرفي تخيري وانا ندير حجاب شرعي مي نوع فالخمارات حسب نوع الضاح والصباط حاشاك واكسسوارت مي ما نبالغش لانو اللوان ما نحبهاش نحب البساطة وما نديرش الماكياج محال ما ندير والو نخرج بوجهي كيما نغسلو صباح كيما نخرج بيه ديركت
كنت نحب ليالي الحلمية نموت عليه
وشفيقة وسليم هايل
نحب كل برامج ناسيونال جيوغرافيك ونحب رنامج المسامح كريم لعبد الرزاق نتاع تونس

وهنا برنامج فضيلة يعجبني خط احمر ولو مرات ما نحبش فضايح ببعض الامور مي نحبها فضيلة تعجبني

والله صفة العصبية انا مقلقة بزاف وما نقدرش نتحكم فاعصابي
نعم ولكن ممكن وراء كل رجل عظيم امرأة دمرته في البداية او خانته او سببت له امرا وهو منعدم وبسبب ما فعلته به اصبح رجل عظيم لا تدرين الموقف الذي قيلت فيه هاته الحكمة ولكنني اؤمن انا المرأة تصبح عظيمة وهناك رجل جنبها وليس العكس ولا ادري ربما انا مخطئة

نكون صريحة نسمع الاغاني الشرقية وبالاخص الهادئة ونحب اغاني كاظم الساهر وميادة الحناوي وهاني شاكر مي عندي حوالي سنيتن مارانيش نسمع ابدا ندير قناة المجد فالدار وختى وانا نعمل فالميكرو ندير اناشيد دينية او رقية وراني نسمع ونكتب رتحت بزاف بهذا النمط والفتو
اللي يغلط فحقي لو ما يوصلش لدرجة وين يجرحني وين ما نسامحش والله عادي نرجع معاه عادي وننسى ولكن كاين جروح انا محال نسامح عليها وما ناذيه ما والو نكون خير منو المهم بعدني نبعدك تقرب نحرقك هذي هي
ارواحي وقت تجبي وراني جاهزة
شكرا لك

 

[ليليا مرام]

رد: كُرسي الإستضافة مع ضيفِِ جديد العضوة (زهرة الزئبق).....

السلام عليكم
وعليكم السلام سكر افندي
اهلا بك ختي مريم نسيت الاسم الآخر تاعك ههههه

ليليا السي سكر
المهم متهلاوش فيك الاعضاء كامل مالافين يهبلونا بالاسئلة

اييه راني نشم محاولة اشعال النيران انا نعذرهم كاين عندهم الباك والقرايا وكاين خدام يحسن عونهم والبركة فيكم وما تنساش بزاف ما يعرفونيش
المهم دخلت بيديا فارغين حتى فالدار طيبو لعدس هههه لوكان هكذاك نجيبلك شويا خخخخ

ريح فداركم بيك بالعدس نتاعك لو نموت للشر وما ناكلوش

قالك تسكني في تيبازا اووو عندها وحد لبحر يهبل تعرفي تعومي ولا والو

نعم نسكن فتيبازة مرحبا بيك خونا سكر
ايه نعرف نعوم مي المشكل مش هناك المشكل ختك تخاف وانا صغيرة كنت نتبع بزاف افلام القرش والبحر
ايا توسوست وليت نحط رجلي فالبحر نتفكرهم ومرة قرصتني لامديس ياو ختك الشط طلو وهي تجري وتعيط روكا روكا ولات حالة استنفار الشعب كلو خرج يجري من الما وعلاه انا حبست ياو طلعت لافيل وانا نجري

مرة لي جيت لتيبازة رحت لفندق شينوة هايل تقول مراكش في دزاير ههههه

شنوة بلاج من اجمل الشواطئ وكاين حجرة النص هايلة والله لو تشوف منظرها تقول هذي فالخارج نعم فنادق تيبازة روعة ولكن كاين فنادق مشبوهة لما تحب تزورها نخبرك باحسنها واللي محترمة وهذاك الفندق فعلا روعة هايل ومحترم

كيفاه تعرفتي على اللمة

زمان انا كنت منخرطة فمنتدى الساحة الجزائرية وكان معروف جدا وكان اللمة من اشهر المنتديات ذاك الوقت وانا انخرطت بعد ما تم قرصنة منتدى الساحة الجزائرية بعدو انا دخلت لمنتدى الجلفة وكنت هناك مدة اربع سنوات وانشغلت وصحتي وامور كثيرة شغلتني

من 2009 وانت شافيا على الرقم السري تاع العضوية تاعك فاللمة

لالا الايميل عندي لانو عندي ايميل واحد وطلبت رقم السر وبسهولة دخلت

مزالكي تشاركي في المنتديات الاخرى ولا طلقتيهم ههههههه
طلقتهم بال 7

كيفاه نفحتلك تولي للمة

والله من مدة كنت ناوية ندخل وبعدو صرات ظروف قررت اني ننسحب من المنتديات والحقيقة تراجعت لانو ماكانش حد يستاهل نوقف حياتي على جالو دخلت للمة ولانو حسيت عندي افكار ومواضيع قلت نرجع ونبدا حياة افتراضية جديدة ونبعد على كل شي تعلق بمريم الصابرة ونبدا كانسانة جديدة والحمد لله حاليا مرتاحة هنا جدا

نتوما مرفهين شويا ولا معندناش ومايخصناش خخخخ

اييه عندي ملاير فبنك سويسرا وسونطراك نتاع بابا ربي يرحمو وخلي راجلي شكيبو ربي يخليه
الحمد لله ما عندناش وما يخصناش المهم الراحة

الحرgة لمن استطاع تسيربيلك فالقاموس تاعك
جامي بلادي غالية عليا مهما تكون ما نقدرش نعيش ببرا رحت للترك صدقني روعة والله لو تشوفها من اجمل البلدان توحشت دارنا ويمى والبلاد وليت نبكي باه نرجع وفرحت بزاف لما رحت للمطار وتلاقيت جزائريين ياو والله بلادنا روعة ما نقدرش نعيش انا برا محال
انت تشيتي للدولة ولا خطووني نخطيكم
اواه محال ختك خاطيها الشيتة لا للدولة ولا لخاص كرامتي فوق كل شي خاطيني وخاطيهم لو تسالني الدولة شي تديه اما انا ما نحتاج منهم والو اذا حقي فالعلاج وما ديتوش خلاص ما نحتاج منهم والو وما نمدلهم والو انا كارطة نتاع الفوط ما عنديش وما نخدمهاش مانيش هنا ترونسبارو مش على جال بلادي لالا على جال اللي فيها ما يستاهلوش نديرونجي روحي ونروح ليكول ونتبسم ونفوطي على واحد يدي ولادو ورا ظهري يقراو فالماريكان ويخلص 40 مليون للشهر والله ما يشوفها

رمضان قريب واش جوزيه رقاد ولا الخدمة فالدار

ان شاء الله ربي يبلغنا رمضان واياكم
لالا انا نرقد فحدود المعقول ونوض عادي شغل الدار نتاعاونو انا ويمى والطياب وراك عارف امور الدار ويفوت عادي

لماعن فالدار تغسليهم ديما انت ولا كل مرة شكون

انا عايشة انا وامي وما نحبش نخليها تخدم انا برك نغسلهم وهي تعاوني هاكا تمدلي وترفد معايا مي نقولها روحي ريحي وانا نكمل اللهم لو كنت مريضة بزاف هي تخدم لانو مرات يفقوت عليا وقت ما نقدرش نمشي نهائيا الله غالب الله يجعلها تسامحني

راني عييت من لكتيبة سؤال اوو منزيدش هههههه

لو سجلت صوتك وسقسيتني وانا نرد :d

الى خطبك بوتفليقة تقبلي ولا لا هههههه
واش تسالني وبوتفليقة وعلاه ما خطبنيش لما كان على ديدانو اه تتمنالي تخلاص عليا هكا نحبو ربي يخليه اما زواج نو محال ما نحبش راجل كبير
نصيحة ليك غير اقبلي راح يموت وتورثي هههه

بعيد الشر والله لو عندو مال قارون انا نستنى فالشاوي الفحل نتاعي :d

ان شاء الله نوليو ايا سلام​

شكرا نورتني سكر افندي ولي على راحتك مي بلا عدس انا اختك

 

[Hakan]

رد: كُرسي الإستضافة مع ضيفِِ جديد العضوة (زهرة الزئبق).....

اضن ان رحلة الاخت ليليا قد انتهت في هذه الجولة التعارفية
ان شااء الله تختار لنا عضوا آخر حتى نقوم بالتعرف عليه والتقرب اليه اكثر
بالتوفيق ويغلق الموضوع ..​