ملتقى جمال العروس نصائح و افكار .....تفضلو

[أم الأولاد]

السلام عليكم ورحمة الله وبركاته

أخواتي الفاضلات وعرايس منتدى اللمة الجزائرية

المخطوبة ربي يكمللها ، واللي تجهز ربي يكون معاها ، واللي تجوزت ربي يهنيها واللي مازالت ربي يرزقها ان شاء الله


هذا الموضوع هو ملتقى للعرائس
نتحدث فيه عن مايهم العروس في الكوسميتيك
والخلطات التي تساعد العروس لوجهها وجسمها
ونساعد بعضنا

:love01:
​

 

[أم الأولاد]

رد: ملتقى عرائس اللمة الجزائرية للكوسميتيك

انصحكم بشراء اسنفج خاص بالماكياج

هذي الاسفنجة تعاونك بش تديري طبقة متساوية من الفوندوتان السائل
​

 

[الزهرة الحمراء]

رد: ملتقى عرائس اللمة الجزائرية للكوسميتيك

السلام عليكم اختي
صراحة موضوع يفيد كل عروس وايضا كل فتاة
يعطيك الصحة وانا في المتابعة ان شاء الله
دمت في رعاية الله وحفظه​

 

[Ľă Mîšš HîBă]

رد: ملتقى عرائس اللمة الجزائرية للكوسميتيك

يعطيك الصحة وانا في المتابعة ان شاء الله ​

 

[أم الأولاد]

رد: ملتقى عرائس اللمة الجزائرية للكوسميتيك

أهلا وسهلا وياريت تشاركونا الموضوع خاص بالجميع نفيدو بعضانا البعض


حوايج الترطيب :

حبيب الملايين علب الفازلين ،، اللي مهما تخرج حوايج جديدة ، تبقى مكانته وحدها ،، انا ننصح كل عروس ما تقولش عندي جال دوش وعندي مرطبات كثيرة ،،، لالا ،، اشري وحدة وماش راح تخسري ،، رايحة تلقايها + خفيفة تتحمل في الصاك مش كيما المرطبات الاخرى قرع وجالات

اي مرطب يكون مغذي للبشرة ، كاين نيفيا ، فازلين ، ديvموفيفا ، اونشونتeur ،، وانتي اختاري اللي يوالمك ( راني نهدر على المرطبات السائلة )

لوسيون او كريم مرطب ويطري الجسم ، ويكون بنكهات ، اختاري اللي يعجبك ، انا ننصح بجونسن للأطفال ، راااااائع عن تجربة (جيبيه من الفارماسي بش تضمني الاصلي)

ماتنسيش العناية بالاقدام ، كاين OE للعناية بالقدمين ،، ورائع جدااااا

وانا من جهتي نفضل مرطب كلينيك عليهم كااااااااااااااامل ،، مرطب واااااااو هايل واكثر من رائع ،، نادر شوي يجيبوه من فرنسا ، وكاين في بعض شبه صيدليات ،، سعره غالي انا جابولي باطة من فرنسا كي فضتلي حوست عليها وما لقيتها غير بالريق الناشف ، الباطة الصغيرة ب 270 الف،،، راهو متعدد ،، شوفي اللي يخرج على بشرتك
كريم مقشر ،، اشري لي مارك بش ماتندمشي ويديرلك اثار سلبية ( من جهتي ماجربتش مي قالولي لازم تديري واحد واصفه الطبيب اللي يكون علابالو بنوع البشرة)


كريم نيفيا العادي ، (ديريه ديما في الصاك ، اثناء الزيارات او اي ظرف ممكن تحتاجيه )


وطبعا حمامات الزيت الرائعة المتكاملة

 

[أم الأولاد]

رد: ملتقى عرائس اللمة الجزائرية للكوسميتيك

غاسول نيتروجينا :


الغاسول من نيتروجينا deep clean :

الغاسول هذا ريحتو تهبل وينظف مليح الا انو ينشف البشرة يعني لازملو ترطيب من بعد للي بشرتهم جافة

انا ولأني بشرتي دهنية ماكنتش نحس بجفاف كثير غير في بعض المناطق مثل الخدود لأنو بشرتي مختلطة دهنية عند الأنف والجبهة والذقن وجافة عند الخدود

أنا شخصيا نستعملو غير قبل الأقنعة الطبيعية لأنو ينظف البشرة مليح وتكون مستعدة لأي قناع

سعره 115 ألف

​

 

[أم الأولاد]

رد: ملتقى عرائس اللمة الجزائرية للكوسميتيك

نروحو للمقشر الأزرق :

إضغط هنا لرؤية الصورة بحجمها الطبيعي.

المقشر هذا رووعة يعطي انتعاش وريحتو رووعة رووعة تسحر

هو يعتبر مقشر يومي لكن انا نستعملو مرة الى مرتين في الاسبوع فقط

يعطي نعومة ونقاء للبشرة هايل كلمة روعة قليلة فيه

هو ثان من نستعملو نغتنم الفرصة وندير بعدو حمام بخار للوجه وبعدو نعمل قناع طبيعي سواء تع الحلبة ولا تع اللبان والمرة الي حطيتو في الموضوع ..

وحتى كي نتحمم ما نكيسش وجهي أبدا نخلي كي نكون خلاص خارجة من الدوش ومع الي يكونو المسامات مفتوحين نستعمل المقشر هذا رح تحسي البشرة ارتاحت وفيها لمعة هايلة ​

 

[أم الأولاد]

رد: ملتقى عرائس اللمة الجزائرية للكوسميتيك

افضل مجموعة للعرائس

​

 

[السلطانة]

رد: ملتقى عرائس اللمة الجزائرية للكوسميتيك

بالنسبة لكوسميتيك العروس ننصحكم ماتكثروش وكون تحاولو تشريو لي بوات الصغيرة برك تاع الماكياج
ومن مباعد راكم تزيدو تشريو وتجددو ماكياجكم
وربي يقدركم ان شاءلله
​

 

[أم الأولاد]

رد: ملتقى عرائس اللمة الجزائرية للكوسميتيك

وصفات مفيدة ومجربة :

خلطة لتبييض الأيادي والجسم

- أرز مطحون

- ليمون

- زيت زيتون




​

 

[أم الأولاد]

رد: ملتقى عرائس اللمة الجزائرية للكوسميتيك

وصفة لتعطير الشعر :

بعد ما تستحمي وتكوني غطيتي شعرك بالمنشفة

انزعي عليه المنشفة هاذيك واطلقي شعرك جيبي العطر الي موالفة تستعمليه ولا تحبيه


رشي منو على نفس المنشفة الي كانت في شعرك حتى ولو مبلولة احنا نحوسو عليها مبلولة باش تحكم العطر أكثر




باعد ما رشيتي عليها عاودي ديريها على شعرك لمدة 5 د وكي تكوني رح تنزعيها حكيها على شعرك من جديد


وبعدها تقدري تساشوري شعرك عادي ورح تشمي الروائح الزكية تفوح من شعرك وحتى بعد تسريحو
​

 

[أم الأولاد]

رد: ملتقى عرائس اللمة الجزائرية للكوسميتيك

وصفة لبخور الفم :

المكونــات :

- نص صغيرة ملعقة قرنفل مطحون

- ملعقة ص مستكة مطحونة

- ملعقة ص حبة حلاوة مطحونة

- ملعقة كبيرة قشر ليمون (( مسكرفج ))

- ملعقة ص قرفة مطحونة

- 2 ملاعق سكر

- فنجان هيل مطحون

- شوي ماء ورد / أو ماء الزهر


الطريقة :

خلطو كامل هاذ المكونات مع بعض حتى تتحصلو على خليط يتماسك مع بعضو

شكلوه على شكل كور صغيرة بحجم حبة الحمص

وحطوها في مكان جاف لمدة يومين كاملين


طريقة الإستعمال :

قبل أي مناسبة او وقت ما تحبي جيبي كرة وحدة وديريها تحت لسانك

خليها حتى 5 دقائق وبعدو انزعيها

ورح تخلصك من الرائحة الكريهة وتبقى تفوح لمدة ساعة او اكثر من الاستعمال

ملاحظة : المستكة راهي مغرف صغيرة دير ب 30 ألف

الي ما عندهاش تقدر تخلط المكونات بلاش لكن مش رح تقديري تعمليه كور

جيبي علبة وديري فيها الخليط واضغطيه مليح وديريه على شكل طبقة رقيقة ماشي غليظة

ومبعد قسميه مستطيلات صغيرة هكذا وحطيها تنشف وبعدو استعمليها بنفس الطريقة




​

 

[أم الأولاد]

رد: ملتقى عرائس اللمة الجزائرية للكوسميتيك

وصفة للمسامات الواسعة :
مكونات الخلطة :

نحتاجو :

- 4 ملاعق كبيرة نشأ

- 4 ملاعق ماء الورد

- كاس صغير ماء
" او استعملي نص كاس اذا كان كبير "


الطريقة :

خلطي النشأ مع ماء الورد ضيفيلهم الماء خلطيهم وحطيهم فوق نار هادية .. حتان تعود كريم يعني قوامها كريمي

ديريها وخليها نص ساعة وبعدو اغسليها بالماء البارد

تستعمل مرتين في اليوم والي كسولة تديرها مرة وحدة

الي يبقالك من الخلطة خبيه فالثلاجة واستعملي منو كل يوم

​

 

[أم الأولاد]

رد: ملتقى عرائس اللمة الجزائرية للكوسميتيك

نصائح أخرى للتخلص من المسامات :

- التونر مهم مهم للبشرة لأنو يساعد على التخلص من المسامات وغلقها

التونر هو سائل اما تشريه واما تستعملي الطبيعي والي هو ماء الورد للبشرة الحساسة وخل التفاح للبشرة الدهنية

- بعد ما تستعملي اي قناع لوجهك, او الغاسول اليومي , أو المقشر لااازم لااازم تستعملي التونر من وراه مباشرة

اغسلي القناع او الغاسول ونشفي وجهك مليح وديريلو التونر مباشرة سواء ماء الورد او خل التفاح او التونر الي شريتيه

علاش : لانو بمجرد ما تستعملي اي نوع غاسول او قناع او مقشر لوجهك تتفتح المسام وقادر تدخللها الجراثيم ويجيك حبوب في الوجه سواء حب الشباب او حبوب الحساسية .. لكن لما تستعملي التونر مباشرة رح تتسكر المسام وتحافظي على بشرتك نقية​

 

[أم الأولاد]

رد: ملتقى عرائس اللمة الجزائرية للكوسميتيك

لتقشير الوجه والبشرة :

قومي بتقشير الوجه إما بغاسول مقشر يومي من نيتروجينا :

هذا الغاسول يعتبر غاسول يومي وفي نفس الوقت مقشر خفيف على البشرة يمد البشرة بالنعومة والنظافة ويعطي ملمس ناعم وانتعاش للبشرة بحيث يخلي البشرة تستعد للمكياج


أو كاين نوع آخر من كلير أند كلير على نوعين :

إضغط هنا لرؤية الصورة بحجمها الطبيعي.

هما نفس الشيء فقط العبوة تختلف ويعتبر هو أيضا غاسول يومي رائع للبشرة وأرخص من نيتروجينا ونتائجو مبهرة رطوبة ونعومة وانتعاش للبشرة رائع

والي ما عندهاش أو ما تقدرش تشري هاذ المقشر نعطيكم مقشر طبيعي ورائع بصراحة انا طول نستعملو في فصل الشتاء وفي الصيف نستعمل نيتروجينا لأنو الليمون ما يكونش متوفر كثير في الصيف وغالي

المقشر الطبيعي هو :

- عصير حبة ليمون صغيرة ( أو نصف حبة كبيرة )

- سكر عادي

- قطعة قطن


- الطريقة :

اغطسي قطعة القطن في عصير الليمون ثم في السكر وبحركات دائرية قشري بيه البشرة وكل مرة اغطسي في الليمون ثم السكر وعاودي قشري ولكن بحركات دائرية لطيفة وماشي بالقوة قشري حتى تشوفي انو السكر هذاك بدا يذوب هاذ المرة اغطسي في الليمون فقط بدون سكر ومررييها على وجهك كامل خليها لمدة 2 دقائق ثم اغسلي بماء دافي ونشفي وجهك ولاحظي النعومة واللمعة الي فالبشرة

من ميزات هاذ المقشر الطبيعي :

يقضي على حب الشباب , مناسب لكل أنواع البشرة , يبيض البشرة , يقضي على الترسبات والدهون الي في البشرة , يعطي لمعة ونضارة للبشرة , ويقضي على القشرة الي في البشرة وجفافها بسبب الشتاء وتقلبات الجو

ننصحكم تجربوه مكوناتو متواجدة في كل بيت وخاصة مع الي رانا في موسم الشتاء الليمون متوفر بكثرة وبأسعار رخيصة

وعلى فكرة هاذ المقشر تقدرو تستعملو للجسم كامل وحتى المناطق الحساسة :

اعصري 4 حبات كبيرة ليمون واذا كانو صغار ديري 6 واتخلصي من البذور تع الليمون .. ديريهم في صحن غارق وزيدي عليهم كمية من السكر ممكن 3 أو أربع ملاعق كبار واذا شفتو السكر ذاب تقدرو تزيدو الكمية خلوه بجيه كي تدخلي تستحمي وتكيسي جسمك وتكملي جيبي الخطلة وكل ارفدي كمية في يدك وقشري كل الجسم حتى المناطق الحساسة بعد ما تقرشي بيها مليح اغسليها بالماء

الخلطة رووعة تبيض الجسم وترطبو وتنعمو تعطيك رائحة رووعة
​

 

[الورد الأحمر]

رد: ملتقى عرائس اللمة الجزائرية للكوسميتيك

السلام عليكم ورحمة الله وبركاته

مغسي أختي عالموضوع المفيد لي بزاف رايحين يستفادوا منو وان شاء الله كل وحدة تعرف حاجة تفيدنا بيها وخاصة بمواد استعملتهم أكيد الشي المستعمل والمجرب ولي عندو نتيجة مليحة أحسن من شي نجربوه من جديد .

في المتابعة .

 

[iman-dz4ever]

رد: ملتقى عرائس اللمة الجزائرية للكوسميتيك

فكرة هايلة ختي راني سرقة لك بزاف افكار تعرفوني نحب الخلطات
​

 

[ام أمينة]

رد: ملتقى عرائس اللمة الجزائرية للكوسميتيك

مشكورة على الموضوع
ان شاء الله كل العرايس يستفادو
​

 

[hadil2044]

رد: ملتقى جمال العروس نصائح و افكار .....تفضلو

يعطيكم الصحة
​