ردي بالك .... الضر حتى من طفلة كيفك

[ليليا مرام]

السلام عليكم جميعا
اليوم جيتكم بهذ السوجي الفكرة للاخت هبة حبوبة ما تقدرش تكتب من التلفون اعطاتني عنوان الموضوع قاتلي حابة تحكي فالسوجي وانا كتبتو
الفكرة قالت الاخت هبة انو كاين بنات فالأعراس يصورو امور خاطيتهم معناها ماراهمش من اهل العرس ويصورو فبنات ونسا رجال متزوجات وفي وضعيات وين النسا تعرفو فليصال واش يلبسو والشطيح والرديح ولخرى من هيه دير سيلفي
المشكل مش هنا المشكل لالة اللي تصور تروح تعدل فالتصاور وين هي تبان ما تحطش روحها وتحط بنات الناس ونسا رجال
وديرهم منشورات واش رايكم فهذي واش رايكم فلبصتها واش رايكم فالعروسة والقفطان الفلاني
والجبة الفلانية او حتى ديرها زكارة في وحدة وتحطها فالنت اليوتوب او الفايس
وعلاه حبيت نعرف شكون اعطاها الحق هذي
انت رحت للعرس وعلاه تصوري الناس حبيتي تتصوري باللبسة اتصوري فداركم قبل ما تجي للعرس او شوفي بلاصة فارغة فلاصال وين تباني وحدك وديري بوز وانت مكيجة ولابسة وعلاه تصوري غيرك
عياو الاهلي نتاع العرس ينبهو الديجي نسمعو شعال من مرة تنبه للامر نتاع ليبرتابل مي والو
وكاين وين هذي صرات صح راجل يبعث طفلة تصورلو وحدة حوايج العرس وتمدهملو وصدقوني صرات وين طفلة صورت البنات يشطحو ومدتهم لحبيبها يروح هذا الاخير فوسط ليجون لمهم كامل وقاعدين يتفرجو واش هذا التمسخير
هذو اعراض ناس كاين نشوف فيديوات فاليوتوب نسا يشطحو ويديرو واحد التعليقات فاسدات وخامجات ومن الملاهي
علاه هذو نسا في بعضاهم ومحترمات وقاعدين يشطحو لما قاعدين تفتو عليهم علاه ما فتيتوش لرواحكم لما حطيتوهم فاليوتوب او هذا حلال عليكم وحرام على الناس
فيقو يا بنات الناس عيب هذي اعراض نسا وكيما ديري يندارلك
تروحي للعرس علاه البرتابل وليبوز ومؤخرا سمعت عروس حاوزها راجلها ايام بعد الزواج الصدفة وهو معاها يشوف فالنت حتى يلقاها تشطح وحطوها فاليوتوب مش حرام عليكم

والله قلقني السوجي هذا
الموضوع ليكم واش رايكم
​

 

[السلطانة]

رد: ردي بالك .... الضر حتى من طفلة كيفك

وعليكم السلام يعطيك الصحة انتي والاخت هبة لطرح الموضوع

صح العفسة هاذي انتشرت بزاف

يصورو الناس ويهدرو على اساس انهم هوما

كاين فيديو يدور في اليوتيوب تاع زوج بنات يشطحو في عرس
في صال ديفات وباينين في عرس وتاع وحدة تصور فيهم

ماكاين ني اختلاط ني والو في العرس مباعد الناس ولاتكومونتي ويسبوفيهم ويقولو ماش بنات فاميلا !!

كي شغل شافوهم في وضعيات ماش محترمة

كانو يشطحو في عرس فيه النسا ولي صورتهم تتحمل الذنوب والفضيحة لي دارتلهم

النت هاذي خربت البيوت الله غالب كي يعود العقل تاع الجزايري ولا العربي نورمال نتخلصو من هاذ الكوراث

ولي فضح واحد ولاوحدة راه يلم الذنوب برك تاع الناس لي هدرت من وراه وسبت وقالت وقالت

يعني نهار خلاف مايلوم غير نفسو

 

[أم أُنٌَيسة]

رد: ردي بالك .... الضر حتى من طفلة كيفك

السلام عليكم و رحمة الله تعالى و بركاته
هدا الكلام صحيح ، ليس من حقهن فعل هدا الامر
و لكن ايضا لو كان العرس محترما و لو امتثل الناس للشريعة اي ان الغناء ة المعازف حرام ماعدا الدف لما كان هناك غناء و لا رقص يشبه رقص الكباريهات و تلك الاغاني التي لا معنى لها و اغلبها كلمات بذيئة
المهم ربي يهدينا ان شاء الله و يثبتنا يارب
تحياتي احترامي و تقديري لشخصكم الكريم
في امان الله و حفظه
السلام عليكم و رحمة الله و بركاته
​

 

[¬Đỉaмơŋđ ✿]

رد: ردي بالك .... الضر حتى من طفلة كيفك

وعليكم السلآم ورحمة الله تعالى وبركاته

إيه كاينة منها الطبع الخاسر هذا راه تسبب في قطع الرحم بين العائلات وفي خراب بيوت عامرة ومشاكل كبيرة.
كاين اللي تكرهك ولابينك وبينها حاجة تصورلك بلا ماتدري وتنشر تصاورك فالنت .. ربي يعافينا
- حبيت نقول حاجة برك صحيح الشطيح واللبس في الأعراس حتى ويكون بين نساء برك لكن ماننساوش بلي كاين عورة حتى بين النساء في بعضاهم ..
ربي يحفظنا ويبقي الستر علينا
​

 

[ليليا مرام]

رد: ردي بالك .... الضر حتى من طفلة كيفك

وعليكم السلام يعطيك الصحة انتي والاخت هبة لطرح الموضوع

صح العفسة هاذي انتشرت بزاف

يصورو الناس ويهدرو على اساس انهم هوما

كاين فيديو يدور في اليوتيوب تاع زوج بنات يشطحو في عرس
في صال ديفات وباينين في عرس وتاع وحدة تصور فيهم

ماكاين ني اختلاط ني والو في العرس مباعد الناس ولاتكومونتي ويسبوفيهم ويقولو ماش بنات فاميلا !!

كي شغل شافوهم في وضعيات ماش محترمة

كانو يشطحو في عرس فيه النسا ولي صورتهم تتحمل الذنوب والفضيحة لي دارتلهم

النت هاذي خربت البيوت الله غالب كي يعود العقل تاع الجزايري ولا العربي نورمال نتخلصو من هاذ الكوراث

ولي فضح واحد ولاوحدة راه يلم الذنوب برك تاع الناس لي هدرت من وراه وسبت وقالت وقالت

يعني نهار خلاف مايلوم غير نفسو

السلم عليكم اختي اهلا وسهلا نورتيني ويعطيك الصحة انت ثاني والاخت هبة هي صاحبة الفكرة انا كتبت الموضوع وفقط
والله اختي الفيديو هذاك انا شفتو والطفلة هذيك بسبب الفيديو هربت من الدار لانو مخطوبة وخافت من راجلها وخاوتها وهربت من الدار وشفت التعليقات وهو باين راهم في عرس حرام رانا عارفين هذاك الشطيح والرديح مي هذا واقعنا اعراسنا هكذا وربي يهدينا مش عندو او عندها حق اللي ينشر الفيديوات يفتي للناس ويعالج الامر بالطريقة هذي ويحكو على بنات الناس ونسا الرجال بالطريقة هذي والسبب فاللي ينشر وين يكون ضميرو والله نحير فيهم او نحير فيها تبغي دير زكارة تروح تصور وتحط فالنت والناس تامن وبرك الله يهدينا ويسرت علينا رجعنا نخافو واقيل نديرو العجار كيما يمات زمان احسن واقيل بالعجار ويحكمونا :p

شكرا نورتيني ربي يهديهم

 

[ليليا مرام]

رد: ردي بالك .... الضر حتى من طفلة كيفك

السلام عليكم و رحمة الله تعالى و بركاته
هدا الكلام صحيح ، ليس من حقهن فعل هدا الامر
و لكن ايضا لو كان العرس محترما و لو امتثل الناس للشريعة اي ان الغناء ة المعازف حرام ماعدا الدف لما كان هناك غناء و لا رقص يشبه رقص الكباريهات و تلك الاغاني التي لا معنى لها و اغلبها كلمات بذيئة
المهم ربي يهدينا ان شاء الله و يثبتنا يارب
تحياتي احترامي و تقديري لشخصكم الكريم
في امان الله و حفظه
السلام عليكم و رحمة الله و بركاته
​

السلام عليكم اهتي اهلا وسهلا نورتيني
اختي لا ما نقدروش نقولو اعراس الناس مش محترمة لانو هذا واقعنا ما نخبوش الغنا حرام والرقص بالطريقة هذيك حرام ولكن نشر صور وفضح العايلات حلال ؟ شكون حللو هذي اعراض ناس مايجيش اللي ينشر يلعبها مفتي او يحلل لروحو يحرم على الناس وينشر الفيديو على انهم ناس مش محترمين كاين عايلات محترمة جدا ويديرو الاعراس بالطريقة هذي هل يتنشر فيديو على انهم ناس فاسدين وبناتهم منحلات اخلاقيا لالا هذا انا ما يدخلش راسي ما نحكموش على الناس من المظاهر راني عارفة حرام مي الواقع ما نهربوش منو ونخترعو في روسنا امور ونقلو لانو حرام مباح لينا نفضحو بنات الناس كيفاه منا نحللو ومنا نحرمو
شكرا لك على رايك الكريم والذي كله نصح في الدين جزاك الله كل خير
بارك الله فيك والله يهدينا أجمعين

 

[ليليا مرام]

رد: ردي بالك .... الضر حتى من طفلة كيفك

وعليكم السلآم ورحمة الله تعالى وبركاته

إيه كاينة منها الطبع الخاسر هذا راه تسبب في قطع الرحم بين العائلات وفي خراب بيوت عامرة ومشاكل كبيرة.
كاين اللي تكرهك ولابينك وبينها حاجة تصورلك بلا ماتدري وتنشر تصاورك فالنت .. ربي يعافينا
- حبيت نقول حاجة برك صحيح الشطيح واللبس في الأعراس حتى ويكون بين نساء برك لكن ماننساوش بلي كاين عورة حتى بين النساء في بعضاهم ..
ربي يحفظنا ويبقي الستر علينا
​

السلام عليكم أختي الكريمة نهارك مبروك
نعم تسببت فمشاكل وفضح وهروب بنات من المنزل او حتى طلاق متزوجات الامر كبير جدا رجع فضح الناس عمل مجرد زر على الهاتف ونت وانتهى الامر لما لحقد دفين في القلوب الله يهدينا
نعم اكيد عورة واكيد حرام ولكن ما نغطوش الشمس بالغربال هذا واقعنا اعراسنا بهذا الشكل ولكن خليني نديرو مقارنة صغيرة وين تباني يا المكحلة فالليل لو درنا مقارنة مع دول اخرى تشوفي اعراسهم تنخلعي وعلاه ما يديروش هكذا لانهم ناس مثقفين يروحو بلا ذراري هذي اول حاجة وم عندهمش ثقافة احكم التلفون وامشي كالمهبول عادي يفرحو يهنو ويمشو على رواحهم حنا الذر التصاور العياط والدبزة من هيه ما يجي يخلاص ذاك العرس تقولي انت راكي فالستاد
لالا رانا بعاد بزاف حنا مثفين على الكراريس مش في راسنا
شكرا لك نورتيني

 

[أم أُنٌَيسة]

رد: ردي بالك .... الضر حتى من طفلة كيفك

السلام عليكم اهتي اهلا وسهلا نورتيني
اختي لا ما نقدروش نقولو اعراس الناس مش محترمة لانو هذا واقعنا ما نخبوش الغنا حرام والرقص بالطريقة هذيك حرام ولكن نشر صور وفضح العايلات حلال ؟ شكون حللو هذي اعراض ناس مايجيش اللي ينشر يلعبها مفتي او يحلل لروحو يحرم على الناس وينشر الفيديو على انهم ناس مش محترمين كاين عايلات محترمة جدا ويديرو الاعراس بالطريقة هذي هل يتنشر فيديو على انهم ناس فاسدين وبناتهم منحلات اخلاقيا لالا هذا انا ما يدخلش راسي ما نحكموش على الناس من المظاهر راني عارفة حرام مي الواقع ما نهربوش منو ونخترعو في روسنا امور ونقلو لانو حرام مباح لينا نفضحو بنات الناس كيفاه منا نحللو ومنا نحرمو
شكرا لك على رايك الكريم والذي كله نصح في الدين جزاك الله كل خير
بارك الله فيك والله يهدينا أجمعين

و عليكم السلام و رحمة الله تعالى و بركاته
يا اختي لم اقل ان فعل دلك حلال بل هو اكيد حرام و هو خطا كبير جدا ، و الله من ينتقم منهن و هو على عباده لقادر مقتدر
لكن انا قلت لكي اصل المشكل ، لو لم يرقصن دلك الرقص الماجن لما كان في دلك مشكل اصلا
و يا اختي واشمن عائلة محترمة تحط الغناء هداك ؟ و واش من عائلة محترمة اللي ترقص الرقص هداك ؟ و وااش من عائلة محترمة تلبس اللبس هداك ؟
ماكاش منها اختي الكريمة ، نعرف عائلة محترمة محترمة في كل شيء
من بيت جدي اي بنات اخوالي و روح يا اختي
ربي يهدينا و يثبتنا ان شاء الله يارب
لا شكر على واجب ان شاء الله تعالى يارب
و فيكي بركة غاليتي ، اللهم امين نحن و انتم و كل المؤمنين
​

 

[ليليا مرام]

رد: ردي بالك .... الضر حتى من طفلة كيفك

و عليكم السلام و رحمة الله تعالى و بركاته
يا اختي لم اقل ان فعل دلك حلال بل هو اكيد حرام و هو خطا كبير جدا ، و الله من ينتقم منهن و هو على عباده لقادر مقتدر
لكن انا قلت لكي اصل المشكل ، لو لم يرقصن دلك الرقص الماجن لما كان في دلك مشكل اصلا
و يا اختي واشمن عائلة محترمة تحط الغناء هداك ؟ و واش من عائلة محترمة اللي ترقص الرقص هداك ؟ و وااش من عائلة محترمة تلبس اللبس هداك ؟
ماكاش منها اختي الكريمة ، نعرف عائلة محترمة محترمة في كل شيء
من بيت جدي اي بنات اخوالي و روح يا اختي
ربي يهدينا و يثبتنا ان شاء الله يارب
لا شكر على واجب ان شاء الله تعالى يارب
و فيكي بركة غاليتي ، اللهم امين نحن و انتم و كل المؤمنين
​

اهلا اختي
لا عارفة ما قلتيش حلال انا راني نشرح بصفة عامة
بالنسبة لردك الثاني تبقى الامور متعلقة بالحرام والحلال مش بالاحترام راني معاك العايلة متدينة او لا تحب الغنا او لا
وكاين ناس متدينين ومش محترمين الاحترام ما عندوش علاقة بالحلال والحرام راني معاك اما تقوليلي لمجرد يفرحو بوليدهم مشس محترمين انا راني ضدك نقولك ايه حرام عريانات ويشطحو وغيرو ايه هنا راني معاك اما انهم مش محترمين لا ما نقدرش انا نحكم على عائلة من خلال تصرف في فرح قادرين يكونو فحياتهم دايرين خير بزاف قادرين يحترمو جيرانهم قادرين يكونو يصدقو خير منا حنا عليها قتلك ما نقدروش نحكمو عليهم من خلال فرح وراني معاك انا ضد هذي الاعراس صدقيني مي نحكو بالواقع اللي رانا نعيشو فيه
شكرا لك نورتيني ونحب مشاركاتك والله يكمل بعقلك الرزين ماشاء الله

 

[أم أُنٌَيسة]

رد: ردي بالك .... الضر حتى من طفلة كيفك

اهلا اختي
لا عارفة ما قلتيش حلال انا راني نشرح بصفة عامة
بالنسبة لردك الثاني تبقى الامور متعلقة بالحرام والحلال مش بالاحترام راني معاك العايلة متدينة او لا تحب الغنا او لا
وكاين ناس متدينين ومش محترمين الاحترام ما عندوش علاقة بالحلال والحرام راني معاك اما تقوليلي لمجرد يفرحو بوليدهم مشس محترمين انا راني ضدك نقولك ايه حرام عريانات ويشطحو وغيرو ايه هنا راني معاك اما انهم مش محترمين لا ما نقدرش انا نحكم على عائلة من خلال تصرف في فرح قادرين يكونو فحياتهم دايرين خير بزاف قادرين يحترمو جيرانهم قادرين يكونو يصدقو خير منا حنا عليها قتلك ما نقدروش نحكمو عليهم من خلال فرح وراني معاك انا ضد هذي الاعراس صدقيني مي نحكو بالواقع اللي رانا نعيشو فيه
شكرا لك نورتيني ونحب مشاركاتك والله يكمل بعقلك الرزين ماشاء الله

ايه حبيبة ، الحمد لله فهمتيني و اني فهمتك مليح مليح والله
لكن كيما درنا العذر لهدو تاني نديرو العذر للاخرين ، ربما ماش هي اللي حطتهم ربما اختها و ربما لا ادري مادا
التمس العذر لاخاك المسلم البعيد
و اكيد يفرحوا بوليدهم لكن الفرحة في القلب حبيبة و الغناء كاين الغناء الرزين ماشي شرط يكون هداك الكلام البذيء
و تاني كاين لباس مليح و محترم ماش شرط تفرح بالميني
يا اختي ادا كان الفرح يعني الغناء يعني خلات ، و اكيد راهو واقع نعيشوا فيه و لكن كل واحد عرسوا وحر فيه
لكن يا اختي اغلب اللي يديروا الغناء ماش باه يفرحوا لكن باه يقولوا الناس شوفوا عرس هداك العبد كيفاه عدا و لا ادري مادا و الله نقلك من تجربة شخصية و من كلام سمعتوا
انا لما قلتلهم ان شاء الله في عرسي ماكانش غناء ولاو يقولولي مانجيوش ولاادري مادا ، يا اختي ادا حابين تفرحوا معي ارواحوا نحكيو مع بعض و الفرحة في القلوب
نتلموا مع بعض و نحكيو و نضحكو و نتمسخروا ، الاعراس في الوقت هدا يديروهم على الغناء اصلا
اما فيما يخص باللي يصوروا ، ياك كاينين اهل العريس و العروسة ؟ علاه ما يقولولهمش ماكاش تصوار ؟
يا اختي و الله يوجد كلام كثير ، لكن اظنني سافسذ موضوعكما و فكرتكما
لا شكر على واجب باذن الله عز و جل غاليتي و النور نوركم غاليتي ، احبكي الرحمن الدي احببتنا فيه اللهم آمين يارب نحن و انتم و كل المؤمنين كل دلك من فضل ربي، نسال الله الثبات ان شاء الله
أرجو تقبل مروري
تحياتي احترامي و تقديري
​

 

[لؤلؤة قسنطينة]

رد: ردي بالك .... الضر حتى من طفلة كيفك

السلام عليكم
شكرا مريم على الموضوع المميز
صراحة الناس ماولاتش تخاف من ربي، النت والهواتف الذكية داروها ناس واعيين للتثقيف ولتقريب البعيد وناس خلاف
تستعملو لأعمالهم الشيطانية، مافهمتش انا واحد عايش نورمال حياتو علاه تبدا تخربش في الناس وتخربطلهم حياتهم
شعب عايشع لى الأذية يا لطيف، ربي يستر
ولكن من جهة خلاف تاني نرجع لهادوك لبنات وهاديك العروسة لي ناشرة روحها قدام ربي وعبادو، ساعات تروحي لعرس
تلقاي عروسة لابسة لبسة تقول تاع كفار حتى تحشمي تشوفي معاها ومن بعد تقولك صوروني، كن جيتي ساترة روحك
حتى ولو يصوروك ويخرجو تصاورك ماكانش حاجة يخوفوك بيها، وتاني نفس الشي للبنات هادوك، تلقاي متر تاع قماش
يلبسهم كامل ويزيدو يشطحو شطحات تاع كفار ومن بعد يقولك صورونا، نتوما تاني افطنو لرواحكم، روحو للاعراس
مستورين واحكمو بلاصتكم لا شطيح لا عمار بوالزور، باه تحافظو على نفوسكم ياك لي ماتشطحش ماش رايحة تموت
مالا هادا هو الحل باه يحميو رواحهم وخلاص
نقولو ربي يهدينا برك ويعافينا ويسترنا
شكرا مريومة على الموضوع
تقبي مروري
​

 

[safouane batna]

رد: ردي بالك .... الضر حتى من طفلة كيفك

والله هذا المشكل خرب بيوت انا شخصيا في عرس أختي وصيت بزاف على التصوار قلتلهم أي وحدة تشوفوها بالتيليفون حبسوها لأني متأكد كاين لي مايحشموش ومرة في الصيف الماضي كنت طرف في جلسة صلح بين زوجين وبحضور أهل الزوجين لسبب أن الزوج وجد صور زوجته عند أحد الأشخاص في عرس راجل اختها وهي ماعلابالهاش واش صرى والحمد لله بالسيف باه فرات واذرك الرجال يشرطو على المرأة ماتروحش للعراس لهذا السبب

 

[ليليا مرام]

رد: ردي بالك .... الضر حتى من طفلة كيفك

ايه حبيبة ، الحمد لله فهمتيني و اني فهمتك مليح مليح والله
لكن كيما درنا العذر لهدو تاني نديرو العذر للاخرين ، ربما ماش هي اللي حطتهم ربما اختها و ربما لا ادري مادا
التمس العذر لاخاك المسلم البعيد
و اكيد يفرحوا بوليدهم لكن الفرحة في القلب حبيبة و الغناء كاين الغناء الرزين ماشي شرط يكون هداك الكلام البذيء
و تاني كاين لباس مليح و محترم ماش شرط تفرح بالميني
يا اختي ادا كان الفرح يعني الغناء يعني خلات ، و اكيد راهو واقع نعيشوا فيه و لكن كل واحد عرسوا وحر فيه
لكن يا اختي اغلب اللي يديروا الغناء ماش باه يفرحوا لكن باه يقولوا الناس شوفوا عرس هداك العبد كيفاه عدا و لا ادري مادا و الله نقلك من تجربة شخصية و من كلام سمعتوا
انا لما قلتلهم ان شاء الله في عرسي ماكانش غناء ولاو يقولولي مانجيوش ولاادري مادا ، يا اختي ادا حابين تفرحوا معي ارواحوا نحكيو مع بعض و الفرحة في القلوب
نتلموا مع بعض و نحكيو و نضحكو و نتمسخروا ، الاعراس في الوقت هدا يديروهم على الغناء اصلا
اما فيما يخص باللي يصوروا ، ياك كاينين اهل العريس و العروسة ؟ علاه ما يقولولهمش ماكاش تصوار ؟
يا اختي و الله يوجد كلام كثير ، لكن اظنني سافسذ موضوعكما و فكرتكما
لا شكر على واجب باذن الله عز و جل غاليتي و النور نوركم غاليتي ، احبكي الرحمن الدي احببتنا فيه اللهم آمين يارب نحن و انتم و كل المؤمنين كل دلك من فضل ربي، نسال الله الثبات ان شاء الله
أرجو تقبل مروري
تحياتي احترامي و تقديري
​

السلام عليكم اهلا وسهلا اختي
نورتيني من جديد انا راني معاك فكل كلمة ولكن حبيت نوصلك لواحد الفكرة انو هذا واقعنا للاسف مالغري فيه الحرام كثر من الحلال مي راه واقع وجاوبت روحك بروحك
شفت لما قلتيلههم ما نديرش الغنا قالولك ما نجوش يعني شعبنا راه حاب هذا كل ممنوع مرغوب هذا واقع
راني معاك اييه العرى بزاف فالاعراس ونشوف رقص والله شعري يوقف تقولي مش مسملين وثاني على جال الزوخ والناس تحكي عليهم
يعني تلاقاو كي سيدي كي لالة رغم هذا انا مانيش مع اللي يصورو بنات الناس وكيما قلت كاين اهل العرس مي عياوو ينبهو وشعال يبقاو يعسو فيهم
الاحسن الوحدة تتفادى وتلبس المحترم وما تنوضش تشطح انا من مدة ما رحتش عراس هكذا نروح قليل جدا فاللليل نهني ونرجع وتهنيت منهم احسن بزاف وليت نكره ذيك الاجواء
على كل الله يهدينا اجمعين وينور طريقنا
شكرا لك وجزاك الله كل خير

 

[ليليا مرام]

رد: ردي بالك .... الضر حتى من طفلة كيفك

السلام عليكم
شكرا مريم على الموضوع المميز
صراحة الناس ماولاتش تخاف من ربي، النت والهواتف الذكية داروها ناس واعيين للتثقيف ولتقريب البعيد وناس خلاف
تستعملو لأعمالهم الشيطانية، مافهمتش انا واحد عايش نورمال حياتو علاه تبدا تخربش في الناس وتخربطلهم حياتهم
شعب عايشع لى الأذية يا لطيف، ربي يستر
ولكن من جهة خلاف تاني نرجع لهادوك لبنات وهاديك العروسة لي ناشرة روحها قدام ربي وعبادو، ساعات تروحي لعرس
تلقاي عروسة لابسة لبسة تقول تاع كفار حتى تحشمي تشوفي معاها ومن بعد تقولك صوروني، كن جيتي ساترة روحك
حتى ولو يصوروك ويخرجو تصاورك ماكانش حاجة يخوفوك بيها، وتاني نفس الشي للبنات هادوك، تلقاي متر تاع قماش
يلبسهم كامل ويزيدو يشطحو شطحات تاع كفار ومن بعد يقولك صورونا، نتوما تاني افطنو لرواحكم، روحو للاعراس
مستورين واحكمو بلاصتكم لا شطيح لا عمار بوالزور، باه تحافظو على نفوسكم ياك لي ماتشطحش ماش رايحة تموت
مالا هادا هو الحل باه يحميو رواحهم وخلاص
نقولو ربي يهدينا برك ويعافينا ويسترنا
شكرا مريومة على الموضوع
تقبي مروري
​

السلام عليكم مريومة اييه يا مريم
ارواحي نات وقوليلهم ما تشطحوش ياو دير ليزونتريمو سمانة من قبل وهي توجد فروجها اول غنية تقولي نات حكمهم الجرب ينوضو يحكو يروحو الاعراس على جال الشي هذا وتقولك راني نحي فالهم قلبي مغموم غماتك غمة ان شاء الله تقولي مش عرس ببسيكولوغ هذا اللي قاتلهم ارقدو قاع
الله غالب انا عارفة حرام ونتوما عارفين مي عارفين انو هذا واقعنا والفرحة رجعت هكذا لو ما يديروش عرس يشطح البقر ما يبردوش الله غالب
مي ثاني هذوك اللي يديرو الزكارة ويصورو راه قلبهم كحل وما يخافوش من ربي والله كل شي كل شي لو نعرفها كافرة محال ننشر تصاورها نخاف الامور هذي بزاف لانو مش الخوف من العباد الخوف من ربي هذا الشي واعر
الله يسترنا يا رب وكي تتزوجي وجديلي بن زينة نجي نردح على روحي :p
:p

 

[ليليا مرام]

رد: ردي بالك .... الضر حتى من طفلة كيفك

والله هذا المشكل خرب بيوت انا شخصيا في عرس أختي وصيت بزاف على التصوار قلتلهم أي وحدة تشوفوها بالتيليفون حبسوها لأني متأكد كاين لي مايحشموش ومرة في الصيف الماضي كنت طرف في جلسة صلح بين زوجين وبحضور أهل الزوجين لسبب أن الزوج وجد صور زوجته عند أحد الأشخاص في عرس راجل اختها وهي ماعلابالهاش واش صرى والحمد لله بالسيف باه فرات واذرك الرجال يشرطو على المرأة ماتروحش للعراس لهذا السبب

اهلا خويا صفوان
ما تخافش كي نجي لعرسك ما نجيبش التلفون :d:d
والله لازم للضرورة احكام لازم نفتشوهم عند الباب كالجمارك الشي رجع صعيب ونسا رجال كيما قلت ورجعو في مشاكل كبار بسبة هذا الشي والله هذا راه مليح تفهم ورجعها كاين الي وصلو للطلاق لازم المرا تدي حذرها وتعرف انها على اسم راجل وبلا هذا الشي ولو عازبة لازم تعرف واش تلبس وتتحكم فحركاتها راهي رافدة اسم عايلتها والله غالب الناس ضمائرهم ميتة
الله يهدينا شكرا لك اخي صفوان نورتني

 

[أم أُنٌَيسة]

رد: ردي بالك .... الضر حتى من طفلة كيفك

السلام عليكم اهلا وسهلا اختي
نورتيني من جديد انا راني معاك فكل كلمة ولكن حبيت نوصلك لواحد الفكرة انو هذا واقعنا للاسف مالغري فيه الحرام كثر من الحلال مي راه واقع وجاوبت روحك بروحك
شفت لما قلتيلههم ما نديرش الغنا قالولك ما نجوش يعني شعبنا راه حاب هذا كل ممنوع مرغوب هذا واقع
راني معاك اييه العرى بزاف فالاعراس ونشوف رقص والله شعري يوقف تقولي مش مسملين وثاني على جال الزوخ والناس تحكي عليهم
يعني تلاقاو كي سيدي كي لالة رغم هذا انا مانيش مع اللي يصورو بنات الناس وكيما قلت كاين اهل العرس مي عياوو ينبهو وشعال يبقاو يعسو فيهم
الاحسن الوحدة تتفادى وتلبس المحترم وما تنوضش تشطح انا من مدة ما رحتش عراس هكذا نروح قليل جدا فاللليل نهني ونرجع وتهنيت منهم احسن بزاف وليت نكره ذيك الاجواء
على كل الله يهدينا اجمعين وينور طريقنا
شكرا لك وجزاك الله كل خير

دلك ما قصدته غاليتي الحبيبة ، لوكان الوحدة تروح محتشمة و حتى لو تشطح ترقص رقص محترم كون حتى و ان يصوروها راهي محتشمة و شطيح محترم
ادا عليا حبيبة انا سايستهم و قلتلهم ايجابيات عرس بدون غناء و لما مسمعوش قلتلهم اللي يجي مرحبا اللي ما يجيش مرحبتين ماش في سبتكم و سبة الغناء تاعكم نبدا حياتي الزوجية بحاجة حرام
كل وحدة و كل واحد في عرسوا يدير واش يحب ، لا طاعةلمخلوق على معصية الخالق
ايه نكره الاعراس اني نخمم واش ندير في عرسي بالاك نهرب و نخليهم وحدهم هههههههههه :d:d:d:d
اللهم آمين يارب نحن و أنتم و كل المؤمنين
لا شكر على واجب غاليتي ، و جزاكي خيرا
ارجو منكي المعذرة اختي الحبيبة اتعبتكي معي ، الحمد لله انكي فهمتي علي و هدا يكفيني
ماشاء الله عليكي اختي الحبيبة ربي يبارك و ربي يثبتك ان شاء الله
تحياتي احترامي و تقديري لشخصكم الكريم الغالي
:regards01::regards01::regards01::regards01::love01::love01::$:$
​

 

[zohor kfz]

رد: ردي بالك .... الضر حتى من طفلة كيفك

بغض النظر الشطيح حلال و لا حرام و الغناء ثاني ... مناش حنا تاني مفتيين باش ندخلو فهاذ التفاصيل ... و الموضوع بآآآآين و انا عن نفسي نتنارفا منين نسمع بيه حتى الكلمات هربولي من كترت الزعاف ... المهم ... غير فهموني واش كاين قسم للشرطة متخصة في هاذ المجال او لا ؟؟؟
و لنفترض بنت مسيحية و راها في عرس واش من حقنا نصوروها و ننشروها ؟؟؟
نخرج شوية على الموضوع ... وحد النهار في الجامعة ولد تبلا بنت دارتلو ترد عليه ... قالة و نتي هذي لبسة راكي لبستها و الناس كمل وقفو معاه و يزيدولو ... البنت شفت فيهم و جبدتلهم لسلسة فيها صليب و قاتلهم انا مسيحية ابا عن جد و ديني يسمحلي نلبس كيما نحب ... دينكم نتوما قللكم تتبلاو بنات الناس ؟؟؟ غضتنيييييي لغم انو الرسول صلى الله عليه و سلم وصانا على المسيحين و على كل البشر بصح حنا خلفنا الوصية و للعلم ... لبنت كانت ملبساش هذاك البس الفاضح ... عادي سرواك كلاسيك عريض و فاست من الفوق ... يا مريومة موضوعك هذا الله خلاني نتبخ ... الله يهدي ما تلف

 

[أم أُنٌَيسة]

رد: ردي بالك .... الضر حتى من طفلة كيفك

بغض النظر الشطيح حلال و لا حرام و الغناء ثاني ... مناش حنا تاني مفتيين باش ندخلو فهاذ التفاصيل ... و الموضوع بآآآآين و انا عن نفسي نتنارفا منين نسمع بيه حتى الكلمات هربولي من كترت الزعاف ... المهم ... غير فهموني واش كاين قسم للشرطة متخصة في هاذ المجال او لا ؟؟؟
و لنفترض بنت مسيحية و راها في عرس واش من حقنا نصوروها و ننشروها ؟؟؟
نخرج شوية على الموضوع ... وحد النهار في الجامعة ولد تبلا بنت دارتلو ترد عليه ... قالة و نتي هذي لبسة راكي لبستها و الناس كمل وقفو معاه و يزيدولو ... البنت شفت فيهم و جبدتلهم لسلسة فيها صليب و قاتلهم انا مسيحية ابا عن جد و ديني يسمحلي نلبس كيما نحب ... دينكم نتوما قللكم تتبلاو بنات الناس ؟؟؟ غضتنيييييي لغم انو الرسول صلى الله عليه و سلم وصانا على المسيحين و على كل البشر بصح حنا خلفنا الوصية و للعلم ... لبنت كانت ملبساش هذاك البس الفاضح ... عادي سرواك كلاسيك عريض و فاست من الفوق ... يا مريومة موضوعك هذا الله خلاني نتبخ ... الله يهدي ما تلف

اجل اختي الكريمة نحن لم نتكلم عن دلك

لكن اصل المشكل الغناء البذيء و الرقص الماجن و قبلهما اللبس الفاضح
​

و نحن حين نطرح قضية و كي نبحث عن حلولها يجب ان نعرف اسباب حدوثها من الاصل
ارجو منكي المعذرة
اسفة على التدخل و جد اسفة ان ازعجتكي
تحياتي احترامي و تقديري
​

 

[ليليا مرام]

رد: ردي بالك .... الضر حتى من طفلة كيفك

دلك ما قصدته غاليتي الحبيبة ، لوكان الوحدة تروح محتشمة و حتى لو تشطح ترقص رقص محترم كون حتى و ان يصوروها راهي محتشمة و شطيح محترم
ادا عليا حبيبة انا سايستهم و قلتلهم ايجابيات عرس بدون غناء و لما مسمعوش قلتلهم اللي يجي مرحبا اللي ما يجيش مرحبتين ماش في سبتكم و سبة الغناء تاعكم نبدا حياتي الزوجية بحاجة حرام
كل وحدة و كل واحد في عرسوا يدير واش يحب ، لا طاعةلمخلوق على معصية الخالق
ايه نكره الاعراس اني نخمم واش ندير في عرسي بالاك نهرب و نخليهم وحدهم هههههههههه :d:d:d:d
اللهم آمين يارب نحن و أنتم و كل المؤمنين
لا شكر على واجب غاليتي ، و جزاكي خيرا
ارجو منكي المعذرة اختي الحبيبة اتعبتكي معي ، الحمد لله انكي فهمتي علي و هدا يكفيني
ماشاء الله عليكي اختي الحبيبة ربي يبارك و ربي يثبتك ان شاء الله
تحياتي احترامي و تقديري لشخصكم الكريم الغالي
:regards01::regards01::regards01::regards01::love01::love01::$:$
​

اهلا اختي مجددا
اكيد نفهمك وانت راكي على صواب الله غالب مجتمعنا رجعنا نشوفو مول الحق غالط وانا حكيت بالمجمل العام لانو هذا واقع الاغلبية وكيما قلت كل واحد حر
انا نسال في روحي وانت تسالي في روحك حنا علينا لو نقدرو ننصحوهم وننصحو نفوسنا قبلهم انا كنت نروح وما نحبش نكذب لانو الصراحة راحة وبعدو نتبهت انو كل شي غلاط وراني نكبر مش نصغار مديت مبررات لروحي وانا مراهقة ضرك خلاص راني كبيرة وواعية على تصرفاتي ونجوس نلم الحسنات مش السيئات
على العموم انت من حقك واللي يحبك يجي يفرحلك مش همو الغنا والرديح وهذا الواجب الناس دارو قصعة طعام وتلمو عليها وفرحو وعاشو فالهنا وناس دارو بالمغنيين بالملايين والصالات الغاليين وطلقو بعد شهر او شهرين كلو لانو الحلال غايب
نورتيني وما تعبتيني ما والو ما نقولكش تعبكم راحة واااااااع طارو صبعتيا مي نحبكم لما تشاركو وتناقشوني وتروحو وترجعو ياخي القط يحبو خناقو اخنقوني على روحكم
مرحبا بيك فكل فوقت وشكرا لك وربي يهنيك
شكرا لك

 

[ليليا مرام]

رد: ردي بالك .... الضر حتى من طفلة كيفك

بغض النظر الشطيح حلال و لا حرام و الغناء ثاني ... مناش حنا تاني مفتيين باش ندخلو فهاذ التفاصيل ... و الموضوع بآآآآين و انا عن نفسي نتنارفا منين نسمع بيه حتى الكلمات هربولي من كترت الزعاف ... المهم ... غير فهموني واش كاين قسم للشرطة متخصة في هاذ المجال او لا ؟؟؟
و لنفترض بنت مسيحية و راها في عرس واش من حقنا نصوروها و ننشروها ؟؟؟
نخرج شوية على الموضوع ... وحد النهار في الجامعة ولد تبلا بنت دارتلو ترد عليه ... قالة و نتي هذي لبسة راكي لبستها و الناس كمل وقفو معاه و يزيدولو ... البنت شفت فيهم و جبدتلهم لسلسة فيها صليب و قاتلهم انا مسيحية ابا عن جد و ديني يسمحلي نلبس كيما نحب ... دينكم نتوما قللكم تتبلاو بنات الناس ؟؟؟ غضتنيييييي لغم انو الرسول صلى الله عليه و سلم وصانا على المسيحين و على كل البشر بصح حنا خلفنا الوصية و للعلم ... لبنت كانت ملبساش هذاك البس الفاضح ... عادي سرواك كلاسيك عريض و فاست من الفوق ... يا مريومة موضوعك هذا الله خلاني نتبخ ... الله يهدي ما تلف

السلام عليكم اختي زهور
اكيد حنا مارانش اهل ونقول الصح انا نحكم فروحي وما نحبش نفتي للناس لانو علاقة الناس بربي هوما احرار فيها ولكن الواحد يعرف معلومة ما يشدهاش ويقولها
غض النظر كيما قلت لازم نسلطو الضو على اللي يصورو
نورمالمو كاين عند الدرك قسم الجريمة الالكترونية موجودة وفيها قضية وسجن المشكل فينا حنا ما نشكوش والله صراحة انا لو نشوف وحدة صورتني وما تحبش تفايهم نروح نقدم فيها شكوى يا اختي قبل ما تتفر وبعدو انا كي يشفوني كامل الناس واش نستفاد لما تبهدلني فالنت وناس تسبني بلاما يعرفو الحقيقة
لو كانت مسيحية هي ما تصورش مي تاكيد كامل يروحو يصورها من الخلعة او العكس يحبو الزكارة فاللي قراب منهم
القصة اللي قلتيها صح كانت عندي صيدقتي تجي لهم وحدة كل صيف من ايطاليا وهي مسيحية وقاورية وتشوف العجب فالبحر بقاو يحكو معاها على الاسلام ولما شرحولها وكملو تعرفي واش قاتلهم كي حرام علاه يلبسو هكذا حنا نتبعو ديننا وعلاه نتوما ما تبعوش الاسلام هنا غلبتنا الصراحة فعلا الاروبيين يتبعو دينهم مي حنا لالا
الله يهدي ما خلق
شكرا لك نورتيني