ردي بالك .... الضر حتى من طفلة كيفك

[zohor kfz]

رد: ردي بالك .... الضر حتى من طفلة كيفك

اجل اختي الكريمة نحن لم نتكلم عن دلك

لكن اصل المشكل الغناء البذيء و الرقص الماجن و قبلهما اللبس الفاضح
​

و نحن حين نطرح قضية و كي نبحث عن حلولها يجب ان نعرف اسباب حدوثها من الاصل
ارجو منكي المعذرة
اسفة على التدخل و جد اسفة ان ازعجتكي
تحياتي احترامي و تقديري
​

و الله راني معاكي و الله حنا لي نسا و منين نشوفوهم يشطحو هكدك غير نتي لي خطيكي و تحشمي ... اكييييييي تدخلكي اسعدني و بالعكس رانا خواتات و اي واحدة فينا تغفل على نقطة الثانية تبها ... بصح اختي مهما كانت الاسباب ياو لو كانت في بار حشاكم معندهم الحق يصوروهو ... بلاك يسترو هدوك لبنات و ربي يهديهم يجي نهار هوما تاني يغلطو ربي يسترهم ... سبحان الله رانا كامل بشر و كامل نغلطو و الدنيا دوارة كما تدين تدان

 

[zohor kfz]

رد: ردي بالك .... الضر حتى من طفلة كيفك

السلام عليكم اختي زهور
اكيد حنا مارانش اهل ونقول الصح انا نحكم فروحي وما نحبش نفتي للناس لانو علاقة الناس بربي هوما احرار فيها ولكن الواحد يعرف معلومة ما يشدهاش ويقولها
غض النظر كيما قلت لازم نسلطو الضو على اللي يصورو
نورمالمو كاين عند الدرك قسم الجريمة الالكترونية موجودة وفيها قضية وسجن المشكل فينا حنا ما نشكوش والله صراحة انا لو نشوف وحدة صورتني وما تحبش تفايهم نروح نقدم فيها شكوى يا اختي قبل ما تتفر وبعدو انا كي يشفوني كامل الناس واش نستفاد لما تبهدلني فالنت وناس تسبني بلاما يعرفو الحقيقة
لو كانت مسيحية هي ما تصورش مي تاكيد كامل يروحو يصورها من الخلعة او العكس يحبو الزكارة فاللي قراب منهم
القصة اللي قلتيها صح كانت عندي صيدقتي تجي لهم وحدة كل صيف من ايطاليا وهي مسيحية وقاورية وتشوف العجب فالبحر بقاو يحكو معاها على الاسلام ولما شرحولها وكملو تعرفي واش قاتلهم كي حرام علاه يلبسو هكذا حنا نتبعو ديننا وعلاه نتوما ما تبعوش الاسلام هنا غلبتنا الصراحة فعلا الاروبيين يتبعو دينهم مي حنا لالا
الله يهدي ما خلق
شكرا لك نورتيني

و الله لو كان كل وحدا شفت صورها في النت و بلغت عليهم لوكان اصلا راهم يخفو و يحكمو يديهم و ميوصلوناش لهاذ الحال ... تتمشاي و تتلفتي يا ربي ياك ماكنش لي راه يصور فيها ... عيب الناس طورت و حنا مزلنا نتجرجرو ... اما علا المسيحية لي حكيتي عليها يا مآآآآآآآآآآ انا هنا و حشمت ... الله يهدينا

 

[أم أُنٌَيسة]

رد: ردي بالك .... الضر حتى من طفلة كيفك

و الله راني معاكي و الله حنا لي نسا و منين نشوفوهم يشطحو هكدك غير نتي لي خطيكي و تحشمي ... اكييييييي تدخلكي اسعدني و بالعكس رانا خواتات و اي واحدة فينا تغفل على نقطة الثانية تبها ... بصح اختي مهما كانت الاسباب ياو لو كانت في بار حشاكم معندهم الحق يصوروهو ... بلاك يسترو هدوك لبنات و ربي يهديهم يجي نهار هوما تاني يغلطو ربي يسترهم ... سبحان الله رانا كامل بشر و كامل نغلطو و الدنيا دوارة كما تدين تدان

أكيد أختي الحبيبة ، لم أقل ان لديهن الحق في تصوير مالا يخصهن
اكيد دلك عيب كبير فما بالنا باستخدام تلك الصور في اشياء مخلة كما قلتن
لكن مالعمل اختي الكريمة ؟
يوجد رب العزة فلننظر له على انه ابتلاء من رب العزة ان كانت الفتاة بنت اصل و محترمة و الا فالله فضحها بعد ان سترها
و لله في خلقه شؤون و لكل حدث سبب باذن الله عز و جل
تحياتي احترامي و تقديري لشخصكم الكريم الغالي
:regards01::regards01::regards01::regards01:
​

​

 

[GI Joe]

رد: ردي بالك .... الضر حتى من طفلة كيفك

li bghat telbess w techteh troh l darha, mich excuse la kona nssa fi nssa yehessbou rwahom ghir les enssembles w l hala
saha 3erss techteh telbess bssah quand mm fel ma39oul mich lebssa koun ychouf abb bentou lebssetha ykharedjha men daro !!!

ama pr ce qui est video w photo bnet maya3erfouch kelmet la vie privé w l ihtiram, 3jebha caftan saha tdemandi moulatou w tssawrou sans visage makan leh tesre9 hakdek...

3andna au lieu ki tofla tchouf rohaa sur internet troh deposi pleinte techki tchouf kifeh wasslet them, tweli tkhaf ghir maychoufhach khoha wala familet comme si getlet wala kafret !!!
koun ness tefhal tahbess had l hadja
​

 

[zohor kfz]

رد: ردي بالك .... الضر حتى من طفلة كيفك

أكيد أختي الحبيبة ، لم أقل ان لديهن الحق في تصوير مالا يخصهن
اكيد دلك عيب كبير فما بالنا باستخدام تلك الصور في اشياء مخلة كما قلتن
لكن مالعمل اختي الكريمة ؟
يوجد رب العزة فلننظر له على انه ابتلاء من رب العزة ان كانت الفتاة بنت اصل و محترمة و الا فالله فضحها بعد ان سترها
و لله في خلقه شؤون و لكل حدث سبب باذن الله عز و جل
تحياتي احترامي و تقديري لشخصكم الكريم الغالي
:regards01::regards01::regards01::regards01:
​

​

راها مريم قالتلي كاين قسم مخصص للجرائم الالكترونية ... يشتكو بيهم بلاك يحشمو على رواحهم و الله يهدينا و يهديهم

 

[تـريـــاق المحـبـة]

رد: ردي بالك .... الضر حتى من طفلة كيفك

السلام عليكم و رحمة الله تعالى و بركاته شكرا لكي لطرح الموضوع الصراحة كامل عندك وشكرا لطرحك هذا الموضوع الحق تلقي ناس مشي من اهل العرس ماسكين البورتابلاتهم و يصوروا في العراسين .. وهنا يطرح السؤال واش رايحين يديروا بالفديو .. يعني عجبها العرس حتى راها تصور فيه .. في رأيي حرام عليهم اعراض الناس وبالنسبة لنساء غي يعسو رواحهم انا نعقل كانت المرأة تقول نلقا راحتي وتقول نتصرف نورمال خاطرش رانا جماعة نساء مي انا نقول راه جاء الوقت وين جاو لي يخسرو جماعة النساء .. ما يخافوش ربي يبهدلو ببنات الناس .. كاين لي ماترضاش وتتحملش ... مرة اخرى شكرا لكي لطرح الموضوع ​

 

[ليليا مرام]

رد: ردي بالك .... الضر حتى من طفلة كيفك

li bghat telbess w techteh troh l darha, mich excuse la kona nssa fi nssa yehessbou rwahom ghir les enssembles w l hala
saha 3erss techteh telbess bssah quand mm fel ma39oul mich lebssa koun ychouf abb bentou lebssetha ykharedjha men daro !!!

ama pr ce qui est video w photo bnet maya3erfouch kelmet la vie privé w l ihtiram, 3jebha caftan saha tdemandi moulatou w tssawrou sans visage makan leh tesre9 hakdek...

3andna au lieu ki tofla tchouf rohaa sur internet troh deposi pleinte techki tchouf kifeh wasslet them, tweli tkhaf ghir maychoufhach khoha wala familet comme si getlet wala kafret !!!
koun ness tefhal tahbess had l hadja
​

السلام عليكم اختي
اول شي حنا اكيد مارانش موافقين انو نسا مع نسا يلبيسو المفضوح ويشطحو شطيح الكباريهات ولكن ماراهش هذا موضوعي انا نحكي على البنات اللي يدو تصاور النسا هذو ويحطوهم فالنت حتى لو لبست هكذا فلاصال ما يمدش الحق لاخرى تفضحها لانو ممكن تكون مرت راجل وراهي بنت ناس ما نلموش حنا لبستها الغلطة الافضح نتاع اللي صورتها مش الغلطة فيها
هذا هو راكي قلتيها لو كل وحدة تخاف على تصاورها تخاف على بنات الناس لانو كيما دير يندارلها مي الناس انانيين وقلوبهم قاسحين
الله يهديهم شكرا لك

 

[ليليا مرام]

رد: ردي بالك .... الضر حتى من طفلة كيفك

راها مريم قالتلي كاين قسم مخصص للجرائم الالكترونية ... يشتكو بيهم بلاك يحشمو على رواحهم و الله يهدينا و يهديهم

السلام عليكم اهلا وسهلا اختي
نعم كاين قسم فالدرك تسمى قسم الجريمة الالكترونية ومهمتهم الامور هذي شوفي مرة كان عدي فايس وواحد الجون يهددني يقولي ندي التصاور من الميكرو وندير وندير رحت انا ديركت قدمت فيه شكوى وجابوه وين يسكن لولا انو لقيتو صغير ومجرد كان يلعب واهلو حلوني لو راني قدمتو للمحاكمة انا ما نسكتش هكذا ما يعاودهاش لا هو ولا غيرو سكوتنا شجعهم
شكرا لك

 

[ليليا مرام]

رد: ردي بالك .... الضر حتى من طفلة كيفك

السلام عليكم و رحمة الله تعالى و بركاته شكرا لكي لطرح الموضوع الصراحة كامل عندك وشكرا لطرحك هذا الموضوع الحق تلقي ناس مشي من اهل العرس ماسكين البورتابلاتهم و يصوروا في العراسين .. وهنا يطرح السؤال واش رايحين يديروا بالفديو .. يعني عجبها العرس حتى راها تصور فيه .. في رأيي حرام عليهم اعراض الناس وبالنسبة لنساء غي يعسو رواحهم انا نعقل كانت المرأة تقول نلقا راحتي وتقول نتصرف نورمال خاطرش رانا جماعة نساء مي انا نقول راه جاء الوقت وين جاو لي يخسرو جماعة النساء .. ما يخافوش ربي يبهدلو ببنات الناس .. كاين لي ماترضاش وتتحملش ... مرة اخرى شكرا لكي لطرح الموضوع ​

السلام عليكم اهلا وسهلا اختي نورتيني
نعم فعلا قلت نقطة مهمة كنا نخافو من الرجال مي رجع اليوم التهديد من النسل قريب يرجعو يصورو فالجنازات الله يهدينا يا رب
شكرا لك نورتيني وبارك الله فيك

 

[ام أمينة]

رد: ردي بالك .... الضر حتى من طفلة كيفك

يعطيك الصحة موضوع شباب بزاف و هام جدا
يعطيها الصحة الاخت هبة على الفكرة

و الله تفكرت عندها وحد 4 ايام وصلتني انفيتاسيون لواحد العرس دايرينو في صال ديفات
و في اسفل كاتبين بالفرنسية
ممنوع اصطحاب الاطفال
ممنوع احضار الهواتف النقالة التي تحتوي على الة التصوير

و الله عجبتني الفكرة و لوكان كامل نطبقوها بالاك ينقص العجب لي راه صاري فالبلاد
لي تطلق على جال تصويرة تدور فالنت و هي لا ذنب لها في ذلك

ربي يجيب الخير
تحياتي
​

 

[ليليا مرام]

رد: ردي بالك .... الضر حتى من طفلة كيفك

يعطيك الصحة موضوع شباب بزاف و هام جدا
يعطيها الصحة الاخت هبة على الفكرة

و الله تفكرت عندها وحد 4 ايام وصلتني انفيتاسيون لواحد العرس دايرينو في صال ديفات
و في اسفل كاتبين بالفرنسية
ممنوع اصطحاب الاطفال
ممنوع احضار الهواتف النقالة التي تحتوي على الة التصوير

و الله عجبتني الفكرة و لوكان كامل نطبقوها بالاك ينقص العجب لي راه صاري فالبلاد
لي تطلق على جال تصويرة تدور فالنت و هي لا ذنب لها في ذلك

ربي يجيب الخير
تحياتي
​

السلام عليكم أختي اهلا وسهلا نورت المكان
شكرا على رأيك الكريم والشكر موصول لأختنا هبة هي طرحت الفكرة علي
انا عجبتني الفكرة اللي فالانفيتاسيون عندهم الحق يا اختي ما بقاش امان رجعو نسا رجال يلقاو رواحتيهم فالنت اييه الغنا حرام وكذا وكذا مي ما يعطيش الحق انهم يصورو الناس ويحطوهم فالنت وتعاليق والله قلبك يضرك وكاين بيوت تخربت وبنات هربو من الدار بالسبة هذي
الله يهديهم شكرا لك نورتيني