السلام عليكم يا جماعة الخير صبباحكم فل ويسمين ان شاء الله راكم بخير
اليوم حبيت نحكو على سوجي ان شاء الله يعجبكم
اليوم يا جماعة جيت نحكي على حاجة معينة بما انو الربيع والصيف على الابواب
ولما نقولو الربيع والصيف معناها لاعراس
ولما نقولو لاعراس نروح نحكي على
ليصال ديفات
زمان كنا نديرو العرس برا عند الباب الباش ويقطعو الحومة ويرتبوها ويرتبو لاسانت وين تتصدر العروسة وكانو الاعراس ماشاء الله الناس كامل تفرح وكانهم دار وحدة كانت المرا لما تتزوج او الراجل الحومة سمانة وهي في فرح كبير بالصغار بالكبار
ضرك من خرجونا بعفسة صال ديفات ولو فيها اجابيات مي الصراحة الموضة هذي جرت وراها بزاف امور
اول شي الغلا كاين صالات وصلو فالعاصمة لل 20 مليون وكاين قالك نتاع 50 مليون تقولي راح يزيدولهم كلى معاها بونوس
اييه الرخيصة كامل ب 15 مليون ساعات وطبّق قشك وارفد ناسك وروح حتى يدخلو ناس اخرين
الطفلة ضرك تحشر والديها فالزاوية ولازم لاصال وصحبتي فلانة وصحبتي علانة
هي من ناحية التنظيم صح لاصال خير من الدار بزاف على الاقل الواحد يقفل دارو ويروح يكمل عرسو ويرجع تبقى الدار على حالها
ومن ناحية العرس يكون انيق لاصال افضل مي يا جماعة 15 و 20 مليون راهم دراهم انا عن نفسي والله نديرهم سلسلة تبقالي للعقوبة لانو العرس يخلاص وكل شي يروح قادرة ندير غير عشا نورمال ما يهمنيش كلام الناس او نشوف لفلانة وفلانة المهم انا وقناعاتي
الراجل ما يهتمش بالامور هذي المهم مع صحابو ويفرح ويفوت عرسو مع احبابو عكس النسا
وحتى الراجل مش هو يخطط اما اهلو يماه تحب لاصال أو خطيبتو ترفض يديرلها عرس فدارهم مع انو مش من حقها تتحكم فاهل العريس وين يديرو
انا الصراحة نشوف لاصال من ناحية مليحة من ناحية التنظيم ولو راح يكون فيها ذراري وترجع ستاد مش لاصال ديفات
ومن ناحية نشوفها تبذير وغالية بزاف وزيد من خرجو الصالات خرجو بالديجي والغنا والشطيح والرديح والهبال ومنو للتصاور للكوارث
تزوجتو ودرتو الاعراس خبروني كيفاه كانو عراسكم وواش تحبو
واللي مازال ما تزوجوش او خاطبين يخبروني على رايهم
وكل واحد يخبرنا بعاداتهم وين يسكن يعني اذا يديرو الصالات او لالا واذا امكن خبرونا بالسعر شعال يكرو عندكم الصالات
انا هنا وين نسكن تيبازة اغلب الصالات من 12 حتى 15 مليون اغلى صالة ب 20 مليون
مع العشا مش هوما يديرو العشا لالا يعني نعشو فيها الناس الرجال وبعدو يتعشو النسا يعني تقريبا يوم كامل من صباح حد 11 نتاع الليل
وكاين صالات يديرو نوع نتاع قاطو مع لاتاي هذا من عندهم
واكيد ليسيرفوز تابعين لاصال يعني هوما يكتفلو بتقديم الحلويات والاشراف على العرس حتى فتقديم العشا لبنات عند النسا وليجون ليسيرفور عند الرجال
واش رايكم نتوما الموضوع ليكم
اليوم حبيت نحكو على سوجي ان شاء الله يعجبكم
اليوم يا جماعة جيت نحكي على حاجة معينة بما انو الربيع والصيف على الابواب
ولما نقولو الربيع والصيف معناها لاعراس
ولما نقولو لاعراس نروح نحكي على
ليصال ديفات
زمان كنا نديرو العرس برا عند الباب الباش ويقطعو الحومة ويرتبوها ويرتبو لاسانت وين تتصدر العروسة وكانو الاعراس ماشاء الله الناس كامل تفرح وكانهم دار وحدة كانت المرا لما تتزوج او الراجل الحومة سمانة وهي في فرح كبير بالصغار بالكبار
ضرك من خرجونا بعفسة صال ديفات ولو فيها اجابيات مي الصراحة الموضة هذي جرت وراها بزاف امور
اول شي الغلا كاين صالات وصلو فالعاصمة لل 20 مليون وكاين قالك نتاع 50 مليون تقولي راح يزيدولهم كلى معاها بونوس
اييه الرخيصة كامل ب 15 مليون ساعات وطبّق قشك وارفد ناسك وروح حتى يدخلو ناس اخرين
الطفلة ضرك تحشر والديها فالزاوية ولازم لاصال وصحبتي فلانة وصحبتي علانة
هي من ناحية التنظيم صح لاصال خير من الدار بزاف على الاقل الواحد يقفل دارو ويروح يكمل عرسو ويرجع تبقى الدار على حالها
ومن ناحية العرس يكون انيق لاصال افضل مي يا جماعة 15 و 20 مليون راهم دراهم انا عن نفسي والله نديرهم سلسلة تبقالي للعقوبة لانو العرس يخلاص وكل شي يروح قادرة ندير غير عشا نورمال ما يهمنيش كلام الناس او نشوف لفلانة وفلانة المهم انا وقناعاتي
الراجل ما يهتمش بالامور هذي المهم مع صحابو ويفرح ويفوت عرسو مع احبابو عكس النسا
وحتى الراجل مش هو يخطط اما اهلو يماه تحب لاصال أو خطيبتو ترفض يديرلها عرس فدارهم مع انو مش من حقها تتحكم فاهل العريس وين يديرو
انا الصراحة نشوف لاصال من ناحية مليحة من ناحية التنظيم ولو راح يكون فيها ذراري وترجع ستاد مش لاصال ديفات
ومن ناحية نشوفها تبذير وغالية بزاف وزيد من خرجو الصالات خرجو بالديجي والغنا والشطيح والرديح والهبال ومنو للتصاور للكوارث
تزوجتو ودرتو الاعراس خبروني كيفاه كانو عراسكم وواش تحبو
واللي مازال ما تزوجوش او خاطبين يخبروني على رايهم
وكل واحد يخبرنا بعاداتهم وين يسكن يعني اذا يديرو الصالات او لالا واذا امكن خبرونا بالسعر شعال يكرو عندكم الصالات
انا هنا وين نسكن تيبازة اغلب الصالات من 12 حتى 15 مليون اغلى صالة ب 20 مليون
مع العشا مش هوما يديرو العشا لالا يعني نعشو فيها الناس الرجال وبعدو يتعشو النسا يعني تقريبا يوم كامل من صباح حد 11 نتاع الليل
وكاين صالات يديرو نوع نتاع قاطو مع لاتاي هذا من عندهم
واكيد ليسيرفوز تابعين لاصال يعني هوما يكتفلو بتقديم الحلويات والاشراف على العرس حتى فتقديم العشا لبنات عند النسا وليجون ليسيرفور عند الرجال
واش رايكم نتوما الموضوع ليكم
آخر تعديل:
