السلام عليكم يا جماعة اهلا وسهلا بي واهلا بيكم عندي
اليوم يا جماعة راح نحكو على سوجي من العنوان ما تنخلعوش
ايييه انا نحب الدراهم
كيما قال خونا هشام هشام ستوب وما تتوسوسو ما والو ما تقولو ليليا واشبيها جات تقول نحب الدراهم
على خاطر كلكم تحبو الدراهم وشكون يقول انا ما نحبهمش مي ارواحو تعرفوني علاه نحبهم
زمان كانو يقولو الصحة ما تتشراش بالمال ..... انا جربت ونقولكم تتشرا بالمال ما تبراش مي دير المستحيل العلم طوّر والطب فكل البلدان طور غير هنا راهم يرجعو لايام البدائية والعلاج بالاعشاب وباه تروح للخارج اقل شي معاينة برك انا فسفر واحد للترك 45 مليون واخر مرة للادرن ب 25 مليون ووالو مجرد تحاليل واشعات ومعاينات وخلي الدوا ب 25 مليون
والعمليات ما نحكيش من 300 مليون للفوق ماكانش عملية اقل يعني عندك داوي ما عندكش روح تموت ويا ريت تموت نورمال حتى الموت ممكن ما عندكش حق الكفن
بابا حاب لبسى جديدة ايييه وليدي كي نخلص
بابا حابة ناكل الحوت .... ايه بنتي اصبري
بابا كرطابي تقطع .... معليش اولدي اصبر نشريلك الجديد
نديكم تحوسو وتاكلو وتلبسو وتشبعو .... اب يونوس فولادو لانو مش قادر يوفرلهم ابسط شي يحب الدراهم اكيد
انا جون وركزو على كلمة جون اييه عندي 48 سنة فعمري حاب ومتمني نتزوج وندير دار وندير عايلة ميي
مانيش خدام ولو خدمت نخلص يا ربي مليون نروح نخطب 20 مليون صداق و 20 مليون ذهب او اكثر و 20 مليون للعشا وغيرو ايييييييييه ضرك كامل يقولولي قادر يدير غيرر عشا اييييه والمهر والذهب نتاعها المهم العرس لازم اقل اقل شي 40 مليون تكون على جنب ماعناها عمي مول 48 زيد اجلها شوي ل 68 وكان مت معليش كاين حور العين راهي تستنى فيك يونوسو روحهم بحور العين ..... اكيد هذا يحب الدراهم
نخرج نحوس خدمة كاش ما ينوب عليا ربي نقلب جيبي نلقى 20 دج زعمى توصلني وترجعني نروح غير هنا نلقى خدمة
ندورو ندور واللي نقولو يشوف فيا لابس سروال نتاع 40 الف يوقولي ماكانش لازم نحفف التحفيفة راهي ب 40 ميل للرجال او اثكر لازمني سروال يدير 500 ولازمني ريحة تتشم من التالي ما يهمش نكون قاري المهم يشوفني يقول كلاص
يمدلي الخدمة وحتى هذو لازم باه نتكسى لازمني 2 ملاين باه يخدموني يعني باه نجيب دراهم لازمني دراهم ..... كيفاه نكرهم
بابا مريض فالدار او يمى للازم طبيب ما يقدروش يمشو لازمني طاكسي والطاكسي بالدراهم وخلي يستنى يطلع الكونتور
ولافيزيت ب 100 ميل الدوا قالو طارت شفا باطل ياااااااااااو قييييييييييو نص الدوا يقولك ما يرونبورصاش معناها باه داوي مريض لازملك دراهم فالدار ....... كيفاه ما نحبش الدراهم
جاري اليوم مشنف عليا ما قاليش صباح الخير ولا شاف علاه على خاطر جا يسلف وقتلو ما عنديش اييييه صح ماعنديش معناها لو عندي هو يسبق يقولي صباح الخير
دخلت للبلدية نخرج اوراق اوتلاقيت مع فلان شكار دراهم والرانج مقاريا برا... المير ... اهلا اهلا سي فلان وعلاه شقيت روحك كنت قاع ما تشقاش تعيط برك ويا سيدي بيبي برك لاه جيت كنت انا نعاودلك قولي واش تحتاج نشوف فيه انا نقولو الورقة الفلانية منين يقطع نص الهدرة روح للقيشي يمدولك رونديفو لو تحب تقابلني شوف مع خدامين الغيشي اسمحلي
............ ايييه كيفاه ما نحبش الدراهم
وخلي وخلي وين نروح تسمع كلمة الدراهم نداوي نتزوج نخرج اوراق مع جاري الدنيا كلها ورقة راهي هي اساس الحياة
انا عن نفسي اييه لو كاين دراهم راني داويت حاجة ما تهمني اهم من صحتي كل شي يروح ويندب وما يهمنيش وما يغرينيش
ما يهمونيش الناس يديرولي قيمة انا نديرها لروحي
ما يهمنيش جاري يقولي صباح الخير يزيدها فروحو بالناقص
ما يهمنيش المير يستقبلني او لا استقبلو عزرين المهم انا نقضي اموري لا رشوة ولا شي حقي فالبلاد كيما هوما حقهم نخرج اوراق ونخدم وندير وندير بلاما نشريهم بدراهمي
همي صحتي صح نحب الدراهم لانو في مكان ما فالدنيا راهي كاين مكان نبرا فيه مي باه نوصل لازم دراهم
جسر نتاع دراهم بين الواحد وصحتو وبين الراجل وحلمو انو يولي اب ويدير دار
الدراهم بالنسبة لاب ولادو يجوعو قدامو حاجة كبيرة
لام تشوف ولدها معاق او مكفوف ومحتاج امور من حقو لازم دراهم حتى يتوفرو
الدراهم صح ضروريين واللي يقول هكذا راه كذاب
احنا ماديين نعم لانو ماراهش هذي مادة هذي حقوقنا
شكرا لكم الخط ليكم
اليوم يا جماعة راح نحكو على سوجي من العنوان ما تنخلعوش
ايييه انا نحب الدراهم
كيما قال خونا هشام هشام ستوب وما تتوسوسو ما والو ما تقولو ليليا واشبيها جات تقول نحب الدراهم
على خاطر كلكم تحبو الدراهم وشكون يقول انا ما نحبهمش مي ارواحو تعرفوني علاه نحبهم
زمان كانو يقولو الصحة ما تتشراش بالمال ..... انا جربت ونقولكم تتشرا بالمال ما تبراش مي دير المستحيل العلم طوّر والطب فكل البلدان طور غير هنا راهم يرجعو لايام البدائية والعلاج بالاعشاب وباه تروح للخارج اقل شي معاينة برك انا فسفر واحد للترك 45 مليون واخر مرة للادرن ب 25 مليون ووالو مجرد تحاليل واشعات ومعاينات وخلي الدوا ب 25 مليون
والعمليات ما نحكيش من 300 مليون للفوق ماكانش عملية اقل يعني عندك داوي ما عندكش روح تموت ويا ريت تموت نورمال حتى الموت ممكن ما عندكش حق الكفن
بابا حاب لبسى جديدة ايييه وليدي كي نخلص
بابا حابة ناكل الحوت .... ايه بنتي اصبري
بابا كرطابي تقطع .... معليش اولدي اصبر نشريلك الجديد
نديكم تحوسو وتاكلو وتلبسو وتشبعو .... اب يونوس فولادو لانو مش قادر يوفرلهم ابسط شي يحب الدراهم اكيد
انا جون وركزو على كلمة جون اييه عندي 48 سنة فعمري حاب ومتمني نتزوج وندير دار وندير عايلة ميي
مانيش خدام ولو خدمت نخلص يا ربي مليون نروح نخطب 20 مليون صداق و 20 مليون ذهب او اكثر و 20 مليون للعشا وغيرو ايييييييييه ضرك كامل يقولولي قادر يدير غيرر عشا اييييه والمهر والذهب نتاعها المهم العرس لازم اقل اقل شي 40 مليون تكون على جنب ماعناها عمي مول 48 زيد اجلها شوي ل 68 وكان مت معليش كاين حور العين راهي تستنى فيك يونوسو روحهم بحور العين ..... اكيد هذا يحب الدراهم
نخرج نحوس خدمة كاش ما ينوب عليا ربي نقلب جيبي نلقى 20 دج زعمى توصلني وترجعني نروح غير هنا نلقى خدمة
ندورو ندور واللي نقولو يشوف فيا لابس سروال نتاع 40 الف يوقولي ماكانش لازم نحفف التحفيفة راهي ب 40 ميل للرجال او اثكر لازمني سروال يدير 500 ولازمني ريحة تتشم من التالي ما يهمش نكون قاري المهم يشوفني يقول كلاص
يمدلي الخدمة وحتى هذو لازم باه نتكسى لازمني 2 ملاين باه يخدموني يعني باه نجيب دراهم لازمني دراهم ..... كيفاه نكرهم
بابا مريض فالدار او يمى للازم طبيب ما يقدروش يمشو لازمني طاكسي والطاكسي بالدراهم وخلي يستنى يطلع الكونتور
ولافيزيت ب 100 ميل الدوا قالو طارت شفا باطل ياااااااااااو قييييييييييو نص الدوا يقولك ما يرونبورصاش معناها باه داوي مريض لازملك دراهم فالدار ....... كيفاه ما نحبش الدراهم
جاري اليوم مشنف عليا ما قاليش صباح الخير ولا شاف علاه على خاطر جا يسلف وقتلو ما عنديش اييييه صح ماعنديش معناها لو عندي هو يسبق يقولي صباح الخير
دخلت للبلدية نخرج اوراق اوتلاقيت مع فلان شكار دراهم والرانج مقاريا برا... المير ... اهلا اهلا سي فلان وعلاه شقيت روحك كنت قاع ما تشقاش تعيط برك ويا سيدي بيبي برك لاه جيت كنت انا نعاودلك قولي واش تحتاج نشوف فيه انا نقولو الورقة الفلانية منين يقطع نص الهدرة روح للقيشي يمدولك رونديفو لو تحب تقابلني شوف مع خدامين الغيشي اسمحلي
............ ايييه كيفاه ما نحبش الدراهم
وخلي وخلي وين نروح تسمع كلمة الدراهم نداوي نتزوج نخرج اوراق مع جاري الدنيا كلها ورقة راهي هي اساس الحياة
انا عن نفسي اييه لو كاين دراهم راني داويت حاجة ما تهمني اهم من صحتي كل شي يروح ويندب وما يهمنيش وما يغرينيش
ما يهمونيش الناس يديرولي قيمة انا نديرها لروحي
ما يهمنيش جاري يقولي صباح الخير يزيدها فروحو بالناقص
ما يهمنيش المير يستقبلني او لا استقبلو عزرين المهم انا نقضي اموري لا رشوة ولا شي حقي فالبلاد كيما هوما حقهم نخرج اوراق ونخدم وندير وندير بلاما نشريهم بدراهمي
همي صحتي صح نحب الدراهم لانو في مكان ما فالدنيا راهي كاين مكان نبرا فيه مي باه نوصل لازم دراهم
جسر نتاع دراهم بين الواحد وصحتو وبين الراجل وحلمو انو يولي اب ويدير دار
الدراهم بالنسبة لاب ولادو يجوعو قدامو حاجة كبيرة
لام تشوف ولدها معاق او مكفوف ومحتاج امور من حقو لازم دراهم حتى يتوفرو
الدراهم صح ضروريين واللي يقول هكذا راه كذاب
احنا ماديين نعم لانو ماراهش هذي مادة هذي حقوقنا
شكرا لكم الخط ليكم
