الخطبة عادت بالميلكا والسنيكرز ولامتقبل ست الحسن والجمال

[أم الأولاد]

السلام عليكم ورحمة الله وبركاته

وحشتوني وحشتوني

عارفة روحي محبوبة الجماهير أنا
أنا نجمة أنا من غيري أنا
stop
shut up

خلاص راني شاتابيت

ودرك نرجعو للموضوع
أيا جبتلكم وحد العفسة خرجت جديدة
قالك ياسيدي كي عادو يخطبو العروسة يدو معاهم صينية
معمرة بشيكولة ميلكا

وحدة حبيبتي قاتلي راهي لامود

ولي ميدولهاش الشيكولا يتسماو مامش حابينها

وصينية اخرى ميلونج بانواع شيكولاطات متنوعة
كيما كيت كات وجماعتها

وصينية أخرى فيها لافامي تويكس وسنيكرز وجماعتها

و يدو 4 صنينيات قاطو من افخم القاطوات جوز ولوز
وجماعتهم
زعم هاذم عادات كانت موجودة من قبل
القاطو وسلة الماكياج والصبابط واللبسة والبوكي دوفلور ولاطارت والخاتم

وسلة فيها شوي كوكاو وحلوى تاع بكري تاع الدراجي ولاواش يسموها لكن دروك بدلوها بالشيكولاطات

حكيت لخطيبي على هذا الجديد قتلو انت مجبتليش الشوكولوطات
دبر راسك نعاودو من جديد
الشوفة والخطبة

قالي خوذيلك سنيكرز في أحلامك أحسنلك

يعني منشوفش فيها حاجة منطقية
انو الراجل كي يروح يخطب
يخسر دراهمو في انواع تاع شوكولاطة
اضافة الى واش يصرفو في ما يسمى بالشوفة
لي من المفروض تكون حاجة خفيفة برك
راه راح يشوف مع عايلتو
ممكن تصلح ممكن متصلحش
وتروح سنيكرز في مهب الريح هههه

احرز روحك ياللماوي الخطبة عادت بالميلكا والسنيكرز اجمل دراهمك مليح

في امان الله
​

 

[Skor m@k]

رد: الخطبة عادت بالميلكا والسنيكرز ولامتقبل ست الحسن والجمال

السلام عليكم
لي عودة للرد على الموضوع
شكرا​

 

[Malika Tlm]

رد: الخطبة عادت بالميلكا والسنيكرز ولامتقبل ست الحسن والجمال

هههههههههههههههههههههههههههه
السلام عليكم
واسم هدا كل مرة يجيبدو عادة
لالا هدي ماشي عادة مليحة سينية ميلكا وسنيكرز وووووووو
وهدي واش تكون باش غي فالخطبة يروحلها كامل هاد الشي عيب وحرام علابيها ربي مراهش يسخرلهم التبدير يقلع من النهار الاول هههه ربي معاكم يا لي جون نتاعنا
بصح تعرفي لوكان الناس متبعهمش والله تنقص بصح دروك تشوفي وحدة رايحة تخطب لوليدها وهي مسكينة وتقولك لالا جارتي تاني دات ميلكا بنت عمتي وووووو لالا حنا لازم نقاطعو هاد العادات الدخيلة
صح انا نعرف بلي فالاخطبة يدي حاجة حلوة معاهم كيما حنا فتلمسان يديو طرطة نهار الخطبة وخلاص
واسم نقولك يا الحبيبة رانا غي نزيدو نشوفو ايا من هنا رانا ناشدوكم يا لي جون كترو ميلكا باش تخطبو ههههه
ربي يهدينا لطريق الخير
ربي يسخر لعبادو
يارب يجيبلنا ساعة خير يارلاب
ومتنسايش تشوفي ميلكا فاحلامك كيما وصاك خطيبك ربي يسخرلك
تحياتي​

 

[فيتامين سي]

رد: الخطبة عادت بالميلكا والسنيكرز ولامتقبل ست الحسن والجمال

حبوبتي اخطبوط كالعادة مع مواضيعها الشيقة في عالم البحار
عالم البحار نضن شريط شايفاته في جزيرة
عجبتني الفكرة من عند الباب كاين الشكلاطات و الحلويات و الgاطويات تفضلو مكانش تاني مكانش
نلعب ولا نحرم
نعقل كانو يجيبو حبة ميلفاي و و حبات من بنات عمها كل وحدة دوق يروح الخاطب يخلي نار شاعلة انا ندي تاع فراس انا ندي المدورة تاع الشيكولة واحد مياكلها ههههههههه
درك شكلاطات
تفكرت على هدي مرةفي عالم الفاسخوخات شفت صور لخطبة ليبية
جايبينلها مرشي كومبلي نضن من نتم كانت الفكرة
ربي يهدينا برك مي والله فكرة عجبتني سيرتو يجوك 5
كل واحد 5 سينيات *5
25 سينية نولي محبوبة خواتاتي ههههههههههه
ربي يسخرلك حبيبتي و يكملك بالخير

 

[شاعرة الأمل]

رد: الخطبة عادت بالميلكا والسنيكرز ولامتقبل ست الحسن والجمال

اهلا يا غاليتي يا قرش البحر أه صوري يا عروسة البحر
غلطت ومن حقي لانو انا نعشق الشكلاطة وكي شفتها رجعت حريرة يا بنت الناس
والله غير حرام عليهم ..كلو تبذير ..ومعاندة
وهوما سباب العنوسة لي راهي كترت
والله الشباب ماعندوش والشابات الحلوات االامورات يتشرطو
راكم مرgتوها يا ناس ..:down:
لامود فالشوفة والخطبة ..زمان كانت وردة حمرا وحبة ملفاي وطرف صابون تاع بالموليف ولا تست ومشوار
وعطي الريح لكرعيك ...ويلا ماقبلتش يتنشر خبرها فالعالم
وضرك كامل هاد الشكيل والمصاريف الزايدة ويلا قبلت ...شكون هادي وبنت من؟
والله غير حرام عليهم وراني ضد هاد الشكيل على الرغم من انو عاشقة للشكولاطة
مشكورة عالموضوع وربي يكملك فالخير ويهنيك ان شاء الله
تقبلي مروري​

 

[ضآحكة مستبشرة]

رد: الخطبة عادت بالميلكا والسنيكرز ولامتقبل ست الحسن والجمال

السلآم عليكم اختي
ههههههههههه فخونشمون قتلتيني بالضخك
بيناتنا احنا هاد لآمود مزآل موصلتش لعدنا و احنا اصلا في عوايدنا نهار الشوفة نديرو قضيان خفيف { سكر و قهوة تفاح و بنان و كآش جــي } و مبعد اذا عجباتو لعروس يمدلها دراهم
اما الباقي لي راكي تحكي عليهم هادوا عاد ندوهم في الخطبة لكن موش الشوكولاطات
نديو بوكو دوفلوغ مع لابياس مونتي مع الجهاز و سنيوة حلوة تكون مخدومة مليح باللوز ولا كاش مكسرات
و الخاتم برك


مي هاد تاع الشكولاطات تبانلي بلي غير زيادة و مفيهاش فايدة لانو الراجل لي رح يخسرها في الحلاوي جي بخيفاغ يزيدهالها دراهم تعاون بيهم العروسة روحهآ خير
لانو تبذير و متصلح لوالو غير للاكل حتى انهــــآ تساهم في عملية السمنة لدى العروس هههههههه


شكرا اختي على الموضوع الرائع بصراحة عجبني الموضوع بزآف لكن فكرة سنيكرز و ميلكا و مشتقاتهم غير مكلاه نحكي لانها لم ترق لي ابدا

تشكرآآآآآآآاتنا لكي اختآه​

 

[ليليا مرام]

رد: الخطبة عادت بالميلكا والسنيكرز ولامتقبل ست الحسن والجمال

السلام عليكم الروكا
علاه راهي لامود يخطبو من لاكريش امممم يعني يخطبها فلاكريش ويدفع المهر فالبريمار ويعقدو فالسويام ويديها فالليسي ويطلقها فالجامعة مليحة وعلاه هذو اللي يدو شوكولا راحين يخطبو وحدة فعمرها 3 سنين حنا لو يجيبوها نحاوزوهم بيهم بوليدهم واش التمسخير هذا يسموه لعب الذراري العجب راه يخرج انا شفنت فيريرو روشيه يستقبلو بيه اهل الخطيب في سنيوة عند الباب والريحة هذي ايه يعني حاجة كلاص ويحمرو وجهم قدام ضيافهم مسش انو هوما يجيبو الشيكولا التمسخير فحد ذاتو شكون دورا هذي اللي خترعتها ما تقوليليش انت وااااااااااااااع لو خطبوك هاكا شوفي نظنمنلك عرسك راج يكون فال آم بي سي 3 هههههه
الناس راهي غير تعجب بروحها يجو يكحلوها يعموها
روكا بالشوي عليك

 

[لؤلؤة قسنطينة]

رد: الخطبة عادت بالميلكا والسنيكرز ولامتقبل ست الحسن والجمال

السلام عليكم عروسة البحر
واش احوالك؟ لاباس؟؟
ههههههه رانا علابالنا بلي محبوبة الجماهير وشكون يجي في بلاصتك يعني :$
هيا نوليو للصح هههه، والله هاد العادة البوكيمونية بدات تظهر عندنا وشفتها اول مرة فأحد اقربائي نهار راح يعقد
ماكفاش خاتم ذهب ولي كادو والقاطو والورد زاد شرالها زوج بايط تاع "فيريرو روشي " حتى كي سمعت شبعت ضحك
وفي الاخير قبل شهر من زواجهم طيشتو وداتلو كلشي بالذهب والكادوات والقش (غاضتني غير فيريرو مسكينة )
ويستاهل صراحة خاطر نستغرب ساعات في الرجال ماش في النساء، خاطر حاب تكرم مرتك كي تجي لدارك اتهلا
فيها ولبسها واشريلها حتى متجر تاع شوكولا ماش تبدا تنعت في روحك وهادي سلة كيت كات وسلة كيندار
وسلة ميلكا (اكديلي على ميلكا كراميل قلبي الصغير لا يتحمل ههههه) واصلا لي تشرط عليك انواع شوكولا
وتخسرلك دراهمك في تفاهات تاكلهم هي من بعد مع عايلتها ونتا تعرق ليل ونهار باه تدبر دراهم العرس وكلشي
هادي ماتستاهلش تكون زوجتك خاطر لي تكون زوجتك وتخمم عليك تخمم للبعيد وتفكر في واش يخليها تبني
معاك مستقبل ماش تخمم عند خشمها برك وتبين روحها قدام صحاباتها وخطيبي جابلي وجابلي ومن بعد المحكمة تعيط
يعني هادي ماش من عاداتنا ولا قال عليها الدين تاعنا، اصلا الزواج علاقة مهمة تربط بين شخصين ومبنية على اسس
صحيحة كيما كنا نشوفو بكري مهر بكلام الله سبحانه وتعالى وين كانت المرأة عزيزة وكانت الناس تبدا حياتها على كلام ربي
ودركا تبدا على ميلكا على هادي من بعد تذوب كيما ميلكا بعد هههههه
ربي يهدينا برك وربي يعافينا من مثل هاد الشبهات لي ماعندها حتى علاقة بالزواج
شكرا حبيبتي على الموضوع الرائع ربي يحفظك واذا كاشما جابولك ميلكا ماتنسايش ختك ههههه
تحياتي
​

 

[شتيلا]

رد: الخطبة عادت بالميلكا والسنيكرز ولامتقبل ست الحسن والجمال

ههههههه الله غير هبال
راني خايفة عليهم من الشحمة الثلاثية والسكر وووووو
المجتمع جن

 

[بنقابي افتخر]

رد: الخطبة عادت بالميلكا والسنيكرز ولامتقبل ست الحسن والجمال

وعليكم السلام
هدي جديدة وزيد قاتلهم ارقدو ونا نغطيكم يعني البار عاجبهم
ولا حمو زين وجاته حبه في العين ههههه على قولت ابي. الله يخليهلي ا هههههه
لوكان جا وليدي نقولو خليها تقعد تم وتشبع البار
ولا تشبع تشيكولا. آه صايي فهمت باينا لامود نتاع العام لي فات خرجت كلة التشيكولا. سور راكم شافيين عليها اممممم فهمت
قالها وحصلنا معاه لوكان غير قال. تقوفريط على وزن بن غبريط خخخخخخخ
​

 

[Hakan]

رد: الخطبة عادت بالميلكا والسنيكرز ولامتقبل ست الحسن والجمال

شبعها شيكولا ومن بعد يا اما اسنان مسوسة يا اما طفلة صاحبة وزن ثقيل
ياي الخرطي نتاع الخطاابة هذا ولعب الاطفال واحكام المراة اللي ما هيش حابة تستقيم
يعني والله رانا في مجتمع كل يوم يزيد يعقد لحلال
الطفلة اللي ترضى باش يجيبلها صاحبها الغير شرعي حبة شيكولا وتخبيها وتوريها لكامل صحاباتها
ونهار يكون الحلال تحاسبو على مصنع ميلكا هاذي ماهيش طفلة والعايلة اللي تقبل بهكذا امور مع بناتهم ما يشرفناش ناسبوهم
ربي يجيب الخير شكرا خيتو ..الواحد عمرو كاامل وهو يشقى ويحرم نفسو من ابسط الاشيااء ومن بعد تجي لالة دوموندي
سنيوية نتاع شيكولا لا لا انا نقولها ريحي ريحي الشيكولا اللي تحبي تاكليها تاكليها معايا
اما الاشياء الاخرى والله ما تشوفيها سلاام ..
​

 

[صاحب الظل]

رد: الخطبة عادت بالميلكا والسنيكرز ولامتقبل ست الحسن والجمال

من النهار الاول شيكولا.....توكل لي يقتل

هذيك هيا اولها عسل و اخرتها بصل ههههه

 

[حاملة القرءان]

رد: الخطبة عادت بالميلكا والسنيكرز ولامتقبل ست الحسن والجمال

هذي جديدة طفرت غير فيا ، الخطاب لي يجني يعرف غير الباتيسري نص الديكور لاصق الفوق

أيا من وغادي نشرط شروطي في الخطبة ، بصح راني مع الزوالية يجيبلي غير "الكلخ" حلوة الربيع برك

وأما الميلكا لاعاد لاباس بيه ماشي مانع هههههههه

 

[زهرة اللمة]

رد: الخطبة عادت بالميلكا والسنيكرز ولامتقبل ست الحسن والجمال

هههههههههههههههههههههههه

يعطيك الصحة و الله مواضيعك تعجبني بزااااف :love01: :love01:

انا واش نقول تعيش تشووف

يادرة واش كاين مور ميلكا :love01:

 

[آمِيْرَتُه]

رد: الخطبة عادت بالميلكا والسنيكرز ولامتقبل ست الحسن والجمال

السلام عليك
ههه نهار شفتها الفوطو هزيتها و رحت ليه شوف شراهم يجيبو انت مجبتليش قاع ههه الميلكا يا بنتي عليا يديروها في شروط خخخخ

 

[قرصان الساحل]

رد: الخطبة عادت بالميلكا والسنيكرز ولامتقبل ست الحسن والجمال

واش ا القطبية والله مش عارف ادا صح ولات بالميلكا لخاطر كنت نعرفها غير في عيد الحب وزيد السنيكرز بلاك يديروه في الغدا تاع الخطبة خير انت مو انت وانت جوعان وزيد اقتصادي فكرة مليحة
ولو انا منحبش هاد الامور الله غالب سنة ما تصلح

​

 

[أم الأولاد]

رد: الخطبة عادت بالميلكا والسنيكرز ولامتقبل ست الحسن والجمال

السلام عليكم
لي عودة للرد على الموضوع
شكرا​

شكرا للاعتماد اخي في انتظار عودتك

 

[أم الأولاد]

رد: الخطبة عادت بالميلكا والسنيكرز ولامتقبل ست الحسن والجمال

هههههههههههههههههههههههههههه
السلام عليكم
واسم هدا كل مرة يجيبدو عادة
لالا هدي ماشي عادة مليحة سينية ميلكا وسنيكرز وووووووو
اهلا بيك اختي
ايواه قالك نيو عادة :p
وهدي واش تكون باش غي فالخطبة يروحلها كامل هاد الشي عيب وحرام علابيها ربي مراهش يسخرلهم التبدير يقلع من النهار الاول هههه ربي معاكم يا لي جون نتاعنا
زعم هي ست هانم :p:p:p:p
بصح تعرفي لوكان الناس متبعهمش والله تنقص بصح دروك تشوفي وحدة رايحة تخطب لوليدها وهي مسكينة وتقولك لالا جارتي تاني دات ميلكا بنت عمتي وووووو لالا حنا لازم نقاطعو هاد العادات الدخيلة
صح انا نعرف بلي فالاخطبة يدي حاجة حلوة معاهم كيما حنا فتلمسان يديو طرطة نهار الخطبة وخلاص
واسم نقولك يا الحبيبة رانا غي نزيدو نشوفو ايا من هنا رانا ناشدوكم يا لي جون كترو ميلكا باش تخطبو ههههه
نعم المشكلة في شعبنا لي يقلد بلاتفكير

ربي يهدينا لطريق الخير
ربي يسخر لعبادو
يارب يجيبلنا ساعة خير يارلاب
ومتنسايش تشوفي ميلكا فاحلامك كيما وصاك خطيبك ربي يسخرلك
تحياتي
امين ياااارب
مليكا حلمت بيها البارح :bravo01:
​

الف شكر عزيزتي

 

[أم الأولاد]

رد: الخطبة عادت بالميلكا والسنيكرز ولامتقبل ست الحسن والجمال

حبوبتي اخطبوط كالعادة مع مواضيعها الشيقة في عالم البحار
عالم البحار نضن شريط شايفاته في جزيرة
اهلا وسهلا كوكسينالة :p
كان حبيتي تروحي معايا للبحر ههه نغطسو كيف كيف في عالم سبونج بوب
عجبتني الفكرة من عند الباب كاين الشكلاطات و الحلويات و الgاطويات تفضلو مكانش تاني مكانش
نلعب ولا نحرم
اتفضلي انتي ارواحي تخطبي مع موالين العريس ههه وقوليلهم اعطوني نضوق
نعقل كانو يجيبو حبة ميلفاي و و حبات من بنات عمها كل وحدة دوق يروح الخاطب يخلي نار شاعلة انا ندي تاع فراس انا ندي المدورة تاع الشيكولة واحد مياكلها ههههههههه
درك شكلاطات
على سلامت الميلفاي تاع زمان هههههههه فكرتيني فيه كان سلطان الزمان يدوه في باط مزين بالخيط لصفر
تفكرت على هدي مرةفي عالم الفاسخوخات شفت صور لخطبة ليبية
جايبينلها مرشي كومبلي نضن من نتم كانت الفكرة
ربي يهدينا برك مي والله فكرة عجبتني سيرتو يجوك 5
كل واحد 5 سينيات *5
هههه جابولها جنان تاع ديسار وجنان تاع خضرا الله يبارك
25 سينية نولي محبوبة خواتاتي ههههههههههه
ههههه الله يبارك ويزيد تاكلوهم ميخلاصوش لعام حتان تكرهو منهم
ربي يسخرلك حبيبتي و يكملك بالخير

امين يارب شكرا اختي هبة

 

[أم منيــــــر]

رد: الخطبة عادت بالميلكا والسنيكرز ولامتقبل ست الحسن والجمال

احنا رايحين و نشوفو العجب
هاد الخير كامل لي حطيتيه تروح تحل بيه حانوت نتع الشوكولا و تبيعها و تشري بيهم روبا شابة تزيدها في جهازها
يا لطيف و الله الشي راه صعيب على الشباب و هما يزيدو يصعبو فيه
وين يحط راسو مسكين
احسن شي يضرب عن الزواج و يريح راسو
يعطيك الصحة و ربي يكمل لك بالخير
بلا ميلكا عليك و علاش واش بيها مينة هههه
​